Më duhen balada popullore.

[beratii]

po me duhet nje balad popullore , nese kish mujt me magjet dikush .

[MI CORAZON]

po me duhet nje balad popullore , nese kish mujt me magjet dikush .

Met ni nanë me dy jetima


Met ni nanë me dy jetima,
shkon tuj lip gjithmonë e mjera,
shkon tuj lip e tuj kërkue,
djemve vetë bukë me i çue,
me i rritë djelmt,qyqja,m'i burrnue.
Kur janë ba djelmt ka 'izet vjeç
pyet e kanë nanën e vet:
- Çfarë zanati ka pasë baba?
A e ka pasë zanat trimninë?
A e ka pasë zanat bulkinë?
A e ka pasë zanat gjahtinë?
- Amanet,bir,ma ka lanë,
mbrapa gjahnë mos me e marrë,
qatje kriet e ka lanë.
Di zagarvet u kanë fishkllue.
- Dy bukë t'vogla,nanë,me i gatue!
Armt e krahut më i shtrëngue!
Janë nisë djelm,n'bjeshkë m'kanë shkue.
Kur kanë dalun nalt n'at bjeshkë,
kanë hasë djemt në ni krue.
Janë ulë djelmt me pushue,
me ngranë bukë ja kanë fillue,
prej rreziku mos me pshtue,
po na vjen ni plak me i grue,
plaku përpara tuj kënue,
nusja mrapa tuj vajtue.
Prit ç'po thotë nusja n'vajtim :
- Ju,moj bjeshkë,mos bjeshkojshi,
lule m'juve mos lulzoshi,
dele m'ju mos kulloçi,
ku s'u gjet hije me nejtë,
ku s'u gjet pikë uji me pi,
ku s'u gjet gjahtar me gjue,
me vra plakun,me m'marre mue!
Me di pushkë plakut ja lshuen.
Janë nisë djelmt me marrë at grue.
Ka thanë njeni:- E marr un!
Po thotë tjetri:- S'e lshoj për t'gjalle!
Ka hekë pushkën,ka vra të vllanë.
- Tha: Ça bana,more i marrue?
Kur në shpi ti ke me shkue,
nanës tane ti ke me i tregue:
- Vrava vllanë me marrë ni grue.
Atherë djali asht penue,
lot për faqe na i kanë shkue,
hoqi thikën veten coptue.
Iu ka hudhë gruja e i ka vajtue:
- s'kam qenë nuse me u martue,
kam qenë zanë me u zanue,
e ni pikë më pikoftë mue!

(Gojan-Mirditë)

[Brari]

shum e bukur kjo..

sigurisht qe populli nuk ben dot poezi.. por dikush individualisht e ka bere..
do ishte shum interesante te dihej autori..
nje mrekulli..

thx korason..

[MI CORAZON]

Exactly, te njejten gje mendova edhe une kur e postova , Brar. Edhe jo vetem per kete balade, por edhe per shume te tjera.