ska fie dyshimi se pas ati qe i Çliroi nga roberija shekullore serbe pra pas z.Hashim ThaçitPostuar më parë nga Kreksi
ska fie dyshimi se pas ati qe i Çliroi nga roberija shekullore serbe pra pas z.Hashim Thaçit
Do t´i luftoj spiunet dhe tradhtaret e kombit deri ne vdekje.
Dhe, prej “patriotëve” më të mëdhenj e më të “zëshëm” “shqiptarë” ka shumë “burra të mirë” që e kanë mizën titiste pas veshi, madje, një kategori e tyre kanë shumë miza pas veshëve të tyre “shqiptarë”, për çka, sot, fatkeqësisht, shqiptarët i kanë punët kështu e kësisoji, plotësisht pus, falë të përzgjedhurve të tyre negativë nëpër shekuj, gjeneratë pas gjenerate, nga pushtues të shumtë e dinakë, prandaj, na ka pllakosur e keqja kështu dhe në këtë masë e shtrirje brengosëse. Përzgjedhja e atyre e këtyre “mimozave shqiptare” është bërë me kritere të larta dhe me shosha e sita nga më të imtat, të pushtuesve, duke përgjedhur dhe shumuar gjithmonë bimën më të ligë, kulmin e egjrës së popullit shqiptar. Dhe, përzgjedhja është bërë, në radhë të parë, duke filluar nga politika, me ata nga më servilët e më poltronët, sidomos, në trojet e pushtuara shqiptare, ku ka dominuar një kriter i veçantë dhe unikat i përzgjedhjes negative, e cila ka vazhduar përzgjedhjen e vet negative gjeneratë pas gjenerate, deri në ditët tona dhe sot.
E, sot, po ata e këta “burra të mirë shqiptarë”, ata e këta “patriotë” e rrahagjokës të radhëve të para, ata e këta angërdufë detesh e plazhesh të paanë botërore, të të gjitha fushave shoqërore të shqiptarëve, merren ende për më të mirët, kur vepra e tyre “madhore” nuk meriton të quhet ndryshe pos: tradhti kombëtare, Sepse, po ata e këta “patriotë” e “burra të mirë”, kundërligjërisht, kanë përvetësuar e po përvetësojnë gjithçka shqiptare (mjete financiare, pasuri të tundshme e të patundshmëri tjera), gjithnjë, sipas “kritereve” të tyre mafiozo-“shtetërore”, kulimoklanore e krahinore, gjithmonë, në kurriz të atdheut e të popullit shqiptar
Po, ç‘politika shqiptare janë të gjitha ato “politika” që pamë deri dje dhe këto që po i shohim e po ndiqen edhe sot, pikërisht, prej të përzgjedhurve “tanë” negativë nëpër shekuj?(Sic!)… Madje, ç‘politikë mund ta quajmë “politikën” e “Grupit të Unitetit”
meqenese per ti Llap kosova qenka e cliruar????, oreee debil?
Nese eshte e bere me dashuri, asgje nuk eshte mekat.
Përderisa partitë politike vazhdojnë aktivitetet e tyre parazgjedhore me thirrje për votim, Lëvizja “Vetëvendosje” po vazhdon me fushatën e saj kundër këtyre zgjedhjeve. Përfaqësuesi i kësaj lëvizjeje Glauk Konjufca, tha se këto zgjedhje janë mohim i vullnetit politik të popullit dhe vazhdim i përkeqësimit të gjendjes në përgjithësi.
Kësaj radhe para pallatit të Rinisë aktivistë të Lëvizjes “Vetëvendosje” edhe njëherë u bënë thirrje qytetarëve të Kosovës që të mos dalin në zgjedhje, me arsyetimin se këto zgjedhje janë të kota, duke i ftuar njëkohësisht qytetarët që të jenë të gatshëm për demonstrata masive derisa sa të fitohet, sipas tyre, e drejta për realizimin e referendumit për liri
Nese eshte e bere me dashuri, asgje nuk eshte mekat.
POPULL SHQIPTAR I KOSOVES KRESHNIKE !
BOJKOTO ZGJEDHJET PER PUSHTET PA SHTET !
Nese eshte e bere me dashuri, asgje nuk eshte mekat.
me quan debil perse them se Kosova eshte e Çliruar qka me te vertet eshte nga serbi
por pak te dha te drejt se prej mbeturinave te fundit te serbo-maqedonase siq je ti ende jo nuk e kemi pastrue krejt
por edhe juve do tu vie rendi
Do t´i luftoj spiunet dhe tradhtaret e kombit deri ne vdekje.
A thua ku hupi AKSH-ja si shurra e pules
u fut ne birucen e fadil hoxhes
a thua perse i thrret popullin e kosoves per ti bojkotue zgjedhjet
mos per tu pregadit per luft qe do ti prin ata HaHaHa
u pa dje ne malsin e tetoves si e vetquajtura ushtria e gafurr agallares si ju shkoi ne ndihm shqiptarve
ku meten p.... i kan fut vesht ne lesh
o mjeret ata qe u besoin
Nuk e di ne e ka postuar njeri tjeter kete , por nqs po le te fshihet.
Lideri politik i AKSH-së Gafurr Adili kërcënohet me atentat
Burime për agjencinë e lajmeve INA bëjë të ditur për organizimin e një atentati ndaj Gafurr Adilit, një nga liderët politik të Armatës Kombëtare Shqiptare (AKSH). Adili ka pranuar për agjencinë se është kërcënuar dhe ka njohuri për këtë, por sipas tij po vazhdojnë pistat e hetimit.
Sipas njoftimeve për INA, plani për realizimin e atentatit ishte përgaditur të kryhet në Tiranë, ku është edhe vendqëndrimi aktual i zëdhënësit politik të Frontit për Bashkim Kombëtr Shqiptar (FBKSH), në kuadër të së cilit është edhe AKSH.
"Jemi njoftuar për këtë paralajmërim dhe strukturat tona gjegjësisht Sigurimi Kombëtar Shqiptar(SKSH) po merren me hetime", ka theksuar për INA, Gafurr Adili.
Një nga pistat e dyshimeve nga burime brenda SKSH dyshohen strukturat e shërbimit sekret serb dhe qarqe greke që janë të pranishme në Tiranë.
"Kam deklaruar se nuk më trembin plumbat e armiqëve sllavo-grek.Lus zotin që ekzekutori të mos jetë shqiptar", ka theksuar Adili për agjencinë e lajmeve INA.
Burime pranë qeverisë së Kosovës thanë sot se këto kërcënime janë pjesë e skenarit për të destabilizuar rajonin në prag të përcaktimit të statusit të Kosovës.
/Botuar më: 16 Nov 2007/F.F. në www.lajmet.com
Per mendimin tim, nuk e di se sa e besueshme eshte per punen te ketyre sherbimeve sekrete greke e serbe lidhur me gafurrin.... ketyre vertet u intereson destabilizimi, por nqs i vrasin (gafurrin ose ndonje tjeter si pune e tij), atehere me ke do ta destabilizojne?!
Shqiperia ka rreshtur se ekzistuari qe kur jevgjit i thane vetes "shqiptar".
xfiles
hey AKSH JU JENI ME TE MIRET SKA ME JUVE UNE JAM ME JUVE EDHE LE TE KRENOHET KOSOVA ME JU AKSH
Me respect:Pookerss
Gafurr Adili flet për gazetën "Koha"
Serbia e interesuar për destabilizim
Bisedoi Vedat MEMEDALIU
Koha: Thoni se jeni përfaqësues politik dhe zëdhënës i FBKSH, dhe krahut të saj ushtarak AKSH. Kush janë këto organizata?
Adili: FBKSH është një formacion mbarëkombëtar politik që shtrihet në të gjitha hapësirat shqiptare, ku bukës i thonë bukë dhe ujit ujë. Ka formacionet e veta, ndërsa vepron edhe në mërgim. Diku është më e organizuar e diku më dobët. Ka një platformë të miratuar në vitin 2002 në Tiranë, ku edhe është realizuar Kuvendi Themelues, platformë kjo që thekson se FBKSH është një bashkim forcash politike, shoqatash joqeveritare, shoqata të intelektualëve dhe masa e gjerë e popullit shqiptar, pa dallim feje, krahine dhe gjinie. Po ashtu, FBKSH në platformë definohet si formacion që vepron, punon dhe kujdeset për të gjitha trojet shqiptare në një shtet të vetëm kombëtarë në Ballkan me emrin Shqipëri. Ndërkohë, AKSH ka qenë e themeluar më herët, më 4 dhjetor të vitit 1999 në Podujevë, menjëherë pas demobilizimit të Ushtrisë Çlirimtare të Kosovës, edhe atë si pakënaqësi e vendimit të udhëheqësisë së luftës në Kosovë. Si çdo ushtri që nuk ka platformë politike dhe program, as AKSH nuk i ka këto, ndërsa ka vetëm rregullore organizative. Ndryshe, FBKSH është trupi, AKSH është dora e djathtë, konkretisht krahu ushtarak, dora e majtë është shërbimi inteligjent që quhet Sigurimi Kombëtar Shqiptar, ndërsa këmbët janë mjetet, gjegjësisht Fondi i FBKSH-së. Platforma e FBKSH tregon qartë se një Këshill i këtij formacioni, në moment lufte obligohet të nxjerrë një skuadër ushtarësh.
Koha: Kush janë bashkë*veprimtarët e tu. A ka ndonjë emër të njohur?
Adili: Bashkëpunëtorë dhe veprimtarë kemi shumë. Këtu e theksoj kryetarin e FBKSH-së, Bashkim Mitrovica. Është me të vërtetë nga Mitrovica, emrin e ka Bashkim, por vetëm mbiemrin e ka marrë sipas vendlindjes. Është doktor i shkencave diplomatike, 35 vjeçar ndërsa është organizuar në vitin 2002. Është bashkëluftëtar i Islam Berishës. Përveç aktivistëve dhe bashkë*punëtorëve këtu, kemi edhe korin diplomatik në perëndim. Në secilin shtet kemi përfaqësuesin kryesor, si në Gjermani, Zvicër, Londër e Amerikë...
Koha: Me çka jetoni? A punoni ndonjë punë?
Adili: Me se jetoj? Unë jetoj me 1000 franga në muaj, të cilat mi dërgon djali nga Zvicra. Familjen e kam në Zvicër, ku më punon gruaja dhe djali i madh. Ato pare më dalin për të jetuar. Qira të banesës nuk paguaj, pasi vite më parë e kam blerë një banesë të vogël në Tiranë dhe kjo më ka shpëtuar. Në mërgim dua të them se kam punuar, madje kam mbajtur edhe dy ndërrime. Punën e kam pasur në fabrikë. Por u sëmura dhe u dobësova për nga shëndeti, atëherë qeveria zvicerane ma dha pensionin invalidor. Pensionin e kam marrë nga viti 1998 deri në fillim të vitit 2004, kur Parlamenti Zviceran mi tërhoqi dokumentet dhe bashkë me to, edhe pensionin. Tani jetoj me paratë që mi dërgon djali. Dua të them se "150 mijë euro" i kam dhënë për AKSH-në. E dini pse? Sepse unë, sikur rilindësit tanë që kanë vepruar, ashtu mundohem të veproj edhe unë.
Ata e kanë shkrirë pasurinë për Shqipërinë, ndërsa politikanët e sotëm, shkrijnë Shqipërinë për të pasuruar vetë.
ME AHMETIN U NDAMË NË VITIN 1985
Koha: Keni vepruar në ilegalitet gjatë qëndrimit tuaj në perëndim. A njiheni me Ali Ahmetin dhe udhëheqësit e ish-Ushtrisë Çlirimtare Kombëtare?
Adili: Aliun e njoh që më herët, jo nga viti 2001. Që në vitin 1981 kemi qenë bashkëpjesëmarrës në demonstratat 26 marsit në Kosovë. Atëherë si studentë të Prishtinës nga Kërçova. Bashkërisht kemi qenë pjesëtarë të Lëvizjes ilegale. Pastaj deri në vitin 1985 në Zvicër kemi qenë bashkë në një rreth të Lucernit. Ndërkohë, ndarja jonë në rrafshin politik nuk është bërë në vitin 2001, por në vitin 1985. Atëherë unë kur shkova në Zvicër, atje ishin dy lëvizje - njëra me adresë e tjetra pa adresë. Alia, Fazliu dhe Musai ishin te Lëvizja pa adresë. Këtu ka qenë edhe Emrush Xhemajli, Avni Dehari dhe disa të tjerë. Kjo lëvizje tani vazhdon në Kosovë me emrin LPK. Ky grup në atë kohë nxirrte "Zërin e Kosovës", por nuk e mbaj mend mirë se cili ishte në krye. Mendoj se ishte Fazliu. Unë nuk kam marrë pjesë në këtë Lëvizje pa adresë. Kam pasur miqësi dhe shoqëri të ngushtë me Lëvizjen me adresë, në krye të së cilës ishte Hasan Malaj, pastaj kam njohur mirë edhe gruan e Kadri Zekës - Saimen dhe shumë pjesëtarë tjerë të lëvizjes në fjalë.
Koha: Çka ndodhi mes jush dhe Ahmetit në vitin 1985?
Adili: Fillimisht kisha oferta nga të dyja Lëvizjet, por nuk e zgjodha asnjërën pasi mes tyre zhvillohej një luftë e tmerrshme. Them luftë pasi kur shkoja te Aliu, ky i shante ata të Hasan Malajt. Thoshte se janë UDBA-sh. Kështu ishte edhe me grupin tjetër. Ata njëjtë sikur Aliu, thoshin se grupi i Fazliut, ku ishte edhe Ali Ahmeti janë të Serbisë dhe bashkëpunëtorë të UDB-ës. Këto luftonin më shumë njëra tjetrën, se sa kundër armikut. Si pasojë, ranë dhe u arrestuan 360 aktivistë në vitin '85 si në Kosovë, Maqedoni dhe Mal të Zi. Këta u arrestuan pasi të dy grupet lavdëroheshin se ai është me ne dhe jo me ata e anasjelltas, ndërsa UDB u kishte hyrë në krye dhe i zbuloi. Ishte një dëm i madh për Lëvizjen ilegale. Hasan Malaj më propozoi që të jem njeriu i dytë i Lëvizjes, atëherë unë e pyeta për platformën, se cili është aktiviteti kryesor i kësaj Lëvizje, Kosova Republikë apo vetëqeverisje administrative. Pastaj kam biseduar edhe me shokët e Lëvizjes pa adresë, ku bënte pjesë edhe Alia. Ata si primare e kishin Republikën e Kosovës me të gjitha trojet, pasi mendonin se Jugosllavia do të prishet vetëm në tri Republika. Pra, qëllimi i parë dhe i fundit ishte Republika, me çka unë nuk u pajtova dhe vazhdova pastaj me të tjerët. Për mua Republika mund të ishte taktikë luftarake, por Republika po të avancohej duheshte bashkimi kombëtar. Kjo ka qenë në njëfarë mënyre arsyeja pse u ndava me Aliun.
Por ajo më e forta ishte lufta mes dy grupeve, që unë nuk munda të përballoj ose të bëhem pjesë e saj. Unë s'munda t'i përkrah ata që thoshin se edhe gruaja e Kadri Zekës është UDBA-she. Si rezultat i kësaj, e themelova një organizatë bashkë me disa shokë që nuk donin të ishim pjesë e dy grupeve. Organizata emrin e kishte "Grupi Revolucionar Shqiptar", ndërsa në platformë e kishte bashkimin kombëtar.
Koha: Çka mendoni për luftën e vitit 2001 në Maqedoni?
Ka mendime të ndara në mesin e partive politike shqiptare në Maqedoni. Për BDI-në, ajo u bë për të drejtat e shqiptarëve, ndërsa për PDSH-në, se lufta u bë për marrjen e pushtetit?
Adili: Për luftën e vitit 2001 jam prononcuar disa herë, por edhe në vitin 2001, atëherë kur edhe filloi. Nëse flasim për këtë luftë, unë kam thënë se Ali Ahmeti duhet të futet në Librin e Ginisit. Nuk e di pse deri tash nuk ka ndodh kjo, ose nuk ka vend për të. Këtë e arsyetoj me fakte. Nuk kam inate me asnjë njëri, hiç më pak me ndonjë shqiptar. Unë e njoh historinë, dhe nuk kam dëgjuar ndonjëherë që të formohet një ushtri çlirimtare dhe të kap pushkët për çlirim të atij vendi, e më vonë të dalin e të deklarojnë se ne kemi luftuar për ta mbrojtur atë shtet. Kështu ndodhi në Maqedoni. Pra, në Maqedoni u formua një ushtri çlirimtare kombëtare, e më vonë doli se e njëjta paska luftu me mbrojt integritetin dhe sovranitetin e Maqedonisë. Tash shtrohet pyetja: Nga kush u kërcënua Maqedonia dhe ushtria e saj? Kush e sulmoi Maqedonisë që UÇK u desh ta mbrojë? Nga kjo del se Maqedonia nuk paska pas ushtri e polici me mbrojt veten, por falë Ali Ahmetit ky shtet akoma po ekziston?! Për këtë arsye ai duhet të futet në Librin e Ginisit. Ndërkohë, historia e luftës në Maqedoni vjen nga Kosova, por jo kështu si ndodhi.
Pastaj, është mendimi im dhe këtë e mbështes, lufta në Maqedoni u bë pasi shumë pjesëmarrës në luftën e Kosovës dhe Preshevës mbetën jashtë institucioneve. Ahmeti me siguri ka menduar se pasi nuk zuri vend në Qeverinë e përkohshme, që unë e quaj Qeveri qejfi e Kosovës, dhe me ndikimin e Fazliut ndodhi ajo që ndodhi. Shkurt, lufta e vitit 2001 në Maqedoni u bë për pushtet.
KEMI PUSHUAR AKTIVITIN E AKSH-së NË MAQEDONI
Koha: E njihni personin me emrin Ergon Berisha, pasi ky kohë më parë u paraqit si themelues dhe komandant i AKSH-së?
Adili: Ergon apo Alban Berisha edhe sot e kësaj dite nuk e di se cili është i vërteti. Më kanë thënë që është nga Tropoja, dhe dikur paraqitej si zëdhënës i AKSH-së me do far shqiponja të Sharrit. Këtu u ngatërrua edhe Nevzat Halili me do organizata si AKSH-ARI (Armata Republikane e Iliridës) ndërsa shpërndanin disa emblema poshtë e lart. Është e vërtetë se na kanë goditur faqet zyrtare tona nëpërmjet disa hakerave dhe na kanë prishur shumë punë në atë kohë. Pat kërkuar takim me mua në Gjermani, por unë i pata thënë se nuk takohem me rrugaçë, ndërsa personalisht nuk e njoh. Aq shumë bënin dëm, sa që rrezikuan që AKSH-në ndërkombëtarët ta shpallnin si organizatë terroriste.
Koha: A ka AKSH në Maqedoni dhe nëse po, ku janë pjesëtarët e saj?
Adili: Në Maqedoni në fakt kemi dy Divizione, njëri me emrin "Tahir Sinani" ndërsa tjetri me emrin "Adem Jashari", ndërsa në çdo qytet kemi Këshillat e Frontit. Me gjithë këtë, në vitin 2004 kemi shpall detantin për pushimin (vendimin) e AKSH-së, sepse kemi gjykuar dhe vazhdojmë të gjykojmë se aktualisht nuk nevojitet riaktivizimi i tyre. Vetëm Divizioni "Adem Jashari" numëron 12 mijë trupa...
Koha: 12 mijë trupa? Edhe Fazli Veliu ka deklaruar se i ka në disponim 12 mijë ushtarë. A mos jeni duke i numëruar edhe ata të Fazliut?
Adili: 12 mijë i ka Divizioni i dytë, por nuk janë në veprim. Kemi edhe njësitet elite të AKSH-së të cilët dalin rreth kufirit dhe vëzhgojnë terrenin, por jo tani...
Koha: Këto 12 mijë trupat tuaj, ku kanë qenë gjatë vitit 2001, pasi zyrtarisht UÇK ka numëruar rreth 3000 pjesëtarë?
Adili: Nejse, 2001 ose 1998, 1999 ndryshon nga viti 2007. Tani kemi më shumë ushtarë.
Koha: Ku e bazoni këtë?
Adili: Këtë e them duke u bazuar në dy luftërat e mëdha që janë bërë dhe çfarë vlerash kanë sjellë ata. E para, te shqiptarët është vrarë frika, pavarësisht se ka pasur devijime politike. E dyta, është krijuar përvoja luftarake, sepse ne në luftën e Kosovës jemi fut pa përvojë. Shumë të rinj janë vrarë në Kosovë pasi nuk kanë ditur se si të shtrihen, ashtu siç nuk di edhe unë....
Koha: Pas vrasjes së Xhavit Morinës në Odër të Tetovës deklaruat se ai nuk është pjesëtar i Juaj. Ndërkohë, vetëm disa orë më pas, një person me emrin Bashkim Mitrovica deklaroi se ra një dëshmor i AKSH-së. Kontradiktore, apo?
Adili: Shiko, Xhavit Morina ka qenë një ndër pjesëtarët e parë të AKSH-së, menjëherë pas luftës së vitit 2001. Unë atëherë deklarova se nuk e pranojmë Marrëveshjen e Ohrit. Atëherë deklarohesha si Komisar Valdet Vardari, e Xhaviti këtu ka qenë një ndër pjesëtarët e parë të AKSH-së në Maqedoni. Megjithatë, në momentin që ndonjëri nga pjesëtarët e AKSH-së bie në burg, atëherë ai nuk mund të jetë aktivist ose bashkëpunëtor i yni. Mund të riorganizohet vetëm atëherë pasi të japë llogari para organeve të FBKSH-së. Me këtë nënkuptoj pafajësinë e tij dhe lëndën e procesit gjyqësor dhe ta arsyetojë veprën për të cilën është akuzuar.
KRIMINELËT NUK KANË VEND NË AKSH
Koha: Nëse akuzohesh për vepra të rënda kriminale, a mund të jesh pjesëtar i AKSH-së?
Adili: Jo jo, prandaj këto persona japin llogari dhe e vërtetojnë pafajësinë para organeve tona. Aty nuk jam vetëm unë, janë 25 burra.
Koha: Dmth Xhavit Morina nuk ka qenë pjesëtar i AKSH-së, pasi i njëjti u arratis nga burgu i Dubravës?!
Adili: Ka qenë, por unë nuk e kam ditë se ai ka dhënë llogari para Bashkim Mitrovicës dhe organeve tjera më të larta në FBKSH. Derisa Bashkimi deklaroi se ra dëshmor Xhavit Morina, atëherë ata e kanë marrë në pyetje. Me t'u arratisur nga burgu, Xhaviti i është rrëfyer organeve dhe mandej është strehuar në Maqedoni.
Koha: Çfarë ka kërkuar Xhaviti në Tetovë?
Adili: Unë tash nuk e di se çfarë ka kërkuar në Tetovë, vetëm e di se ai atje është strehuar. Si çdo njeri që ikën nga burgu dhe kërkon të strehohet diku, edhe Xhaviti ka menduar për Tetovën. Ai ka mundur të shkojë edhe në Bullgari, por kjo s'do të thotë se edhe në Bullgari ka AKSH. Jam i sigurt se në Maqedoni Xhaviti nuk ka ardhur të luftojë, sepse nuk ka pasur urdhër për këtë.
Koha: E njihni Lirim Jakupin?
Adili: Jo nuk e njoh personalisht, vetëm e di se ka qenë pjesëtar i AKSH-së në fillet e para. Tash nuk e di nëse është riorganizuar, pasi unë nuk merrem me atë punë. Shiko, mua më kanë ardhur njerëz nga Kërçova dhe më kanë thënë se duan të anëtarësohen, u kam thënë se unë nuk anëtarësoj, vetëm se mund të dorëzoj emrin tënd në Këshillin e Kërçovës dhe ata atje vendosin për ty.... (VIJON)
BEOGRADI DËSHIRON DESTABILIZIMIN E MAQEDONISË
Koha: Kush e dëshiron destabilizimin e Maqedonisë?
Adili: Vetëm Beogradi, pasi ai dëshiron që të tërheqë vëmendjen kombëtare dhe ndërkombëtare nga zgjidhja e çështjes shqiptare të kufijve të ish-Jugosllavisë dhe të tërheq vëmendjen nga FBKSH-ja. Beogradi zyrtar është i bindur se në Ballkan do të rishikohen kufijtë dhe do të organizohet Konferenca e Londrës, konferencë të cilën edhe ne e kërkojmë. Ata aty do të mundohen që të marrin toka sa më shumë nga Shqipëria etnike, e këtë do ta realizojnë nëpërmjet shqiptarëve, e në këtë rast - nëpërmjet shqiptarëve të Maqedonisë.
Koha: Çfarë mendoni për aksionin policor në fshatin Brodec të Tetovës, sidomos kur kemi parasysh që përveç policisë së Maqedonisë, aksion të suksesshëm e quajtën edhe Departamenti i Shtetit Amerikan, OSBE dhe faktori ndërkombëtarë në përgjithësi?
Adili: Unë nuk e kam përcjellë aksionin, sepse realisht nuk kam qenë në terren. Jemi duke i grumbulluar informatat dhe do të prononcohemi më gjerësisht. Këta djem në Brodec janë nxitë dhe provokuar. Opozita ka qenë ajo që i ka provokuar dhe i ka nxitë për veprime të tilla. Ne jemi duke hetuar. Askush të mos më thotë se nuk e kanë ditur se ky grup në Brodec është gati një vit aty. Jo vetëm në Brodec, por edhe në Bozofc dhe fshatra tjerë. Opozita ndoshta edhe pa vetëdije i ka nxitë, por më vjen keq që një veprim i tillë i ka ndihmuar Beogradit. E përsëris se vetëm Beogradit i intereson destabilizimi në rajon. Prandaj Ali Ahmetit ju drejtova: Mos gabo!. Pse duhet të vritemi për Beogradin. Ne kemi problem me Serbinë more zotëri.
Koha: Kur jemi te Gjykata Kushtetuese, ajo abrogoi disa nene për përdorimin e flamurit shqiptar. Mandej doli BDI dhe tha se komunat që ato i udhëheqin nuk do të respektojnë vendimin, ndërsa PDSH akuzoi koalicionin LSDM-BDI se këta e hoqën flamurin shqiptar?
Adili: Gjykatën Kushtuese dihet se e ka opozita, konkretisht LSDM, e cila me kokë vazhdon të qëndrojë në Beograd. Kur u bë abrogimi i disa neneve për flamurin, dolën kryetarët e komunave të BDI-së dhe deklaruan se ne nuk i heqim flamujt shqiptar. Normal se nuk i heqin se janë në opozitë. Unë kam deklaruar edhe për një gazetë shqipe në Tiranë se në Maqedoni, Qeverinë mund ta udhëheqin koalicioni VMRO dhe PDSH, por shtetin në dorë e ka opozita LSDM-BDI, ashtu siç është edhe në Tiranë.
Në Maqedoni, ashti si në Shqipëri pushtetin e përbëjnë Prokuroria, Shërbimi Sekret dhe Gjykatat. Nisemi nga kjo. LSDM-BDI ka në dorë Agjencinë e Zbulimit, Gjykatën Kushtetuese dhe Prokurorinë...
Koha: Me veprimet e AKSH-së në Kosovë, a mendoni se po e dëmtoni procesin drejt pavarësisë?
Adili: Absolutisht jo. Përkundrazi, ne i kemi treguar Car Llazarit se ka kush i del zot trojeve shqiptare në Kosovë. AKSH paraqitet vetëm aty ku nuk patrullon as KFOR-i, as UNMIK-u, e as Shërbimi Policor i Kosovës. AKSH deri tani është paraqitur në Podujevë, në kufi me Serbinë dhe në veri të Mitrovicës, aty ku nuk ka forca ndërkombëtare. Ditë më parë edhe u bë betimi i disa pjesëtarëve të rinj të elitës ushtarake të AKSH-së. Do t'i bënim dëm Kosovës vitin e kaluar, pasi vjet ishin bisedimet. Ne kemi gjykuar dhe vitin e kaluar nuk kemi lëvizur, pasi politikanët e Kosovës kanë mundur të thonë se ja çfarë na bëri AKSH, na e prishi pavarësinë. Jam i bindur se Kosova më shpejtë bashkohet me Shqipërinë se sa të bëhet e pavarur. Këtë e dinë edhe kosovarët. Sipas Rezolutës 1244, kufijtë i siguron KFRO-i, por meqë këto forca ndërkombëtare nuk lëvizin brezit kufitar me Serbinë, kontrollin e kemi marrë ne në dorë. Jo vetëm Car Llazarët, por edhe vet xhandermeria serbe mund t'i provokojë shqiptarët që nga frika detyrohen të ikin në Podujevë. Veprime të tilla po ndodhin edhe në fshatrat e Kamenicës dhe Mitrovicës. Kjo do të ndodh edhe me Maqedoninë.
Në momentin e parë që Car Llazarët kërcënojnë shqiptarët në Maqedoni, AKSH do të veprojë dhe do të riaktivizohet. Jo vetëm në Kosovë dhe Maqedoni, kjo do të ndodh edhe në Mal të Zi nëse rrezikohen shqiptarët. Ne jemi ushtri mbrojtëse e popullit shqiptar. E jo të dalë dikush nga Shipkovica edhe thotë ku është Gafurr Adili tash! Unë nuk u bindem urdhrave të individëve. As AKSH nuk i bindet urdhrave të Gafurr Adilit se unë nuk vendos. Ashtu siç theksuam para aksionit në Brodec se nuk vepron aty AKSH, ashtu siç edhe ata djem që dolën në televizionin kroat me maska nuk janë tanët.
FAJTORËT E VRASJEVE ENIGMATIKE
Koha: Pse disa herë keni akuzuar Xhezair Shaqirin-Hoxhën për spiun të qarqeve të caktuara në Maqedoni. A keni argumente për të pohuar një gjë të tillë?
Adili: PO. Hoxha është spiun i Vllado Buçkovskit. E para, Xhezair Shaqiri katër vjet ishte në pushtetin e Maqedonisë si deputet. Ka pasur dy akuza dhe ato dihen. Njërën e ka në Kosovë e tjetrën në Maqedoni. Për shkak se e kishte imunitetin, nuk është marrë në përgjegjësi. Kur nuk fitoi në zgjedhjet e fundit, realisht iu aktivizuan dy akuzat dhe ai shkoi në fshatin e tij të lindjes në Tanushë. Ne e kemi ditur se ai është atje, ka blerë edhe bletë, bile dhe dhen. Por, mendimi im është se kur nuk je fajtor për diçka, atëherë drejtohu në gjykatë dhe dëshmo pafajësinë. Me këtë rast, Hoxha një kohë të gjatë qëndroi urtë, ose qeveria dhe gjyqësia nuk e kërkuan. Nuk donin të merreshin me të. Pastaj, kur e pa se humbi vëmendjen, doli me propozim për referendum në Tanushë. Unë nuk di ndonjë konventë ndërkombëtare ose organizatë tjetër që ka lejuar referendum fshatrash. Pas kësaj, doli dhe kërkoi mobilizim të ish-ushtarëve të UÇK-së. Duke u nisur nga ajo që Beogradi kërkon destabilizim të Maqedoni, unë iu drejtova dhe i thash se mobilizimi ka mbaruar më o zotëri. Mobilizimi i dështoi. Ai i doli në ndihmë Vllado Buçkovskit bash në kohën kur këtij iu mor imuniteti. Nuk mund të themi se Buçkovski është fajtor, por është gjykata ajo që vendos. Dhe Hoxha këtu bëri zhurmë. Si mund të kërkojë mobilizim vetëm atëherë kur nuk fitoi për deputet. Ai pas konfliktit e pranoi demobilizimin e UÇK-së dhe e pranoi Marrëveshjen e Ohrit.
Për sa kohë ishte në pushtet, Hoxhës fare nuk i ka interesuar për luftëtarët e tij, atij nuk i interesoi të zbardhet rasti i vrasjes së Komandant Telit në Shkup. Hoxha është akuzuar dhe vazhdon të akuzohet se vetëm ai ka ditur vendndodhjen e Telit. Këto akuza ai i ka edhe në Kosovë nga ish-bashkëluftëtarë, të cilët thonë se Hoxha din shumë për Telin. Ai ka pasur obligim moral së paku të kërkojë zbardhjen e këtij rasti. Pse më vret kjo mua. Unë nuk e njoh Telin, as Komandant Shpendin, e as Tahir Sinanin, tre djem nga Shqipëria që u vranë në mënyrë të mistershme në Maqedoni, edhe atë pas luftës. Më dhemb ajo që djemtë më të mirë të Shqipërisë erdhën në Maqedoni dhe u vranë. Enigmatike është edhe vrasja e Tahir Sinanit, si dhe vrasja e Komandant Shpendit. Rastet e tilla është dashur t'i zbardh edhe Ali Ahmeti dhe Fazli Veliu, të cilët gjatë katër viteve pushtet i harruan këta djem. Xhezair Shaqiri të mos tregojë kopalla. Ai po organizon njerëz të vjedhin vetura nëpër Viti. Nëse vërtet dëshiron të vërtetojë se nuk është mik i Vllado Buçkovskit, nuk duhet të veprojë ashtu siç po bën. Pse ai nuk doli në skenë më herët, por doli pikërisht kur Buçkovskit iu mor imuniteti. Ai u frikua se do të dalin në skenë bizneset e pista midis tyre.
Koha: Pse nuk vini në Maqedoni, pasi jeni edhe shtetas i këtij shteti? Prej kujt frikoheni?
Adili: E para, Maqedoninë nuk e kam njohur si shtet. Në vitin 91, '92 nuk kam parashtruar kërkesë për shtetësi. Në vitin 1994 ma kanë dërguar shtetësinë e Maqedonisë, bile tash e ka babai im në shtëpi. Pastaj, nuk kam pasur asnjëherë pasaportë të Maqedonisë, e as të Jugosllavisë. Gjithmonë kam lëvizur me pasaportë të Bajram Currit. Kur jam arrestuar unë, ka pasur deklarata të lloj-llojshme për mua. Mbaj mend se Ali Ahmeti pat deklaruar se ekziston një fletë-arrest për Gafurr Adilin. Mandej atë kohë zëvendësministri i Punëve të Brendshme të Maqedonisë tha se nuk ka fletë-arrest. Dhe Arbën Xhaferi në një shkrim thotë se cila është e vërteta, ka apo nuk ka fletë-arrest për mua. Dhe në fund thotë: Epo kjo është hilja e maqedonasve, të cilët e sollën punën që Tirana të burgose një shqiptar. Unë kam fletë-arrest ndërkombëtar.
Koha: Fazli Veliu së fundmi ka kërkuar federalizimin e Maqedonisë. Sa ju duket kjo serioze?
Adili: Nuk habitem nga kjo kërkesë, pasi aktualisht është në opozitë dhe gjithçka mund të kërkojë. Kur je opozitë, secili e ngrit bajrakun e patriotizmit. Dua të tregoj diçka interesante. Në vitin 2001 shkova në Prizren për ta takuar Ali Ahmetin. Atëkohë, pasi Alia ishte Komandant, nuk pranoi të takohet me mua pasi unë isha përfaqësues politik i AKSH dhe për bisedime do të duhej të takohesha me Fazli Veliun. Shkova në Zvicër dhe atje e takova Fazliun. Në takim, pasi disa bisedimeve të shumta, u lodh dhe në fund Fazlia tha futu te ne në Fond. I thash jo bre se qenkemi shumica të Kërçovës. A s'ka burra Struga, Kumanova, Tetova e Gostivari, por vetëm Kërçova. I thash se s'jam marrë kurrë me fonde dhe me pare. Kam harruar pastaj se cili e pyeti Fazliun se çfarë do të bëjnë me këto para, pasi bëhej fjalë për një shumë të madhe të markave. Fazliu u përgjigj shpejt e shpejt: Me këto pare, ose do ta rrëzojmë nga pushteti Arbër Xhaferin, ose do t'i ndajmë bashkë me të. Fazli Veliu ka shkruar shumë libra, por asnjëherë ato muhabete që i ka folur dikur nuk i shkruan. Shkruan nëpër libra "i thash ashtu, më tha kështu". Dhe pastaj? - e pyeta unë. Fazliu më tha se në Kosovë do të bëhen forca e tretë, ndërsa atëkohë në Kosovë forca e tretë ishte partia e Ramushit. Atëherë unë i thash se kjo është krim, pasi vriten shqiptarët për të marrë pushtetin... Fazlia dhe të tjerët kanë shku me atë logjikë që shokët tanë në Kosovë hynë në pushtet, e ne mbetëm jashtë. Hajt tash bëjmë luftë dhe e marrim pushtetin. Mirëpo, ata nuk e kanë mendu se pushteti nuk është i përhershëm. Kungulli nuk rrinë gjithmonë mbi ujë. Mandej, Fazli Veliu sa ishte në pushtet fare si ka interesuar vëllai i vet. Tashi ka dalur një parollë në Kollare ku thuhet kërkojmë gjetjen e filanit. Nuk shkojnë këto gjëra kështu. Po të isha në pushtet, do të dija si të veproja.
FITRA PËR ISH-LUFTËTARËT E UÇK-SË!!!
Koha: Keni deklarua se FBKSH nuk e mbështet Marrëveshjen e Ohrit, derisa BDI tani thotë se ajo nuk po realizohet, ndërsa PDSH pohon të kundërtën?
Adili: Deklaratat e dikurshme të zyrtarëve të BDI-së, e më shumë të Ali Ahmetit se Marrëveshja e Ohrit është përmbyllur me sukses, tani kanë ndryshuar. Njëjtë ishte edhe me PDSH-në në kohën kur ishte në opozitë, e tash në pushtet. BDI për sa kohë ishte në pushtet thoshte se Marrëveshja ka mbaruar, ndërsa tani ajo është rrënuar. Cila është e vërteta e kësaj? Nëse është realizuar ajo më herët, pse tash duhet të themi se nuk është realizu. Këtu kemi dyftyrësi nga të dyja palët. Ne edhe më herët kemi thënë se Marrëveshja e Ohrit është e destinuar të dështojë. Kemi argumente këtu. Të gjitha luftërat kanë qenë rajonale, ndërsa asnjëherë bisedimet nuk janë zhvilluar në poligonin ose rajonin e luftimeve. Është rast unikat kjo me Maqedoninë. Pastaj dolën deklaruan se shqiptarët tash përdorin flamurin. Kjo nuk është e vërtetë. Pastaj, edhe puna e pasaportave. Jo dygjuhësi, jo fituam e kështu me radhë. Derisa për maqedonasit nuk vlen dhe nuk është e obligueshme gjuha shqipe, atëherë kjo është katastrofale.
Koha: Në Maqedoni, dy partitë politike shqiptare akuzojnë njëra tjetrën për mosaprovimin e Ligjit të dëshmorëve. Kush mendoni se është fajtori që gjashtë vjet pas luftës nuk është miratuar akoma ky ligj?
Adili: Përgjegjësia kryesore për Ligjin e dëshmorëve u takon atyre që thirren në emër të asaj ushtrie, në këtë rast Ali Ahmetit. Në bisedimet e para të Ali Ahmetit me Cërvenkovskin dhe LSDM-në, ai nuk është dashur të diskutojë për ministra e zëvendësministra, por çka do t'u ofronte ushtarëve të vet, invalidëve dhe familjeve të dëshmorëve. Duhet të fliste për statusin e UÇK-së. Derisa UÇK u hoq nga organizatat terroriste, atëherë duhet të pranoheshin edhe invalidët dhe familjet e dëshmorëve. Por kjo nuk u bë. Derisa për palën maqedonase që kanë marrë pjesë në luftë u miratua një ligj i posaçëm, Ali Ahmeti gjatë tërë kohës interesohej se a do të arrijë ta bëjë zëvendëskryeministër Musa Xhaferin, i cili ishte vetëm figurë në kabinetin e Cërvenkovskit. Figurë e kemi pasur edhe Sinan Hasanin, Fadil Hoxhën, Xhavit Limanin... Askush si ka pyetur kurrë për asgjë. Problemi qëndron në atë se Ali Ahmeti ka pasur përgjegjësi morale, sepse me shumë të drejtë mund të parashtrojmë një pyetje: Si udhëheqësi i kësaj ushtrie ka mundur të ulet në Parlament dhe ushtarët e tij të arrestohen dhe vuajnë jetë mizore? Millosheviqi nuk ka shku me vra në Kosovë, por në Hagë u dënua vetëm pasi kishte dhënë urdhër për vrasje e masakra. Nëse djemtë e UÇK-së kanë luftuar në këtë vend, ata urdhrat i kanë marrë nga dikush. Nesër nëse ndodh diçka me AKSH-në, përgjegjësi do të jap unë, ashtu siç dhashë para gjykatësve në Tiranë kur edhe u arrestova. E kam ndier veten shumë të fyer kur kam dëgjuar se grumbullohen fitra për ish-ushtarët, invalidët dhe familjet e dëshmorëve.
Koha: Në opinion është paraqitur edhe një organizatë e ashtuquajtur Këshilli Politiko-Ushtarak i UÇK-së, ndërsa AKSH-në e ka quajtur ushtri interneti?
Adili: Ne i dimë edhe njerëzit që përfaqësojnë këtë organizatë. Janë tre katër veta dhe emrat e tyre do t'i publikoj së shpejti. Janë nga Maqedonia, ndërsa bëhet fjalë për një grup të vogël joserioz. Ndërsa sa i përket AKSH-së se është organizatë interneti, këtë e shohin më mirë shqiptarët, sidomos tani në Kosovë. Nuk do të merremi shumë me ta, pasi i dimë se kush qëndron pas tyre. Janë të vegjël dhe për atë i injorojmë.
Koha: Kush janë aleatët tuaj në Kosovë dhe Maqedoni. A keni bashkëpunim me ndonjë nga strukturat aktuale politike?
Adili: Bashkëpunojmë si jo. Marrëdhënie në rrugë institucionale jo. Shokët tanë takohen dhe kanë bashkëpunim. Edhe në Kosovë edhe në Maqedoni, por edhe në Shqipëri. Madje, kemi edhe deputetë në Kosovë dhe Shqipëri.
NUK KAM MARRË PJESË NË ANJË LUFTË
Koha: Ju akuzojnë se nuk keni marrë pjesë në asnjë luftë. As në Kosovë, as në Preshevë, por as në Maqedoni?
Adili: Po, kam dëgjuar shumë zëra që thonë se Gafurri nuk ka marrë pjesë në asnjërën nga luftërat. Është e vërtetë kjo, por unë kam ndihmuar dhe kontribuar në drejtim të luftës. Fundja, unë jam politikan. Politikanët udhëheqin politikën, ata nuk luftojnë.
Koha: Deklaroni disa herë se jeni politikan? Keni marrë legjitimitetin e popullit?
Adili: Nuk do të thotë se vetëm nëse të zgjedh populli je politikan. Po ashtu nuk do të thotë se politikani duhet të ketë edhe parti politike. Jam më i mirë se shumë politikanë në Maqedoni. Kam magjistruar në Zagreb në vitin 1984, e jo si dikush në vitin 2001 merrnin provime dhe diploma në Prishtinë, atëherë kur edhe krisnin pushkët e UÇK-së.
Koha: Sigurimi shqiptar në Tiranë deklaroi se pistë e hetimeve rreth kërcënimeve ndaj Pendeli Majkos është Garda e Car Llazarit dhe FBKSH-AKSH?
Adili: Shiko, unë e kam thënë edhe më herët se AKSH nuk ka plumba për shqiptarët. Unë nuk e mohoj që dikush, jo nga AKSH, individë të caktuar apo budallenj, ose simpatizantë të rëndomtë të AKSH-së ta kenë kërcënuar, por struktura e AKSH-së asnjëherë jo. Majko gaboi me shfryrjen që bëri edhe ndaj diskutimit tim edhe ndaj pjesëtarëve të AKSH-së. Ajo nuk është normale. Ai nuk merrej me Car Llazarit, por na quante "njerëz me thasë në kokë".
(FUND)
Regullat e Postimit
Përgjigju Duke Cituar
Krijoni Kontakt