E gjitha Une!

[*Meri*]

Nuk e dëgjon?
Eshtë një klithmë,
një psherëtimë,
është një dhimbje që më lind brenda,
një melodi
e çakorduar
absurde
e vetmuar
dhe bosh.
Nuk e dëgjon?
Në dyluftim me zemrën time,
humbet
në cdo rrahje të saj,
dhe edhe pse gjakoset
kthehet prapë
megjithëse e di
që prapë do humbas.


Te gjitha te drejtat te rezervuara nga Meri.

[*Meri*]

Unë të mbulova me Tetor,
të vendosa në petale poezie
dhe butësisht të përkëdhela me gërma,
të pikturova në heshtje
njësoj si të gjithë engjëjt e ëndrrave të mia,
dhe mbrëmjeve të fshiva përsëri,
të mbulova mes krahëve
në dhjetorët pa hënë,
të ruajta nëpër vargjet
që strukeshin tek ti.

Te gjitha te drejtat te rezervuara nga Meri.

[*Meri*]

Meduzë e dashur ...
Të kthej në gurë sapo të kam përball
dhe nuk është faji im:
Apo është?
Ke rrjetë merimangash në sytë e tu
që deri në buzët e tua varet
dhe gjuhën ta mbyll heshtshëm
Ti nuk flet dot më,
ke filluar shoqërinë
me insekte të vdekur,
me hijet rrugëve bisedon,
tani ti nuk ke më pavdekësi
dhe nuk është faji im:
Apo është?
Gjarpërinjtë
vazhdojnë të të zvarriten mbi kokë,
lëshojnë imazhe pa ngjyra,
tinguj pa zë,
për ta nuk ka më fitore,
ikin nga refleksi mbi ujin e syve të mi
ata nuk kanë më mëngjese,
thjeshtë bashkë me ta dhe ti
largohesh si hije
në fundin e këmbëve të mia.
Meduzë e dashur ....
Nuk është faji im.
Apo është?

Te gjitha te drejtat te rezervuara nga Meri.

[*Meri*]

Nuk jam larguar dot
nga sytë përgjues
nëpër vrimat e çelësave,
në pyllin e thashethemeve
rrugën kam humbur,
me lëkurën zhveshur nga një gjarpër
jam veshur,
në këtë rrëmujë
pengmarrjesh qesharake
jam hutuar,
e vetmja gjë që duhet të bëj
është ...
të vazhdoj të jem
e harruar


Te gjitha te drejtat te rezervuara nga Meri.

[*Meri*]

Klithmë e shpirtit tim,
e thyer nga magjia
në përkëdheljet e ngelura varur
në trupat e çliruar nga fantazia,
virgjëroje shikimin
në sytë që vyshken bashkë me vjeshtën që ikën.
Klith ti shpirt i përgjunjur,
udhëtues pa rrugë,
e ëndërrues pa ëndrra.
Klithmë e shpirtit tim,
thyeji muret e kujtesës
që transportojnë bagazhe mbi peshë,
gërvishti rrugët me asfalte të shkrira.
Ti Klithmë e shpirtit tim,
Ndiej…
Duaj…
Duaaaaaaaaajjjjjjjjjj


Te gjitha te drejtat te rezervuara nga Meri.

[*Meri*]

Ti më ke lënë të pres.
Vendose një gur aty
si në radhën e dikurshme të qumështit
dhe.... më the : “Prit.”
Në pritje
thonjtë e bishave mu rritën
e shpirtit mu kthyen,
ma gërvishtën,
ma çanë,
ushqim për hienat ma bënë.
Ejjjjjjjjjjjjjjj ndal!
Nuk është kërmë shpirti im
vetëm pse ty ta kam fal!!!


Te gjitha te drejtat te rezervuara nga Meri.

[*Meri*]

Mere lotin tim
Mbuloju netëve të ftohta me të
Veç kujdes ...
Nuk dua që të mbytesh


Te gjitha te drejtat te rezervuara nga Meri.

[Çaushi]

Mere lotin tim
Mbuloju netëve të ftohta me të
Veç kujdes ...
Nuk dua që të mbytesh


Te gjitha te drejtat te rezervuara nga Meri.

Komplimete Meri ! .....i embel vjen vargu Yt,poezi te bukura ,pergezime per temen!

[engjellorja]

me te vertete
shume te bukura poezite

nese me lejohet te perdor termin "profesioniste"

[bebushja]

po Meri eshte shkrimtare e afirmuar