FC Juventus

[RaPSouL]

Juventus mposht Romën, i afrohet vendit të dytë

Alessandro Del Piero shënoi nga gjuajtja e lirë në fundin e pjesës së parë për t’i siguruar Juventusit fitoren minimale si nikoqir ndaj Romës dhe për t’i afruar bardhezinjtë në vetëm një pikë nën vendin e dytë.

Me fitoren e sotme, Juventus mbledh 47 pikë nga 23 ndeshje, derisa Roma mbledh 48 në vendin e dytë. Inter, që fitoi me rezultat 2-0 ndaj Livornos, kryeson me 59 pikë. Derisa kanë mbetur vetëm 15 ndeshje deri në fund të sezonit, Roma dhe Juventus do të jenë në një luftë të afërt për vendin e dytë, që dërgon direkt në Ligën e Kampionëve.

[ShocK]

Forca Juventus...

[Alex731]

Urime Ulurime, fitore e rendesishme, ne fushe ishe gjith formacioni, qe treguan se kur jane se bashku, han nana, Sissoco ishte mire sonte duhet me shume te luaj.

[EkOnOmIsTi]

Papapap ca ekipi kemi.

Urime skuadres sone te zemeres sepse me kete fitore na ka kanaqur te gjithe si tifoza.

[KOKASHTA]

Epo kot nuk e ka emrin zonja e vjeter...

Megjithese nuk mund te them me plot gojen qe eshte ekip i kompletuar, pasi vjen nga SERIA B dhe ka shume mungesa si ne mbrojtje ashtu dhe ne mesfushe ( Ja vodhi reali, barca dhe interi - ata qe kishte ). Megjithate emrin JUVENTUS e kan frike te gjitha...Me nje vend te dyte jam mese i kenaqur sepse eshte maksimumi qe mund te beje nje ekip i sapoardhur nga B-ja dhe qe po penalizohet sh. rende dhe nga arbitrat.

Hajt shnet e pare te gjithe tifozeve juventine.

[RaPSouL]

Problemi me Buffonin eshte mese serioz dhe gjendja nuk eshte permisuar

"Gardiani" synon që të mos humbasë fazën finale të "Euro 2008"

Bufon-Juve, pakt "evropian"

Portieri, vetëm në sfidat e mëdha

Dhimbjet në shpinë kanë lënë në ankth të gjithë tifozët bardhezi, por edhe gjithë Italinë, duke qenë se në verë fillon kampionati evropian. Edhe pse fillimisht u krijua përshtypja se Xhixhi Bufon i kishte kaluar problemet fizike, tashmë është zbuluar një pakt mes portierit dhe drejtuesve të Juventusit, që konfirmon gjendjen aspak të mirë. "U nxitova dhe u aktivizova shumë më shpejt nga koha që më duhej për të rikuperuar, shpjegoi Bufon. Ishte një muaj shumë i rëndësishëm, por nëse do të arrija të vihesha në dispozicion për ndeshjet e mëdha, do të ishte më mirë".

Situata mund të ishte qetësuar me ndihmën e një bisturie, por operacioni në shpinë është një ndër më të rrezikshmit, edhe për vetë rolin që ka Bufon. Tashmë, numri 1 i Juventusit duhet të bashkëjetojë edhe për pak kohë me dhimbjen, duhet të mësohet të stërvitet dhe të luajë me kujdes maksimal. Kjo sepse pas pak muajsh fillon "Euro 2008" në Austri dhe Zvicër, një eveniment ku Italia është favoritja kryesore, pas titullit botëror të fituar në Berlin në vitin 2006. Në të gjithë këtë situatë, edhe trajneri i "axurrëve", Donadoni, ka kërkuar gjetjen e një zgjidhjeje të ndërmjetme dhe duket se Bufon, pas marrëveshjes edhe me drejtuesit e Juventusit, ka vendosur për aktivizimin "part-time". "Gardiani" ka zbritur në fushë kundër Romës, ashtu sikurse do të bëjë edhe në të gjitha sfidat e tjera të rëndësishme, ndërsa në takimet me "të voglat" vendi i titullarit do jetë i portierit të dytë, Belardi. "Për shkak të llojit të problemit që kam nuk do të mbaj regjim të plotë, shpjegoi Bufon, vetëm pak çaste pas takimit me mjekët specialistë, ku pritej të vendosej se çfarë do të bënte. Do të më duhet ende edhe pak kohë për t‘u rikthyer në formën optimale, por shpresoj që të përmirësohem ditë pas dite, pavarësisht se e di se tashmë duhet të mësohem me këtë dëmtim. Një javë pushim nuk është se do më bënte keq...".

Nga qendra sportive e klubit bardhezi mesazhi ka dalë, por nuk ka dyshim që Bufon ia ka komunikuar këtë vendim edhe trajnerit Ranieri, duke gjetur edhe mirëkuptimin e këtij të fundit. Tekniku e ka të qartë faktin se portieri nuk dëshiron të humbasë evenimentin me Kombëtaren italiane dhe nuk ka ndërmend që t‘ia përkeqësojë edhe më shumë gjendjen fizike, pasi është i lumtur që vetë Bufon dëshiron të jetë prezent në sfidat më të rëndësishme, edhe pse i duhet të zbresë në fushë duke shtrënguar dhëmbët. Ky vendim nuk ka shkaktuar pakënaqësi as te drejtuesit e klubit, me Blank që e mendon ashtu si portieri dhe trajneri i tij.

[_KiNG_]

Te hyj edhe une ne formacionin e tifozave te Forumit Shqiptar .
Ka fillu me korr shume mire makineria Juventine edhe me lojtare pa shume pervoje ne Seria A jane ne vend te 3.
Fitorja me Romen ishte shume e bukur, sepse u pa nje Juventus agresiv ne cdo repart te fushes.
Pershendetje te gjithe tifozave Juventine .

[oliinter]

bravo juventus e keni degjeneruar ROMEN e spaletit.

tani ngelet vetem nese interi humbet kampionatin dhe i ben juves dhurate.

forca INTER

[Flori]

Del Piero: Unë kam besuar gjithnjë!



Sërish një hap. Një, sepse tani janë 195 gjëra që kanë të përbashkëta Alesandro Del Piero dhe David Trezege. Janë golat që të dy kanë shënuar bashkë në Serinë A me fanellën e Juventusit. Vetëm Çarlsi dhe Sivori kanë bërë më shumë: 196. Akoma dhe një hap, një tjetër sforcim i vogël, sepse tani Roma dhe vendi i dytë janë larg vetëm me një pikë. Sërish një tjetër 1, kështu numrat e parë do të ndihen disi vetëm. Del Piero shikon barrierën, godet topin dhe e çon në kryqëzimin mes dy shtyllave. Pastaj feston para fotove bardhezi të Platinisë dhe Bonipertit. Ndërkohë, kapiteni ka shënuar 10 gola në këtë kampionat. Si numri që mban mbi shpinë, si golat që i ka shënuar në karrierë Romës. Si numri i fanellës që Toti ia mori në kombëtare.

ALE NË FORMË - Vërtet, goli i fundit i kapitenit është pjesa më e fortë e një repertori të konsoliduar nga goditjet standarde. Por ka edhe diçka tjetër dhe këtu është e bukura. U kushtohet atyre që "katër vjet më parë" thonin se Del Piero nuk vraponte më. Vrapon, madje më shumë se më parë. Duket teksa lufton mes një "pylli" këmbësh kundërshtarësh në zonën e rreptësisë. E kupton edhe kur Ranieri vendos të mbulohet, aktivizon Sisokon dhe thërret jashtë një sulmues. Një tjetër sulmues, Trezegenë, dhe jo kapitenin.

Duket që francezi nuk e mori mirë; vesh tutat bardhezi dhe drejtohet në dhomat e zhveshjes. Kampionët kështu janë bërë, pastaj ishte dhe ftohtë. Në të vërtetë, Nevedi qëndron në stol pasi ia la vendin Paladinos. Dhe Ranieri "përkëdhel" Aleksin: "Është djalosh i artë. Stërvitet mirë dhe më shumë se të tjerët. Iu desh pak të kapte formën e duhur në fillim, ose nuk e aktivizoja, ose e zëvendësoja. Por tani Del Piero është një vlerë e shtuar për këtë Juve: do ta mbajmë dhe do ta përkëdhelim".

MBËSHTET DEL PIERO - Juventusi, që fiton dhe i afrohet vendit të dytë, është vetëm një hap larg Romës. Kush do ta mendonte një vit më parë? Një si Del Piero, për shembull. Po, ai e kishte parashikuar: "Po, kam thënë që gjithçka ishte e mundur. Të shtunën e konfirmuam, hymë në fushë të bindur se jemi në shtëpinë tonë, të bindur se do të luanim një ndeshje të madhe. Ia arritëm. Herë të tjera kemi luajtur ndeshje jo të mira, por shpirti ynë është gjithnjë i njëjtë. Nuk është e vërtetë që nuk ka cilësi në mesfushën tonë". Ja krenaria e kapitenit. Të gjithë e prisnin dhe ai ishte gati. E priste Xhon Elkani, nipi i avokatit, që në prag të ndeshjes i kishte kërkuar tri gola. I kënaqur është edhe ai: "Po, mjaftoi një, ai më i bukuri. Ai që vlen sa për tre për Juven. Pashë një ndeshje të fortë e me karakter." Presidenti Koboli Xhilji e kishte bërë një parashikim të tillë. Ai, një "nostalgjik i vjetër", e kishte parashikuar golin e kapitenit. "Po, e gjeta, tani besojmë vërtet te vendi i dytë." Një hap larg historisë. Një pikë larg Romës. Vërtet një mrekulli, nëse kështu do të rezultonte edhe në fund. Dhe Juvja e meriton.

Trajneri i Romës e kritikon skuadrën për interpretimin e gabuar të lojës në Torino

Spaleti: E kishim mendjen te Reali

Luçiano Spaleti e komenton me hidhërim humbjen në "Olimpiko" kundër Juves. "Në pjesën e parë dhamë pak, - tha ai. - Ishim pak konfuzë në interpretimin e situatave dhe në krijimin e lojës. Në pjesën e dytë luajtëm më mirë, por është e qartë që bëmë më pak nga ç'mund të bënim. Çfarë taktike me Realin? Do të varet nga paraqitja që do të bëjnë ata."

Është i ndërgjegjshëm që nesër, në ndeshjen me Realin e Madridit, duhet një tjetër Romë, me një vendosmëri të madhe dhe manovër më të plotë. Luçiano Spaleti komenton i hidhëruar humbjen e skuadrës së tij, e paaftë të bëjë rezistencë para një Juventusi që fitoi falë një eurogoli të Del Pieros nga një goditje standarde. "Ishim të ngadaltë në fushë, nuk ishim të zotë të kuptonim ku kishim hapësira dhe ku nuk kishim, - nënvizoi Spaleti. - Nuk mund t'u lejohet kjo epërsi lojtarëve të aftë si ata të Juves."

Roma, në të vërtetë, u duk edhe psikologjikisht e dorëzuar dhe mendja te sfida me Realin mund të ketë ndikuar. "Ndoshta po, - pranon trajneri verdhekuq, - sepse lojtarët shohin ciklin e ndeshjeve që duhet të përballim dhe e dinë që ajo me Realin nuk mund të gabohet, ndërsa për të tjerat ka gjithnjë kohë për të qenë gati." "Merengesat" humbën në kampionat të shtunën me Btisin në Sevilje, por Spaleti nuk e sheh aspak këtë si ogur të mirë: Nuk testoj për humbjet e të tjerëve dhe pastaj ata pësuan dy gola me topa të lartë, ndërsa ne jemi më të aftë me topat e ulët," vëren Spaleti. Pikërisht për këtë duhen gjetur zgjidhje të tjera për të marrë maksimumin dhe për të zbritur në fushë me vendosmëri të madhe, si të shtunën ndaj Juventusit. Ajo që shqetëson më shumë është edhe gjendja fizike e Totit, i cili ndaj Juves thuajse nuk u shfaq fare në fushë. Me Realin duhet të ndihet patjetër "dora" e kapitenit, ndryshe edhe në Madrid gjërat mund të shkojnë siç ndodhën në "Olimpiko."

Juventusi

Vendi i dytë tashmë është objektiv

Fitorja në "big-matchin" kundër Romës ka sjellë entuziazëm dhe bindje në shtëpinë e Juves. Objektivi, tani që u hodh "maska", është vendi i dytë, akoma i zënë nga verdhekuqtë, që tashmë janë vetëm një pikë para. "Ishte ndeshja më e rrezikshme e sezonit. Tani e dimë se cilën rrugë duhet të ndjekim," pohoi Bufoni.

Asnjë nuk kishte besuar te mrekullia, por tani që Roma u mund Juvja mund të kandidojë për vendin e dytë. S'është utopi që të arrish objektivin, duke e mbyllur kampionatin pas Interit: verdhekuqtë janë vetëm një pikë para dhe po përjetojnë formë jo të mirë. Pastaj formacioni verdhekuq duhet të përqendrohet te çerekfinalet e Ligës së Kampioneve dhe po humb motivimin në luftën për titull, duke parë që tani Interi është 11 pikë larg. Juvja, duke shfrytëzuar motivimin e madh dhe lodhjen e vogël, pasi nuk luan në kupat e Europës, bëhet kështu kandidatja më serioze për vendin e dytë. Për këtë edhe lojtarët janë të bindur. Bufoni është entuziazt dhe i karikon shokët, ndërsa Nikola Legrotalje pranon që vendi i dytë ka epërsitë e veta, për faktin se nuk luan në ndeshjet paraeliminatore të Championsit. "Jemi një pikë larg vendit të dytë, - pohoi mbrojtësi, - që të kualifikon direkt. Duhet të besojmë, rëndësi ka të arrijmë të dytët." I vetmi që frenon, siç është e drejtë të jetë, është trajneri Ranieri, që bën krahasimin: "Skuadra po luan shumë mirë, por unë jam mësuar të shoh fundin. Kuajt shihen në fund, tani jemi akoma në kthesë".

Tadei: Në sulm tani na njohin

Mekses e pranon: Po luajmë shumë dobët!

Është thënë shpesh se Roma kur luan dobët rrallë fiton. Skuadra e mirë, e krijuar nga Luçiano Spaleti, tregon pikën e saj të dobët kur nuk është në formë, sepse rrezikshmëria e verdhekuqve vërehet që në minutat e para të lojës. Edhe kundër Juventusit u shfaq problemi kronik i verdhekuqve dhe në fund të ndeshjes asnjë nuk donte ta mohonte ekzistencën e problemit në prag të sfidës me Realin në Champions. "Jam vërtet i zemëruar, sepse po luajmë shumë dobët. Edhe unë duhet t'i jap vetes një të shkundur, sepse kështu nuk mund të vazhdohet," ka thënë pa terma gjysmake Filip Mekses, duke gjetur edhe një aleat të vlefshëm si Rodrigo Tadei, që e mbështet. "Është periudha kur gjërat shkojnë keq, - pranoi braziliani, - por ndoshta është e gjithë skuadra që nuk po luan mirë. Në sulm, para së gjithash, duhet të bëjmë diçka më shumë, pasi kundërshtarët tashmë na njohin. Unë, Toti e Mansini nuk mund të luajmë kështu, duhet t'i përmirësojmë paraqitjet tona, nëse duam të rifillojmë të fitojmë."

[RaPSouL]

Kamoranezi, gjobë për faullin 13-vjeçar


Mauro German Kamoranezi do të paguajë një gjobë prej 45 mijë eurosh për një faull që ka kryer 13 vjet më parë. Këtë e ka vendosur një gjykatë argjentinase në Mar Del Plata, e cila ka bërë të ditur se futbollisti i Juventusit duhet t‘ia paguajë këtë gjobë si dëmshpërblim Havier Picos. Ky i fundit është detyruar të tërhiqet nga futbolli pas faullit të Kamoranezit në vitin 1994, gjatë ndeshjes derbi mes Aldosivi dhe Alvarado, pasi dëmtoi ligamentet, meniskun dhe tendinin e gjurit.


Edhe pas 13 vjetesh vlen kjo???? Hmmm mua me duket pak absurde!