Mishi I Bashkisë....

[Agim Doçi]

NGRIHUNI DËSHMORË!

Ngrihu Kajo Karajfili
Se kushtet janë pjekë!
Peza nga Edvin Bandilli
Asht bà diskotekë!…

Ngrihuni të gjithë dëshmorët
Se nuk asht siç ish….
Të na rrojnë organizatorët
Po hamë falas …mish!

Festë e Pezës heroike
Që i priu lirisë
I ban festat simpatike
Me mish të…Bashkisë!

Ja kështu fitohet vota.
Hani pini qyl!...
Me shqiptarë çuditet bota
Popull mëndje brryl…

Nuk ka drita... punë e madhe!
Ujë me pi nuk ka!
Shqipëri – tezga me halle…
Jetë badihavà…

Shkojnë e vijnë politikanë
Në vendlindjen time!...
Lulëzon çdo ditë Tiranë
Jeton me…premtime!

Njëri thotë: - do ti heq taksat
Tjetri flet: - do bëj çudira!
Në tribuna hypin maska
Votat janë të…lira!

[Dito]

Kur nje shkrimtar ngaterrohet me politike, ai nuk eshte me i tille.



Dito.

[Shkreli Dardan]

Per ke e ke llafin more ti Dito?

[Tirana]

Kur nje shkrimtar ngaterrohet me politike, ai nuk eshte me i tille.



Dito.

Ai nuk eshte hoxhe apo prift more zoteri , ai eshte poet !

A nuk ishte dhe Fishta POET i cili nuk kishte poezi te tijen qe nuk fliste mbi korrupsionin ne politik?

Zoti Agim Ju falenderoj per kenaqesine qe me japin poezit dhe parodit e tuaja te mrekullushme .

respekte nga Tirana

[R2T]

Kur nje shkrimtar ngaterrohet me politike, ai nuk eshte me i tille.



Dito.

Poetet e tipit komunist nuk i rrine dot larg politikes, talenti i tyre fillon dhe mbaron tek politika. Nganjehere me te rralle mund te degezohet ne ndonje tekst kenge te tipit " Pirdh mor pirdh se lirohesh" qe ndonje mik-shok tjeter komunist e fut ne festival, po dikush u paska vene fre dhe atyre pallavrave. Qenit te vjeter nuk i meson dot stile te reja-thone kendej.

[shoku_tanku]

Sa qef i keni keto debatet politike more amani...sa duheni more amani...kur do vije dita qe te heqim dore nga te tilla gjera...c'beni keshtu more miq...c'beni keshtu more vellezer...partizane,balliste,komuniste,fashiste,p uciste,sudiste e nordiste...po c'beni keshtu more se cuditet dynjane...kur do te vije ajo dite qe te heqim dore nga zenkat me njeri tjetrin ne menyre qe te shkojme sa me prane marreveshjes se stabilizim asociimit more amani..na e bete BE-ne mision te pamundur more amani...na u grisen pantallonat duke kaluar telat me gjemba te klonit te kufirit more amani..

[Brari]

Poeti Agim e ka cuar shqiperine ..bashke me shoket e tij..pra kompozitor kengetar e instrumentiste.. ne festivale europiane dhe aty vendi yne per her te pare zuri nje vend nderi.. me kengen e bukur pa politike..por me dashuri.. qe u kendua nga anjeza..

[erindi_al]

Poeti Agim e ka cuar shqiperine ..bashke me shoket e tij..pra kompozitor kengetar e instrumentiste.. ne festivale europiane dhe aty vendi yne per her te pare zuri nje vend nderi.. me kengen e bukur pa politike..por me dashuri.. qe u kendua nga anjeza..

Eshtë një fakt që kënga ishte e bukur pa politikë por u fitua aty ne festival ME politikë. Premtimet që ishin at vit për Marizën u tretën...
Vargjet e poetit Agim ishin shumë të bukura por kur u perkthyen në Anglisht ato morren kahje tjetër.

[Agim Doçi]

Perkthimi ne anglisht nga Mjeshtra dhe Poetja Xhuni Teylor (Myftari) - nuse Skrapari ishte fenomenal. Jam krenar qe shkoi poezia ime me muzike te Zhulalit dhe interpretim te Anjezes nepermjet anglishtes se persosur te Xhumit!!!!!!
Tani meqense "dikush" shqetsohet per te kaluaren time, po ju hedh nje "bejtje" tjeter se ndoshta midis strofave keni ndonji gje per te koregjuar.

Kete e shkruaj per te gjithe NOSTALGJIKET qe merakosen shume per hallet e vatanit!!!

TË AKUZOJ!!!!!!!!

Të gjitha veset që djalli shpiku
I bëre pronë të shpirtit tënd
As ferri i Dantes që shkoi dhe iku
Për Enver Hoxhën s‘do kishte vënd!

As vetë s‘e di se ç‘ Kod Penal
Kish për t‘a dhënë dënimin hak.
Ti pjellë katile nga kishe dalë?
Që nuk u ngope një herë me gjak!

Ti arrestove Lirinë e Kombit!
Prishe faltoret e Perëndisë!
Nuk e marr vesht nga ç‘anë e globit
I ré mallkim ti Shqipërisë?!….

Ti që ja morre nderin shqiptarit
Ti që ia zhduke vlerat që kish
Ti që mban emrin e kryetradhtarit
Ti që Sërbia të pat kulish......

Ti i pabesi midis çakenjve
Ti frikacaku, mjeshtër – mashtrus
Ti amorali midis shkërdhenjve
Në cilin rreth vallë të të fus?

Krimet e tua nuk numërohen
Ti që i vrave muzën poetit(!)
Eshtrat e tua tokës i rëndohen
Ti diktatori i antishtetit!

Ti që ia shterre trurin Diturisë!
Ti që shfarose e s‘tu dridh dora!
Ti që ia nxive jetën Shqipërisë
Kafka dhe eshtrat të zënçin morra!

Ti që e vrave qetsinë e natës
Ti që gjithë shokët çove në varr
Ti kryedylberi i rrugëve të Francës
Cila hienë të polli vallë!?…

Ti na rrethove me tel gjëmba
Me lukuninë që të erdh‘ pas!
Ti që shkaktove vargmal me dhëmba
Në çfarë gjirizi vallë të përplas!

Persekutove në pesdhjetë vite
Sa vrerë, sa helm në zemrat tona
Ti dashurinë n‘mes njerzve fike!
Ti ishe zgjebja, ti ishe krroma!

Ndaj të mallkuan gjithë nënat tona
„Të humbtë emri o Enver bisha!“
të zuri nëma o Enver Hoxha!
Ti që shkatrrove xhamì dhe kisha!

Ti që e vrave me thikë mbas shpine
Fishtën, Konitcën, vetë Historinë!
Ti serbo – sllavi me brumë prej Kine
Të humbtë varri me gjithë Partinë!

Të akuzojnë me mijra varre!
Të akuzojnë Nënat kërcure!
Të akuzojnë burrat që vrave!
Të akuzojnë mijra qivure!

Të akuzojnë lotët e fëmijëve!
Të akuzon mjerimi tipik!
I pamëshirshëm në ç’hithra mbive?
Klysh i Stalinit pleh bolshevik!

Të akuzojnë bijt edhe bijat
Që thyen prangat me 2 korrik!
Gjithë Shqipërisë i dolën thinjat
Kur nënat klithnin: - Ik!! Vetëm ik!!

U nëpërkëmbëm, u hoqëm zvarrë
Nè, nip-stërnipat e Ilirisë!
U lemeris Evropa mbarë
Nga shtetbunkeri i Shqipërisë!

Të akuzoj në emër të të rënëve
Që rrokën pushkët e dolën Malit!
Që u zhgënjyen nga Stani i Qenëve!
Dhe i falën Jetën veç Idealit!

Çuditet Bota, dhe gjithë njerëzia
Si mbijetuan vallë shqipëtarët??….
Por jo or jo! S’vdes shqiptarija
Ndonse katili, na humbi varrët!

Pa do të ngrihej një ditë urrejtja
E do t’i mblidhte populli rrufetë!
Që komunizmit t’i vinte vdekja
Në skenë të vihej ky Akti i Tretë!

Aktin e Parë të Dymbëshjetës
Vetë e rrënuam nè shqipëtarët(!)
Aktin e dytë të dyzetekatrës
E asgjësuan tok, tradhëtarët!

Por Akti i Tretë thirri në skenë
Një REGJISOR që bën epoka!
U ngrit një popull, u kish bër’ Benë!
Dhe u rrëshqiti nën këmbë toka!

Erdhi kjo ditë ndoshta me dhëmbje
Sot Shqipëria ndrron mish e lëkurë
U befasuan deri në çmëndje
Prap ëndërrojnë për diktaturë(!!)

Por jo ore jo! Shkoj edhe vate
Koha e Turpit! Kohë e Partisë!
Vijmë të hutuar si mbas një Nate
T’i japim fund të gjith’ Tragjedisë!

Le të na rrahi era e dimrit
Le t’i kërcasin brinjët vatanit
Demokracinë KOHA e thirri
Në udhë të ZOTIT jo të shejtanit!


Gusht 1989

[MI CORAZON]

Shume e bukur , Agim !
Ia paske qendisur per ditelindje .

Sa sekonda te merr nje krijim ? 10? 20 ? 3 minuta ? Apapaaaa I tmerrshem je !

Thank you ! Presim te tjera...Mundesisht ndonje erotike, se ashtu i kemi qejf ne nga anet tona. (lol)

[Agim Doçi]

MI CORAZON
FALEM NDERES PER FJALET E NGROHTA E TE HIJSHME. ME KERKOJE një diçka erotike. Po ta plotsoj deshiren!

Parodi e Pleshtit



Pleshtit nuk i vjen mërzi.
A je qen, apo njeri
A e ke leshin t’ bardhe a t’ zi,
Frrup...gjen vend për mrekulli.

Ndonse kruhesh pa ja nda
Gjithsekush një plesht e ka!
Bile thonë se rraca e pleshtit
Mbijeton vetëm prej leshit.

Kam ndigju se ka do pleshta
Që zen rrushi nepër vreshta
Ka dhe pleshta nepër lopë
Pleshta plehu në çdo gropë.

Unë ksaj here kam mendu
Për do pleshta të tjerë me shkru
Për këtë rracë tejet mizore
Që bezdisë rracën njerzore!

Askërkush nuk dëshiron
Ta ketë pleshtin nepër shtat
Sepse pleshti frekuenton
Në veçanti leshin e gjatë.

Ndaj dhe rruhen mbahen pastër
Mos me e rritë leshin ma shum’
Sepse pleshti s’mban me hater
Je në qytet, a je në katund.

Me i ra shkurt pra miqt e mij
Po u tregoj një histori
Që i ka ndodhe pleshtit qyqar
Tuj shetit kombin shqiptar.

Pra ky plesht kishte ndigju
Se në Ballkan, qefli me u kru
Janë shqiptaret në troje të veta
Që për lesh s’u dhimbset jeta!

…Filloj pleshti punë për s’mbarit
Me zgjedhë leshin ndër shqiptarë
Iu fut mjekrës së Kryetarit *
Mjekërkuqit, lesh pa larë!




Por nuk mundi të qëndronte
As një dite në mjekër të tij
Sepse leshi kundërmonte
Wischy, brandy dhe raki!

Ku të futej pleshti i ngratë!?
Lesh të dredhun kanë dhe gratë.
Ndaj u fut në Qeveri
Që t’a zgjidhë hallin e tij!?

Sallë luksoze, e mikrofon
Kryeministër kokë bidon
Por pranë tij një leshraverdhë **
Floku i saj, me dorë ish dredhë.

Ah! - tha pleshti,- të qofsha falë
Se prej teje s’kam me dalë!
Dhe u fut në mes të shalëve
Që ma mirë t’u ruhej fjalëve!

Frrup! Frrup! Frrup mezi arriti
Iu ngroh zemra, iu ngroh shpirti!
çfarë arome, oh ç’ deodorant!
S’kishte lesh !… interesant!?…
Pleshti ndenji diversant !!!!


Aj soj vendit i preferuar
Për dreq leshin e kish rruar!
Ndaj dhe Pleshti mbet i habitur
Që ai vend, s’kish lesh të rritur!

Ban vaki,- mendoj i shkreti,
Ndoshta këto… i ka pushteti!
Dhe e zuri pa e kuptuar
Gjumi i embël, në lesh të rruar!

Pa kaluar as gjysëm e natës
Sheh një endërr i turbulluar
Që leshverdhës, oh të ngratës
I vjen mjekrra lesh pa rruar…

I del gjumi plesht fatziut
Dhe gjen vehten për çudi
M’u tek mjekrra e njeriut
Wischy, Brandy e Raki!

Dreq o punë, - tha, - po këtu isha
Ndaj kërkova transferim!
Vërtet leshin nuk e kisha!
Ama kisha Qeverin!


S’e kuptonte plesht hajvani
Se ku ishte në fakt sekreti!
Për një plesht digjet jorgani
Rruhet leshi, e jo Pushteti!

Ndaj ky plesht qe u zhgenjye
Dhe kujtoj se gjet xhehnetin.
Nga kish ardhur na u kthye
S’kruhej dot…ai me Pushtetin!


• - nuk asht Nano
• nuk asht Dada Artë

Agim Doçi