Kënga Magjike 2007

[Qendi]

Aurela Gaçe Fitoj
Me Te Vertete Kenga Ishte E Mrekullueshme
http://arditgjebrea.info/km/index.htm

[_Matrix_]

Sic ishte parashikuar cmimin e fitoi aurela pra thashethemi doli dhe kenga magjike tashme sic do festival ne shqiperi doli nje industri mashtrimi ku jeoen cmime kengetareve te favorizuar dhe jo talenteve te reja dhe kengeve te bukura

[dibrani2006]

Mua me pelqejti dhe kenga e Florit dhe Sonit
http://it.youtube.com/watch?v=F2X0un6Amzg

[Flori]

Aurela Gaçe fiton trofeun e Kënga Magjike 2007

Fenomeni Aurela Gaçe rrëmben trofeun e “Kënga Magjike”.

E rikthyer nga Amerika enkas për këtë festival të mrekullueshëm me këngën “Hape veten”, këngëtarja e njohur vlonjate, me zërin e saj potent, ka ngritur në këmbë sallën e Pallatit të Kongreseve. “Hape veten”, një këngë e shkruar nga Timo Flloko, orkestruar nga Darko Dimitrov dhe me muzikë të Flori Mumajezit, ka rrëmbyer përveç çmimit të parë me 529 pikë edhe çmimin e kritikës. Në vendin e dytë të “Kënga Magjike 2007” është renditur çifti Soni&Flori me këngën “Fluturimi 3470” me 403 pikë. Me këtë këngë dy këngëtarët e njohur kanë rrëmbyer edhe çmimin “Kënga hit”. Ndërsa me vendin e tretë me 384 pikë është vlerësuar këngëtarja Elvana Gjata, “Ku jeton dashuria”, me të cilën Gjata është vlerësuar edhe me çmimin diskografik. Dje në sallën e madhe të Pallatit të Kongreseve festivalin e njohur e ka nderuar edhe vetë Kryeministri i Shqipërisë, Sali Berisha, i shoqëruar nga bashkëshortja e tij, Liri Berisha. Gjithashtu kryetarja e Kuvendit, Jozefina Topalli, por edhe deputetë të tjerë shqiptarë, si Blendi Klosi, Ben Blushi etj. Po dje në natën finale të “Kënga Magjike 2007” kanë qenë të pranishme edhe dy vajzat e Presidentit të Republikës, Bamir Topi, Nada dhe Etida. Mbi një skenografi të mjeshtrit Bashkim Zahaj, ku ngrihen të larta porta kalash, me mure të rënda gri, ku ndërthuren elementet e mesjetës dhe metropolitanen, për tri net me radhë kanë performuar rreth 40 artistë të njohur mbarëshqiptarë. Spektakli i njohur “Kënga Magjike 2007”, i cili ngriti siparin në Pallatin e Kongreseve mbrëmjen e së premtes, është pritur me mjaft duartrokitje të zjarrta përgjatë tri netëve. Por gjatë gjithë spektaklit, regjisorët Agron Vula dhe Astrit Idrizi, të dy nga Kosova, kanë sjellë te publiku një imazh për t’u admiruar.

“Kënga Magjike” është bazuar mbi skenarin e realizuar me mjaft finesë nga Aldon Lipe, mbi të cilin spektakli është realizuar nga vetë konkurrentët, nga këngët, performancat skenike dhe veshjet e zgjedhura të artistëve. Këngët pjesëmarrëse në “Kënga Magjike 2007” pas prezantimit tre javor në disa televizione shqiptare, në Kosovë dhe në Maqedoni, kanë qenë dyzet. Të ndara përgjysmë 20 në natën e parë dhe 20 në natën e dytë të garës. Gjatë garës 11 këngëtarët më të vlerësuar kanë qenë NRG Band, Hana Cakuli, Besa, Soni& Flori, Jehona Sopi, Anjeza Shahini, Elvana Gjata, Aurela Gaçe, Gili, Leonora Jakupi dhe Albëria të cilët kanë marrë nga 100 mijë lekë të reja. Festivali është drejtuar nga producenti i tij, Ardit Gjebrea. Ndërsa në panelin e të ftuarve të nderit është ulur kantautorja e njohur nga Maqedonia, Kaliopi, e cila ka qenë edhe pjesë e jurisë së bashku me bashkëshortin e saj. Por një nga surprizat e mbrëmjes së djeshme ka qenë edhe një kolazh i përgatitur enkas për nderim të presidentit të jurisë së “Kënga Magjike” mjeshtrin e muzikës Gaqo Çako. Një përmbledhje e këngëve më të mira të kënduar ndër vite nga artisti kanë ngjallur emocion në skenë e Pallatit të Kongresve nën interpretimin e Ema Qazimit, Limoz Dizdarit, Liljana Kondakçit, Myfarete Lazes, Edit Mihalit, Luiza Papës, Gaqo Çakos dhe Ardit Gjerbresë, shoqëruar me violinën e Ibrahim Madhit. Por surprizë ka qenë edhe pjesëmarrja e Tanës së “Katërmbëdhjetë vjeç dhëndër” si dhe Xha Sulos në skenën e Pallatit të Kongreseve me nga episod të tyre!

Aurela Gaçe
“Jam tepër e emocionuar për çmimin me të cilën jam vlerësuar dhe për këtë këngë të mrekullueshëm dua të falënderoj gjithë bashkëpunëtorët e mi duke filluar me Timo Fllokon, Florin e Darko Dimitrov dhe familjen time. E vlerësoj faktin që këngëtarët e tjerë më kanë vlerësuar dhe më kanë parë miqësisht si një mikeshë dhe jo si një konkurrente. Padyshim edhe kënga ka qenë e bukur”

Soni& Flori
“Jemi shumë të emocionuar për çmimet. Nuk dimë ç’të themi dhe nuk mund të themi se kush mbart më shumë emocione. Padyshim që çmimet janë një stimul, por e rëndësishme për ne është që kënga jonë është cilësuar si kënga hit, dhe kjo do të thotë që ‘Fluturimi 3470’ është vlerësuar shumë si nga publiku edhe nga artistë që na votuan për të qenë në vendin e dytë”

Elvana Gjata
“Jam shumë e kënaqur dhe padyshim shumë e vlerësuar për çmimin e me të cilin më vlerësoi shtëpia diskografike. Ky çmim sigurisht më shtyn që të jem sërish pjesë e “Kënga magjike” në edicionet ardhshme. Por gjithashtu jam shumë e kënaqur edhe për renditjen në vendin e tretë dhe për këtë falënderoj gjithë këngëtarët pjesëmarrës të cilët më kanë votuar. Ndihem shumë e vlerësuar”.


Fituesit
Çmimi i parë
Aurela Gaçe me këngën “Hape veten ti”

Çmimi i dytë
Soni&Flori me këngën “Fluturimi 3470”

Çmimi i tretë
Elvana Gjata me këngën “Ku jeton dashuria”

Çmimi i televizionit
Rezarta Shkurtaj me këngën “Jo natën”

Best alternativ
Erga Halilaj me këngën “Pa kthim”

Best dance
Julka me këngën “Bla, bla, bla”

Best rock
Grupi “Burn” me këngën “Nuk ja vlejti”

Magjia e parë
Rosela Gjylbegu me këngën “Për ne të dy”

Kantautori më i mirë
Albëria me këngën “Ik tani”

Best Group
NRG Band më këngën “Hajde me mu një natë”

Çmimi i publikut
Leonora Jakupi me këngën “Një herë në jetë”

Çmimi tendencë
Kastro Ziso me këngën “Gjinkalla që dashurohet në 2070”

Çmimi Çesk Zadeja
Gili me këngën “Mysafire nderi”

Çmimi “Jon music”
Besa me këngën “Pa yllin tënd”

Çmimi i kritikës
Anjeza Shahini me këngën “Nxënësja më e mirë”

Çmimi internetit
Berkan me këngën “Dashuri kronike”

Çmimi interpretimit
Aurela Gaçe me këngën “Hape veten ti”

Çmimi diskografik
Elvana Gjata me këngën “Ku jeton dashuria”

Çmimi paraqitja skenike më e mirë
Çiljeta dhe Endri& Stefi me këngën “Kur këndoja serenatë”

Kënga hit
Soni&Flori me këngën “Fluturimi 3470”

Çmimi best vokal
Jehona Sopi me këngën “Fustani i bardhë”

[Dita]

Lioness,

kenget e Armend Rexhepagiqit jane te llojit qe mund t'i pelqesh ose shume, ose hic. Pra jane te shkelqyera per nje grup te degjuesve, ku sic duket ti nuk ben pjese.
Ky lloj kenge kerkon nje ze ose si i Armendit per nga meshkujt, ose si i Jehones (apo Alma Bektashit) per femra. Por dhe me Anjezen me siguri do te dilte shkelqyeshem. Ndoshta shohin ndonje bashkepunim ne te ardhmen.


Erindi,

ai percaktimi yt per interpretimin e Aureles eshte me i sakti, i papare.


Jek e Jek,

falemnderit per pergjigjen. Me vjen keq qe Leonora detyrohet te kendoje kesi kengesh. Ajo do te bente dhe per nje cilesi shume me te mire kengesh se keto te ketij llojit aheng.



Me duket se ne Shqiperi festivali me cilesor eshte ky, pra "Kenga Magjike".

[Dita]

Ne kete kenge ("Ku jeton dashuria") po e verej sesa ngjan Elvana Gjata ne fytyre me Jennifer Lopez. Te bukur e ka kengen. Nga keto kengetaret bukuroshe qe kemi ne trevat shqiptare, me duket kjo eshte me e sakta.

[Dita]

Po kengen e Kastro Zisos si s'ka bere njeri sevap te na e vere ne youtube. I kishte shkuar mendja deri tek dashuria futuriste, ne 2070.

[Lioness]

Me duket se ne Shqiperi festivali me cilesor eshte ky, pra "Kenga Magjike".

Pse s'thua e paska marre lumi ate pune .

[Amor]

Vitin e kaluar 2 muaj me heret ne albaniac.com shkruajten se do te fitonte Armend Rexhepagiqi dhe ashtu u be,nje vite me vone gjithashtu 2 muaj me heret u shkruajt se do te fitonte Aurela Gaqe dhe keshtu ndodhi.Kenga Magjike si duket gjithmone ka funksionuar keshtu me dallavere,nuk ka transparence.

[kiku]

Mendoj se kete vit Kenga Magjike 2007 ishte shum e pasur me kenge te bukur dhe kush ta fitonet e kishte te merituar, nje nder ata ishte edhe kenga e Aureles me nje ritem fantastik, me nje ze te mbrekullueshem, me nje interpretim mahnites, dhe me nje tekst shum shum te bukur.

Teksti i kenges:

Aurela Gace - Hape Veten

Hape veten ti,
dhe dashuro jeten
vijme ne kete bote vetem
hape veten ti

kur humb nje dashuri,
nuk kthehet perseri…

Ti nuk me sheh,
s’di a me njeh,
tek une vetem dyshon
nje hije te mbulon

pse nuk e di
na ke ne sy
me tremb kjo xhelozi
kam ankth e dritheri

Ti fantazon s’e kupton
nuk e ndjen,
sa here me therret.

Se me nuk kam faj se kam mall
jam e gjall
prandaj te fal
e fundit fjale.

Hape veten ti shpirtin pa kufij
kthehu teje, dhe dashuro jeten
vijme ne kete bote vetem
hape veten ti
gjer ne marrezi
te dua
kete mall qe djeg ne gji
nje det nuk mund ta pij
perendine ke
endrrat pse i le te treten
pusho ne krah tani
harrove veten ti

dhe trokit ne dere
eja dhe me merr me vete
nje dite dashuri
vec kohen do ta ngrij…

Ndjej, ti me ndjen
jo, s’me genjen
nuk ka mister ne sy
jam une kjo nate dhe ti,
qaj si femij
lutem per ty
u ftoh kjo dashuri
nuk ka me ngrohtesi
eshte iluzion ti kujton se mbaron,
nje here, per here

se more dal nga dal
dhe s’ke mall si per djall
pa nje ‘me fal’
e fundit fjale

Refreni

Hape veten ti shpirtin pa kufij
kthehu teje, dhe dashuro jeten
vijme ne kete bote vetem
hape veten ti
gjer ne marrezi
te dua
kte mall qe djeg ne gji
nje det nuk mund ta pij
perendine ke
endrrat pse i le te treten
pusho ne krah tani
harrove veten ti

dhe trokit ne dere
eja dhe me merr, me vete
nje dite dashuri
vec kohen do ta ngrij…

…..

hape veten hape ti(2x)
hape shpirtin pa kufij(2x)
dashuroje jeten ti(2x)
dashuron ne marrezi(2x)
hape veten hape ti
hape shpirtin pa kufji
1 2 3 4
dashuroje jeten ti
dashuro ne marrezi…..

Hape veten ti shpirtin pa kufij
kthehu teje, dhe dashuro jeten
se vijme ne kete bote vetem
hape veten ti
gjer ne marrezi
te dua
kete mall qe djeg ne gji
nje det nuk mund ta pij
perendine ke,
endrrat pse i le te treten
pusho ne krah tani
harrove veten ti

dhe trokit ne dere
eja dhe me merr me vete
atehere kete dashuri
vec kohen do ta ndiej…

Hape veten hape ti…