Zbulime arkeologjike ne Shqiperi

[fegi]

Elbasan: Zbulohen dy relieve antike
Dy relieve antike,që i takojnë fillimit të shekullit të I të erës sonë janë zbuluar gjatë pastrimit të kullës së Zindanit në kalanë e Elbasanit, nga një person që po kryen një investim brenda mureve të këtij monumenti."Këto dy relike kanë lidhje me Scampinin e hershëm,(emri i vjetër i Elbasanit),para se të ndërtohej kalaja", tha arkeologu Neritan Ceka. Sipas tij, e reja e këtyre zbulimeve është se një prej relieve tregon figurën e një qytetari të Scampinit të hershëm, me emrin ilir Grikus, i dëshmuar dhe në Durrës. Relievi tjetër mban emrin Tata, emër gruaje i njohur në Durrës, që dëshmon se vendbanimet romake në rrugën Egnatia u populluan nga ilirët.

[fegi]

Zbulohet një fyell që i përket shek. I para krishtit



TIRANË- Një instrument muzikor fyell i shekullit të parë para Krishtit, që i përket periudhës romake, është zbuluar një vit më parë në qytetin e Lezhës dhe po restaturohet pranë Institutit të Arkeometrisë dhe Konservimit. Drejtori i këtij Instituti, Frederik Stamati, u shpreh të mërkurën në një prononcim për mediat se, "gjatë vitit të kaluar në Lezhë është zbuluar një mori fragmentesh prej kocke, të cilat nuk kishin asnjë formë, por disa indikacione që treguan se ishte një instrumet muzikor, një fyell i shek të parë para Krishtit, ose i shekullit të parë pas Krishtit që i përket periudhës romake".

"U desh një punë shtatëmujore që të arrihej në restaurimin e këtyre fragmenteve, mbi 200 copë dhe që krijuan këto fragmente me të mëdha", tha Stamati, duke shtuar se, "nga shqyrtimi i materialit rezulton që këtu mund të ketë qënë ose një punishte që prodhonte instrumenta muzikore, ose një dyqan ku shiteshin këto instrumenta, por kjo nuk është përcaktuar akoma, dhe do të dojë ende gërmime te tjera arkeologjike që të përcaktohet me saktësi".

Duke u ndalur te rëndësia e këtij objekti, drejtori i Institutit të Arkeometrisë dhe Konservimit, Frederik Stamati tha se, "është hera e parë që zbulohet një objekt i tillë me një grumbull të tillë fragmetesh prej kocke që i përkasin instrumentave muzikore". Sipas tij, "në Shqipëri kemi dy raste analoge të këtij tipi, pasi në vitin 1975 është zbuluar në Apolloni një grup kockash të ngjashme me këto, të futura në një enë bronxi dhe rasti tjetër është ai i një viti më parë në Lezhë".

Ai shtoi më tej se, "ne mendojmë që të mos jetë vetëm nëj instrument muzikor, por disa dhe duhet që në të ardhmen të angazhohen disa specialistë të historisë së veglave muzikore, në mënyrë që japin një të dhënë të saktë për këtë çështje".
(m.a/ata/BalkanWeb)

[fegi]

Arkeologu francez vlerëson lartë bustin e zbuluar në Apolloni
Arkeologu francez Jean-Luc-Lamboley e ka cilësuar si një vepër të shkëlqyer arti bustin e zbuluar në qytetin antik të Apollonisë në Fier, gjatë ekspeditës shqiptaro-franceze.
“Kemi 18 vjet që kryejmë ekspedita të përbashkëta në Apolloni dhe nuk kemi gjetur ndonjë objekt të përmasave të tilla”, ka thënë prof. Lamboley.
Busti i mashkullit të zhveshur u zbulua në gjendje të mirë, një ditë më parë, gjatë gërmimeve në një kanal që lidhte vilat romake të shekullit të III pas Krishtit në Apoloni. “Mendoj se kjo statujë ka qenë e pronarit të një prej shtëpive romake që kemi zbuluar në Apolloni", tha prof Lamboleu.

[fegi]

Elbasan: Zbulohen dy relieve antike
Dy relieve antike,që i takojnë fillimit të shekullit të I të erës sonë janë zbuluar gjatë pastrimit të kullës së Zindanit në kalanë e Elbasanit, nga një person që po kryen një investim brenda mureve të këtij monumenti."Këto dy relike kanë lidhje me Scampinin e hershëm,(emri i vjetër i Elbasanit),para se të ndërtohej kalaja", tha arkeologu Neritan Ceka. Sipas tij, e reja e këtyre zbulimeve është se një prej relieve tregon figurën e një qytetari të Scampinit të hershëm, me emrin ilir Grikus, i dëshmuar dhe në Durrës. Relievi tjetër mban emrin Tata, emër gruaje i njohur në Durrës, që dëshmon se vendbanimet romake në rrugën Egnatia u populluan nga ilirët.

http://www.forumishqiptar.com/attachment.php?attachmentid=135903&stc=1&d=1281865439

[fegi]

http://www.forumishqiptar.com/attach...1&d=1282406771
http://www.forumishqiptar.com/attach...1&d=1282406771

[fegi]

Në Tiranë ekspozohet busti i atletit të panjohur
Arkeologët shqiptarë ekspozuan sot në kryeqytet bustin e atletit të panjohur, që u zbulua disa ditë më parë në qendrën histroike të Apollonisë, pranë Fierit. Vepra mendohet se i përket gjysmës së dytë të shekullit të dytë pas erës së re. Busti po studiohet me kujdes nga ekspertët për vlerat e mëdha artistike dhe historike. Vepra nuk ka asnjë dëmtim fizik dhe është gjetur e plotë dhe e ruajtur mirë, ashtu siç është ekspozuar në Apolloni mbi 18 shekuj më parë. Kryeministri Sali Berisha ishte sot në Muzeun Arkeologjik në Qendrën e Studimeve Albanologjike, për të parë nga afër zbulimin arkeologjik më të fundit të bërë në Apolloni.
Berisha, vlerëson lartë zbulimin më të fundit në Apolloni
Kryeministri Sali Berisha ishte sot në Muzeun Arkeologjik në Qendrën e Studimeve Albanologjike, për të parë nga afër zbulimin arkeologjik më të fundit të bërë në Apolloni. Arkeologët shqiptarë në bashkëpunim me arkeologë francez, kanë zbuluar bustin e një aristokrati nga Apollonia, që i përket gjysmës së dytë të shekullit të II pas Krishtit.
Ky prezantim iu bë Kryeministri Berisha nga Profesor Jean-Luc Lamboley, bashkëdrejtori francez i ekspeditës së përbashkët shqiptaro – franceze të Apollonisë, i cili theksoi se ky zbulim, fryt i një bashkëpunimi të gjatë shqiptaro – francez në këtë qendër arkeologjike, është një kryevepër, një nga skulpturat më të bukura të repertorit botëror të periudhës romake të shekullit të dytë të erës sonë dhe një dëshmi tjetër e zhvillimit të lartë kulturor të Apollonisë në kohën e artë të lulëzimit të saj në shekullin e dytë pas Krishtit.

Kryeministri tha se ky zbulim ka vlerë të paçmueshme dhe të jashtëzakonshme . “Vlerat e tij janë të jashtëzakonshme në rrafshin krijues, skulptural, artistik, në rrafshin historik, por gjithashtu janë akoma më të mëdha, si dëshmi e përjetësisë së kombit shqiptarë” theksoi ndër të tjera Kryeministri.
Në fjalën e tij Kryeministri Berisha tha se;
“Dua të shpreh vlerësimin tim më të madh, mirënjohjen më të thellë ju dhe të gjithë ekipit shqiptaro-francez, që zbuloi këtë verë, një kryevepër të gjenisë krijuese në skulpturë të të gjitha kohërave.
Ky zbulim, siç theksuat ju, ka vlerë të paçmuar të jashtëzakonshme. Vlerat e tij janë të jashtëzakonshme në rrafshin krijues, skulptural, artistik, në rrafshin historik, por gjithashtu janë akoma më të mëdha, si dëshmi e përjetësisë së kombit shqiptarë. Një përjetësi e bazuar në vlera të qytetërimit perëndimor.
Shqipëria është një vend i vogël, por me një pasuri të jashtëzakonshme në gjirin e saj, ky territor ka njohur qytetërime të shumta, perandori dhe perandor, por ajo që e bën shumë të veçantë është se në të gjitha kohërat eci si një komb me identitetin e tij të sotëm.
Dua të rikujtoj këtu një historian të shquar austriak, i cili ka shkruar njërin nga librat më të mira për Shqipërinë dhe shqiptarët. Në mënyrë të përsëritur Johanes Hans shtron pyetjen, çfarë janë këta shqiptarët?
Dhe ajo që është shumë mbresëlënëse shumë impresionuese ta jep përgjigja, se tek shqiptarët gjen element jo të paktë të kulturës helenike, të kulturës romake dhe dikush mund të mendojë se këto janë huazime të shqiptarëve nga këto kultura.
Ky historian i shquar ka mendim tjetër, ai mendon së ilirët morën njëlloj si helene dhe romakët apo trashëgoi njëlloj si helenet dhe romakët nga popullata pre helene , pre romake, shumë nga ata element që sot u atribuohen helenëve apo romakëve.
Komentet e mia nuk kanë lidhje me skulpturën e mrekullueshme, sepse të gjitha vlerësimet do t’ia bëni ju mbi kriteret më të sakta shkencore, por unë dhe njëherë dua t’ju shpreh mirënjohjen më të thellë, ju z. profesor, Qeverisë franceze, Ambasadores, për këtë ndihmë jashtëzakonisht të çmuar. Ky zbulim për qeverinë shqiptare ka edhe një dimension tjetër të frymëzimit të saj, të detyrimit të saj, për të fuqizuar mbështetjen për arkeologjinë shqiptare, për të fuqizuar bashkëpunimin me vendin tuaj mik dhe vendet e tjera mike në këtë fushë jashtëzakonisht të rëndësishme në rrafshin kulturor në rrafshin historik dhe në tërësi. Dhe një herë faleminderit shumë, unë u mrekullova nga ky zbulim”.

vidio kete linkun poshte.
http://www.botasot.info/def.php?gjuh...ry=15&id=74540

[fegi]

Gjurmë të së shkuarës në Korçë
Zbulimi i rrallë, që vjen sërish nga juglindja e vendit, ka pasuruar hartën arkeologjike me një vendbanim të ri, që, sipas përcaktimit të specialistëve arkeologë, është nga më të mëdhatë në shkallën mesdhetare.


Një nga vendbanimet më të mëdha prehistorike neolitike, me një sipërfaqe prej 8 hektarësh, ka qenë edhe zbulimi që për një vit rresht ka mbajtur në terren për studime, kërkime dhe sondazhe, ekipin e arkeologëve, të cilët kanë bërë të ditur se, krahas materialeve të pasura arkeologjike të këtij vendi, janë zbuluar dy atelie që përdoreshin nga banorët prehistorikë për punimin e veglave të punës prej guri.

Vendbanimi me një shtrirje të madhe në bregliqen është i pozicionuar në zonën e Prespës së Madhe, në Korçë dhe njihet si vendbanimi i Kallamasit, ose me toponimin Ostrovo.

Prof. Petrika Lera, që ka udhëhequr ekipin e punës, thotë se gjatë eksperiencës 30-vjeçare të gërmimeve në terren në pellgun e Korçës, zbulimet e fundit mund të konsiderohen nga më interesantet.

“Sipas planit të këshillit shkencor është kryer ky gërmim në vendbanimin prehistorik neolitik në breg të liqenit në Prespën e Madhe dhe konkretisht në një vendbanim të zbuluar rastësisht, por që ka hedhur dritë mbi zhvillime të rëndësishme arkeologjike dhe që lidhen me zhvillimin e jetës së komunitetit të banorëve prehistorikë.

Ky kërkim ka si synim të sqarojë dy probleme kryesore, shtrirjen në hapësirë të këtij vendbanimi dhe studimin për fillimin e jetës së këtij vendbanimi. Ky vendbanim është përcaktuar në një hapësirë që ka një shtrirje tepër të madhe, duke e renditur vendbanimin prehistorik neolitik të Kallamasit në një nga vendbanimet më të mëdha të zbuluara në shkallën mesdhetare.

Sipas Petrika Lerës, nga kërkimet dhe sondazhet përgjatë një viti është konstatuar se jeta në këtë vendbanim fillon aty nga neoliti i mesëm, dhe vazhdon deri në neolitin e vonë në fazën më të hershme të saj. Kjo është situata stratigrafike e sotme në vendbanimin e Kallamasit dhe mund të themi se vendbanimi i Kallamasit i njohur me toponimin Ostrovo përfaqëson një nga vendbanimet me intensitet më të madh jete. Kjo tregohet nga sasia e madhe e materialit arkeologjik, që ka dalë në sipërfaqe si rezultat i punimeve të herëpashershme të tokës. Ndërkohë ajo që përbën edhe interesin më të madh është fakti se këtu gjatë ekspeditës janë zbuluar dy atelie, ose punishte të materialeve dhe veglave të punës prej guri.

Ajo që është shumë e rëndësishme është se kemi mundur të identifikojmë në këtë vendbanim prehistorik neolitik këto dy atelie apo punishte të përgatitjes së veglave të punës prej guri, është interesante se guri, me të cilin punoheshin veglat e punës nuk ka qenë gur i zonës, por i importuar, gjë që tregon për marrëdhëniet me vendet e tjera të afërta të banorëve të hershëm krahas zbulimit të zejtarisë dhe të aktivitetit, me të cilin angazhohej popullsia. Komuniteti prehistorik neolitik i Kallamasit pas përpunimit të këtyre veglave dhe përdorimit për nevoja të komunitetit, mendohet se edhe i eksportonte këto punime për një treg të caktuar për të plotësuar edhe kërkesat e komuniteteve të tjera neolitike më të largëta ose më të afërta.

Arkeologët, që janë marrë me zbulimin e këtij vendbanimi të hershëm, tregojnë se nga gërmimet rezulton se ka material të bollshëm të qeramikës, të enëve me përmasa dhe dimensione të ndryshme e të zbukuruara me forma të ndryshme që flasin për botën e popullsisë, që jetonte në këtë pellg dhe zhvillimet e natyrës kulturore dhe artizanatit, krahas faktit se ka pasur një intensitet jetese.

Përveç enëve të shumta në punishte dhe në zonën ku janë kryer gërmimet e ekspeditës së radhës është zbuluar dhe një sasi e madhe e materialit arkeologjik, të përfaqësuar kryesisht nga punimet prej guri, kocke, stralli, briri, ndërsa më tepër tërheqin vëmendjen veglat e punës prej guri, të cilat janë dhe ato me interes më të madh, pasi shfaqen për të parën herë në këto vendbanime të shumta të pellgut të Korçës. Ekspedita e përbashkët e grupit shqiptaro-francez është shtrirë në zonën mes Bezmishtit dhe Goricës.

Faza e dytë e punës do të jetë ajo e programit arkeologjik të kërkimeve nëpërmjet projeksionit, ose vrojtimit të terren, me të cilën ekipi është angazhuar që gjatë vitit të kaluar në disa zona, dhe kryesisht në pjesën veriore të fushës së Korçës.

Projeksioni ka qenë i rëndësishëm dhe i suksesshëm, pasi ka njohur me 8 vendbanime, që i përkasin prehistorisë, antikitetit dhe mesjetës.

Këtë vit mendojmë të zhvillojmë një fushatë të dytë prospeksioni për të parë pasuritë që fshihen në fushën e dëshmive dhe materialeve të shumta arkeologjike.

Objektivi është që vrojtimi në terren të bëhet në raport me evolucionin që ka pasur liqeni i vjetër i Maliqit me avancimet dhe tkurrjet e tij dhe reagimet e popullsive të vjetra, që jetonin përreth tij, pasi, siç na kanë treguar gërmimet e deritanishme në zonën e Sovjanit, situata klimaterike dhe ajo floristike kanë qenë të lidhura me liqenin dhe në këto kushte edhe jeta e banorëve. Ky evolucion ndiqet që nga mijëvjeçari i dytë para Krishtit deri në periudhën romake.

“Interesi është të njihemi me qendrat e banuara prehistorike në këtë rajon, lidhjen e njerëzve në raport me liqenin dhe evolucionin në periudha të ndryshme kohore”, shprehet Cecille Oberëhite, shefja franceze e kantierit. Për dhjetë vjet rresht, ky ekip ka kryer gërmime të shumta në pellgun e Korçës, i cili është më i pasuri me vendbanime të hershme, ku në hartën arkeologjike numërohen 100 të tilla

[fegi]

Apoloni, zbulohet busti prej mermeri i një femre




FIER-Një zbulim i madh dhe i rrallë është bërë sërish në parkun e Apolonisë në Fier. Pas bustit që dyshohet se i përket një aristokrati romak, një tjetër bust njeriu është zbuluar ditën e sotme nga ekpi shqiptaro-francez.
Bëhet fjalë për një bust femre prej femre që i përket sërish periudhës romake që përkon me shekullin e II ose të III pas lindjes së Krishtit.

Busti i femrës është gjetur shumë prane vendit që u zbulua busti prej mermeri i romakut të lashtë.

Ekspedita shqiptaro-franceze që po gërmon këto ditë në Apoloni, zbuloi pak ditë më parë një statujë. Statuja është busti i një romaku ndoshta aristokrat dhe sipas ekspertëve është gjetur në gjendje shumë të mirë.
Vetë ekspertët, flasin për një zbulim spektakolar duke iu referuar vjetërsisë së saj, përmasave të mëdha dhe gjendjes së mirë në të cilën është zbuluar.

Po kështu ditët e fundit, zbulimeve iu shtua dhe gjetja e një tjetër vepre antike me vlera të shumta historike e kulturore. Një këmbë bronxi, pjesë e një statuje romake është zbuluar nga gërmimet që kreu ekspedita shqiptaro-franceze. Nga format dhe mënyra e krijimit duket se këmba e statujës i përket një luftëtari romak. Vepra mendohet se i përket shekullit të II ose të III pas lindjes së Krishtit.


Vidio kete linkune.
http://www.google.se/url?q=http://ba...pZRxqHZ5B5qdmA

[EncounterAL]

Artikulli me titull:
"Kangjellat më të bukura Shqiptare ..." nga
http://balkanweb ... Dërguar më: 10/12/09...
flet per objekte antike. Po citoj:

" . . .

Në vitin 2000, gjatë gërmimeve arkeologjike të bëra në Durrës,
dolën në dritë edhe disa fragmente kangjellash...
Punimi i tyre është mjaft i veçantë dhe ornamentet janë realizuar
me kujdes ... Ato janë shumë të dendura dhe nuk mendoj të jenë
përdorur si kangjella dritaresh, sepse nuk do të lejonin dritën
të depërtonte
... "

A ndodhet ndonje pamje(skice, foto) e ketij objekti ne forum ?

[fegi]

Sarandë, zbulohet një hark rrethor antik



SARANDE-Një hark rrethor, në formë apside, me dysheme e rasa guri, që mendohet se i takon antikitet të vonë, është zbuluar nga nje ekspeditë në manastirin e “40 shenjtërove”, 4 km larg Sarandës.
Harku rrethor ka vlera të rralla arkeologjike dhe tashmë ky objekt po studiohet nga specialistët. Manastiri i “40 Shenjtoret” daton në vitet 323-324.
Në përfundim të Luftës së Parë Botërore, ky objekt kulti u bombardua me 60 predha nga forcat italiane. Gjatë regjimit komunist, monumenti u kthye në zonë ushtarake dhe kërkimet arkeologjike nuk u lejuan, veç disa rasteve të veçanta.
Zbulimi vijon pas disa zbulimeve të rralla në Parkun e Apollonisë në Fier.
Një ekspeditë shqiptaro-franceze mundësoi gjetjen e dy busteve statujë mermeri dhe një këmbe bronxi që i përkasin peridhës romake.