Mbi universitetet private

[fisniku-student]

Kur behet nje akuze e caktuar,mbeshtetet dhe me fakte,ti fakte nuk solle.......apo si gjithmone,vazhdon avazi islamik i deklaratave ne tym.

Nese ti e konsideron Jeten si nje "Qerdhe" ateher kuptoje se te tjeret Jeten mund ta konsiderojnë si nje "Teater"....

Keshtu qe ti nga kendveshtrimi i qerdhes ku gjendesh veshtir mund ta kuptosh teatrin se si mund te duket...

Nuk po e zgjas me shumë,nese e kupton aforizmen e ketyre qe thash...

[BlueBaron]

... Nuk ndodh qe gjimnazistit te 5, "t'i vijne mend" dhe t'a kuptoje qe i duhet nje cope dipllome per jeten dhe te ulet e te studioje ??? Me thene te drejten "ne merhumet e emigrimit" kemi degjuar edhe te tilla raste, ku te vijn mendte e ulesh e meson pas dites se lodhshme te punes, megjithese ke qene 5 ne gjimnaz. Me falni per shprehjen vulgare, "Doktorri nuk te pyet si ke qene, por si je". Nuk do me thene se tjetri esht shkep ne 5 e 6 ne gjimnaz e duhet mos te kerkoj nje cop shkoll kur i vijn mendte, apo nota e gjimnazit eshte pasqyre e inteligjences dhe injorances ???

Lere pastaj po te flasesh per shteterorin e Tiranes, super-unin e Shqiprise ku ka lloj lloj matrapazesh e hajdutesh. Uni i Tiranes eshte abc-ja e korrupsionit dhe e hajdutllikut.

Per mendimin tim eshte gjynah te sulmosh punen e atyre "çunave e gocave" te UET kur s'ke baza e prova. Ndoshta dikush ka smire e inat per punen e tyre, ndoshta mund t'i zene vendin kush e di se ku ...

[Qyfyre]

Nga ana tjeter, kam degjuar qe dhe cilesia e mesimdhenies qe ofrojne keto universitete le shume per te deshiruar. Por ajo qe me cudit eshte se taksat vjetore qe aplikohen jane goxha te majme, te pakten krahasuar me nivelin e Anglise ku studjoj une. Psh ne Angli nje vit shkollor, per vendasit dhe banoret e BE-se, ne Oksford/Kembrixh/Imperial (tre me te miret ne Angli dhe ne mos gaboj ne 10-20 te paret ne bote) ndryshon ne rendin 3000-3500£ (=4300-5000 €). Mbase ne kete shifer ka ndonje financim dhe nga shteti nuk e di, por ne Tirane Universiteti i Nju Jorkut me sa di une eshte ne kete rend ne mos me teper. Kur fut ne peshore dhe diferencen e stermadhe mes cilesive perkatese te edukimit qe merr dhe shtrenjtesine shume me te madhe te Anglise, i bie qe tek ne universitetet private e rrjepin studentin-kllient dhe i ofrojne nje cilesi shume te dobet qe nuk e perligj aspak taksen e majme. .

me duket shume e ulet kjo shifer. Ne Amerike shkojne deri ne $40,000 e mos me shume ne vit.

Me ate cmim qe thua ti kushtojne kolegjet shteterore.

[geezer]

une nuk e lexova kete me nalt per kosov muna me than qe krejt po kryjn shkollen po mendoj ne ne universitete i ke 5000 euro edhe u kry ska problem ma aty , ke me perfundu me afat

[Doc_ERI]

Per sa koh qe ne shqiperi mos te ket nje shtet te rregullt mos pretendoni qe te ket gjera te tjera me rregulla pasi cdo gje vjen nga shteti...!
Nje ''shtet'' ne thonjza sepse nuk mund ta konsideroj te till ktu tek ne esht totalisht i ngrire ne veprimet e tij pasi ka gjera katastrofale ne vendin ton qe kan nevoj te madhe per doren e shtetit sepse korrupsioni ktu esht ne kulmin e tij.
Esht per te ardhur keq qe e vuajm te gjith kte por smund te ndryshoje vete nese nuk i degjohet fjala kujt.

[fisniku-student]

Ne kosovë jan rreth 30 Univerzitete Private....rreth 95% e ketyre gjenden ne Prishtinë...

[Edvin83]

Vete tregu do t'i nxjerre jashte loje shume nga keto universitete private. Pas 4 vjetesh nuk do te jene nje numer i madh i tyre pasi do te falimentojne ose thjesht nuk do te kete numer te mjaftueshme studentesh qe shkojne aty. PAstaj vete klientet do te shohin se cilet nga keta universitete ishin te suksesshme dhe do te bejne zgjedhjen e tyre.

[Dr Rieux]

marre nga TemA, 14 tetor 2007

Universitetet private, piramida me leje të Genc Pollos

Nga Alketa Alia

Sistemi piramidal i diplomave në universitetet private rrezikon të shkaktojë inflacionin më të madh të diplomave në vend. Gjithçka ndodh nën dijeninë e ministrit Pollo, duke e vënë kështu arsimin në dilemën më të madhe të cilësisë së studentëve që diplomohen nga këto universitete. Mungesa e kushteve dhe licenca mbi lista joreale pedagogësh janë dy prej të metave teknike. Ndërkohë që paradoski duket se vijon të ndihet e të bëhet edhe më i rrezikshëm për sistemin arsimor shqiptar, kur aplikantët më të dobët, të ardhur nga gjimnazet kthehen në diploma me dhjeta, duke përmbysur kështu çdo rregull dhe respekt mbi arsimin. “Jo vetëm kaq, por ky sistem rrezikon të kthejë në një fushë pa zgjidhje të ardhmen e arsimit, i cili, në momentin që duhej të futeshin universitetet private, duhej të kishte nisur ngjitjen dhe jo degradimin”, - thonë mjaft nga drejtuesit e universiteteve shtetërore, të cilët ndihen të kërcënuar, pasi, përveç manipulimit me stafin e tyre pedagogjik, është abuzuar edhe me lëndët, që janë ekskluzivitet i universiteteve shtetërore. “Në dëm të universiteteve shtetërore, por edhe të buxhetit të shtetit, është marrë vendimi për të kufizuar sistemin part-time për universitetet publike dhe për ta lejuar pa limit atë në sistemin privat, duke ndërtuar kështu një piramidë të rrezikshme për gjithë sistemin arsimor”, - thuhet në një raport të bazuar nga verifikimi i vendimit të Ministrisë së Arsimit dhe konfliktit me disa dekanë, mes të cilëve atë të Fakultetit Ekonomik, i cili ka denoncuar pranë Autoritetit të Konkurrencës këtë fenomen.

Kontrollet, s’publikohen rezultatet

Do të mjaftonte që ministri Pollo të bënte publike kontrollet që kanë kryer inspektorët e autorizuar prej tij në këto universitete që shqiptarët të mendoheshin edhe njëherë tjetër për shkollimin e fëmijëve të tyre te sistemi arsimor privat. Auditore pa asnjë laborator, tekste mësimore të huazuara nga lektorët e universiteteve publike, si dhe nota fiktive. Si për të plotësuar dyshimet e specialistëve, ka ardhur edhe dyshimi nga Komisioni Evropian, i cili, përmes një raporti, saktëson se “Nuk janë marrë masa për të kontrolluar cilësinë e arsimit privat”.

Vjedhja përmes sistemit part-time

Vjedha e hapur në kurriz të universiteteve publike e si pasojë edhe në kurriz të buxhetit të shtetit, ka ardhur nga lejimi pa kufizim i sistemit part-time te privati dhe kufizimi i këtij numri te shtetërori. Madje, Ministria e Arsimit nuk ka përfillur as kërkesat e dekanëve për numrin që mund të përballonin në këtë sistem. Pas heshtjes së kësaj proteste për shtrembërimin e konkurrimit, dekani i Fakultetit Ekonomik, Dhori Kule, i ka kërkuar Autoritetit të Konkurrencës që të hetojë lidhur me mënyrën sesi është marrë ky vendim. Pas disa korrespondencave, ka nisur verifikimi i kësaj kërkese. Por, në kohën që dukej se do të merrej një vendim në lidhje me këtë kërkesë nga ana e Autoritetit të Konkurrencës, ka ndodhur e kundërta. Gjithçka duket se është mbyllur pas një letre të zv/ministres Gjonaj, e cila kundërshton gjykimin e ndarjes së kuotave në bazë të ligjit “Për mbrojtjen e konkurrencës”. Pas kësaj letre, ky Autoritet ka heshtur, ndërkohë që disa drejtues janë ofruar pranë stafeve të Pollos për “misione të rëndësishme”.

Gjyq për të marrë në dorë listat e pedagogëve

Dekanit të Fakultetit Ekonomik, Dhori Kule, i është dashur të shkojë në dyert e gjykatës që të marrë në dorë listën e pedagogëve në universitetet private, që të identifikojë të punësuarit e fakultetit të tij, nëse kanë apo jo përplasje. Megjithëse asnjëherë nuk kishte marrë përgjigje negative për kërkesën e tij, në zyrat e Kules nuk kishte arritur kurrë lista me pedagogët. Vetëm pas një gjyqi që ka përfunduar në qershorin e këtij viti, (pas një viti kërkesash të vazhueshme të Kules në drejtim të ministrisë), është bërë e mundur që të deklarohen emrat, me të cilët universitetet kanë fituar licencën. “Një listë që rezulton fiktive, çka do të ketë pasoja për firmëtarët, por sidomos për ministrinë që ka toleruar me dashje shkeljen e konfliktit të interesit, pasi një titullar nuk mund të jetë njëkohësisht edhe në universitetin publik, edhe në atë privat”, - janë shprehur dekanët. Sipas tyre, kjo mënyrë ka dëmtuar rëndë autoritetin e arsimit publik, duke e vënë atë me dashje në shërbim të interesave të privatëve.

Kushtet- të gjitha janë shkelur

Një universitet privat, për të nisur funksionimin, duhet së pari që të ketë projektuar ngritjen e së paku dy fakulteteve, të cilat gjithashtu duhet të kenë në përbërje minimalisht nga dy departamente. Në bazë të ligjit të vjetër, çdo departament duhet të kishte 13 pedagogë të brendshëm (ligji i ndryshuar parashikon 7). Nga pedagogët e brendshëm, gjysma e tyre duhet të jetë me titull shkencor të gradës Doktor dhe Profesor i Asociuar apo Profesor. Pra, minimalisht, një universitet duhet të kishte së paku deri tani 52 pedagogë, nga të cilët, 26 duhej të ishin me tituj shkencorë. Por, në fakt, ç`ka ndodhur? Shumica e universiteteve private ka kërkesë për profesorë me tituj, ndërkohë që një pjesë që është shënuar në kërkesën për licencë nuk ka qenë pjesë e këtij stafi. “Mospublikimi i emrave të pedagogëve, me të cilët është marrë licenca, ka dëmtuar rëndë arsimin publik, pasi është abuzuar si me stafin, ashtu edhe me lëndët që i përkasin universitetit shtetëror”, - është shprehur Kule gjatë proceseve në gjykatë.

Pedagogë të brendshëm (pas verifikimeve)

1.Universiteti “Sevasti & Parashqevi Qiriazi” 4 pedagogë
2.Universiteti “Kristal” 9 pedagogë
3.Universiteti Europian i Tiranës 11 pedagogë
4.Universiteti “Justiniani” 7 pedagogë
5.Universiteti “Justica” 4 pedagogë
6.Universiteti “Marin Barleti” 7 pedagogë
7.Universiteti “UFO” 45 pedagogë

[Dr Rieux]

marre nga Tema 16 tetor 2007

Mision i dështuar politik në arsim

Nga Mero Baze

Ministri i Arsimit, Genc Pollo, ka arritur pas dy vitesh të krijojë probleme reale në raportet me botës universitare dhe qeverisë shqiptare, duke e çuar konfliktin në Gjykatën Kushtetuese dhe duke çuar në prag të kolapsit fillimin e vitit të ri universitar. Një sërë reformash të tij në një arsim të tejvlerësuar tinëzisht dhe të mosshqyrtuar kurrë seriozisht për dëmet që po i sjell sistemit arsimor në Shqipëri, po e bëjnë të paqartë debatin për opinionin publik, ndërkohë që po kontribuojnë në ngritjen e një sistemi piramidal në arsim.

Reforma e tij më e lavdëruar, ajo e Maturës Shtetërore, me disa modifikime që ka pësuar sivjet, po shkakton probleme banale në regjistrimin e studentëve në shkolla, duke detyruar studentët që meritonin të futeshin në universitetet publike, të drejtohen drejt atyre private, çka duket dhe një nga objektivat e kësaj reforme. Kështu, kapja pas prioritetit që caktojnë nxënësit ka bërë që në Fakultetin e Gjuhëve të Huaja të shpallen fitues në degën anglisht nxënës që kanë mbaruar rusisht dhe fitues në degën italisht nxënës që kanë mbaruar të mesmen për anglisht. Ky mishmash i prodhuar nga teknicienë mizorë dhe gjakftohtë, që synojnë të dëshpërojnë nxënësit dhe pastaj t’iu tregojnë si sekserë të rëndomtë dyert e universiteteve mashtruese private, tashmë është një akt i qartë korruptiv. Është akt korruptiv, pasi tregu i krijuar për universitetet private është artificial dhe i favorizuar nga diferencimi që bën “ligji Pollo” dhe mjedisi administrativ në këto momente në Shqipëri.

Së dyti, reforma e teksteve është një varr i hapur, e cila do të groposë brenda shumë vlera të shoqërisë shqiptare, të prodhuara nga arsimimi i brezave. Tekstet alternative për arsimin e detyrueshëm janë një masakër. Jo vetëm deri në klasë të 9, por deri në përfundim të arsimit të mesëm, tekstet duhet të jenë standard cilësor dhe të miratuara pas shumë tekstesh dhe projektesh pilot në ndonjë shkollë të veçantë të Shqipërisë. Më tej akoma, liberalizimi jashtë standardeve i përmbajtjeve ka bërë që të vërshojë mediokriteti dhe injoranca dhe tekstet e sotme shkollore të jenë një produkt amorf që nuk kanë më asnjë referencë reale me standardet bashkëkohore. Ato janë përzjerje e vjetërsirave të djeshme, injorancës së sotme dhe lakmitarëve për pará. Por, kryeskandali qëndron te shpërndarja dhe skema e kompensimit të tyre. Sipas kësaj skeme, nxënësit duhet të marrin një faturë dhe duhet ta dorëzojnë në drejtori arsimore për t’u kompensuar. Në fakt, shumica e nxënësve, për të mos thënë të gjithë, nuk marrin fare faturë ose nuk iu japin dhe drejtorët e arsimit, të cilët në shumicë janë njerëz të ministrit Pollo, janë të lirë të mbushin fatura sa të duan dhe të “vetëkompensohen” nga reforma skandaloze. Kjo, në një kohë, kur dhjetëra-qindra familje kanë hequr lekët e bukës për të blerë libra për fëmijë.

Dhe, së fundi, frika nga dështimi vjen prej universiteteve private, të cilat janë gjendur të gjitha në shkelje të ligjit nga kontrolli i ushtruar nga vetë ministri Pollo dhe aktualisht, nuk i është hequr licenca. Kjo bën që në disa nga universitetet private, si Universiteti Europian i Tiranës, universiteti “UFO” apo ai “Kristal”, ka oferta kriminale që studenti të parapaguajë tri vjet në shkollë, bilé, edhe duke të të thënë nën zë se ‘dy vite mos eja fare në shkollë’. Ky sistem që po prodhon injorantë prej injorantëve, po krijon një piramidë arsimore të rrezikshme në Shqipëri, pasi, jo vetëm që po zhvlerëson ato vlera arsimore që kemi arritur, por po i heq gurët e fundit konkurrencës dhe standardeve në fushën e arsimit. Vetëm këtë vit, zoti Pollo ka lejuar që për universitetet publike të ketë 400 vende në programin Part Time, kurse për universitetet private ky kufizim nuk ekziston. Nëse për universitetet publike ka hapa të lavdërueshme drejt autonomisë së botës akademike, në kioskat që quhen universitete private kjo liri nuk ekziston. Pronarët e tyre, në tërësi njerëz që e kanë kompleks mosshkollimin e tyre, bëjnë ligjin. Janë ata që marrin dhe heqin pedagogë, diktojnë pazaret për diplomat dhe e degradojnë çdo kuptim të fjalës universitet. Ndërsa për universitetet publike shteti jep pará dhe qëndron larg tyre, për universitetet private, ata që paguajnë pará, diktojnë mbi cilësinë dhe standardet e shkollës. Vetë raporti i MASH dëshmon se asnjë prej universiteteve private që është kontrolluar nuk është në rregull me ligjin.

Atëherë, pyetja është: Përse nuk mbyllen?

Këtu ka shumë përgjigje. Përgjigjja më e besueshme është, se Genc Pollo dhe stafi i tij janë paguar prej tyre për të mos i mbyllur. Shumë prej pazareve rreth privilegjeve që ai iu ka krijuar universiteteve-kioska në këtë rast janë të besueshme. Shumë zyrtarë të tij punojnë si sekserë për të çuar nxënës në këto kioska, ku shiten diploma, ndërsa qeveria hesht. Është një situatë e ngjashme si ajo e vitit 1995, kur piramidat e para denoncoheshin, por qeveria thoshte se nuk ka përgjegjësi për to. Tashmë, krimi po ndodh para syve të të gjithëve. Ka një masakrim të arsimit publik në emër të interesave të disa biznesmenëve që kanë investuar në universitete-kioska dhe po heshtet. Heshtja bëhet më e thellë, pasi një kategori e madhe të ashtuquajturish intelektualë dhe shoqëri civile janë të përzjerë me honorare në këtë masakër dhe kështu kompensojnë dhe deficiencat e tyre intelektuale, se quhen pedagogë. E gjithë kjo do të bëjë që pas disa vitesh do të na vijë turp të themi që kemi mbaruar universitetin në Shqipëri, pasi do barazohemi me çdo njeri ordiner që ka patur mundësi sivjet të parapaguajë tri vjet shkollë dhe të marrë të katërtin pa shkuar fare. Ky sistem piramidal po zhvillohet para syve tanë. Kush hesht sot, nuk ka kohë të kërkojë sërish falje për piramidat në këtë vend.

[Albo]

Kryeministri Berisha: Do të inkurajojmë investimet në arsimin privat, duke vendosur e respektuar standarde të larta

- Qeveria miraton hapjen e disa universiteteve të reja dhe zgjerimin e programeve të studimit për disa shkolla të larta.

Në mbledhjen e sotme, Këshilli i Ministrave miratoi hapjen e disa universiteteve të reja private dhe zgjerimin e programeve të studimit për disa universitete e shkolla të larta.

Duke e përshëndetur vendimin, Kryeministri Berisha u shpreh se investimet private në arsim janë të mirëpritura dhe inkurajimi i tyre një nga objektivat e Ministrisë së Arsimit dhe Shkencës.

“Universitetet dhe arsimi privat në tërësi, pavarësisht nga vështirësitë, - u shpreh Kryeministri - është shumë i mirëpritur. Në themel, ato përfaqësojnë rrugën më të mirë të rritjes së përqindjes së financimeve në raport me Prodhimin e Brendshëm Bruto në një vend. Në këtë kontekst, nuk ka asgjë më të rëndësishme sesa investimet private dhe inkurajimi i tyre në arsim dhe shëndetësi. Kjo duhet të jetë një nga objektivat kryesorë dhe misionet më të rëndësishme të këtyre ministrive.”

Kryeministri tha se qeveria do të kërkojë vendosjen dhe respektimin e standardeve në arsimin e lartë. Në këtë kontekst, ai bëri të ditur se brenda disa muajve, do të kontraktohet, me tender të hapur ndërkombëtar, një nga kompanitë më serioze europiane për të bërë klasifikimin me pikë të universiteteve publike e private.

“Unë jam i vetëdijshëm, - u shpreh Kryeministri - se ka edhe kritika ndaj këtyre universiteteve, por paragjykimi nuk shërben. Detyrimi i qeverisë është të kërkojë dhe imponojë standarde. Unë dua t’i siguroj qytetarët shqiptarë se brenda disa muajve do të kontraktohet, me tender të hapur ndërkombëtar, një nga kompanitë më serioze në Europë, që do t’i vendosë në vlerësim të pavarur si universitetet private dhe ato publike. Kjo sepse nuk mund të themi se shteti është i mirë dhe sektori privat për t’u mbikëqyrur, por do të bëjmë, në kushte të barabarta, klasifikimin e të gjitha universiteteve.”

Kryeministri vlerësoi se klasifikimi i tyre do ta bëjë procesin transparent dhe do të qartësojë qytetarët shqiptarë. “Në këtë mënyrë, do ta bëjmë procesin transparent dhe do të qartësojmë qytetarët shqiptare në lidhje me klasifikimin e tyre, duke u bërë të qartë se ky universitet nuk mund të funksionojë dhe prandaj futet në ‘listën e zezë’. E njëjta gjë edhe për degët publike, të cilat, në rast se vlerësohet se nuk mund të funksionojnë, do të futen në ‘listën e zezë’. Kjo shënon një hap shumë të rëndësishëm.”

Një tjetër kriter i rëndësishëm, i përcaktuar nga Ministria e Arsimit, përveç logjistikës, do të jetë edhe stafi akademik konstant i universiteteve, ku në çdo kërkesë për hapjen e një universiteti të ri, 2/3 e pedagogëve të tij duhet të jenë permanentë. “Universitetet nuk mund të bëhen me pedagogë udhëtarë, që udhëtojnë nga një universitet në tjetrin. Universiteti do të hapet vetëm kur të plotësohen standardet e vendosura, në rast të kundër, nuk do të lejohet hapja e tij. Në të gjitha shërbimet, qeveria ka dhe do të ketë vetëm një të drejtë, standardin, sepse me të ne mbrojmë interesin e qytetarit. Për të tjerat duhet të jetë shpirti më liberal i mundshëm.”

Krahas arsimit të lartë, Kryeministri kërkoi tërheqjen e vëmendjes së sektorit privat edhe në arsimin e mesëm profesional, duke siguruar se nga ana e saj, qeveria do të shohë mundësitë e një kuadri lehtësues financiar në këtë drejtim.

“Duhet të bëjmë çdo përpjekje për të zgjuar interesin e sektorit privat për arsimin e mesëm profesional. Përpjekjet janë të vyera dhe efikase, kur ato shoqërohen me masa e stimuj konkretë, me lehtësira fiskale dhe ndarje të buxhetit në partneritet publik privat. Qeveria i ka këto përpjekje, para së gjithash, financiare, prandaj duhet të shohim një kuadër lehtësues financiar për shkollat e mesme profesionale dhe mundësitë e ndarjes së ngarkesës financiare, si dhe çdo stimul tjetër,” u shpreh Kryeministri, duke kërkuar nga Ministria e Financave të shqyrtojë mundësitë e një qëndrimi të diferencuar ndaj investimeve private në arsim dhe shëndetësi.

“Sektori publik bëhet një konkurrencë e pandershme dhe e pamëshirë, ndaj investimeve private. Kjo duhet të mbahet parasysh. Ne jemi si qeveri për konkurrencën e lirë dhe të ndershme dhe besojmë tek ajo. Sot, revolucionin më të madh po e bëjnë shërbimet. Sado larg që të na duket, gjëja më e mirë është të ndjekim këtë trend, i cili ka vetëm një qëllim, ta vendosë qytetarin në qendër dhe konsumatorin në zgjedhje,” theksoi Kryeministri, duke e konsideruar këtë si thelbin e këtij trendi botëror.

Kryeministria
27/02/2008