Vdes fermeri nga virusi I lopes se cmendur, Greqia ne alarm

[RaPSouL]

Pacienti, nje 47-vjecar ndodhej per me shume se nje muaj e gjysme ne spitalin e Verias ne gjendje kome dhe ka me shume se 3 dite qe ka vdekur

Greqia vihet ne alarm pas vdekjes, 3 dite me pare, te nje pronari ferme ne Veria, nga virusi i lopes se cmendur. Infektimi i pronarit te fermes ne Greqi eshte mbajtur sekret per rreth nje vit nga autoritetet shendetesore. Sipas televizionit shteteror grek, diagnoza e semundjes ne Pacientin perkates ishte bere qysh prej nje viti dhe ne fermen e tij ishte kryer nje kontroll I rrepte nga organet veterinare, por nuk ishte gjetur asnje shenje e ketij virusi ne lopet e ketij fermeri. Sipas agjencive te tjera greke, te cilat nuk I japin rendesi te vecante rastit ne fjale, behet fjale per tipin normal te virusit, dhe jo ne ate te shnderrimit te tij ne virusin qe shkakton semundjen e lopes se cmendur dhe trasmetohet nga kafshet te njeriu me ane te konsumimit te mishit te infektuar. Pacienti, nje 47-vjecar ndodhej per me shume se nje muaj e gjysme ne spitalin e Verias ne gjendje kome dhe ka me shume se 3 dite qe ka vdekur, por vetem sot lajmi behet I ditur nga mediat greke. Diagnostikimi ishte bere nje dite me pare ne kliniken qendrore te nje spitali te Selanikut, ku edhe u kurua ne fillimet e semundjes se tij. Pacienti ne fjale kishte shfaqur simptoma te tilla si humbje te kujteses, sjellje e pakontrolluar dhe humbje te fuqise.

Balkanweb.

[no name]

"Lopa e çmendur" shfaqet në Ballkan, frikë në Shqipëri

Në Greqi vdes fermeri i infektuar nga virusi vdekjeprurës. Në Kosovë ngordhin 6 lopë. Ministri Gjana: Nuk ka rrezik

Në vendet fqinje me Shqipërinë, Kosovë dhe Greqi janë shfaqur raste të dyshuara për sëmundjen e "lopës së çmendur". Duke marrë parasysh afërsinë gjeografike me këto dy vende, por edhe kontrollin e kufijve tanë, ku kontrabanda e gjësë së gjallë është mëse e zakonshme, specialistët lëshojnë alarmin për marrjen e masave të shpejta parandaluese. Megjithatë, ministri i Bujqësisë, Ushqimit dhe Mbrojtjes së Konsumatorit, Jemin Gjana, i pyetur nga "Shqip", tha se vendit tonë nuk i kanoset një rrezik i tillë. Sipas tij, nuk ka asnjë informacion që të konfirmojë se në vendet fqinje ka vatra apo rrezik të sëmundjes së "lopës së çmendur". "Në Kosovë nuk ka raste të shfaqjes së sëmundjes së lopës së çmendur. Unë kam qenë atje gjatë javës së kaluar dhe nuk ka pasur raste të tilla. Dy ditë më parë, në Reç të Malësisë së Madhe jam takuar me ministrin e Bujqësisë së Kosovës. Ai nuk ka pasur një shqetësim të tillë", këmbënguli ministri Gjana.


Në Kosovë

Megjithatë, njoftimet që vijnë nga Kosova bëjnë fjalë për ngordhjen e disa lopëve në më pak se një muaj. Sipas shtypit kosovar, shumë lopë në Skenderaj po vazhdojnë të sëmuren nga një sëmundje misterioze. Ato humbasin kontrollin dhe veprojnë

çuditshëm. Veterinerët nuk kanë arritur t‘i qetësojnë ato. Deri tani 6 lopë kanë ngordhur, ndërsa banorëve u ka hyrë frika.

Gjithnjë sipas shtypit kosovar, sëmundja akoma nuk është zbuluar. Por sipas shenjave që kanë paraqitur lopët, humbje e kontrollit, rënie dhe më pas ngordhje, bëhet fjalë për një sëmundje të rëndë. Për shkak të ndjeshmërisë në popullatë, veterinerët duket se kanë frikë ta përmendin emrin e sëmundjes, së për nga shenjat duket si ajo e "lopës së çmendur". Sipas raportit të veterinerëve vendas, lëvizja dhe ngritja e lopëve në këmbë, ishte vështirësuar. Sëmundja manifestohet me urinë dhe jashtëqitje me gjak, si dhe u del shkumë nga goja në sasi të madhe. Temperatura arrin në mbi 43 gradë, që konsiderohet shkallë jashtë normales. Autoritetet e ministrisë së Bujqësisë në Kosovë janë shprehur se gjithsesi është ende herët për të nxjerrë përfundime lidhur me shkakun e ngordhjes së gjashtë lopëve.


Rreziku

Megjithatë, ministri i Bujqësisë, Gjana, thotë se nuk ka asnjë informacion të tillë dhe këmbëngul se Shqipërisë nuk i kanoset asnjë rrezik i tillë. Ai sqaron procedurën si dhe përditësimin e informacionit në uebsajtin e organizatës ndërkombëtare (OIE), e cila informon të gjitha vendet anëtare, mes tyre edhe Shqipërinë, për vatrat e sëmundjeve veterinare në botë. "Pas çdo informacioni që bëhet publik nga kjo organizatë, unë si ministër nxjerr urdhra për bllokimin e importit të mishit nga çdo vend, ku raportohen sëmundje të tilla", u shpreh Gjana për "Shqip", me sigurinë se nuk ka asnjë rrezik nga vendet fqinje për sëmundjen e lopës së çmendur apo për ndonjë diagnozë tjetër veterinare. Gjithsesi, rastet e fundit të kontrabandës së gjësë së gjallë nga Tropoja drejt Kosovës apo nga Dibra drejt Maqedonisë dhe anasjelltas krijojnë janë "rrugë" të pakontrollueshme që rrisin jo pak rrezikun e "lopës së çmendur" edhe në Shqipëri.


Në Greqi

Ndërkaq, virusi vdekjeprurës është shfaqur dje në Greqi. Vdekja e një fermeri, dje në mëngjes, në qytetin Veria, në veri të Greqisë, prej sëmundjes së "lopës së çmendur", ka shkaktuar panik tek banorët e qytetit verior. Sipas televizionit shtetëror grek NET, i infektuari, emri i të cilit nuk bëhet publik, është rreth 50 vjeç, baba i tre fëmijëve. Ai ishte pronar i një ferme lopësh në një zonë 30 kilometra larg Verias. Sipas televizionit grek, fermeri nuk kishte pasur asnjë kontakt me bagëti të ardhura nga jashtë Greqisë. Ai konsumonte vetëm mish dhe nënproduktet e tij, që i prodhonte në fermën e tij. Vdekja e tij ka alarmuar shërbimin veterinar vendas, që ka ndërmarrë një fushatë kontrolli në të gjitha fermat pranë, por pa asnjë rezultat konkret. Ferma e blegtorit ishte vënë në karantinë një vit më parë dhe të gjitha bagëtitë u asgjësuan. Në karantinë u mbajtën edhe familjarët e tij, por fatmirësisht, shenjat i virusit vdekjeprurës nuk u shfaqën tek ta. Edhe zv/ministri grek i Bujqësisë, ashtu si ai shqiptar ka qetësuar konsumatorët. "Produktet blegtorale dhe bujqësore greke janë të sigurta", deklaroi ai. "Pas publikimit te lajmit për vdekjen e fermerit, është lajmëruar edhe drejtoria përkatëse në Bruksel", tha zyrtari i lartë grek, duke shpresuar që nuk do të ketë embargo për produktet vendase.



SEMUNDJA

"Lopa e çmendur" është një ndër 20 sëmundjet vdekjeprurëse. Ajo është zbuluar në vitet ‘20 të këtij shekulli si gjendje e rëndë që prekte moshat e vjetra. Sëmundja e quajtur ‘Creutzfeldt-Jacob disease‘ është forma njerëzore e sëmundjes, të cilën tek kafshët e quajnë sëmundja e "Lopës së çmendur" (BSE ose mad co disease). Por në vitin 1996, Grupi Special Kombëtar për monitorizimin e kësaj sëmundjeje (CJD) në Britaninë e Madhe identifikoi një tip të sëmundjes së panjohur më parë nga shkenca, variant i ri i CJD, ku mosha mesatare e viktimave ishte 29 vjeç. Janë gjetur lidhje me ekspozimin, ndoshta nëpërmjet ushqimit, një sëmundje e ngjashme si tek lopa e quajtur ‘Encefalopatia Spongjiforme Bovine (BSE - Bovine Spongiform Encephalopathy ose Sëmundja e Lopës së Çmendur). Në fillim të kësaj sëmundjeje, pacienti kalon në depresion dhe një ndjenjë të çuditshme. Më pas ka humbje të ekuilibrit dhe, në stadin e vdekjes, i sëmuri thuajse e ka të pamundur reagimin dhe bëhet memec. Sipas mjekëve, sëmundja është fatale 100% dhe nuk ka shërim.


RASTI I PARE

Rasti i parë i sëmundjes së lopës së çmendur për këtë vit u konfirmua në Kanada nga ekspertët, në një fermë, në provincën e Albertas, në shkurt 2007. Lajmi u dha zyrtarisht nga Agjencia për Kontrollin Ushqimor. Sipas drejtuesve të saj, "kafsha kishte ngrënë në vitet e para të jetës ushqime të infektuara". Kjo sëmundje fillimisht është shfaqur në Britani në vitin 1980, por tani virusi është përhapur në kontinentin evropian, veçanërisht në Francë e Gjermani. Sëmundja e lopës së çmendur ka shkaktuar vdekjen e më shumë se 100 personave në Angli dhe në Francë. Sipas ekspertëve, vendet duhet të marrin masa të shpejta e të rrepta jo vetëm për kontrollin e produkteve dhe nënprodukteve të mishit në ngarkesat zyrtare, pra atyre që kontrollohen në doganë, por edhe të kufijve midis shteteve, ku rreziku më i madh vjen nga kontrabanda e gjësë së gjallë.



Gazeta Shqip

[Labi_shkup]

ishalla nuk vjen ne Shkup

[JestersWorld]

po pra ishalla nuk vjen tek lagjia 1 tiron. lol

Aftesi befasuese per te mos kurptuar permasat e lajmit. Respekte!!!