Maqedoni, festa pa flamur

[Beqari002]

E njejta gje ishte edhe ne Presheve e Bujanoc.


Maqedoni, festa pa flamur

TIRANË- Në Maqedoni, Dita e Flamurit është festuar me manifestime, tryeza bisedash, ndërsa nëpër shkollat me mësim në gjuhën shqipe janë mbajtur ligjërata për rëndësinë e kësaj date. Në të gjitha mjediset e banuara me shqiptarë ka valuar flamuri kombëtar dhe nuk ka njoftime për ndonjë incident apo tentativë të autoriteteve maqedonase për të penguar përdorimin e tij. Në Maqedoni ende nuk ekziston ligj për përdorimin e flamujve kombëtarë dhe shqiptarët në Maqedoni mbajnë në kujtesë korrikun e vitit 1997 kur forcat ushtarako-policore maqedonase ndërhynë në qytetin e Tetovës dhe të Gostivarit, qytete të banuara kryesisht me shqiptarë dhe, me dhunë, hoqën flamurin shqiptar nga ndërtesat e kuvendeve komunale në këto qytete. Në Gostivar pati edhe viktima, ndërsa qindra shqiptarë të tjerë u keqtrajtuan. Kryetari i atëhershëm i komunës së Gostivarit, Rufi Osmani, u dënua me disa vjet burgim. Ky i fundit tha dje për radion BBC se: "Mospërdorimi i flamurit kombëtar është një fyerje e rëndë e identitetit dhe dinjitetit kombëtar të shqiptarëve në Maqedoni". Bashkimi Demokratik për Integrim, parti shqiptare në pushtet, ka thënë se do të ndërmarrë nismën për miratimin e një ligji për përdorimin e flamujve. Nënkryetari i BDI-së, Rafis Aliti, thotë se ligji duhet të mundësojë që, krahas flamurit shtetëror, të përdoret edhe flamuri kombëtar shqiptar. "Qëndrimi ynë është se flamuri shqiptar apo flamuri i bashkësisë shqiptare në Republikën e Maqedonisë duhet të valojë krahas flamurit shtetëror",- thotë ai. Por përfaqësues të koalicionit qeveritar, të drejtuar nga Lidhja Socialdemokrate, janë shprehuer kundër idesë së zotit Aliti.
--------------------------
---------------------------
Oj sharkie lehte si era , a ka ardhur ne Shqiperi pranvera?