Pavarotti

[RaPSouL]

Shuhet legjenda e operas, bota qan per Pavarotin

Është shuar në moshën 71 vjecare, legjenda e operas, tenori më i famshëm i gjithë brezit të tij Luciano Pavaroti. Pavaroti mbylli sytë mëngjesin e sotshëm në shtëpinë e tij në Modena të Italisë, pas një beteje të gjatë me kancerin. Këngëtari i famshëm është shtruar për herë të fundit në spital në fillim të gushtit për disa analiza dhe kurime, megjithatë asnjë deklaratë nuk u dha për mediat se gjendja e tij ishte aq e rëndë. Sëmundja e rëndë e detyroi këngëtarin të anulonte gjithë koncertet që kishin mbetur nga turi i tij i lamtumirës nga opera, në vitin 2006. Deputimi i parë profesionist i Pavarotit ka qenë në vitin 1961 në operan Bohema të Pucinit, dhe më pas karriera e tij vinte gjithnje e në rritje. Ndërsa një nga performancat me legjendare ishte koncerti i tij ne SHBA më 1972, ku salla ka shperthyer ne ovacione te papara. I paharruar mbetet koncerti i trios se tenoreve me te famshem, ku Pavaroti bashke Placido Domingo dhe Hose Karreras kenduan ariet me te njohura per gjithe boten. Balkanweb

[RaPSouL]

Ja edhe disa foto te te ndjerit , shikoni se e gjith bota e ka njohur dhe ska patur VIP person me te cilin ska qene ndonjeher diku bashk

[Kristiano]

Me vjen verete keq.Shpreh ngushellimet e mia per te gjithe boten e cila humbi nje ka tenoret,nje nga artistet me te mire te te gjitha kohrave.

[Ermelita]

RIP
muzika e tij do ta mbaje te gjalle perhere se potenca vokale e tij ka shkrire edhe akullnajat.

[Cimo]

“Disperatamente” Luciano Pavarotti

Luciano Pavarotti, legjenda e operas, u nda nga jetë ditën e enjte pas një beteje të gjatë më kancerin. Me duetet e tij të njohura me këngëtarët e popit, tenori 71-vjeçar ishte një mjeshtër i rrallë i muzikës klasikë, i cili gjithashtu njihej në gjithë botën si yjet e MTV-së apo të Hollivudit.
Pavarotti vdiq rreth orës pesë të mëngjesit në Modena, Itali.

Sapo lajmi i vdekjes së tij u përhap, njerëz të muzikës e njerëz të zakonshëm i kushtuan homazhe mjeshtrit të madh, i cili admirohej për talentin, për aftësinë për të qenë një tenor pa pretendime, për dëshirën për të qenë pranë njerëzve.
Pavarotti u shfaq në skenë rreth viteve ’60, duke fituar terren në tregun amerikan në një mënyrë të përshtatshme për një skenar filmi, ku i talentuari fiton. Ai qëlloi të ishte në vendin e duhur në vitin 1965 në “Miami–Dade County Auditorium”, kur tenori i përcaktuar për të kënduar u sëmur. Vetëm tre muaj më vonë pas debutimi të tij fatlum, Pavarotti preku ëndrrën “La Scala” në Milano me Bohemën – dhe që atëherë vazhdoi të ngjitej lart, pa kthim mbrapsht.
I adhuruar për aftësinë e të bërit spektakël, Pavarotti ishte i adhuruar më së shumti për mrekullinë që ishte zëri i tij. Placido Domingo, partneri muzikor dhe miku i tij u shpreh pas lajmit të vdekjes së Pavarott-it: “E kam adhuruar gjithnjë madhështinë që Zoti i kishte dhuruar zërit të tij, atë timbër të veçantë e të pagabueshëm që kapte çdo notë që një tenor mund të kapë”.
Ministri i Kulturës së Italisë, Francesco Rutelli u shpreh se “Luciano Pavarotti ishte një gjigand i shekullit të 20-të. Fuqia e tij vokale, e pakrahasueshme dhe e padiskutueshme, ashtu si dhe prezenca e tij në skenë e kanë bërë atë një prej protagonistëve më të shquar të traditës operistike italiane”.
Djali i një bukëpjekësi në Modena, Itali, i cili ishte një këngëtar modest opere, Pavarott-i i ri u rrit duke ëndërruar në vend që të ndiqte një karrierë si futbollist. Disa dekada më vonë, ai do të këndonte lirikën e tij më të famshme “Nessun Dorma” në hapjen e kampionatit botëror të futbollit në Itali, më 1990, e cila është cilësuar si performanca e tij më e ndjekur.
Ai ishte njëkohësisht perfeksionit dhe “showman” i lindur dhe statusi i tij si ikonë kulturore është vulosur nga duetet e tij të padiskutueshme me këngëtarë të muzikës pop dhe rok nga Bono i U2 e deri te Sting e Celine Dion. Disa puritanë të operas nuk do ta falin asnjëherë tenorin për performancat e llojit “Pavarotti and Friends”.
Në disa intervista, para se të operohej Pavarotti u shpreh në disa intervista se ndihej një njeri me fat. “Unë jam dhe kam qenë një njeri me fat. Do të jem optimist deri në vdekje”. Në vitet e fundit, sidomos në Itali, Pavarotti është përfolur më shumë për jetën e tij personale se atë profesionale. Fillimisht ai u përfshi në një skandal taksash në Itali e më pas u kritikua pasi la bashkëshorten e tij prej 30-vitesh për t’u martuar me asistenten e tij të re. Pavarësisht të gjithave, Pavarotti, ka qenë sa ishte gjallë e do të mbetet dhe pas vdekjes, një prej ikonave më të shquara të skenës operistike.

Luciano Pavarotti

12 tetor 1935 – 6 shtator 2007
Vendlindja: Modena, Itali
- Fillon të këndojë me babain e tij në kishën lokale kur ishte nëntë vjeç.
- Kur ishte i vogël mori disa leksione për zërin, të cilat i cilësoi më vonë si pa domethënie.
- Pavaroti filloi studimet serioze të muzikës në vitin 1954 me Arrigo Pola, një mësues i nderuar dhe tenor profesionist në Modena.
- Në vitn 1961, Pavarotti martohet me këngëtaren operistike, Adua Veroni.
- Pavaroti e kreu debutimin e tij të parë më 29 prill, 1961 në rolin e Rudolfit në “La Boheme”.
- Në vitin 1965 ai arriti të bënte debutimin e tij të parë në skenën amerikane në skenën e famshme “Greater Miami Opera”.
- Më 28 prill të po atij viti, Pavarotti arriti të prekte skenën e famshme të “La Scala” me “La Boheme”.
- Disa vite rresht iu përkushtua vetëm Milanos. “La Skala” ishte shtëpia e tij e dytë.
- Pavarotti ka kënduar në London Park në Angli, para një publiku prej më shumë se 150 mijë vetash.
- Në Central Park të Nju Jorkut, ai ka dhënë koncert për më tepër se 750 mijë dëgjues.
- Pas një shfaqjeje, nga duartrokitjet e shumta, perdja është ngritur plot 165 herë, rekord ky, i shënuar në librin Guinness.
- Më 13 dhjetor 2003, martohet me asistenten e tij personale Nicoletta Mantovani, me të cilën ka një vajzë, Alice.

[ELDORADO]

legjende artistike por edhe humane mos harroni se ka bere koncerte posacerisht per te mbledh fonde per kosoven e pasluftes

[xfiles]

Mua nuk me ka pelqyer ndonjehere as muzika e pavarotit as zeri , asgje.
çdo dite ne bote vdesin me mijera, po askujt nuk i behet vone.
Vdiq pavaroti apo gigi, qe mire apo keq jeten e kaluan ne fame dhe pasuri dhe te gjithe po mbajne zi.

[StormAngel]

Komentet jane ndonjehere edhe te teperta. I qofte dheu i lehte.
Ishte njeri i madh.

[ClaY_MorE]

Ju prehtë shpirti në paqe!

[no name]

"Big Luçiano" mbylli sytë dje, pas një sëmundjeje të pashërueshme

Lamtumirë Pavarotit të madh

Bota e muzikës lirike në zi. Tenori i famshëm ndahet nga jeta në moshën 71-vjeçare



Bota e muzikës lirike është në zi, ka humbur emrin më të madh. Luçiano Pavaroti u nda nga jeta në orën pesë të mëngjesit të ditës së djeshme. Lajmin e konfirmoi përmes postës elektronike menaxheri i tij, Terri Robson, i cili njoftoi zyrtarisht agjencinë e shtypit "Associated Press" për vdekjen e këngëtarit të madh. "Maestro - shkruhej në njoftim - luftoi për një kohë të gjatë një betejë të gjatë kundër kancerit në pankreas, i cili më në fund i mori jetën. Duke ruajtur atë qëndrim që e ka karakterizuar përgjatë gjithë jetës dhe punës, mbeti njeri pozitiv deri në çastin e fundit". 71-vjeçari kishte lindur në Modena më 12 tetor të vitit 1935. Ishte tenori më i famshëm në botë gjatë këtyre tri dekadave të fundit. Mund të thuhet me plot gojën se jeta e tij i dedikua e tëra lirikës.

Pavaroti dhe muzika

Luçiano ishte bir i një furrtari, që punonte për ushtrinë italiane. Që shumë i vogël i kushtohet botës së lirikës duke studiuar me tenorin Arrigo Pola dhe maestron Etore Campogaliani. Debutoi më 39 prill të vitit 1961 në rolin e Rudolfit në operën "Bohema" në sallën e operës të Rexhio Emilias. Në Shtetet e Bashkuara të Amerikës triumfon në shkurt të vitit 1965, me Xhon Suterlend, në veprën "Luçia" të Lamermurit.

Shpërthimi

Por shpërthimi i vërtetë mbërriti më 17 shkurt të vitit 1972, në skenën "Metropolitan" të Nju-Jorkut ku në një vepër të Donixetit lë me kuptimin e plotë të fjalës, me gojë hapur të gjithë të pranishmit falë nëntë do-ve të përsosura. I takon atij rekordi i 17 kthimeve për shkak të duartrokitjeve pas uljes së siparit. Që atëherë, emri i tij u bë i njohur edhe për publikun e gjerë falë televizionit.

Koncertet gjigante

Gjatë viteve ‘90 Pavaroti u kushton shumë rëndësi koncerteve në ambiente të hapura, të cilat do të transformohen në suksese madhështore. Në "Haid Park" të Londrës u grumbulluan falë tij më shumë se 150 mijë njerëz. Në qershor të vitit 1993, më shumë se 500 mijë admirues të tij u grumbulluan në parkun qendror të Nju- Jorkut, ndërsa ishin miliona ata që e ndiqnin përmes valëve të televizionit. Në shtator të po atij viti, nën hijen e kullës "Eifel", këndon përpara rreth 300 mijë të pranishmëve. Mes më të famshmëve nuk mund të lihen pa përmendur koncertet e "tri tenorëve", bashkë me kolegët e tij Plaçido Domingo e Hosé Karreras. Po kaq i famshëm është edhe aktiviteti intensiv në rolin e organizuesit në serinë e koncerteve "Pavarotti and friends", eveniment gjatë të cilit (për motive bamirësie), bashkëpunoi me yjet ndërkombëtare më në zë të muzikës pop.

Lamtumira nga teatri

Në mars të vitit 2004, Pavaroti vendosi të hiqte dorë nga ekzibimet në salla operistike e teatro për t‘iu përkushtuar tërësisht koncerteve dhe regjistrimeve të "Pavarotti and friends", të cilat u shoqëruan edhe me disa dalje në ekranet e televizioneve. Mbetet emblematike interpretimi i Kavaradosit në operën "Tosdka" të Puçinit në sallën "Metropolitan" të Nju-Jorkut, ku për herë të fundit këndoi si protagonist veprash operistike. "Tashmë jam shëndoshur jashtë mase - kishte thënë gjatë një interviste për të përditshmen italiane "Corriere della Sera" - dhe duhet të mendoj për t‘u kuruar".

Sëmundja

U operua për një tumor në pankreas gjatë vitit të shkuar, ndërkohë që muajt e fundit gjendja e tij shëndetësore ishte përkeqësuar ndjeshëm. Teksa qëndronte në shtëpinë e tij në kodrat e Pezaros nën kontroll mjekësor, më 8 gusht u shtrua në spital për shkak të vështirësive në frymëmarrje dhe temperaturës së lartë. Pas këtij shtrimi, që u zgjat më shumë nga ç‘ishte parashikuar, u kthye përsëri në shtëpi, por në Modena, i ndjekur nga afër nga mjekët e departamentit onkologjik.

Problemet me organet fiskale

Gjatë viteve të fundit, Pavaroti kishte zënë faqet e para të gazetave e revistave jo vetëm falë talentit muzikor, por edhe për shkak të disa problemeve fiskale që kishte pasur, sidomos gjatë viteve ‘90. Në fakt në vitin 2000, falë një pakti me agjentët e taksave të vendit fqinj, për t‘i dhënë fund një dueli të gjatë pranoi të paguante 25 miliardë lira. Kur u paraqit në zyrën e ministrit të atëhershëm italian të Financave, Otaviano Del Turko, për t‘i dorëzuar një çek me dhjetë shifra, përpara dhjetëra kamerash e mikrofonave komentoi me ironi: "Tani e kam shpirtin më të lehtësuar, por jo vetëm shpirtin...". Ky veprim e zhveshi nga akuzat zyrtare që e shihnin fajtor për falsifikime në deklarimin e të ardhurave.

Jeta sentimentale

Në faqet e para të gazetave e në edicionet informative, tenori i madh përfundoi edhe për thashetheme lidhur me jetën sentimentale, sidomos për shkak të lidhjes me ish-asistenten Nikoleta Mantovani, 34 vjet më e re se Pavaroti. Në mars të vitit 1996, faqet e kronikave rozë u zunë nga një foto që i shfaqte dy dashnorët të zhytur në një puthje të nxehtë në ishujt Barbados. Do të ishte pikërisht kjo puthje ajo që i dha fund martesës së tij me të shoqen, Adua, me të cilën jetonte që prej 36 vjetësh. Divorci i dha më pas jetë një beteje të gjatë e të lodhshme ligjore, e përfunduar me kompensime miliardësh për llogari të ish-bashkëshortes. Pavaroti dhe Nikoleta Mantovani u martuan më 13 dhjetor të vitit 2003.




Shqip