Kosova në Pranga...

[plumbi]

Sa është interesante koha jonë, të gjithë ata që deri dje ishin në gjendje ta flijojnë jëtën e tyre për lirinë e plotë të këtyre trojeve, sot arrestohen me pretekst se mu ata kanë qenë njerëzit që kanë terrorizuar civilë të pafajshëm, bile bile shqiptarë. Sa keq është kur para syve të bashkëluftëtarëve i vehen prangat e hekurta që dikur veheshin nga serbo-sllavët. Po ku jeni o shqiptarë, ku jeni he burra që kolliteni fortë nëpër dhomat e tymosura nga duhani. Ku jeni o popull i lashtë, kaq shpejtë i haruat vuajtjet, kaq shpejt i haruat torturat, dhunimet e përdhunimet që nuk i kishte parë as bota deri më sot? Ku është amaneti i bacë Ademit, i AB-së, Kumanovës e Agimit, i tërë atyre që dhanë jetën e tyre për ti dhënë jetë Kosovës sonë?
O popull me shumë e shumë mundime të përjetuara, a mendoni se arrestimi i më të mirëve të kombit do ta çojë Kosovën drejt pavarësisë? Mos vallë keni shpresa se pa ata që ishin të gatshëm të flijohen do të shënohet progresi në zhvillimin drejtë pavarësisë së Kosovës? Mos ju lutem, mos mendoni ashtu, se u mallkon gjaku i derdhur për liri, u mallkon amaneti i të rënëve për lirinë e shejtë të Kosoveës sonë, u mallkon vetë Perëndia sepse ju shkelni mbi gjakun, gjymtyrët, mundin dhe mbi gjithë atë që luftëtarët e lirisë e flijuan për të vetmin qëllim, Kosovën e pavarur, bashkimin kombëtar. Përderisa të burgosen më të mirët, a më tregoni, kush do t’i ndihmojë vendit, kush do të flijohet në të ardhmen për këtë copë truall?
Me kalimin e kohës bëhet më e qartë thënia se dikushi erdhi si “mik”, e ka filluar të sillet si “armik”. I pritëm me lule në dorë, e tani kam droje se do t’i përcjellim me diçka tjetër, që nuk na ngjanë neve shqiptarëve, por po të na imponojnë, nuk do të kemi rrugëdalje. O popull i maskuar me maskën e demokracisë, me maskën e lirisë. Ne e dimë më mirë se çka është “Liria”, sepse kemi vuajtur shumë për të, kemi dhënë gjithçka për të, kemi sakrifikuar gjithçka për ate që quhet “Liri”. Ne e dimë fort mirë se “Liria nuk dhurohet, por me gjak fitohet”. Ne kemi varret pranë pragut të shtëpisë, ne kemi gërmadhat para syve tona, kemi flamurin të njomur në gjak.
Mos na detyroni, se nuk do te kemi rrugëdalje, ju lutem mos!

[Brari]

Ishte nji mengjes i bukur. E kush e dinte se ish dhe dit qameti..
Ne oborr lulet e bukura po leshonin nji ere te kandshme qe ndihej deri ne balkonin e shtepise ku Nana plake po priste si zakonisht te pinte Cajin me limon me Ekremin, para se ai te nisej per ne zyre.
Rrezet e diellit filluen me ra mbi gonxhet e Zambakve e vesa i kthente ato ne brilante te shndritshem.
Radio per cudi po jepte kangen e bukur..O zambaku i Prizrenit o Zambaku i bardhe..
Eja Ekrem se tu ftof caji ..i thirri nana..
Ja vec nji grim Nan se erdha ..foli Ekremi e vazhdonte te luante me te birin i cili nuk i ndahej te jatit ate dite..
Hajt Ekrem shko pi cajin me Nanen se ka tash nji ore qe te pret ne Balkon.....tha Nusja e re..
Ekremi ose komandant Drini sic njihej tashma, me djalin hopa u ul pran Nanes e filluen me pi cajin e me fol si cdo dite.
Mos u vono sot te past Nana e eja drejt e ne shpi ..foli me za te dridhun Nana plake..
Mir oj Nan do munohem me ardh ma heret tha Drini..
Cka asht more qaj kerr aty perjashta ne rrug..a din gja more Ekrem..pyeti e Shoqja..
Kushedi kush asht..cka po bahesh merak foli Drini..
Nuk di cka spo m'pelqen qaj kerr aty tash dy sahat...me do si lahpera qe po rrijn aty mrena ne Kerr..tha grueja me nji si merzitje ne ftyre qe Ekremi ja dalloj menjiher edhe ne za..
Pasha Nanen o Ekrem mos dil jasht pa e marrun vesht cka do jen ata njerz qe kurre nuk i kena pa..foli Nana tu mos mujt me e fsheh merakun..
Kurrgja Nan hic mos baj dert..Tash kena fitue Lirine..foli Ekremi i sigurte..
Vertete ne rrugen prane Shtepise nji kerr i panjohur ish parkuar e dicka nuk ish normal aty.


E vazhdoj neser kte treegim..

[kalemi]

Mbi lirine

Je perpjekur shume here, madje edhe ne kete leter , te shkruash per dhe ne emer te lirise. Madje, ne kete leter ke deklaruar se populli i Kosoves nuk e ka dashur lirine, prandaj edhe nuk e ka fituar.

Ideja jote themelore eshte se populli i cili nuk e cliron veten me arme nuk eshte i lire. Sic te thash edhe me heret, ky mendim do te mund te perkiste ne romantizmin e shekullit XIX, ndersa ne kete shekullin tone behet fyes. Behet fyes per kete popull, sepse si edhe cdo tjeter, si edhe cdo qenie tjeter njerezore ,edhe shqiptaret e Kosoves e duan lirine si pjese te veten organike.

Problemi tash shnderrohet ne akuze ndaj teje: nese ky popull nuk te ka degjuar me 1999 a di ti cfare eshte liria? A eshte fjala per nje gjendje te cilen je i kualifikuar vetem ti te vleresosh, nje gjendje e ngurte, apo liria eshte nje forme e te jetuarit, eshte nje perpjekje e perhershme edhe e qenies njerezore e edhe e kolektivitetit, ne kete rast kombit ?

Perse nuk eshte liri e drejta per te jetuar pa perndjekje dhe vrasje institucionale, duke u perpjekur te ndertohet shteti i se drejtes, i cili do te garantoje lirite individuale? Perse duhet te jete liri vetem te vdekurit per liri? Perse per ty liria eshte vdekje?

Cfare ofron ti si perpjekje per t'u cliruar ne te ardhmen? Gjykuar sipas letres qe me ke derguar jo shume. Eshte ose lufte, si ne Rambouillet, ose konfrontim me tere boten.

Per ty nuk ekziston liria e te ndertuarit te shoqerise e shtetit, edukimi, hapja ndaj botes.

Por, te luftuarit e konfrontimi i perhershem jane nje lloj roberimi i vetes.Perse atehere duhet koncepti i roberimit tend te jete koncepti i lirise sone? Perse liria jone te identifikohen serish me burgun tend?

Ne te gjitha rastet burgosja jote, gjate gjysmes se dyte te

shekullit te kaluar ishte me shume akuze ndaj shoqerise qe te burgoste se sa ndaj rrezikut qe mund te paraqisje per te. Perse deshiron ta kthesh veten ne nje burg tjeter, tash mendor, te vendosjes se jetes njerezore ne kafazin e mendjes se mbyllur? Per here te pare , ne jeten tende, rrezikon qe burgosja jote, tashme mendore, te mos jete akuze ndaj shoqerise.

Mbi friken nga paqja dhe te sotmen

Ti thua se isha frikacak kur nenshkrova ne Rambouillet. Thua se duhet te jesh frikacak nese e do fundin e luftes, dhe se je trim nese e do vazhdimin e saj.

Por, une mendoj se lufta mund te fshehe friken nga paqja. Shoqeria ne te cilen ne gjendemi nuk kishte pasur dite demokracie para qershorit te vitit 1999. Ndertimi i shoqerise demokratike eshte proces i mundimshem ne te cilin nuk vijne shume ne ndihme as meritat e te kaluares, as parullat per "liri a vdekje" e as teorite e konspiracionit. Shkurt, paqja dhe demokracia ishin dhe jane sfide e madhe per nje shoqeri e cila nuk eshte mesuar me to, por ka ndertuar ne vete sistem te vetmbrojtjes, me te cilin ka treguar se cka refuzon, ndaj ckahit reziston.

Sa e veshtire eshte edhe paqja e edhe demokracia shihet sot. Lere menjane , per nje moment Rambouillet-ne (fajtorin tend per te gjitha) dhe shiko perreth. Kosova eshte keshtu cfare eshte , kryesisht, sepse ka nje sistem ekonomik e politik te padefinuar. Ne ekonomi vazhdon nderlidhja e pabesueshme mes socializmit vetqeverises, iniciatives private, kontrollit feudal/partiak te nje pjese te biznesit, kontrabandes dhe krimit te organizuar. Ne politike, kemi demokraci parlamentare pa te drejte vendosjeje. Kjo do te thote se kemi nje qeveri e cila nuk mund ta permbush as funksionin e vet me elementar, pra definiminin e te ardhurave publike dhe ridistribuimin e tyre. Ne judikature, kemi kombinim ligjesh nga sisteme te ndryshme vlerash qe nga Kardeli deri te Milosheviqi, kombinuar me Rregullore te Kryeadministratoreve, qe jane me te vlefshme se sa ligjet.

Gjate tre viteve te kaluara, nga partite politike kosovare nuk ka dalur ASNJE iniciative qe do te mund te ndertonte sistem tjeter ekonomik a politik.

Shoqeria e mesuar me vite te tera te tregoje se cka nuk don, ka veshtirese te tregoje ne terma te kuptueshem ligjor se cka don...

E , kjo eshte shume me veshtire se sa te behet debati se ideologjik mbi sovranitetin. Eshte me lehte te flasesh cdo dite pse Kosova duhet te jete e pavarur se sa te krijosh iniciativa ligjore qe asaj do t[i japin sovranitetin.

Ti ,une dhe te gjithe qe flasin publikisht kane per obligim ta ndryshojne kete gjendje te sotme, por me iniciativa politike , jo balade per tirqe e mavzere.

.....

Kosova ime eshte ajo e ardhmerise, z. Adem. Eshte ajo e cila do te nxjerr nga vetja energjine e ndertimit , do te integrohet ne Evrope me emer te vetin dhe do ta beje kete duke shprehur me debat tolerance se cka duhet bere kur. Do te kete nevoje , ne kete rruge, edhe per trimerine tende. Gjate leximit te letres tende, megjithate , kam kuptuar se sa te bute jane kufijte mes trimerise dhe sharllatanerise. Shpresoj se e ardhmja do t'i ngurtesoje keto kufij ne favor te te pares.