Me 12 Shtator ne Qemal Stafa luhet ndeshja e vlefshme per kualifikmet e europianit Euro 2008 qe mbahet ne Zvicer dhe Austri.
A do te perseris Shqiperia ndeshjen e bukur ndaj Maltes si dhe ate ne Hollande ku na demtuan referet ?
Une jam optimist se mund te fitojme kurse maksimumi eshte barazim.
Van Basten shpall anti-Shqipërinë
Trajneri i Kombëtares holandeze, Marko Van Basten, bëri të ditur emrat 29 futbollistëve të skuadrës provizore për dy ndeshjet e ardhshme të muajit shtator për kualifikueset e Euro 2008. “Tulipanët” do të presin Bullgarinë në “Amsterdam Arena”, më 8 shtator përpara se të luajnë në “Qemal Stafa” katër ditë më pas. Van Basteni do ta lajmërojë skuadrën finale ditën e premte. Holanda ndodhet në vendin e tretë (Shqipëria në të katërtin) me tri pikë më pak se lideri i grupit, Rumania. Rud Van Nisteloj dhe blerjet e reja të Realit të Madridit, Snajder dhe Roben janë në listë. Skuadra provizore:
Portierë: Van der Sar (Manchester United), Stekelenburg (Ajax), Timmer (Feyenoord), Uaterman.
Mbrojtës: Boulahrouz (Sevilla), Bouma (Aston Villa), De Cler (Feyenoord), Emanuelson (Ajax), Heitinga (Ajax), Jaliens (AZ Alkmaar), Mathijsen (Hamburg), Melchiot (Uigan), Ooijer (Blackburn.
Mesfushorë: Afellay (PSV Eindhoven), Van Bronckhorst (Feyenoord), De Jong (Hamburg), Landzaat (Uigan), Maduro (Ajax), Seedorf (Milan), Sneijder (Real Madrid), Van der Vaart (Hamburg), De Zeeuv.
Sulmues: Babel (Liverpool), Huntelaar (Ajax), Kuyt (Liverpool), Van Nistelrooy (Real Madrid), Van Persie (Arsenal), Robben (Real Madrid), Vennegoor of Hesselink (Celtic).
albania-sport
Une jam i mendimit nqfs se lojtaret japin zemren ne fushe atehere pse mos fitojn
Ishalla nje rezultat pozitiv per kombetaren tone
#VamosArgentina
Loj shume e veshtire per Shqiperine :S
Po mendoj se do te arrin te pakten te marrin nje rezultat minimal pozitiv 1-0
Bariç shpall listen anti-Holande. Rikthehet Cana
Ndeshja me Holandën ka “nisur”. Të paktën ajo në letër. Që luhet me lista lojtarësh. Ndërsa trajneri Van Basten pret të premten të shpallë listën përfundimtare, pas asaj paraprake me 29 lojtarë të publikuar të martën, tekniku i kuqezinjve Oto Bariç e shpalli atë 24 orë përpara se holandezi. Emrat dihen. Janë atë që gjithmonë kanë qenë edhe në ndeshjet e fundit. I vetmi ndryshim nga të thirrurit me Maltën është rikthimi i Lorik Canës dhe mungesa për shkak të pezullimit me dy kartonë të verdhë i Ervin Skelës.
Oto Bariçi e di se ka përpara një ndeshje shumë të rëndësishme, që të paktën atij i kujton atë me Bullgarinë, kur u ngrit nga shtrati i sëmurë për të marrë pikën e madhe në Sofie e provokuar shkarkimin e trajnerit Hristo Stojçkov. Tekniku kroat e ka thënë hapur objektivin e tij. Do të ishte i kënaqur edhe me një barazim. Nëse ndaj Maltës do të luajmë tërësisht në sulm duke luajtur me dy sulmues të mirëfilltë, ndaj Holandës loja jonë do të ketë një fizionomi mbrojtëse, dhe me një sulmues”, - u tha ai gazetarëve në konferencën e tij të zakonshme për shtyp në hotelin “Adriatik”, përpara ndeshjes me Maltën të fituar 3-0.
“Kundër Holandës duhet të kemi shumë kujdes kur kundërshtari të marrë iniciativën”. Lista anti-Holandë nuk ka të fshehta brenda saj dhe emrat e thirrur nuk përbëjnë më surprizë. Dyshja e portierëve është tashmë një gjë e “vjetër”: Arjan Beqaj dhe Isli Hidi. Beqajt i djegin ende dy golat e pësuar në Holandë, që janë dhe të fundit që “njollosën” portën e tij, kur ka katër ndeshje zyrtare pa pësuar gol.
Edhe reparti i mbrojtjes është i njëjtë” : Armend Dallku, Nevil Dede, Erjon Xhafa, Debatik Curri, si dhe talenti i ri, Kristi Vangjeli. Reparti i mesfushës ka emra të njohur: kapiteni Altin Lala, Devi Mukaj, Klodian Duro, Lorik Cana, Ervin Bulku, Altin Haxhi. Për llogari të mesfushës është edhe sulmuesi i Bërnlit , Besart Berisha, gjendje fizike e të cilit mbetet ende një mister. Jahmir Hyka, i cili edhe pse ndodhet në Kombëtaren “A”, është njëherësh edhe në listën e Shpresave të Bariçit.
Vija e parë nuk përbën më asnjë befasi. Qysh kur është larguar Igli Tare, katërshja e sulmit mbetet gjithmonë e njëjtë: Alban Bushit, njëherësh edhe golashënuesi më i mirë i Shqipërisë me 14 gola, Erjon Bogdani dhe Edmond Kapllani, golashënuesi më i mitë i eliminatoreve Euro 2008 (3 gola). Në repartin e avancuar është edhe Hamdi Salihi, i cili hapi serinë e golave në fitoren 3-0 me Maltën.
Lista e Kombëtares
Portier: Arjan Beqaj (Anorthosis, Qipro), Isli Hidi (Krivbas, Ukrainë). Mbrojtës : Armend Dallku (Vorskla Poltava, Ukrainë), Nevil Dede (Tirana, Shqipëri), Erjon Xhafa (Tirana, Shqipëri), Debatik Curri (Vorskla Poltava, Ukrianë, Kristi Vangjeli (Aris Selanik, Greqi). Mesfushorë: Altin Lala (Hanover 96, Gjermani), Devi Mukaj (Tirana, Shqipëri), Altin Haxhi (Ergotelis, Greqi), Klodian Duro (Tirana, Shqipëri), Lorik Cana (Olimpiku i Marsejës, Francë), Ervin Bulku (Krivbas, Ukrainë). Besart Berisha (Anglia 2,) Jahmir Hyka (Tirana, Shqipëri). Sulmues: Alban Bushit (Apollon Kallamarja, Greqi), Erjon Bogdani (Kievo, Itali), Edmond Kapllani (Karlsruhe, Gjermani), Hamdi Salihi (SV Ried, Austri).
albania-sport
per mendimin tim them qe do ta grisi hollanda shqiperine.
Oto Bariç, pa surpriza për Holandën
Ambasada holandeze, e shqetësuar për sigurinë e 400 tifozëve që do të shohin ndeshjen
Trajneri i përfaqësueses shqiptare, Oto Bariç, ka bërë dje publike listën e futbollistëve të grumbulluar për ndeshjen eliminatore të EURO 2008 ndaj Holandës. Kroati ka preferuar që të mos bëjë surpriza për këtë takim, duke konfirmuar ato emra që pa në veprim gjatë miqësores me Maltën. Megjithatë, ky grup lojtarësh është reduktuar nga 21 në 19, pasi për takimin e 12 shtatorit nuk do të jenë të disponueshëm mesfushorët Ervin Skela dhe Besart Berisha, i pari i pezulluar, ndërsa i dyti i dëmtuar. Ndërkohë që në formacionin e Kombëtares do të kthehet Lorik Cana, i cili mungoi ndaj Maltës edhe pse i përfshirë në listë nga trajneri Bariç.
Duket se Kombëtarja shqiptare do të eksperimentojë një rreshtim ndryshe ndaj Holandës, me mendjen te siguria në prapavijë, pasi kjo shihet nga numri i madh i mbrojtësve të grumbulluar. Curri, Dallku, Dede, Vangjeli dhe Rrustemaj janë konfirmuar prej kohësh si pjesë e pandarë e përfaqësueses, ndërsa bie në sy se Bariç ka vendosur t‘i besojë përsëri Erjon Xhafës. Ky i fundit u aktivizua në pjesën e dytë të takimit me Maltën dhe duket se e ka bindur trajnerin kroat me paraqitjen e tij.
Ndryshime rrënjësore do të pësojë reparti i mesfushës, ku mungojnë dy titullarët Skela e Berisha. Cana, Lala, Muka dhe Haxhi, duket se do të formojnë katërshen e mesfushës për këtë sfidë. Bie në sy pikërisht kthimi i Haxhit mes mesfushorëve, pasi në të gjitha takimet e fundit ai ishte aktivuar rregullisht në krahun e majtë të mbrojtjes. Normalisht, Cana dhe Lala do të formojnë digën para mbrojtjes, me detyrën për të ndalur avancimet e mesfushorëve holandezë, ndërsa Muka dhe Haxhi do të veprojnë nga krahët. Duro, Bulku dhe Hyka janë alternativat për këtë repart, ku Bariç mund të improvizojë edhe një rreshtim më ofensiv falë aktivimit të tyre në pjesën e dytë të ndeshjes. Kapllani, Bogdani, Bushi dhe Salihi janë katër sulmuesit e grumbulluar për këtë sfidë, ndërsa mendohet se dy të parët do të jenë titullarë.
Nëse dy kombëtaret thuajse kanë përcaktuar gjithçka për ditën e ndeshjes, organizimi i saj kërkon më shumë perfeksionim dhe kjo është kuptuar nga takimi i djeshëm mes presidentit të FSHF-së, Armand Duka dhe ambasadorit të Holandës në Shqipëri, Seeder Van Voorst. Ky i fundit është interesuar për kushtet e akomodimit të përfaqësueses holandeze në Tiranë, ndërsa një interes i veçantë i është kushtuar trajtimit të tifozerisë që do të vijë nga "vendi i tulipanëve" për të ndjekur takimin. Mendohet që numri i tyre të arrijë në 400 dhe ambasadori holandez është interesuar për sigurimin e tyre nga forcat e rendit gjatë qëndrimit në vendin tonë.
Lista e Kombëtares
Portierë: Arjan Beqaj, Isli Hidi
Mbrojtës: Debatik Curri, Armend Dallku, Nevil Dede, Erjon Xhafa, Kristi Vangjeli, Blerim Rrustemaj
Mesfushorë: Lorik Cana, Altin Lala, Devis Muka, Ervin Bulku, Altin Haxhi, Klodian Duro, Jahmir Hyka
Sulmues: Hamdi Salihi, Edmond Kapllani, Erjon Bogdani, Alban Bushi
Shqip
#VamosArgentina
Edhe une them dhe nese jo fitore, te pakten nje loje te bukur dhe nje pike.Postuar më parë nga elton_111
Suksese kombetares.
Team: That team in Italy with 29 titles. Or was it 30?
une them 4-0 per ne
Regullat e Postimit
Krijoni Kontakt