Lidhjet e Nanos me mafien

[Anton]

Mbreti i "bjondeve", në oborrin e Fatos Nanos

Hetimet zbulojnë kontaktet mes Kamorrës dhe eksponentëve të qeverisë shqiptare

Në 5 prill 2001, në orën 08.55 tregon një raport informativ i shoqëruar me foto, njeriu i Macarelës zbarkon në Durrës. Për ta pritur ka ardhur Hysen Shahu i cili më pas do të "kalojë me të gjithë kohën e qëndrimit në Shqipëri, duke u spostuar në një prej veturave që i përkasin Kryetarit të Partisë Socialiste të Shqipërisë, Fatos Nano, dhe me destinacion ministri të ndryshme dhe Drejtorinë e Policisë së Tiranës, ku shërben i biri i Shahut, Atani", thuhet mes të tjerash në 757 faqet e raportit të GIP, Xhuzepe Çiampa

NAPOLI – "Italia është një partner strategjik për Shqipërinë", ka thënë Fatos Nano, duke prezantuar programin e qeverisë së tij të katërt në parlament, ku na vendos ne (Italinë) në vendin e parë, mes atyre vendeve, me të cilët synon të ketë raporte më të ngushta. Po cila Itali? Cilës Itali i referohet në "kontratën e tij tepër personale me shqiptarët", cila do të jetë Italia me të cilën synon "të punojë" Kryeministri i riemëruar i Shqipërisë?

Ndërkohë, nga veprimet dhe hetimet që kanë çuar në arrestimin e një emri të madh të Kamorras, shfaqen sinjale shqetësuese.

Muajin e kaluar, pas dy vjet hetimesh të ndërlikuara, të zhvilluara në Itali dhe jashtë saj, nga skuadra e Kuesturës së Napolit, e koordinuar nga zëvendësprokurori Luçiano D’Anxhelo, i Drejtorisë Rajonale Antimafia, u arrestua në një rezidencë të Torre Molinos, në Malaga – Spanjë, Çiro Macarela, bosi historik i Kamorras.

Numri një i kontrabandës në "vitet e artë" të bjondeve dhe skafeve blu deri në arrestimin e tij në vitin 1993, Çiro Macarela, tre vjet më parë kishte shkuar fillimisht në Zvicër, e më pas në Spanjë për të risistemuar organizatën e tij, një nga të paktat organizata të Kamorras napoletane, që njihet edhe nga Cosa Nostra.

Por, pikërisht në Shqipëri ai gjen thesarin e tij. Macarela ka marrëdhënie të ngushta me eksponentë politikë të qeverisë shqiptare dhe një "delegacion" i tiji u prit madje, në 29 janar 2001, nga Shefi i Policisë së Tiranës.

Njeriu i tij përtej Adriatikut është Hysen Shahu, ish zëvendës ministër i Brendshëm ("i Rendit Publik", në Shqipëri) i qeverisë së Enver Hoxhës, dhe, ajo që ka më shumë rëndësi, njeri i besuar i Fatos Nanos, aq sa është i lirë të përdorë makinat e Kryeministrit aktual të Shqipërisë për takimet me Macarelën.

Që nga viti 1991, pra kohë kur ishte nënshkruar me Italinë marrëveshja e bashkëpunimit bilateral që parashikonte mbylljen e magazinave të duhanit, të vendosura në Durrës, Shqipëria kishte humbur rolin e saj, si bazë e privilegjuar, për futjen në Itali të cigareve, e zëvendësuar në këtë pikë nga Mali i Zi. Macarela nuhati se vetëm rikthimi në të shkuarën është rruga e duhur, për të rihyrë me bujë. Cigaret do të vinin nga Greqia, përmes tokës. Nuk mbetej veçse të gjente kontakte në Shqipëri, për të sistemuar "bjondet", në pritje të ngarkimit dhe më pas dërgimit në brigjet puljeze, ku më pas me to do të merrej organizata që i përkiste Paolo Kuarantas, një kontrabandist që vdiq në det në prill të vitit 2001. Shahu ishte njeriu i duhur, ai në vitet nëntëdhjetë ishte marrë me kontrabandën e cigareve, për llogari të qeverisë shqiptare. Kontaktet bëhen të vazhdueshme. Klanin e prezanton Vinçenco Tita, i konsideruar "ambassador" i Çiro Macarelës, urdhërat e të cilit ai i zbaton në kontakt të drejtpërdrejtë dhe që vepron tamam si alter ego e tij.

Përkrah Hysen Shahut, një rol të dorës së parë në organizatë ka edhe e bija e tij, Teuta, ndërkohë që në këtë çështje përfshihet edhe një tjetër djalë i Shahut, Artan Shahu, funksionar i policisë, që merret me ndjekjen e krimeve financiare në Shqipëri.

Tita shkon më shpesh në Shqipëri, ku takon Shahun dhe të tjerë eksponentë politikë. Që nga nisja e tij nga Bari dhe deri në rikthimin në Itali, ai ndiqet vazhdimisht nga njerëz të policisë italiane me qëndrim në Tiranë, sipas një marrëveshje italo-shqiptare nënshkruar nga qeveria Amato. Në 5 prill 2001, në orën 08.55 tregon një raport informativ i shoqëruar me foto, njeriu i Macarelës zbarkon në Durrës. Për ta pritur ka ardhur Hysen Shahu i cili më pas do të "kalojë me të, gjithë kohën e qëndrimit në Shqipëri, duke u spostuar në një prej veturave që i përkasin Kryetarit të Partisë Socialiste të Shqipërisë, Fatos Nano, dhe me destinacion ministri të ndryshme dhe Drejtorinë e Policisë së Tiranës, ku shërben i biri i Shahut, Artani", thuhet në 757 faqet e raportit të GIP, Xhuzepe Çiampa.

Në Tiranë, Macarela dhe Shahu nën shoqërinë e dy burrave të tjerë, hipin në një Audi 80 (me targë TR 9499 B). Këtu, pas qëndrimit në hotel, shkojnë në barin ‘Lady Diana", në qendër të qytetit. "Ky lokal – vazhdon raporti I GIP) – kishte qenë shenjuar si qendër aferash kriminale, të Gaz Demit, ortakut të fshehtë për çështje të dyshimta ligjore të ish Kryeministrit shqiptar, Fatos Nano. Sipas asaj që është mësuar, Gaz Demi, për llogari të Fatos Nanos, ishte eksponenti kryesor i kontrabandës së cigareve në Shqipëri dhe njëri prej financuesve kryesorë të Partisë Socialiste Shqiptare. Gaz Demi kishte bërë të tijat në Sarandë disa magazina shtetërore, që shërbenin si depozita për cigaret që vinin nga Europa Lindore, përmes Greqisë".

Edhe Macarela do të ketë depozitat e tij, me një kontratë të rregullt magazinimi të nënshkruar në 3 janar 2001 përmes shoqërisë zvicerane Tradex, si dhe Beltranz, që të çojnë edhe njëherë tek vetë Shahu, i cili ka siguruar liçencën nga qeveria shqiptare. Këto janë në zonën portuale të Himarës, në jug të Shqipërisë. Një pozicion që, në fakt, lejonte Macarelën të bënte tregti ligjërisht në Shqipëri dhe që i lejonte atij të bënte të tijat sasitë e cigareve që vinin nga multinacionalët e kësaj industrie, duke mbajtur njëkohësisht edhe një sy nga hapja e një tregu në Europën Lindore. Eshtë vetë Teuta Shahu që flet në telefon me Vinçenco Titën. Flet për dyzetë, pesëdhjetë kontenierë me cigare në muaj për t’u dërguar në ish vendet e bllokut sovjetik. Një fitim prej 200 milionë dollarësh në vit, të faturuar. 200 milionë dollarë të tjerë "miliona nga ata jeshilët", i thotë Tita në telefon Macarelës, mbi të cilat mund të viheshin duart ishin paratë që Banka Botërore kishte caktuar për ndërtimin e rrugëve dhe pallateve në Shqipëri. Macarela kontakton me disa sipërmarrës që veprojnë në sektorin e ndërtimit dhe atë të sigurimeve dhe, gjithnjë përmes Titës dhe Shahut u siguron në Shqipëri takime me personazhe vendimarrëse. (Në raportin e GIP thuhet: "Subjektet e nisura nga Italia (Vinçenco Tita dhe sipërmarrësit, Ernesto Laudano, Adolfo Verde dhe Vinçenco Kuadro) u takuan, në Portin e Durrësit me Hysen Shahun dhe një njeriun e tij dhe më pas janë nisur për në Ministrinë e Pushtetit Lokal, në Tiranë, ku më pas janë parë të dalin nga Sekretaria e Ministrit. Duhet thënë, se Ministria e Pushtetit Lokal në Shqipëri merret me punët Publike").

Macarela, si "ndërmjetës" do të merrte 6 % të çdo marrëveshjeje të përfunduar. Mes punëve që do të realizoheshin ishte edhe ndriçimi i portit të Durrësit. Një çështje që duhej mbyllur me shpejtësi dhe për të cilën ishte propozuar emri i një farë Rafaele Luzon, tashmë pseudonim i Macarelës, në shoqërinë "Sirena" ndërtuar në Krashovë, për të investuar në Poloni. Kontaktet ndërkohë i mban zonja Lina, alias Carmela D’Elia bashkëshorte e Macarelës, arrestuar bashkë me të në Spanjë. Tita i referohet asaj për të përfunduar çështjen. Ka urgjencë për të folur me sipërmarrësin, i cili duket i "pakapshëm,". Brenda një ore, janë tre telefonata mes gruas dhe krahut të djathtë të bosit, të angazhuar në Tiranë. Në një prej tyre, Tita i thotë gruas së Macarelës: "Isha me Kryeministrin (që duhet të jetë Pandeli Majko) dhe të gjithë të tjerët! Sepse janë të interesuar për çështjen".

Dhe më pas, me një ton të kënaqur shton: "Zonja Lina, i kam mundësuar burrit tuaj (Çiro Macarelës) të flasë me vetë njeriun kryesor… le të themi, me Presidentin tonë!" L’UNITA

E SHTUNE 03 GUSHT 2002

RD

Me se fundi!

Couni shqiptar e zhdukeni ate mafioz!

[krispi]

Po tani?
Asgje s'do ndodhe, si gjithmone tek e fundit.
Ky artikull do harrohet si shume te tjere, aq me teper qe nuk thote asgje qe ne nuk e dinim.
Nuk do ishte bukur sikur: te nesermen e artikullit te mblidhet parlamenti ne seance te jashtezakonshme, i heqin imunitetin dhe shkarkojne Fatos Nanon nderkohe qe gjykata ka nxjerre urdherin e arrestit dhe atehere......le te mblidhej perseri ajo KPD e neveritshme dhe te sqarohej...
Me pelqen te enderroj nganjehere
Krispi

[Albo]

Teksa USA i kushtezon Serbise ndihmen ekonomike me njohjen e pavaresise se Kosoves, shteti italian po "e pastron orizin" nga guralecet. Jane me qindra shqiptare qe merren me prostitucion e krim te organizuar qe kane perfunduar pas hekurave fale seriozitetit te policise italiane. Peshqit e vegjel, do ta cojne prokurorine italiane dhe ate shqiptare tek peshqit e medhenj.

Keto artikuj do te vijne duke u shtuar ne shtypin italian, pasi ne kete menyre italia ushtron trysnine mbi njerezit e inkrimuar ne Shqiperi. Kokat e krimit ne Shqiperi do te priten nje e nga nje, dhe Nano me sa duket, do te dimeroje serrisht ne burgun e Benxhes, perseri me dosje te hapur ne Itali.

Edhe prokuroria shqiptare eshte vene ne levizje duke nxjerre para drejtesise abuzuesit ne tenderat e ministrise se rendit.

Ky eshte vetem fillimi, pasi asnje shtet, asnje shoqeri nuk ben dot perpara nese nuk asgjeson krimin e organizuar ekonomik qe vepron me vule zyrtare ne Shqiperi.

[alumni]

Te admiroj, ALBO, per optimizmin e pareshtur ne parashikimin / rjedhen e ngjarjeve - ashtu u befte, por me kete paragraf qe vijon, a duhet kuptuar se bota mbare duhet te krijoje nje aleance kunder shtetit korruptiv shqiptar, sepse asnje shtet, asnje shoqeri nuk ben dot perpara?

Ky eshte vetem fillimi, pasi asnje shtet, asnje shoqeri nuk ben dot perpara nese nuk asgjeson krimin e organizuar ekonomik qe vepron me vule zyrtare ne Shqiperi.

[ilvirys]

Nuk e di nese dikush nga ju ka lexuar nje nga librat e Mikele Pantaleone, dhe pikerisht ate "Mafia dhe Politika" ju siguroj qe nqs se nuk e keni lexuar mundohuni aty e gjeni pergjigjen e ardhemrise se ketyre afareve.

Me respekt enton student per criminal justice NY

[dylkosova]

Fatosi eshte nji burr shum i menqur po ku jan ata burra ma te menqur si nuk mujten ta largoin Nanon po pse folni kot ore burra
dhe vet ja kemi dhanur voten dhe prap folim marri na qofte¨.
Te gjith ata se folin kot e kan se ky burr vran dhe kthjell ne Shqiperi.
Kesi duhet te ken Shqiperia une ja dhash voten Sales por ai nuk diti ta mbaj vendi dhe na bani rremuaj gjith Shqiperin
.

Ah sikur te ishte xhaxhi Enver gjall vetem nii vit dhe hiq tjeter.

[BOKE]

Kryeministri Fatos Nano, do të hedhë në gjyq revistën italiane "L'Espresso", pas shkrimit në numrin e fundit të saj ku kreu i ekzekutivit shqiptar akuzohej si "padrino i Shqipërisë". Kjo u bë e ditur sot nga zëdhënësi i Kryeministrit, i cili e cilësoi shkrimin e "L'Espresso", duke e cilësuar artikullin në fjalë si një shpifje. Do të jetë një avokat i caktuar nga vetë Nano që do të merret me këtë çështje që së shpejti do t'i kalojë drejtësisë, shtoi zëdhënësi Aldrin Dalipi. Shkrimi i "L'Espresso", i publikuar edhe në shtypin shqiptar theksonte ndër të tjera edhe faktin se shumë nga njerëzit pranë Kryeministrit Nano janë të përfshirë në afera mafioze. dxh/mr (BalkanWeb)

[ilvirys]

Nje Plus i madh per nje person qe akuzon eshte nje dokument qe ne e quajme "fakt"ne gjuhen tone. Dhe perderisa pala akuzuese nuk paraqet fakte bindese per cfaredo lloj trupi gjykues nuk do jepte nje vendim unanim.
Plus qe organi i prokures do zbrapsej menjehere duke pasur parasysh palen e akuzuar.
Nje targe makine dhe nje person nuk mund te mbushin dot nje dosje me fakte bindese per te mare nje vendim.
Kethehuni pak ne histori(Kenedi u vra dhe megjithese ish president dhe pothuajse te gjithe atentatoret u kapen dhe me vone u eleminuan .... Akuza,prokuroria nuk ka nxjere dhe ska per te nxjere nje konluzion zyrtar per kete ceshtje, derisa te plotesohet afati prej 100 vjetesh i dosjeve te mbyllura, dmth asnjeri nga pjesmaresit ne skene te mos jetoje.

[Albo]

Faktet per inkrimin e Nanos dhe gjithe trimave te tjere te PS-se i kane nxjerre vete keta, ne KPD-ne e tyre, takim qe u transmetua live dhe e kane pare e degjuar gjithe shqiptaret ne Shqiperi. Nano akuzoi te tijet, ashtu sikur ata sulmuan Nanon.

Te hapesh nje ceshtje penale ndaj Nanos nuk duhen dosje por biblioteka pasi te atilla jane edhe faktet e inkriminimit.

[Vinny_T]

"Korupsioni ne demokraci, eshte aq i domosdoshem si vaji te nje makine mekanike, pa te nuk funksionon".
Te gjithe e dime qe korupsioni na peshon ne jeten e perditeshme, por pothuajse te gjithe e perdorim kur na nevojitet secili ne nivelin ku jeton sigurisht. Kush i jep para nje funksionari per ti nxjerre nje pashaporte, dikush tjeter para ne dore nje polici ne vend qe te paguaj pak me teper nje gjobe te vene, nje tjeter para ne dore kontrollorit te energjise per te mos paguar vleren e vertete te energjise qe ka konsumuar, nje tjeter parate ne dore per te ikur si klandestin me gomone, ose para per te patur nje vize fallco, dikush paguan para per nje burse studimesh ......lista eshte shume e gjate dhe ne njerin nga keto raste secili prej nesh mund te gjej vetveten. Fatkeqsisht ky sistem u ndertua nga vet ne e jo vetem nga 50 politikane te korruptuar qe kemi, te gjithe marrim pjese ne kete sistem dhe kontribojme ne ushqimùin e tij te perditshem me korupsion. Ne nje shtet ku pjesa me e madhe jane te korruptuar ska me korrupsion, pasi eshte menyre jetese dhe kjo gje behet normale ( fatkeqsisht ).
Afare korruptive ke ne te gjitha shtete perendimore dhe sigursiht politika eshte e lyer dhe perlyer me to.
Po te kapim psh Berlusconin, te gjithe do te qeshnin pasi deri para 2 vitesh rezikonte ( e vazhdon te rrezikoje deri 40 vjet burg per afaret qe eshte i akuzuar e jane ne shqyrtim e siper ) te gjithe do te qeshin pasi dhe pse i akuzuar u zgjodh kryeminister ne Itali, ne nje shtet qe ne 50 vitet e fundit ka nderruar 55 qeveri!!Rekord absolut dhe po te shohesh me vemendje nga Roma deri ne Napoli e poshte nuk funksionon shteti Italian po mafia e kamorra, aq sa dhe vete italianet e veriut si duan me e duan te ndahen, pasi paguajne vetem taksa per ate pjese te Italise...Ne France Chirac vetem imuniteti i presidentit qe kishte e shpetoi nga burgu pasi refuzoi te pergjigjej pêrpara drejtesise franceze per afaret koruptive qe akuzohej ( 5 afare dhe te gjitha per korrupsion pasif ose aktif, abuzim fuqie...) dhe pa folur per finacimin e partive politike franceze dhe pastrim parash per kete nepermjet Zvicres ku parate e nje kompanie te petrolit shteterore franceze ( Elf )financonin partite politike franceze te te dyja kraheve, si dhe ate te Helmut Kohl ne Gjermani..Kujtoni skandalin finaciar qe u krahasua water gate ne USA te familjes Clinton dhe me dhjetra e qindra si keto....
Keto fakte qe permend me siper nuk justifikojne aspak ato qe behen ne Shqiperi po mundohuni te relativizoni gjerat se njerezit jane gjithandej njesoj ne te gjithe boten, njeriu eshte qenie e çuditeshme, sa me teper fuqi ti japesh aq me teper i rrit dhe mundesine per te abuzuar. Nuk duhet te enderrojme qe dhe te kerkojme politikane efikase dhe nga ana tjeter te jene engjej perndryshe kalojme ne naivitet.
Megjithate duhen denoncuar te gjitha anomalite qe verehen tek pushtetaret dhe funksionaret e larte te shtetit pasi vetem keshtu sistemi mund te funksionoje pa patur nevoje te kete lufte civile çdo 5 vjet.
Pershendetje