10 liderët më të korruptuar të botës!
PO SHQIPERIA ?
Është bërë e zakonshme që çdoherë kur flitet për ndonjë lider të përmendet edhe fjala 'kleptoman' ose ajo më e përdorura 'i korruptuar'. Pra togfjalëshi 'lider- i korruptuar' ka qenë dhe është një ndër togfjalëshat më të përmendur gjatë gjithë historisë së njerëzimit. Jo më kot edhe fushatat zgjedhore janë të përqendruara më së shumti në këtë pikë. Por, kush janë liderët më të korruptuar? Çfarë kanë bërë ata? Për këtë flet shkrimi i mëposhtëm.
1. Muhamed Suharto, Presidenti i Indonezisë (1967-1998)
I lindur më 8 qershor 1921 në qendrën e ishullit Java, Muhamed Suharto bëhet njëri ndër presidentët më afatgjatë në botë. Ai është presidenti i dytë i Republikës së Indonezisë dhe ndryshe njihet si një politikan që luftoi komunizmin. Ky mendohet të ketë vjedhur prej 15-35 miliardë dollarë gjatë këtyre viteve pushtet. Këtë e ka arritur pasi në këtë kohë janë bërë privatizime të shumta të resurseve natyrore, fondacioneve të ndryshme nga perëndimi gjatë krizave të mëdha që ka kapluar Lindjen e Largët, si dhe keqpërdorimin e luftërave në Timorin Lindor. Sipas BBC të datës 25 mars 2004, ai posedon 40% të territorit të Timorit Lindor; ndërsa të hollat e tij ndodhen në banka të ndryshme të Austrisë.
2. Ferdinand Markos, Presidenti i Filipines (1972-1986)
I lindur më 11 shtator 1917 në Sarat, ai sundoi për dy dekada në Filipine. Njihet si një president despotik dhe akuzohet për nepotizëm gjatë qeverisjes së tij. Para se të marrë pushtetin Markosi, GDP-ja e shtetit të tij ishte 2% më e madhe se kur bëhet ky president. Mendohet të ketë vjedhur prej 5-10 miliardë dollarë, ndërsa qeveria e sotme akoma po i paguan borxhet që janë marrë në kohën e këtij lideri. Vdiq më 28 shtator të vitit 1989.
3. Mobutu Sese Seko, president i Zairesë (1965-1997)
Është e zakonshme që të shtetet që sapo e kanë fituar pavarësinë të shfaqet
kleptomania dhe nepotizmi, bashkangjitur këtu edhe praninë e gjatë në
pushtet. Pikërisht këtyre tre gjërave nuk ju shmang Mobutu Seko. I lindur më
14 tetor 1930, ai sundoi në Zaire, ose sot me emrin Republika Demokratike e
Kongos, për tri dekada. Sipas informacioneve, ai ka abuzuar me 5 miliardë
dollarë. Vdiq nga kanceri në kryeqytetin Maroken Rabat, pikërisht aty ku
edhe u varros më 7 shtator 1997.
4. Sani Abaha, president i Nigerisë (1993-1998)
E vogël ishte periudha e qeverisjes së tij, por shumë e kushtueshme ishte
kjo për vendin e tij. Të shikosh sesa vjet ka qeverisur Sani Abaha dhe se
sa ka vjedhur, lirisht mund ta quajmë edhe si njeriun më të korruptuar. Ai
ka marrë gjatë kësaj periudhe 2-5 miliardë dollarë, ndërsa nuk kemi edhe pse
të çuditemi për këtë shifër, kur dihet se Nigeria posedon resurse të mëdha
natyrore, mes të tjerash dhe 'arin e zi'. Vdiq nga një atak në zemër më 8
qershor të vitit 1998; paramendoni sikur të jetonte më gjatë?
5. Sllobodan Millosheviç, president i Jugosllavisë/Serbisë (1989-2000)
Ai që ndau Jugosllavinë dhe ai që u bë shkak që Kosova të fitojë lirinë dhe
pas pak pavarësinë, njihet si lideri i pestë më i korruptuar në botë me 1
miliard dollar. I lindur më vitin 1941, ai si lideri i Partisë Komuniste
ishte president i Serbisë në vitet 1989-1997 dhe president i Republikës
Federale të Jugosllavisë 1997-2000. Në kohërat e luftërave dhe kohërave të
krizave, është e qartë edhe korrupsioni. Vdiq në mënyrë të papritur në
gjyqin e Hagës më 11 Mars 2006.
6. Jean-Claude Duvalier, president i Haitit (1971-1986)
Kur u bë president ishte vetëm 19 vjeç, pasi zëvendësoi babain e tij.
Mësonte në shkollat më prestigjioze për drejtësi, por ka informacione që ka
punuar edhe në playboy. Ai mendohet të ketë marrë prej 300-800 milionë
dollarë. Pas protestave të shumta në vend, ai largohet për në Francë ku
jeton një jetë luksoze në rivierat më të njohura franceze. Ai divorcohet në
vitin 1993 nga gruaja e tij e parë Mishele Pasket, për të bashkëjetuar më
pas me Veronike Roy. Pas qetësimit të situatës ai kthehet përsëri në Haiti,
por tani i larguar nga atmosfera e politikës.
7. Alberto Fuxhimori, president i Perusë (1990-2000)
I lindur më 28 korrik 1928 nga prindër japonezë që kishin emigruar në Peru,
ai arriti të bëhet president i këtij vendi për një dekadë. Edhe pse si
student ishte shume i mirë, pasi studioi fizikë dhe bujqësi në Strasburg
të Francës, ai bëri po ashtu edhe masterin për matematikë në Milvoki. Vendit
të tij i mori 600 milionë dollarë. Ai rriti çmimet, taksat dhe inflacionin në
vend, por një e mirë e Perusë ishte se opozita në fund largoi nga pushteti
Fuxhimorin dhe e shpalli si person të korruptuar dhe në kërkim. Ai
arrestohet më 2005 në Santiago për korrupsion dhe krime në vend, por lirohet
shpejt.
8. Pavlo Lazarenko, kryeministër i Ukrainës (1996-1997)
Ukraina prej vitit 1990 ka ndërruar gjithsej 17 kryeministra, kështu që çdo
kryeministri mesatarisht i bie të ketë qëndruar një vit në pushtet. Në listën
e dhjetë liderëve më të korruptuar të botës më së fundi ndodhet edhe një
kryeministër, i cili qeverisi pak më shumë se një vit, por pikërisht për një
vit u korruptua me diku 114-200 milionë dollarë.
9. Arnoldo Aleman, president i Nikaraguas (1997-2002)
I lindur më 23 Janar 1946, ai studioi drejtësi dhe punoi në Bankën Botërore.
Nga luftërat civile, Aleman arrestohet me 1980 për të qëndruar 9 muaj në
burg. Pas daljes nga burgu, ai së shpejti arriti një hierarki në politikë, ku
më 1997 bëhet president. Akuzohet se ka bërë shpërdorim të parave me rreth
100 milionë dollarë. Më 7 dhjetor të vitit 2003 dënohet me 20 vjet burg
për keqpërdorim të të hollave.
10. Josef Estrada, president i Filipineve (1998-2001)
Në dhjetë liderët më të korruptuar të botës, dy janë nga Filipinet. Josef
Estrada është marrë me aktrim, politikë, ndërsa ka studiuar inxhinierinë.
Përveç këtyre ai ka keqpërdorur 78-80 milionë dollarë gjatë qeverisjes së tij
dhe për këtë shkak është presidenti i parë nga Filipinet që i ngrihet padi
nga shteti. Ai largohet para kohe nga pushteti nga pakënaqësitë dhe
protestat në vend.
Sipas Saadit, që nëse kryetari vjedh një veze, ministrat e tij do vjedhin
gjithë pulat e fshatit, shihet qartë sesa të dëmshëm janë këta njerëz për
shoqërinë dhe veçanërisht për vendin e tyre. Dashtë Zoti që mos ketë ndonjë
politikan shqiptar në këto lista.
Përgjigju Duke Cituar
......askushn se ne demokraci nuk vun populli...
Krijoni Kontakt