Si do ndahen 5 milionë USD

[RaPSouL]

Zbardhet i plotë vendimi i qeverisë për ndarjen e 5 milionë dollarëve në favor të ish-pronarëve të tokave të shpronësuar në periudhën e komunizmit. Gazeta "Tirana Observer" boton sot për herë nëntë pikat e vendimit nëpërmjet të cilit përcaktohen sipërfaqet, kriteret që do të përdoren dhe dokumentacionet që duhet të dorëzojnë ish-pronarët. Ky vendim është miratuar më datën 5 shtator të këtij viti dhe sapo ka hyrë në fuqi.
Kompensimi financiar
Duke filluar nga java e ardhshme, të gjithë ish-pronarët duhet të paraqesin në Zyrën e Kthimit dhe Kompensimit të Pronave kërkesën dhe dokumentet për të përfituar nga fondi prej 5 milionë dollarë. Afati i dorëzimit të kërkesës është 20 ditë pas publikimit të datës zyrtare nga Agjencia e Pronave. Pas kësaj etape, Agjencia e Kompensimit do të shqyrtojë të gjitha kërkesat dhe brenda tre muajve dhe do të bëhen publik emrat e ish-pronarëve, të cilët do të përfitojnë nga kompensimi financiar. Sipas llogaritjeve të afateve, ish-pronarët do të mund marrin partë e kompensimit në muajin dhjetor. Nga vendimi i ri i qeverisë, ndryshe nga procedura e vitit të kaluar, do të përfitojnë ata ish-pronarë të cilët kanë marrë vendimin të parët dhe jo ata që kanë dorëzuar dosjen të parët. Gjithashtu, sipas vendimit, do të përfitojnë vetëm ata ish-pronarë, pronat e të cilëve ndodhen në qytete ku ka përfunduar harta e vlerës së tokës. Edhe për këtë vit, ish-pronarët do të kompensohen vetëm për 200 metra katror. Ndërkohë sipas vendimit, ish-pronarët, të cilët kanë depozituar kërkesat gjatë viteve 2005-2006 dhe vërtetojnë që kanë kryer pagesën këtë vit, nuk paguajnë tarifën e aplikimit. Ndërkohë ish-pronarët duhet të dorëzojnë pranë kësaj agjencie shtatë dokumente.
Ndarja e fondit
Ndarja e fondit prej pesë milionë dollarëve që ka akorduar qeveria për kompensimin financiar për këtë vit nuk do të ndahet në mënyrë të barabartë për të gjitha qytetet. Sipas burimeve nga Agjencia e Kthimit dhe Kompensimit të Pronave fondi do të ndahet në basë të kërkesave. Pra në atë qytet ku numri i aplikantëve është më i madh se vlera e fondit të akorduar do të jetë më i madh se në ato qytete ku numri i aplikantëve është më i vogël.

Çmimet e pronave

Berat
Zona 1 14.222 lekë/m2
Zona 2 16.514 lekë/m2
Zona 3 15.241 lekë/m2
Zona 4 13.713 lekë/m2
Gjirokastër
Zona 1 13807 lekë/m2
Zona 2 22659 lekë/m2
Zona 3 15568 lekë/m2
Zona 4 11938 lekë/m2
Zona 5 14446 lekë/m2
Zona 6 11565 lekë/m2
Zona 7 14298 lekë/m2
Vlorë
Lagjja "1 Maji", "Qeriba Derri" 22748 lekë/m2
Lagjja "24 Maji" 14392 lekë/m2
Lagjja "10 Korriku" 28733 lekë/m2
Lagjja "Pavarësia" 26882 lekë/m2
Lagjja Uji i Ftohtë 27741 lekë/m2
Lagjja "Isa Boletini" 25597 lekë/m2
Lagjja "Lef Sallata"/ "Rilindja" 36403 lekë/m2
Lagjja "28 Nëntori" 24860 lekë/m2
Lagjja "Dëshmorët" 29842 lekë/m2
Lagjja "Hajro Çakërri" 35552 lekë/m2
Lagjja "Osman Haxhiu" 25152 lekë/m2
Lagjja "15 Tetori" 26625 lekë/m2
Lagjja "Kushtrimi" 25889 lekë/m2
Lagjja "Partizani" 14273 lekë/m2
Lagjja "Lirimi" 24539 lekë/m2
Lagjja Jalli/ Nartë 22232 lekë/m2
Lagjja "4 Heronjtë" 21054 lekë/m2
Përmet
Zona 1 12832 lekë/m2
Zona 2 22537 lekë/m2
Zona 3 232684 lekë/m2
Peshkopi
Lagjja "Nazmi Rushiti" 20 675 lekë m/2
Lagjja "Gjokë Doçi" 20 472 lekë m/2
Lagjja "Aksion" 15 558 lekë m/2
Lagjja "Treg" 19 914 lekë m/2
Lagjja "Vehbi Dibra" 19 197 lekë m/2
Lagjja "SMT" 13 161 lekë m/2
Korçë
Zona 1 27350 lekë/m2
Zona 2 26400 lekë/m2
Zona 3 24800 lekë/m2
Zona 5 18700 lekë/m2
Dibër
Lagjja "Nazmi Rushiti" 20700 lekë/m2
Lagjja "Gjok Doçi" 20400 lekë/m2
Lagjja "Aksion" 16500 lekë/m2
Lagjja "Treg" 19900 lekë/m2
Lagjja "Vehbi Dibra" 19100 lekë/m2
Lagjja "SMT" 13100 lekë/m2
Kukës
Lagjja 1 11200 lekë/m2
Lagjja 2 13800 lekë/m2
Lagjja 3 14900 lekë/m2
Lagjja 4 14400 lekë/m2
Lagjja 5 11200 lekë/m2
Lagjja 6 18100 lekë/m2

Vendimi i qeverise

Procedurat e shpërndarjes së fondit të kompensimit në të holla për vitin 2007

1. Subjektet e shpronësuara, pronat e të cilave është njohur e gjitha për kompensim dhe që i përket atyre qarqeve, rretheve apo qyteteve, për të cilat është miratuar harta e vlerës së pronës, që nuk kanë përfituar nga kompensimi financiar të mëparshme, të kompensohen, sipas radhës kronologjike, të përcaktuar nga numri i vendimit, sipas viteve.

2. Vlera e kompensimit të jetë e njëjtë, deri në 200 metra katror të sipërfaqes së përcaktuar për kompensimi.

3. Subjekte, që kanë depozituar kërkesat e tyre në vitet 2005 e 2006 dhe vërtetojnë kryerjen e pagesës, nuk paguajnë tarifën e aplikimit për vitin 2007.

4. Subjektet duhet të plotësojnë dhe paraqesin pranë zyrës së AKKP-së në qendër, dokumentacionin e mëposhtëm:

a. Formularin tip, që i bashkëlidhet këtij vendimi, të plotësuar;

b. kërkesa për kompensim financiar, për pronën e njohur dhe të përcaktuar për kompensim;

c. vendimin e Komisionit të Kthimit dhe Kompensimit të Pronave/Agjencisë së Kthimit dhe Kompensimit të Pronave, për njohjen dhe kompensimin e pronës;

ç. dëshminë e trashëgimisë;

d. prokurën e posaçme, të nënshkruar nga të gjithë trashëgimtarët e ligjshëm;

dh. fotokopjen e noterizuar të dokumentit të identifikimit (pasaportë, certifikatë ose letërnjoftim) të presonit, që ka prokurën e përfaqësimit;

e. mandatpagesën.

5. Zyra e AKKP-së në qendër, në bashkëpunim me zyrat rajonale, shqyrton dokumentacionin e subjekteve që kërkojnë kompensimin dhe kryen veprimet e mëposhtme:
a. Verifikon dosjen dhe vendimin përkatës, të dhënë nga Komisioni i Kthimit dhe Kompensimit të Pronave/Agjencia e Kthimit dhe Kompensimit të Pronave;

b. verifikon në zyrat vendore të Regjistrimit të Pasurive të Paluajtshme të cilat brenda 5 ditëve konfirmojnë çdo të dhënë, vlefshmërie dhe çdo të dhënë tjetër për vendim përkatës;

c. verifikon çdo dokument, që vërteton se prona ka ndryshuar gjendjen juridike të pronësisë, nga çasti i daljes së vendimit, në favor të subjektit të shpronësuar;

ç. llogarit vlerën e kompensimit për secilën subjekt të shpronësuar;

d. përgatitë plan-vendosjen e pjesës përfituese të pronës, që kompensohet;

dh. shpall listën e subjekteve përfituese në mjediset e zyrës qendrore dhe zyrave rajonale të AKKP-së, si dhe në median e shkruar dhe atë elektronike;

e. miraton vendimin e kompensimit, për secilin subjekt të shpronësuar, të shoqëruar me plan-vendosjen e pjesës përfituese të pronës që kompensohet, vlerësimin dhe relacionin përkatës.

6. Agjencia e Kthimit dhe Kompensimit të Pronave, në mbështetje të fondeve të planifikuar në buxhetin e shtetit, bën kalimin e fondit të kompensimit financiar, në emër të subjekteve të shpronësuar, përfitues të kompensimit, apo të përfaqësuesit të tij me prokurë, në përputhje me procedurat për zbatimin e buxhetit të shtetit.

7. Procesi i regjistrim/pranimit të kërkesave për kompensim fillon 5 ditë pas datës së hyrjes në fuqi të këtij vendimi dhe vazhdon për 20 ditë.

8. Ngarkohet Agjencia e Kthimit dhe Kompensimit të Pronave për zbatimin e këtij vendimi.

9. Ky vendim hyn në fuqi pas botimit në "Fletoren Zyrtare".

Tiranaobserver.