Zbulime arkeologjike ne Shqiperi

[EncounterAL]

Tempuj antike me pishina per peshk
( vijon postimi #77 / dt. 10-12-2010 )

. . . nga i njejti liber, desha te shtoj fotot (nga autori)
te nje pishine peshku ne nje tempull te lashte Egjyptian.

[fegi]

Zhdukja e objekteve, pas viteve ‘90
Edhe pas dy dekadash institucionet e kulturës që merren me trashëgiminë ende nuk kanë ngritur një sistem të fuqishëm funksional parandalues. Rastet e grabitjeve të shumta të objekteve kulturore me qëllim trafikimin, veçanërisht në vitet e trazirave të pas viteve ’90 lanë shumë pasoja në trashëgiminë kulturore shqiptare. Nga statistikat muzetë arkeologjikë të Butrintit, Durrësit, Apolonisë, Lezhës kanë shumë pak objekte të kataloguara, ku këtu bën përjashtim Muzeu Arkeologjik i Korçës, ku është inventarizuar dhe kataloguar një pasuri prej më shumë se 1200 objektesh, që përfshijnë një periudhë të gjerë që nga prehistoria deri në Mesjetën e vonë. Nga ana tjetër ekzistenca çertifikimit të shumë objekteve të trashëgimisë kulturore do ta bënte më të vështirë kalimin e këtyre objekteve në mënyrë të jashtëligjshme në kufi dhe do të ndihmonte në procesin e kërkimit në rastet kur kanë kaluar në tregun ndërkombëtar. Në bazë të statistikave pas viteve ‘90 rezultojnë mbi 2 mijë objekte të trashëgimisë kulturore të humbura dhe nga këto 280 janë objekte arkeologjike.

[EncounterAL]

Permendet edhe nje tip tjeter pishine-peshku antike, qe eshte
" pishina me kulle vrojtimi ".
Pishina te ketij lloji jane gjetur ne Epir, etj . . .

Kjo lexohet ne fleten nr. 37(ngjitur) te librit qe permendet
tek post #76, shkruar nga Dr. James A. Higginbotham.
Adresa web:
http://books.google.ca/books?id=cPyD...Epirus&f=false

[fegi]

Historia e thesarit avar ne Vrapit .

linku. http://www.metmuseum.org/TOAH/ho/06/....1673-1712.htm

[fegi]

Vazhdim........

[fegi]

Gjirokastër, zbulohet një varrezë masive e epokës së bronzit
03-01-2011
Një zbulim i rëndësishëm arkeologjik u shtohet zbulimeve të bëra vitet e fundit në luginën e Drinos në Gjirokastër. Fjala është për një varr masiv, që është zbuluar ditët e fundit në afërsi të pikës turistike të Viroit, në periferi të qytetit të Gjirokastrës dhe që mendohet se i përket epokës së bronzit.

Arkeologu Vladimir Qirjaqi tha për ATSH-në se kjo varrezë masive mbart një vlerë të madhe kulturore dhe arkeologjike, por edhe turistike dhe pasuron më shumë objektet arkeologjike të luginës së Drinos.

Qirjaqi tha se është ende herët për të folur me detaje për këtë zbulim të rëndësishëm, pasi hollësitë do të jepen vetëm kur të kryhen gërmimet e nëndheshme. “Sipas të gjitha gjasave, kjo varrezë masive mund të jetë e epokës së bronzit dhe se lugina e Drinos është e pasur me varreza të tilla masive që po dalin gjithnjë e më shumë në dritë”, tha Qirjaqi.

Prej 5 vitesh një mision arkeologjik italo-shqiptar po kryen kërkime në luginën e Drinos, duke nxjerr në dritë monumente arkeologjike te panjohura deri tani. Evidente është puna e këtij misioni në zbulimin e qytetit të Hadrinopulit, një qytet i lashtë dhe me vlera të mëdha.

[fegi]

Arkeologjia dhe vlerësimi i impaktit në mjedis

Anëtarët e QNASh janë përfshirë në një projekt të rëndësishëm në vlerësimin e impaktit mjedisor, duke bashkëpunuar ngushtë me ERM (Menaxhimi i Burimeve Mjedisore) dhe TAP (Gazsjellësi Trans Adriatik). Qëllimi i këtij projekti është vlerësimi i ndikimit që gazsjellësi mund të ketë në arkeologjinë dhe trashëgiminë kulturore, përgjatë korridorit të madh që do të kalojë në pjesën Jugore dhe Qendrore të Shqipërisë, përkatësisht nga Devolli deri në bregdetin e Adriatikut. Më shumë detaje...

Linku.. me gjersisht

http://www.google.com/url?sa=t&sourc...q5FtQQa1PiHenA
.

[fegi]

Vizitë në shenjat 12 000-vjeçare pranë Tiranës
20/01/2011 19:45

Vizitë në shenjat 12 000-vjeçare pranë Tiranës
Zbulimi i rrallë arkeologjik pranë Tiranës, i disa veprave murale të vjetra 10-12 mijë vjet, u pasqyrua në emisionin e pasdites në Top Channel.

Fshati i Bovillës, i njohur për ujëmbledhësin që furnizon ujësjellësin e Tiranës, mbart brenda vetes edhe vlera të tjera të jashtëzakonshme.

”Mbas një rrugëtimi jo shumë të gjatë, por as të shkurtër, ndodhemi tashmë në pikturën shkëmbore të Bovillës. Jemi atje ku kanioni i Bovillës ngushtohet më shumë”, thotë Ilir Zaloshnja, specialist i Institutit të Arkeologjisë.

Ndonëse se pikturat kanë qenë këtu prej mijëra vitesh, ato u vunë re nga një bari që njoftoi specialistët vetëm pak kohë më parë.

“Informacionet e para i morrëm përpara katër vitesh. Menjëherë ngritëm një grup pune të kryesuar nga profesor Myzafer Korkuti. Erdhëm me një staf prej katër vetash, pasi morrëm njoftimin dhe punuam në kushte të vështira. Kushtet atmosferike ishin të këqija, por identifikuam rreth 18 shenja”, vazhdon Zaloshnja.

Për dikë që është mësuar të kalojë jetën duke gjurmuar qytetërimet e lashta, “pamja që të shfaqet është mbresëlënëse. Kemi të bëjmë me një momunemt natyror shkëmbor sugjestionues”.

Ajo që e bën veçanërisht të rrallë zbulimin është koha kur datojnë këto shenja. “Këtu flitet për minumumi 10-12 mijë vjet më parë”, thotë Zaloshnja.

”Këto janë shifrat që na kanë dhënë edhe specialistë të huaj të veprave murale në pellgun e Mesdheut. Kjo i përket periudhës së eneolitit. Zbulimi ka një vlerë të madhe, është një dëshmi për popullimin e zonës dhe riteve pagane. Besojmë se shenja që duket qartë, ajo e kryqit të rrethuar nga një rreth, personofikon diellin”, përfundoi eksperti.
Vendos ne Facebook16

[medaur]

Te pergezoj Fegi per punen e madhe qe po ben me kto fotot e te lutem mos u lodh se jane vertet interesante.

[fegi]

Revista \"Archaeology\", kopertinë për nëndetin shqiptar
Revista \


Revista prestigjioze amerikane \"Archaeology\" botoi në kopertinën e saj një artikull të gjatë mbi kërkimet tona nënujore me titull \"The Lost Wrecks of Adriatik\". Për herë të parë në kopertinën e kësaj reviste del një projekt mbi Shqipërinë i cili koordinohet nga Auron Tare. Shkrimi është mbi kërkimet nënujore në Shqipëri nga ekipi shqiptaro amerikan dhe në fakt është një vlerësim shumë i madh për këtë projekt. Revista ka rreth 1.3 milionë lexues dhe botohet nga Instituti i Arkeologjisë Amerikane