Tirana, vendi ku (mbi) jetohet

[Brari]

Tirana drejt asfiksimit, ndotja kapërcen limitet

Grada e perdoruesve-ve: / 1
I varferI mire
Monday, 08 October 2007
Nëse themi që Shqipëria është një ndër vendet më të ndotura në botë nuk bëjmë asnjë gabim. Të gjithë jemi koshient se çfarë ajri shkon në mushkëritë tona dhe se pluhuri i lirë formon vorbulla të stërmëdha, të cilat rrinë pezull në ajër.Çdokush që kalon rrugëve të unazës apo diku tjetër në kryeqytet mund ta shohë dhe ta thithë në mushkëri të gjithë atë pluhur që po u shkurton jetën kryeqytetasve. Nëse do të flisnim se me çfarë është i ndotur kryeqyteti nuk do të dinim nga t’ia nisnim duke filluar që nga grimcat e plumbit që rrinë pezull në ajër nga ajo që po shkakton rikonstruksioni i pambarimtë e rrugëve, nga makinat e para 20 vjetësh që përdorin shqiptarët, dhe nuk kishte si ti mungonte Tiranës ndotja nga plehrat e konsumit të përditshëm. Kështu, për të verë re gjendjen e mjeruar, me të cilën po asfiksohet një metropol i tërë mjafton të ecësh nëpër rrugët e tij dhe fare mirë e merr vesh se për çfarë po flasim. Përsa i përket atmosferës, në të cilën sipas monitorimeve grimcat e dëmshme i kalojnë disa herë normat e lejuara nga bashkimit evropian. Sipas matjeve të herë pas hershme që ka bërë Instituti i Shëndetit Publik matjet kanë treguar se niveli i grimcave ndotëse PM10, që dëmtojnë mushkëritë janë aq të rrezikshme sa te një njeri mund të shkaktojnë edhe kancer. Ndërsa ndotja është 10 herë më lartë se sa standardet e vendeve te tjera te BE-se. Sipas specialistëve të ISHP shkaktarët kryesorë të këtyre shifrave alarmante janë gjendja e rëndë, në të cilën ndodhen rrugorët dhe nafta e cilësisë së dobët që konsumojnë automjetet.
Ndotja
Nëse do të flasim për ndotjen në Shqipëri ajo mund të themi se i kapërcen të gjitha limitet e lejuara. Jemi i vetmi shtet në botë ku në rrugë mund të shohësh sasinë e madhe të pluhurit së bashku me renë e dheut që fluturon në përreth teje. Në orët kur lëvizja e automjeteve është dhe më e dendur, aty nuk bëhet më fjalë për oksigjen. Më mushkëri mund të hyjmë lloj -lloj elementesh, por oksigjen jo. Tymi i makinave dhe pluhuri i rrugëve formojnë një smog të llahtarshëm, ku krahas këtij nuk mungojnë dhe grimcat e tjera PM 10 që shkurt dhe shqip quhen plumb dhe që të rrezikojnë jetën.
Makinat e vjetra ndotin ambientin
Ato që nuk i mungojnë kryeqytetit janë pa dyshim makinat e dala jashtë serie, shpesh në rrugë mund të shohësh makina, të cilat përveç tymit të zi që shkarkojnë në ajër me zor lëvizin në rrugë. Por, në Shqipëri nuk mungojnë as ato makina që në përgjithësi djegin karburante, të cilat nuk lejohen dhe që janë të dëmshme për qytetarët. Sipas statistikave, gjatë viteve 2000 nga makinat e amortizuara dhe nga trafiku në kryeqytet janë shkarkuar në ambient 35 mijë ton ajër i ndotur. Sot, situata vazhdon të mbetet e njëjtë për të mos thënë që gjendja po shkon drejt përkeqësimit dhe kryeqyteti jonë renditet si një ndër më të ndoturit në botë. Rritja e numrit të automjeteve duke marrë parasysh faktin që shumica e tyre janë tejet të konsumuara dhe shumë të vjetra bëjnë që të kemi një ndotje të madhe të ambientit. Kështu pjesa më e madhe e makinave që qarkullojnë në vendin tonë janë me naftë dhe 90 për qind e tyre janë me shumë se10 vjeçare dhe kuptohet kjo vjetërsi i bën këto makina që të shkarkojnë në atmosferë më shumë gazra të dëmshme se ato të rejat. Ndërsa një përqindje më e vogël e makinave janë të reja në vendin tonë.
Rrugët e pa rikonstruktuara dyfishojnë ndotjen
Rrugët e unazës janë bërë një “gangrenë” e vërtetë për të gjithë banorët që u duhet të përshkojnë këtë aks rrugor e që u duhet të mbetën për orë të tëra në trafik. Ose po të ecin në këmbë u duhet që të vdesin nga pluhuri i madh që me, apo pa erë detyrimisht të shkon në organizëm, por nga ana tjetër grimcat e dheut që fluturojnë të lira në hapësirë janë kaq të dendura sa shijen dheut mund ta ndiesh kur merr frymë. Kështu të kalosh në këtë pjesë të unazës është e tmerrshme kudo sheh gropa të hapur pirgje të mëdha me rërë apo dhe, që kur fryn erë të mbyt pluhuri ku nuk mungojnë as plehrat në këtë rrugë, të cilat e bëjnë këtë rrugë një katrahurë të vërtetë ndotjeje.

gaz Sot

[RaPSouL]

Edhe dicka tjeter reth Tiranes.

Prej disa ditësh, kushdo në Tiranë mund të ketë parë dhjetëra policë të qarkullimit, policë të autopatrullës së përgjithshme në një “sulm” masiv. Madje, në këtë llogore pritet të lëshohen edhe policët e Bashkisë. E gjitha kjo bëhet për të disiplinuar trafi kun, për të parandaluar aksidentet, të cilat për hir të së vërtetës, brenda kryeqytetit nuk janë në numër të lartë. Ndërsa dje, Drejtoria
e Policisë së Tiranës, me anë të një njoftimi për shtyp, publikoi aksionin e policisë rrugore dhe autopatrullës në lidhje me qarkullimin. “Gjatë kontrolleve të vazhdueshme të ushtruara përgjatë ditës së djeshme (e mërkurë), nga specialistët e Policisë Rrugore janë vendosur në total 729 masa administrative dhe vetëm për qytetin e Tiranës, 706 të tilla. Pjesa tjetër për linjat”. Deri këtu të gjithë jemi dakord. Policia është e predispozuar të disiplinojë trafikun, në fund të fundit për atë punë është dhe paguhet, dhe nuk dua të vë në dyshim punën e mirë të saj. Madje, kjo është në interes të të gjithëve.
Problemi qëndron gjetkë. Çdonjëri që ka makinë në Tiranë, e ndjen shumë mungesën e një vendparkimi, me apo pa pagesë. Çdonjëri që do të ndalojë për ndonjë punë, qoftë edhe dy minuta, nuk ka ku të lërë makinën. Të duash të bësh pazar në Rrugën e Durrësit, te “Myslym Shyri”, në Rrugën e Kavajës, në Bllok dhe përreth tij, apo edhe në bulevardin kryesor të kryeqytetit tonë PERENDIMOR, do ta konsiderosh veten me fat nëse gjen një vend parkimi. E lehtë është të thuhet, gjë që është dëgjuar shumë herë, “parkoni në një vend e mbaroni në këmbë punët qe keni afër”. Por problemi është se nuk gjendet ai vend për të parkuar dhe logjikisht, i takon që makinën, secili ta lërë në shtëpi. Të ndalosh për blerë një paketë, gjobitesh; të ndalosh për një kartë telefoni, sërish gjobitesh; të kesh fëmijën në makinë e t’i plasë buza për një pikë ujë (temperaturat janë ende të larta), je i detyruar të ndalosh e t’ia blesh dhe sërish gjobitesh. Dhe më e rëndomta; të ndalosh te “Ushtari i Panjohur” për nevoja personale, pasi është i vetmi vend në kryeqytetin tonë PERENDIMOR me banja publike, sërish je i detyruar të parkosh në rresht për dy se s’ke vend tjetër. Kjo është shkelje e rregullave të qarkullimit dhe me të drejtë, policia të ndëshkon. Njëzet lekë i do “ustai” i banjës publike dhe një mijë lek, më e pakta, është gjoba që hallexhiu me diarre gjen në xhamin e përparmë të makinës. Pra, një e vajtur në banjë kushton një mijë e njëzet lekë. Mos u habisni, ky është qyteti ynë i dashur me emrin e madh Tiranë, ku shumë pak njerëz mund të mendojnë vërtet për hallet e banorëve të tij. Ky popull që ngre gishta e grushte sa herë ka mitingje apo fushata elektorale, kaq di. S’po kërkon as drita e as ujë dhe as që e merr mundimin të protestojë ndonjëherë, po nuk pa ndonjë udhëheqës të lartë si organizator. Por të paktën, një copë tokë për të parkuar një automjet që e ka blerë me djersë, mund të ketë, pa shumë sakrifica.
Prej shumë vitesh kemi dëgjuar nëpër fushata elektorale, sidomos për zgjedhjet e pushtetit vendor, se kryeqyteti ynë PERENDIMOR do të bëhet me parkime të nëndheshme, madje me disa të tilla. Është dëgjuar se vendparkimet për makinat do të zgjidhen njëherë e mirë. Ndoshta edhe me ndërtesa të lartë shumëkatëshe, të ngritura për këtë funksion. Realiteti tregon krejt të kundërtën. Edhe plani francez i rregullimit të Tiranës, i miratuar edhe nga KRRTRSH-ja i kishte të planifikuara parkimet nën tokë. Përpos kësaj, premtime për zgjidhjen e vendparkimeve u bënë edhe në fushatën për zgjedhjet e 18 shkurtit 2007. Të dy kandidatët i premtuan, njëri fitoi dhe me pak mund e djersë dhe me disa lekë taksapaguesish tiranas, mund t’jua bëjë këtë “nder” qytetarëve të tij. Në fund të fundit, mban premtimin dhe nuk zhgënjen ata që e votuan.
Pra, Tirana, kryeqyteti jonë PERENDIMOR është pa parkime. E si të mos mjaftonte kjo, disa të pasur apo të fortë që kanë lokale, dyqane, kazino, mjafton të vendosin 2 karrige në anë të rrugës dhe i dalin për zot një pjese të mirë të atyre pak vendparkimeve. Askush nuk i ngacmon.
Të gjithë ata që dalin me makina në mëngjes nga shtëpia, janë të detyruar të ndalojnë. Shumica, të detyruar, parkojnë gabim. Nuk jam i mendimit që ligji e kodi rrugor të mos zbatohen. Por edhe vetë policët, ma ha mendja që duhet të jenë paksa më tolerantë. A janë këta policë që parkojnë edhe vet në rresht për ty me makinat e shtetit? A janë këta policë që pasi mbarojnë 8-orëshin e shërbimit janë si gjithë qytetarët e tjerë të Tiranës dhe i streson e stërmundon gjetja e një vendparkimi për automjetin e tyre? Nuk mund të tolerohet askush që ndalon e parkon gabim e ulet në kafe. Nuk mund të tolerohet askush që parkon në mes të rrugës e takon në anën tjetër të trotuarin një të njohurën e tij me shalë të gjata. Por për një ndalesë të domosdoshme dhe shumë të shkurtër, ndoshta duhet ndihmuar paksa edhe nga policia, ky popull i stresuar, të cilit i ka shkuar “thika në palcë”, ky popull që duhet të nisë të paguajë që në mëngjes; ujin për të pirë e larë sytë, dritat, në shumë raste me fatura aforfe, çmimin marramendës të karburantit, për të cilin jam absolutisht i bindur që abuzohet e askush nuk ndërhyn (uroj që të jetë i gabuar mendimi im, që aksionerët nga politika nuk marrin masa për ta frenuar), bukën që arriti në 80 lekë në kryeqytet për 750 gramë e më në fund, gjobat e pafundme të policisë rrugore. Dikush duhet ta ndihmojë këtë popull të stresuar në kulm, që vetëvritet, vetëvaret apo vetëdigjet në mes të Tiranës.

[amaro]

1 gje nuk kuptoj te kto temat qe hapen per Tiranen, si ka mundesi qe mos te shkruaj njeri diçka mbi evolucionin e saj , te gjithe jan fiksu tek plehrat qente pluhuri Trafiku zhurmat etj. Harroni Diçka qe gjendja e tanishme e Tiranes eshte gjendja me e mire e ktyre 17 viteve te fundit , Piku i Mrekullise Metropolitane ( nuk po tallem) . Per ata qe akoma kan nevoje te shprehen si te psikologu ktu ne forum 2 jan zgjidhjet ose do mbijetosh Tiranen ose do mbikalosh Otranton. ( ne te dyja rastet duhet *****)

[Qyfyre]

Edhe dicka tjeter reth Tiranes.

Prej disa ditësh, kushdo në Tiranë mund të ketë parë dhjetëra policë të qarkullimit, policë të autopatrullës së përgjithshme në një “sulm” masiv. Madje, në këtë llogore pritet të lëshohen edhe policët e Bashkisë. E gjitha kjo bëhet për të disiplinuar trafi kun, për të parandaluar aksidentet, të cilat për hir të së vërtetës, brenda kryeqytetit nuk janë në numër të lartë. Ndërsa dje, Drejtoria
e Policisë së Tiranës, me anë të një njoftimi për shtyp, publikoi aksionin e policisë rrugore dhe autopatrullës në lidhje me qarkullimin. “Gjatë kontrolleve të vazhdueshme të ushtruara përgjatë ditës së djeshme (e mërkurë), nga specialistët e Policisë Rrugore janë vendosur në total 729 masa administrative dhe vetëm për qytetin e Tiranës, 706 të tilla. Pjesa tjetër për linjat”. Deri këtu të gjithë jemi dakord. Policia është e predispozuar të disiplinojë trafikun, në fund të fundit për atë punë është dhe paguhet, dhe nuk dua të vë në dyshim punën e mirë të saj. Madje, kjo është në interes të të gjithëve.
Problemi qëndron gjetkë. Çdonjëri që ka makinë në Tiranë, e ndjen shumë mungesën e një vendparkimi, me apo pa pagesë. Çdonjëri që do të ndalojë për ndonjë punë, qoftë edhe dy minuta, nuk ka ku të lërë makinën. Të duash të bësh pazar në Rrugën e Durrësit, te “Myslym Shyri”, në Rrugën e Kavajës, në Bllok dhe përreth tij, apo edhe në bulevardin kryesor të kryeqytetit tonë PERENDIMOR, do ta konsiderosh veten me fat nëse gjen një vend parkimi. E lehtë është të thuhet, gjë që është dëgjuar shumë herë, “parkoni në një vend e mbaroni në këmbë punët qe keni afër”. Por problemi është se nuk gjendet ai vend për të parkuar dhe logjikisht, i takon që makinën, secili ta lërë në shtëpi. Të ndalosh për blerë një paketë, gjobitesh; të ndalosh për një kartë telefoni, sërish gjobitesh; të kesh fëmijën në makinë e t’i plasë buza për një pikë ujë (temperaturat janë ende të larta), je i detyruar të ndalosh e t’ia blesh dhe sërish gjobitesh. Dhe më e rëndomta; të ndalosh te “Ushtari i Panjohur” për nevoja personale, pasi është i vetmi vend në kryeqytetin tonë PERENDIMOR me banja publike, sërish je i detyruar të parkosh në rresht për dy se s’ke vend tjetër. Kjo është shkelje e rregullave të qarkullimit dhe me të drejtë, policia të ndëshkon. Njëzet lekë i do “ustai” i banjës publike dhe një mijë lek, më e pakta, është gjoba që hallexhiu me diarre gjen në xhamin e përparmë të makinës. Pra, një e vajtur në banjë kushton një mijë e njëzet lekë. Mos u habisni, ky është qyteti ynë i dashur me emrin e madh Tiranë, ku shumë pak njerëz mund të mendojnë vërtet për hallet e banorëve të tij. Ky popull që ngre gishta e grushte sa herë ka mitingje apo fushata elektorale, kaq di. S’po kërkon as drita e as ujë dhe as që e merr mundimin të protestojë ndonjëherë, po nuk pa ndonjë udhëheqës të lartë si organizator. Por të paktën, një copë tokë për të parkuar një automjet që e ka blerë me djersë, mund të ketë, pa shumë sakrifica.
Prej shumë vitesh kemi dëgjuar nëpër fushata elektorale, sidomos për zgjedhjet e pushtetit vendor, se kryeqyteti ynë PERENDIMOR do të bëhet me parkime të nëndheshme, madje me disa të tilla. Është dëgjuar se vendparkimet për makinat do të zgjidhen njëherë e mirë. Ndoshta edhe me ndërtesa të lartë shumëkatëshe, të ngritura për këtë funksion. Realiteti tregon krejt të kundërtën. Edhe plani francez i rregullimit të Tiranës, i miratuar edhe nga KRRTRSH-ja i kishte të planifikuara parkimet nën tokë. Përpos kësaj, premtime për zgjidhjen e vendparkimeve u bënë edhe në fushatën për zgjedhjet e 18 shkurtit 2007. Të dy kandidatët i premtuan, njëri fitoi dhe me pak mund e djersë dhe me disa lekë taksapaguesish tiranas, mund t’jua bëjë këtë “nder” qytetarëve të tij. Në fund të fundit, mban premtimin dhe nuk zhgënjen ata që e votuan.
Pra, Tirana, kryeqyteti jonë PERENDIMOR është pa parkime. E si të mos mjaftonte kjo, disa të pasur apo të fortë që kanë lokale, dyqane, kazino, mjafton të vendosin 2 karrige në anë të rrugës dhe i dalin për zot një pjese të mirë të atyre pak vendparkimeve. Askush nuk i ngacmon.
Të gjithë ata që dalin me makina në mëngjes nga shtëpia, janë të detyruar të ndalojnë. Shumica, të detyruar, parkojnë gabim. Nuk jam i mendimit që ligji e kodi rrugor të mos zbatohen. Por edhe vetë policët, ma ha mendja që duhet të jenë paksa më tolerantë. A janë këta policë që parkojnë edhe vet në rresht për ty me makinat e shtetit? A janë këta policë që pasi mbarojnë 8-orëshin e shërbimit janë si gjithë qytetarët e tjerë të Tiranës dhe i streson e stërmundon gjetja e një vendparkimi për automjetin e tyre? Nuk mund të tolerohet askush që ndalon e parkon gabim e ulet në kafe. Nuk mund të tolerohet askush që parkon në mes të rrugës e takon në anën tjetër të trotuarin një të njohurën e tij me shalë të gjata. Por për një ndalesë të domosdoshme dhe shumë të shkurtër, ndoshta duhet ndihmuar paksa edhe nga policia, ky popull i stresuar, të cilit i ka shkuar “thika në palcë”, ky popull që duhet të nisë të paguajë që në mëngjes; ujin për të pirë e larë sytë, dritat, në shumë raste me fatura aforfe, çmimin marramendës të karburantit, për të cilin jam absolutisht i bindur që abuzohet e askush nuk ndërhyn (uroj që të jetë i gabuar mendimi im, që aksionerët nga politika nuk marrin masa për ta frenuar), bukën që arriti në 80 lekë në kryeqytet për 750 gramë e më në fund, gjobat e pafundme të policisë rrugore. Dikush duhet ta ndihmojë këtë popull të stresuar në kulm, që vetëvritet, vetëvaret apo vetëdigjet në mes të Tiranës.

problemi i parkimit nuk eshte vetem ne kryeqytetin tone perdnimor por eshte ne cdo qytet te mbipopulluar. Problemi nuk zgjidhet me parkime se nuk ka si ben bashkia parkine shumekateshe ne cdo rruge. Edhe nese behen cmimet do jen shum te larta per te parkuar se do mbushen plot e do jen qendra trafiku. Problemi eshte se te gjithe kane pordh e dalin me makine edhe per nje rruge qe behet 10 minuta ne kembe. ose ata qe kane makina kan pordh dhe nuk hypin ne autobuz.

Ne Manhattan ketu ne New York nuk perdor njeri makine fare se nuk ke ku parkon. Parkime shume kateshe e te nendheshme si ato qe duan shqiptaret ka me qindra, po jane $30 per gjysem ore ne disa vende. Marrin trena, autobuza e taksi, ose ecin nese eshte e mundshme. Por shqiptaret nuk mund ti pranojne keto kushte. Dhe ku ne Tirane, qe Tirana behet ne kembe nga cepi ne cep per 1 ore.

[geezer]

une kam qen ne TIRANË 4 her me ka pelqy shum shum

[Caspo]

tirona si gjithmone e bukur

[OPARI]

Ne Jemi Pak Mendje Medhenje Se Per Gjen Me Te Vogel Dhe Me Makine Por Eshte Dhe Ana Tjeter Se Sherbimi Urban Te Le Per Te Deshiruar Atobuzat E Linjes Jane Cope Cope 7 Here Ta Kerkon Fatorinua Bileten Pastaj Mos Pyet Per Sielljen
Dhe Qeveria Nuk I Kontrollon Keto Karburantet Qe Futen Ne Shqiperi Qe Eshte Skandaloz
Dhe Mos E Quani Metropol Se Ja Bejme Shume Qefin Vetes

[Edvin83]

M'u desh te merrja nje vertetim banimi per patente dhe per ta marre ate duhej te paguaje me pare taksat qe kishte vene bashkia. Dhe taksat ishin si me poshte:
21 leke per m2 per banesen
200 leke per gjelberim
2100 leke per pastrim
Thashe me vete, mijera e mijera familje i paguajne keto taksa cdo vit dhe cfare marrin ne kembim?
Plehra, pluhur e balte. SI lejohet ky mashtrim i hapur ku na merren leket e nuk na jepet asgje ne kembim?

[Dr Rieux]

Gazet Shqip, 16 tetor 2007

Al Gore, Rama dhe mjedisi ynë

Mentor Kikia

Juria e çmimit "Nobel" stimuloi lëvizjet dhe politikat mjedisore me akordimin e çmimit të paqes për këtë vit ish-zv/presidentit amerikan, Al Gore, dhe Grupit Ndërqeveritar të Ekspertëve mbi Evolucionin e Klimës. Në dokumentarin e tij mbi ngrohjen globale, që ka bërë xhiron e botës, Al Gore në mënyrë shkencore na tregon se pas pak dekadash, nëse njerëzimi do të vazhdojë ta shpërdorojë natyrën ashtu si tani, bota jonë do të jetë e pabanueshme. Pra, për pak dekada, në globin tonë do të ketë më pak pyje, më pak tokë, më pak ujë të pijshëm, më pak oksigjen, më shumë dete, më shumë të nxehtë e më shumë njerëz që do të luftojnë mes tyre, jo më në emër të parimeve, demokracisë, fesë apo naftës, por thjesht për ekzistuar, për të pushtuar tokat dhe burimet e ujit.

Parashikimet janë apokaliptike, por për fat të keq, shkencore, e megjithatë të gjithë ne (edhe armiqtë më të mëdhenj të mjedisit, si SHBA e Kina) shpresojmë se Zoti do ta ndryshojë rrotën e fatit dhe nuk do ta afrojë fundin e jetës në tokë, më përpara se sa thonë astronomët, që parashikojnë hakmarrjen diellore "së shpejti", pas pak mijëra vjetësh.

Kontributi i Shqipërisë, pozitiv apo negativ, është i pakonsiderueshëm në nivel global në këtë drejtim. Fabrikat e peshkut, që qelbin periferitë e disa qyteteve, furrat e gëlqeres që djegin gomat e përdorura që vijnë nga Italia, apo ndonjë ofiçinë që punon me mazut, nuk ndikojnë në përmasat e vrimës së ozonit, që po zgjerohet çdo vit në afërsi të Polit të Veriut. Por në mushkëritë, shëndetin dhe jetëgjatësinë tonë, ky efekt është i madh, i frikshëm dhe shkatërrues. Statistikat e përafërta shkencore, të mbështetura mbi studimet e bëra herë pas here nga Instituti i Shëndetit Publik, tregojnë se Tirana është padyshim kryeqyteti dhe qyteti më i ndotur i Evropës. Të lusim Zotin të ketë qenë ndonjë gabim, por studimi i publikuar para nja një viti tregonte se banorët e kryeqytetit çdo vit thithin rreth 40 kilogramë pluhur, si pasojë e ajrit të ndotur.

Efekti i parë i kësaj doze është ulja e jetëgjatësisë me pesë vjet. Besojmë se kjo mjafton që ne të gjithë të themi në djall vaftë integrimi, NATO, BE-ja, MSA-ja, Prokurori i Përgjithshëm, lehtësimi i vizave, reforma zgjedhore, kriza në PS e bile edhe ekstradimi i Aldo Bares. E përse duhet të na interesojnë të gjitha këto, kur ne jetojmë në një vend (të paktën ata që jetojnë në Tiranë), i cili është i rrezikshëm për jetën tonë? Ja një shembull se kjo frikë nuk është hiç alarm i rremë. Sot në spitalin infektiv të Tiranës, rreth 80% e pacientëve me sëmundje profesionale (term mjekësor që përmbledh një grup sëmundjesh) vijnë nga një qytet që dikur ka qenë kryeqyteti i ndotjes, Elbasani. Ne jemi të angazhuar të gjithë në "politikën e madhe" dhe nuk e dimë se në këtë qytet njerëzit po jetojnë gjithnjë e më pak dhe një 55-vjeçar konsiderohet i moshuar kur ndërron jetë. Ja një arsye shumë e madhe përse ne në Tiranë e kudo tjetër në Shqipëri, duhet të alarmohemi seriozisht për nivelin e lartë të ndotjes dhe shkatërrimin e mjedisit.

Në 15 vjet, Shqipëria ka pësuar dëme të barasvlershme me një luftë. Statistikat e përafërta tregojnë se rreth 70 për qind e masiveve pyjore janë shkatërruar. Përjeton një tronditje të madhe të shikosh malet e Pukës, të cilat dikur kanë qenë pasuria më e madhe pyjore e Shqipërisë, të masakruara sikur aty të ketë shpërthyer vullkani. Ato sot ngjajnë me kodrat e Saukut në kryeqytet. Gjithkush që kishte një sëpatë e një sharrë iu sul pyllit, duke u sjellë me pasurinë natyrore më keq se spanjollët kur kolonizuan Amerikën e Jugut nja 300 vjet të shkuara. Ky dëm nuk rikuperohet kurrë më. Qeveritë lejuan dhe kontribuuan me licencat që lëshuan në shkatërrimin e lumenjve, duke shkaktuar dëme që do të duan shekuj të rikuperohen. Në 17 vjet qeveritë toleruan masakrën më të madhe mbi tokën bujqësore, atë që nuk është bërë më parë e nuk ka për t‘u zhbërë më kurrë, mbjelljen e saj me shtëpi nga veriu në jug. Askund tjetër, të paktën në Evropë, turma popullore nuk është lejuar të ndërtojë vila, shtëpi, kasolle, pallate e çfarë t‘i teket në mes fushave dhe tokës bujqësore. Po kështu u shkatërrua bregdeti me motele e shtëpi, duke i dhënë fund resursit më të madh ekonomik të vendit. Ne, barbarët, që po jetojmë në këtë epokë, jemi të përkohshëm (për fat të mirë) dhe këtë tokë do t‘ua përcjellim (për fat të keq) brezave pasardhës. Por çfarë do t‘u lëmë trashëgim atyre? Një Shqipëri të shterpëzuar, pa pyje, pa tokë, me lumenj të shkatërruar e pa bregdet, ku mund të bëhet turizëm i vërtetë. Ata padyshim që do të jetë më të mençur se ne, por s‘do të kenë mundësi të ndërtojnë një jetë më të mirë e ta bëjnë këtë vend më të begatë. Brezi ynë u faturon sot turqve osmanë prapambetjen e madhe që na shkaktuan, për shkak të pushtimit 500-vjeçar. Të jemi të sigurt; pasardhësit tanë do të na faturojnë neve pamundësinë e tyre për ta zhvilluar këtë vend, për shkak se ne e shkatërruam atë.

Në këto kushte, ngritja në publik e çështjes së mjedisit nga kryetari i Partisë Socialiste, Edi Rama, në takimet e tij me bazën e partisë, duhet parë si një shi i çmuar në mes të verës së nxehtë dhe duhet përshëndetur me një mbështetje masive. Është tërësisht e vërtetë ajo që thotë z.Rama, se politika e papërgjegjshme është tërësisht përgjegjëse (që nuk i pengon njerëzit e papërgjegjshëm) për këtë dëm të madh, që i është bërë mjedisit në Shqipëri. Z.Rama akuzon dhe vetëm akuzon, dhe mirë bën, por harron se është edhe vetë në listën e të akuzuarve. Ai foli në Sarandë e Gjirokastër për pyjet e prera dhe ajrin e ndotur, por ai është Kryeministri i Tiranës, kryeqytetit të ndotjes. Rrugët që mbeten në rindërtim tej afateve kontraktore vazhdojnë të prodhojnë tonelata pluhuri dhe shoqëritë ndërtimore nuk penalizohen. Kamionët e firmave të ndërtimit derdhin rrugëve dhé zhavorr e beton (në çdo kryqëzim e semafor gjen mbeturina inertesh) dhe nuk penalizohen. Ku tjetër ndodh kjo, të paktën në Evropë? Z.Rama do të ishte mirë që për ajrin e ndotur të Tiranës të mos fliste në Sarandë, por në sheshin "Skënderbej", te "Restorant Durrësi", te "Bërryli", te Rruga Bardhyl, te "21 Dhjetori", te ish-Fusha e Aviacionit… Si kryetar i Bashkisë së Tiranës, ai ka një mundësi për të na treguar se partia që drejton do të ndërtojë nesër një qeveri që do t‘i japë fund kësaj maskarade mjedisore. Megjithatë, në mungesë të veprave s‘na mbetet veçse t‘i përshëndesim të paktën fjalët, pasi politikanët tanë flasin për çdo gjë, veç për shkatërrimin e mjedisit dhe ndotjen që po ha jetën tonë, jo.

[Edvin83]

Të lusim Zotin të ketë qenë ndonjë gabim, por studimi i publikuar para nja një viti tregonte se banorët e kryeqytetit çdo vit thithin rreth 40 kilogramë pluhur, si pasojë e ajrit të ndotur.
.

Eh ne fakt eshte gabim, vetem ne 2004 cdo qytetar i Tiranes thithte 49 kg pluhur ne vit kjo e marre nga : http://www.guardian.co.uk/internatio...179119,00.html

" Sometimes it is much worse. Agron Deliu, an air quality expert from the health ministry, said he had calculated that 35,000 tonnes of air pollutants were emitted from traffic in Tirana in 2003 - that is 49kg (108lbs) per person"

PO tani ne 2007, sa mendoni se thithim ne mushkeri, 60-70 kg?
Ndonje dite do te varrosemi te gjalle nen pluhur...