Lojë Publicistike me Tragjedi!

[skipetar]

Te "Problematika Shqiptare", e pata nisë një temë me titull "Qëllohet me armë zjarri polici i SHPK-së , Triumf Riza". Shkrimet prej asaj teme ishin bartë në temën "Vritet Burri i Adelina Ismajlit" te "Aktualitete shoqërore".*

Atë të paemër, që paraqitet si burri ose gruaja i/e X-it, që ua ka ndërru vendin shkrimeve, po e këshilloj se më mirë do të ishte me i fshi shkrimet se sa me ua humbë kuptimin ashtu.

Ndryshe prej atij/asaj që ka luajtë me shkrimin tim, polici që është vrarë nuk është pagëzu si "burri i Adelina Ismajlit", por e ka pas emrin Triumf Riza.

Ai/ajo që e ka luajtë shkrimin tim, le ta gjen një temë për letrën publike, me të cilën babai i të ndjerit Triumf Riza i është drejtu kryetarit të AKR-së Behgjet Pacollit.

Për me u shkru kjo letër te "Vritet Burri i Adelina Ismajlit", letra do të duhej me qenë e shkruar nga "babai i burrit të Adelina Ismajlit".


"
Atë ditë kur ishit me stafin e partisë suaj për të na ngushëlluar për vrasjen e kurdisur pas shpine të djalit tonë Triumf Riza, ju na e lat edhe një pliko me 500 euro. Meqë ishit në shtëpinë time, ku ishin edhe shumë njerëz të tjerë që kishin ardhur për të m’i shprehur dhembjet, e përmbajta veten dhe nuk veprova në kundërshtim me shpirtin dhe dinjitetin shqiptar. E kisha të qartë dhe e kontrolloja veten se nuk bën të bie në nivelin e ulët, madje në nivelin tënd. Falë disa të tjerëve nga kryesia e AKR-së dhe moralit e zakoneve tona kam arritur ta përmbaj veten në çastet më të vështira. Unë si baba dhe tërë familja ime gjithë jetën jemi përpjekur të jetojmë me nderë me djersën tonë. Hipokrizinë dhe moralin e dyfishtë kurrë s’kam mund t’i duroj. Ti zotëri Behgjet Pacolli në njërën anë bën allëshverëshe me kriminelin ordiner Enver Sekiraqa, e në anën tjetër vjen e më ngushëllon e më përqafon, është hipokrizi e turp nacional.
Familja ime ka njohuri të mjaftueshme se ti me Rrahim e Selim Pacollin keni lidhje të drejtpërdrejtë me kriminelët me mbiemrin sllav Sekiraqa, përkatësisht me krimin e organizuar. Gazeta jote “Lajm” e ka mbrojtur dhe po vazhdon t’i mbrojë kriminelët. Kjo u pa edhe me mosraportimin dhe fyerjen e rëndë që i bëtë birit tim të ndjerë, i cili ra pre e kriminelëve që i financon kompania jote. Ky është “morali” juaj!
Mjafton të lexohet letra e dy gazetarëve Faton Osmani e Altin Ahmeti në “Koha ditore” për të parë se deri në ç’shkallë bie raca juaj. Po fitoi partia jote me politikën e sadakasë mashtruese tënden, mjerë shqiptaria dhe mjerë demokracia. Paratë tua të pista janë zjarr për mua e familjen tonë. Kemi dhimbje të madhe dhe na le të qetë. Paratë e pista t’i kam lënë në SHPK, prandaj shko dhe merri.


Prishtinë, 17 shtator 2007
Shefqet Riza, babai i të ndjerit Triumf Riza
"



*

Qëllohet me armë zjarri polici i SHPK-së , Triumf Riza

Sot në orët e pasditës në Prishtinë është qëlluar me armë zjarri pjesëtari për intervenime të shpejta i SHPK-së, Triumf Riza. Zyrtarë të policisë kanë konfirmuar lajmin se polici i plagosur rëndë , ka vdekur në Qendrën Klinike Universitare të Kosovës.
Rasti është duke u hetuar nga Drejtorati për Krime të Rënda në nivel të Komandës Kryesore të Policisë në Prishtinë.

RTKLive.com
30 Gusht 2007

Nëse ka mundësi dikush me shkru më shumë për këtë vrasje duke shtjellu mënyrat e luftimit të krimit të organizuar Shqiptar - pa e përul flijimin e këtij polici sikur të ishte vrarë për shkak të ndonjë këngëtarje të kafeve.

Vrasja e shembëlltyrës së rendit dhe sigurisë së qytetarëve Triumf Riza është vrasje politike

Kanë kaluar plotë 20 muaj që kur kam biseduar me Adelina Ismaili për shumë sende në bisedën tonë maratonike Londër - Prishtinë. Prej atëherë intervista e saj në AlbaNur ka qenë e klikuar më shumë se 750 mijë herë. Në faqen e saj të AlbaNurit cdo ditë hyn mbi 1000 IP-ja në ditë. Ajo akoma është numër Një dhe personalitet shqiptar i kërkuar më së shumti në internet prej të gjithëve, s'ka të tjerë që kërkohen ashtu sic kërkohet emri i Adelina Ismailit.

Pas vrasjes mizore të Triumf Rizës nga dora kriminele e rezilëve në Prishtinës, emri i Adelina Ismailit ishte në gjuhën dhe komentet e gjithesecilit. Në shumë forume shkruhet dhe s’ndalet në lidhje me këtë rast dhe lidhja e saj me Triumf Rizën. Forumet janë forume ku identiteti i vërtetë i shkruesve mbetet anonim. Kurse mediat në Kosovë heshtin të thonë të vërtetën e kësaj lidhje të sinqertë mes Adelinës dhe Triumfit. Vetëm “Gazeta Shqiptare” shkruajti lajmin se “Adelina vajton Triumf Rizen”.

Në “Gazeten express” Baton Haxhiu përmend emrin e Rezilit më të madh në Prishtinë, tregon gjendjen e mjerë që mbizotëron në redaksinë e tij “mos ja përmend emrin Rezilit”. Tregon se Rezilin e ka parë vetëm “në foto në disa tubime partiake të LDK-së”. Edhe pse pranon gjendjen e mjerimit dhe tortures psikologjike nga rezilët në redaksinë e tij, Baton Haxhiu, në shkrimin e tij, ndalet te kultura dhe estrada shqiptare dhe e përgjitheson të tërën se “është më shumë prodhuese e konflikteve sesa e kulturës, më afer kriminelëve se sa muzikës” Pavarësisht se nuk pajtohem me këtë përgjithësim, Batoni merr guximin i pari dhe përmend emrin e Rezilit dhe lidhjet e politikës me krimin. Behxhet Shala, edhe pse nga prizmi i vet, e vlerson shkrimin dhe guximin e Batonit dhe na tregon se “qytetarët nuk janë të sëmurë, sistemi është i sëmurë dhe para kolapsit”. Kurse Matoshi deri dje ne Lajm dhe sot ne Express ka ndërruar kiblen. Dy të parët kanë guximin të mirren me probleme të këtilla, kurse i treti pergjithëson gjitha levizjet politike dhe i bënë thirrje Kryeministrit që krimin e ka përpara hundëve? Matoshi ka filluar ne Express t’i laje si duket gjunahet e grumbulluara ne Lajm me letren drejtuar Kryeministrit! Ai e di per cka e kam fjalen!

Kur jemi te Estrada duhet të themi se yjet e saj me famë gjithmonë janë në shënjestër edhe të regjimit edhe të kriminelëve. Këtë harron ta thotë Batoni. Vetëm lëkura e tyre mund ta shpjegojë më së miri këtë fenomen kërcënues për ta. Kurse një nga yjet më me famë në mbarë shqiptarinë është Adelina Ismaili. Të lidhet krijimtaria artistike e Adelina Ismailit, por edhe e të tjerëve me kriminelë ordinerë vërtetë është mëkat, gjynah shumë i madh. Atëherë lidhjet e Albin Kurtit, Rexhep Qosjes, Adem Demaqit e njerëzve tjerë të dijes dhe krijimtarisë me kend janë afër? Ju të mediave e dini se kush e quajti Albin Kurtin “spiun te serbisë”, ju e dini se kush dha urdhër të demolohen zyret e akademikut dhe simbolit të dijes shqiptare Dr. Rexhep Qosja! Ndaj ju lutem mos nguroni të bëni gabimin tjetër se “estarda është e afërt me kriminelët” Nëse nuk jeni në gjendje t’i mbroni yjet nga kriminelet, atëherë, pashë Zotin, mos i bëni të afërt me kriminel.

Ka ardhur koha që ju në media të mirrni rolin e vërtetë dhe të mos bëheni vegla të rezilëve të regjimit që kanë përdor sistemin për mbrapshti. Nuk besoj se sistemi është në kolaps. Por lufta e qytetarëve kundër rezilëve që përdorin sitemin mbrapsht duhet të vazhdojë deri sa sistemi të jetë në shërbim të qytetareve dhe jo anasjelltas. Vetë organizimi i qytetarëve në marsh kundër krimit “TRIUMF GJITHMON ME TY” tregon se qytetarët nuk janë të sëmurë, nuk preferojnë regjimin e gangsterëve në Kosovë. Nuk mjafton të themi dhe të mbesim vetëm te fjala “cfarë vendi, krimi do të mbetet prap i patrazuar, ose një thirrje ne Kryeministrin”

Kush jane ata që orkestruan vrasjen e Trium Rizes pas shpine? A thua është vetëm Rezili? Unë dyshoj sikurse dyshojnë edhe shumë të tjerë. Vrasja e Triumf Rizës është orkestruar nga regjimi i rezilëve të pushtetit të UNIMK-ut. Ata që i quajnë opponentët e tyre politik “spiuna të serbisë”. Vrasja e shembëlltyrës së rendit dhe sigurisë së qytetarëve Triumf Riza është vrasje politike: paralajmërim i rezilëve të regjimit të sotëm se me çdo kusht do të përpiqen të mos ndërrohen në zgjedhjet e ardhshme në Kosovë. Nuk besoj se Batoni, Behxheti dhe qytetaret e marshit do të votojnë për partitë që në tubimet e tyre kane pasur shoke Rezilin. Pisat e pushtetit nuk kanë nevojë në këto zgjedhje për Rezilin për shkak se kanë shumëzuar rezilë tjerë më të sofistikuar në Kosovë. Këtë ua ka mundësuar UNMIKU. Zgjedhjet e ardhshme në Kosovë do të jenë një luftë mes rezilëve të regjimit të LDK-së dhe atyre që kërkojnë ndërrimin e tyre. Derisa partitë e dalura nga lufta e UCK-së dhe lëvizja Vetëvendosje kanë elektorat stabil dhe të discplinuar, lufta në terren do të jetë mes dy krahëve të LDK-së dhe partiesë se Bhexhetit. Nëse dy krahët e LDK-së kanë përdorur kërcnime, grushte për të trashëguar Njëshin, paramendonie se çka mund të bëhet në zgjedhjet e ardhshme në Kosovë. Kurse shkuarja e tyre te Pacolli poashtu nuk do të jetë pa pasoja.

Të gjithë jemi së bashku sot me moton “TRIUMF GJTIHMONË ME TY!” Me neve sot nuk ishin vetëm kriminelët, rezilët, pisat, që edhe nënat e tyre, kur shohin këtë turmë, do të thonë “paskemi pasur fat të zi që kemi lindur këtë racë kabiljane në shqiptari”. Sot kjo ecje është marshi kundër krimit, dukurisë më të keqe në shqiptari që duhet t’ia këpusim rrënjët me forcën e dashurisë, me pasionin tonë që kemi për jetën dhe për ardhmërinë e fëmijëve tanë, që të jetojnë në një vend ku krimi dhe politika kriminele e pushtetarëve të koorruptuar të konsiderohen kategori të shëmtuara ne sytë e cdo shqiptari që do sigurinë dhe lirinë personale.

Sot, në këtë marsh, më kujtohet shqetësimi dhe brenga e Adelina Ismailit, që ma patë thanë para 20 muajve se arti, muzika, kultura dhe gjithçka tjetër në shoqërinë kosovare janë në rrezik dhe kërcnohen çdo ditë nga rezilët dhe pisat e shqiptarisë. Më kujtohet brenga e saj se mediat dhe shtypi janë nën influencën e tyre dhe kanë frikë nga rezilët. Sot s’do t’i përmendi emrat e tyre pasi me kërkesën e saj nuk i pata përmend edhe para 20 muajsh. Adelina e di se Londra, New York, Kopenhaga dhe gjithë diaspora e dëgjojnë dhe kanë qejf ta kenë në mesin e tyre. Ajo e di se Diaspora nuk i frikesohet fëlliqesirave të kombit shqiptar. Por, edhe kësaj here s’do t’i përmendim emrat e tyre dhe do të mbesim besnik kërkesës së saj “kur çdo e vërtetë të zbardhet nga organet ligjvënëse në Kosovë” Tani kupa është mbushur plot dhe pritjet tona nuk do të jenë që vetëm ekzekutorët të përballen me ligjin e drejtësisë, por organizatorët dhe përkrahësit e tyre që janë të instaluar në pushtetin e UMIKUT.


Sot, në marshin “TRIUMF GJTIHMONË ME TY!” të gjithë janë unik dhe kërkojnë Luftë kundër krimit, t’ia këpusim rrënjët kësaj të keqe. Sot gjithë kërkojnë gjyqësi të drejtë, efikase dhe të shpejtë. S’ka arsye të thuhet “për mungesë të provave rezilët dhe pisët lirohen nga dënimet” Të gjithë e dijnë se kush e vrau Triumf Rizën, kush janë organizatorët dhe përkrahësit e tyre. Sot mesazhi i qytetarëve është i qartë dhe me theks të vaçantë drejtuar jo vetëm Gjyqësisë së Kosovës, por edhe të gjitha institucioneve tjera.

Sot le të jetë dita kur mediat dhe gazetat në Kosovë do të marrin guximin t’i emërojne kriminelët me emër dhe mbiemër. Të zbulojnë lidhjet dhe bizneset e pista të tyre me disa pushtetarë. Nuk është mirë të mirren vetëm me opozitar, por le të mirren me pushtetarët, që pas viti 2003 u lejuan rezilëve dhe pisave të krijojnë foletë e tyre në disa segmente të institucioneve të Kosovës dhe më së tepërmi në Gjyqësi. Kriminelët kërkojnë të ndërtojnë foletë në pushtet dhe jo në opozitë. Cili avokat do ta ketë fatin e zi t’u dalë në mbrojte kriminelëve që vranë ligjin, sigurin dhe dashurinë e Triumf Rizës? Cili avokat do t’i lakmojë paratë e pista të kriminelëve të fituara nga heroina? Cili, cili, ciliiiiiiiiiiiiiiii…


TRIUMF RIZA DO TE MBETESH IDEAL NE HISTORINE E RE TE SHQIPTAREVE PER TE LUFTUAR FELLIQESIRAT E KOMBIT SHQIPTAR!



ALBANUR E SHPALL ADELINA ISMAILIN IKONE TE DURIMIT DHE LUFTES KUNDER KRIMIT NE SHQIPTARI!

Shpetulla,

Qëllimi i kësaj teme ishte me kuvend për krimin e organizuar si problematikë Shqiptare - pre e të cilit ishte polici Triumf Riza. Megjithatë, nuk paske pritu me e bartë shkrimin ku dhjetë herë shkruhet emri i Adelina Ismailit. Është turp me u barazu puna e kopjueses të Ceca Raznatovic-it dhe Ofra Haza-së me punën e lavdishme të policit Triumf Riza - pamarrë parasysh se çfarë marrëdhënie kanë pas ndërmjet veti.

Për publicitet të Adelina Ismailit mundesh me vazhdu me shkru te tema "Adelina Ismaili" nën "Muzika Shqiptare".

[Bl3ri]

Edhe cka ?
Une nuk kuptova asgje ketu ?