Si mund te me ndihmoni?

[Arber20]

Kam nje hall te madh...kurre me pare nuk kam pasur kokdhimbje jam 22 vjecar dhe asnjehere nuk kam perdorur tableta ose barna..por kohen e fundit me qarte gati 10 dite kam kokdhimbje ne fakt nuk me dhemb koka por me shterngon pas kokes bashk me qafen dhe nofulla,dhembet me shterngojne shume...isha tek mjeku me dha disa barna per qetesim...por ajo vazhdoj ende dhe shkova perseri ne mjek dhe me tha te me dergoj tek mjeku i nervozes mirepo nuk me besohet qe e kam nga nervoza pasiqe sjam nervoz aq shumme..nje miku im i cili eshte mjek me tha qe egziston nje dhimbje ku ajo ndodh kur venet e gjakut qe jane ne koke ngushtohen dhe gjaku nuk deperton lehte dhe ke shterngim te kokes..hmm me besoni se kuptoj fare se cfar kam mirepo e di se nuk jam i qete me koken fare..do ju kisha lutur te me ndihmoje dikush???
Flm per mirekuptimin!

[D&G Feminine]

Mos po te kap gripi? Thuaj ndonjeres te te beje ndonje masazh te qafa. Fli pa jestik. Kur shef televizor mos u mbeshtet te krahet e kolltukut. Gjej ndonje doktor tjeter.

Te shkuara

[shigjeta]

Nuk e di cilit mjek i referohesh si "mjeku i nervozes". Po nga sa shkruan e mira eshte te konsultohesh me nje mjek specialist neurolog. Gjithashtu, qe edhe mjeku besoj do ta keshillonte, eshte mire te besh nje grafi ose MRI te kokes.

Te shkuara

[maty]

dhimbja e kokes mund te shkaktohet nga shume arsye, si fizike ashtu edhe psiqike.
nje nga arsyet fizike mund te jete edhe ajo qe te ka thene shoku (ngushtimi i eneve te gjakut pas qafes) qe kurohet pa problem. nje arsye tjeter qe njoh mire eshte edhe mungesa e acidit folik ne gjak (po eshte dicka e rralle). mund te jete edhe problem alergjie, edhe pse nuk ke vuajtur ndonjehere me pare alergjite mund te shfaqen edhe ne moshe te madhe. arsye te tjera ka plot.
per te mos folur edhe per arsye te jashtme si stres, lodhje, mos clodhje e mire, etj etj.
ti perpiqu ti dedikosh njecik kohe ketij problemi duke u perpjekur te clodhesh e duke bere disa analiza gjaku se nuk te kushton asgje.
megjithate nuk ke arsye te shqetesohesh. mund te jete thjesht dicka kalimtare.
te shkuara

[ooooo]

Kam nje hall te madh...kurre me pare nuk kam pasur kokdhimbje jam 22 vjecar dhe asnjehere nuk kam perdorur tableta ose barna..por kohen e fundit me qarte gati 10 dite kam kokdhimbje ne fakt nuk me dhemb koka por me shterngon pas kokes bashk me qafen dhe nofulla,dhembet me shterngojne shume...isha tek mjeku me dha disa barna per qetesim...por ajo vazhdoj ende dhe shkova perseri ne mjek dhe me tha te me dergoj tek mjeku i nervozes mirepo nuk me besohet qe e kam nga nervoza pasiqe sjam nervoz aq shumme..nje miku im i cili eshte mjek me tha qe egziston nje dhimbje ku ajo ndodh kur venet e gjakut qe jane ne koke ngushtohen dhe gjaku nuk deperton lehte dhe ke shterngim te kokes..hmm me besoni se kuptoj fare se cfar kam mirepo e di se nuk jam i qete me koken fare..do ju kisha lutur te me ndihmoje dikush???
Flm per mirekuptimin!

Nuk ka lidhje te qenit nervoz me nevrozat pathologjike lol, bile mund te them se me teper vuajne nga to tipat si bicim te qete (te mbyllur, jo shume te shoqerueshem nganjehere)
Ke hedhur gjithe ato hipoteza, mund te ndodh prej kesaj , e mund te ndodh prej asaj.
Keshilla me e mire shko futju nje check up te pergjithshem e te hollesishem dhe nga analizat e gjen doktori pse ke dhimbje koke

[Arber20]

me besoni i kam bere analizat e gjakut krejt por super e kam gjakun..nje mik i cili eshte mjek po ashtu me tha se kete mund ta kem nga gjumi qe bej diten..se tan naten jam ne pune dhe tan diten flej..

[ooooo]

Kur themi analiza, nuk nenkuptojme veten ato te gjakut lol
Nuk je i vetmi qe punon naten, nuk justifikohet dhimja e vazhdueshme vetem prej punes edhe sikur te bunosh me bits te larta

Mundesine e Migrenes e ke kontrollu? edhe pse ne fakt si semundje kap me teper femrat

MRI (skaner i qujne ne shqiperi me duket) dhe nje list te madhe qe e dine mjeket se cfare,

[landi87]

nuk eshte e thene qe migrena kap vetem femrat por dhe meshkujt. duhet qe te bej ezhe-ne e kokes dhe ajo ta jep se cfare ke

[jesu]

Pershendetje e te shkuara.
Ajo cka do te rekomandoja eshte te lidheni me nje neurolog patjeter te beni nje check up te pergjithshme. Neurologu eshte mjeku me i pershtatshem per tju dhene nje diagnoze te sakte per mendimin tim. Gjthashtu do ju keshilloja te benit dhe njehere ezhen ose skanerin e kokes sjam e sigurt si e quani ju aty gjithmone duke ua rekomanduar mjeku neurolog.

Te njejtat sibtoma kishte dhe nje miku im, as qetsuset nuk i benin derman. Pasi e cova ne nje neurolog dhe beri nje check up, i doli me sukses se skishte asgje shqetsuese dhe shkaku ishte nga stresi ana psikologjike dhe puna e lodhshme. Pas vizites qe beri, u bind se skishte asgje shqetesuase dhe dhimbjet iu larguan vete pa edukacione. Dmth ishte thjesh psikologjike ne rastin konkret.

Besoj se sdo keni dicka shqetesuase por megjithate mos e lini veten pas dore dhe shkoni te beni nje kontroll te rregullt.

[J@mes]

Dhimbja e kokës është një nga dhimbjet më të zakonshme, por edhe një nga më të nënvlerësuarat, madje edhe nga ata që vuajnë prej saj. Rreth 57% të rasteve mjaftohemi duke marrë një analgjezik të përgjithshëm, duke gabuar në trajtimin e vetes. Pse ndodh kjo? Mbi të gjitha sepse nuk njohim tipin e dhimbjes së kokës dhe, si rrjedhojë, është e vështirë të gjendet kurimi i duhur. Përpara se të marrësh një tabletë, është e nevojshme të kuptosh gjithmonë se me çfarë dhimbjeje ke të bësh. Në këtë mënyrë, do të jesh në gjendje të ndërhysh me ilaçin përkatës. Në vijim, do të gjeni një guidë të vogël për të dalluar dhimbjet më kryesore të kokës dhe një listë ilaçesh për kurimin e tyre. Dhe, për të kuptuar nëse pilula “juaj” është ajo e duhura, provoni të bëni një test të vogël: Migraine Act-Assessment of Current Therapy , i cili përmban katër pyetje të thjeshta por shumë themelore, të përgatitura nga një grup ekspertësh europianë.

Mes 150 dhimbjeve të kodifikuara të kokës, 12 janë format kryesore, nga të cilat më të përhapurat janë migrena, cefalea tensive dhe cefalea e përqendruar.

Ja mënyra se si mund t'i dallojmë ato:

Migrena- Një dhimbje e fortë dhe pulsante që godet vetëm një pjesë të kokës, keqësohet njëherësh me mundimet fizike (ndonjëherë mjafton një lëvizje e thjeshtë e kokës) dhe shoqërohet me marrje mendsh, të vjella, bezdisje nga drita, zhurma dhe erëra të veçanta. Kriza e provokuar nga një zgjerim i tepërt dhe i papritur i enëve të gjakut në kafkë, mund të zgjasë nga 4-72 orë dhe ka tendencë të rikthehet. Ata që janë me fat i lajnë hesapet një herë në gjashtë muaj, të tjerë çdo muaj dhe madje edhe çdo javë. Gratë vuajnë më së shumti nga një dhimbje e tillë.

Cefalea e përqendruar - Kjo është forma më e dhimbshme, por edhe më e rralla; ajo godet një në 1000 vetë, veçanërisht meshkujt. Është një dhimbje që zgjat pak, nga një çerek ore deri në tre orë, por mund të jetë e padurueshme. Cefalea e përqendruar godet syrin e mollëzat dhe goditjet e saj nuk janë kurrë të izoluara. Ato shfaqen në periudha dhe orë fikse: për shembull, gjatë çdo ndryshimi të stinëve dhe gjithmonë në mëngjes e në mbrëmje.

Cefalea tensive- Ky është “rrethi klasik në kokë” (një lloj kaske therëse që e shtyp kokën) dhe nuk është kurrë shumë e fortë. Një dhimbje e tillë varet nga një shtrëngim i madh i muskujve të qafës apo të shpatullave, që shkaktohet nga qëndrimi jo i mirë, nga përtypja, por edhe nga stresi dhe lodhja. Thuhet se simptomat nuk janë gjithmonë të qarta dhe dhimbje të ndryshme të kokës mund edhe të bëhen së bashku. Atëherë, si mund të kuptojmë se cilit grup i përket dhimbja jonë? Nëse vuani shpesh, sistemi më i mirë është të mbani një ditar ku mund të shënoni numrin e goditjeve, frekuencën e tyre dhe tipin e dhimbjes. Më pas, këtë ditar mund ta çoni tek një specialist që ta shohë dhe të japë diagnozën e duhur. Në rast se dhimbja e kokës është rastësore dhe jo edhe aq e fortë, ditari nuk ka çfarë duhet, por një kurë është e nevojshme. Sado kronike apo kalimtare të jetë, çdo dhimbje koke ka ilaçin e saj “lehtësues”.



Zgjidhja sipas masës


Është shumë e rëndësishme të ndërhyhet shpejt, madje në disa raste edhe për të parandaluar. Një ndërhyje e tillë shërben jo vetëm për të ulur kohën dhe frekuencën e dhimbjeve, por edhe për të evituar që dhimbja të bëhet kronike. Nëse nuk kurohen, dhimbjet e përsëritura të kokës kanë prirje të shfaqen sërish dhe çdo herë me një intensitet më të madh. Më poshtë jepen emrat e ilaçeve më efikase për këto dhimbje:

Për lehtësimin e migrenës dhe cefaleas tensive:analgjezikët dhe anti-inflamatorët - Janë ilaçet më të përdorura, me të cilat abuzohet në shumicën e rasteve. Ato arrijnë të bllokojnë çlirimin e prostaglandinave, të cilat janë molekulat përgjegjëse të dhimbjes. Më të zakonshmit janë paracetamoli, ibuprofeni, aspirina dhe indometacina, që është më efikasja për migrenën, sepse është edhe ngushtuese e enëve të gjakut. Megjithatë, këto lloj tabletash janë të përshtatshme për dhimbjet sporadike dhe të lehta, por jo në rast se dhimbja e kokës është e vazhdueshme: në këtë rast, ka rrezik të mbytesh kot së koti me pilula.

Migrena dhe cefalea e përqendruar: triptanët. Ato janë arma më e mirë sepse riekuilibrojnë nivelet e serotoninës, neurotransmetuesit që rregullon qarkullimin e gjakut dhe aktivitetin nervor. Triptanët veprojnë në harkun kohor prej dy orësh dhe mund të merren edhe në momentin kur dhimbja ka filluar. Ilaçe të tilla kanë një avantazh të veçantë: ato nuk luftojnë vetëm dhimbjen, por edhe simptomat e tjera, si marrjen e mendve dhe të vjellat. Nuk ka triptan më të mirë se të tjerët. Efikasiteti i tyre varion nga një pacient tek tjetri. Për të zgjedhur “të duhurin” duhet të kontaktojmë me mjekun. Më i përhapuri është sumatriptani; përveç këtij, në farmaci mund të gjenden edhe rizatriptani, almotriptani dhe frovatriptani. Ky i fundit vepron ngadalë, por efekti i tij zgjat më tepër, prandaj përdoret shpesh edhe për parandalimin e dhimbjes.

Cefalea tensive: qetësuesit. Ilaçe të vjetra si valiumi, të marra në doza të vogla, mund të shërbejnë për të qetësuar muskujt dhe për t'i dhënë fund dhimbjes.


është pilula e duhur?


Zbuloni të vërtetën me anë të testit...

Për të kuptuar nëse kura që ndiqni është më e përshtatshmja, përgjigjuni me “po' ose “jo” pyetjeve të mëposhtme:

• A funksionon ilaçi që përdorni në mënyrë të vazhdueshme dhe për pjesën më të madhe të dhimbjeve?

• A të zhduket dhimbja brenda dy orëve?

• A jeni në gjendje të ktheheni në gjendje normale brenda dy orëve pas marrjes së ilaçit?

• A ndiheni aq “të mbrojtur” nga trajtimi që bëni sa të mund arrini të planifikoni aktivitetet tuaja të përditshme?

Në rast se i jeni përgjigjur tri pyetjeve me “po”, atëherë terapia që po bëni është e duhura. Përkundrazi, në rast se keni dhënë dy herë përgjigjen “jo”, pilula nuk është e përshtatshme për dhimbjen tuaj. Në këtë rast, është më mirë të drejtohesh tek një mjek për të përcaktuar tipin e dhimbjes së kokës dhe kurën përkatëse.