Arta Dobroshi ne CANNES...!?

[ABSOLUTE]

Arta në CAnnes!

Filmi “Le Silence de Lorna” (Qetësia e Lornës) në të cilin aktorja Arta Dobroshi luan rolin kryesor, do të konkurroj për “Palmën e artë”, në Festivalin e Filmit që do të mbahet në Kanë. Aktorja Dobroshi luan rolin e Lornas, ndërkaq organizatorët e festivalit kanë paralajmëruar konkurrencë të nxehtë në këtë vit. Pritet që Dobroshi të nominohet edhe për çmimin “aktorja më e mirë”.

Ardian Jasiqi
ardian.jasiqi@gazetaexpress.com

Prishtinë, 25 prill -
Filmi “Le Silence de Lorna”, me regji dhe skenar të vëllezërve të njohur nga Belgjika Jean-Pierre dhe Luc Dardenne, ia ka hapur dyert aktores kosovare Arta Dobroshi që për herë të parë, një aktore kosovare të shkel zyrtarisht në tepihun e kuq të njërit prej festivaleve më të njohur në botë, në fushë e kinematografisë, Festivalin e Filmit në Kanë.
Aktorja kosovare Arta Dobroshi në këtë film paraqitet me rolin kryesorë të filmit (me rolin e Lornës), kurse përkrah ka aktorin e njohur francez Jérémie Renier.
Arta Dobroshi tashmë ka udhëtuar për në Belgjikë, përderisa vëllezërve Dardenne, Kana ju ka dhënë dy herë çmimin “Palma e artë”. Edhe në edicionin e sivjetmë ata janë në konkurrencë zyrtare.
Ndërkaq në një “email” të dërguar në “Express”, flitet se edhe aktorja Arta Dobroshi do të jetë njëra prej aktoreve të nominuara në kategorinë “Aktorja më e mirë” të festivalit. Por, kjo zyrtarisht do të bëhet e ditur në fillim të javës së ardhshme.
“Express” ka tentuar të kontaktoj me Artën në Belgjikë, por kontakti më të ishte i pamundur, edhe pse spekulimet që ajo të jetë e nominuar për aktoren më të mirë tashmë kanë filluar të qarkullojnë. Duket se edhe udhëtimi i saj për në Belgjikë tregon se ajo ka shkuar atje për të qëndruar sa më afër ekipit të filmit belg.
Ndërkaq, përveç vëllezërve të njohur dhe pjesëmarrjes se parë të një kosovareje në një festival të tillë, në konkurrencë zyrtare për “Palmën e artë” sivjet janë edhe regjisorë të njohur amerikan si Clint Eastwood dhe Steven Soderbergh mandej ai gjerman Wim Wenders, të cilët do të përpiqen që t’i marrin çmimet e para të festivalit të Kanës.
Në edicionin e 61 të këtij festivali do të paraqiten filma të ndryshëm, të vjetër dhe ri, të cilët kanë pasur rezultate të mira në industrinë kinematografike. Festivali do të filloj me datën 14 maj dhe do përfundoj me 25 maj.
“Festivalin do ta shoqëroj një dekadë e re, pasi që ne dëshirojmë ta rifreskojmë dhe t’i arrimë qëllimet e tona”, ka thënë presidenti i festivalit Gilles Jacob, në konferencën për shtyp. “Ka filma që të bëjnë të rrëqethësh nga të mirat artistike të tyre”, ka thënë ai.
Juria e këtij festivali, pasi ka shikuar 1972 filma nga 96 vende të botës, ka seleksionuar 19 prej filmave për të konkurruar për “Palmën e Artë”, gjë që do të bëj që në tepihun e kuq në Kanë të vinë yje që do ndritin me ekstravagancën e tyre në këtë festival.
Përderisa nga francezët ende nuk dihet se kush do të konkurroj, kontinentet e tjera do të marrin pjesë në festival sipas kësaj renditje: Azia me tre filma, Evropa me shtatë, Amerika Latine me tre, Shtet e Bashkuara të Amerikës me tre, ndërsa me nga një film do të paraqiten shtetet e Izraelit, Kanadasë dhe Turqisë.
Filmat që pritet me padurim janë filmat e regjisorëve më të njohur në botë si ai i Woody Allen dhe Steven Spielberg, të cilët do të shfaqen në festival jashtë konkurrencës.
Regjisori Spielberg do të vij në festival me premierën e shumëpritur të filmit "Indiana Jones and the Kingdom of the Crystal Skull", me pjesën e katërt të këtij filmi i cili pritet të thyej një rekord në “Box – Office”, e në të cilin film luan aktori Harrison Ford me karakterin e tij të njohur prej një arkeologjisti aventurier.
Ujku i moçëm Woody Allen do të sjell filmin me aktorë spanjoll "Vicky Cristina Barcelona", në të cilin film luajnë aktoret e njohura Penelope Cruz, Scarlett Johansson dhe Javier Bardem, të cilët yjet do t’i shoh e tërë bota në tepihun e kuq të festivalit, bashkë me aktoren e re kosovare dhe surprizën e festivalit, Arta Dobroshin.
Trileri i Eastwoodit, "Changeling" që paraqet një ngjarje të vitit 1920 do të sjell në ekran me një rol të ri aktoren Angelina Jolie si një nënë që vuan për djalin e saj të kidnapuar.
Një film me “grushta” e shkelma që quhet "Kung-Fu Panda", i filmuar në animacion nga kompania e njohur “Dreamworks”, po ashtu do të sjell zërat e aktoreve të njohur; Jack Black, Angelina Jolie, Lucy Liu dhe Dustin Hoffman. Jashtë konkurrencës sikurse filmi “Kung – Fu Panda”, paraqitet edhe filmi "The Good, The Bad, The Weird".
Kurse për ata që dëshirojnë një film me dozë të rëndë sociale dhe politike, e që sigurisht do të regjistrohet edhe në historinë e këtij festivali, është film izraelit "Waltz with Bashir" nga regjisori Ari Folman, një film dokumentar i xhiruar në Bejrut dhe i cili paraqet masakrat në kampet e Sabras dhe Shatlias gjatë vitit 1982.
Regjisori Soderbergh, i njohur për filmin e tij "Ocean's" do të paraqitet me dy pjesë të një filmi katër orësh të quajtur “Che”, e në të cilin paraqet heroin revolucionar Che Guevara, karakterin e të cilit e luan aktori Benicio Del Toro.
Edhe një film tjetër që ka të bëj me politikën është ai që vjen nga Gjermania, e që quhet "The Palermo Shooting", ku paraqiten familjet e mafive së Italisë dhe ish kryeministri Giulio Andreotti.
Filma të tjerë dokumentar, por jashtë konkurrencës, janë edhe ai i regjisorit boshnjak Emir Kusturica për futbollistin Maradona, një film për bokserin Majk Tyson nga regjisori James Toback dhe filmi "Roman Polanski: Wanted and Desired" nga regjisorja Marina Zenovich. Këta filma do të shikohen vetëm nga VIP-it e festivalit.
Jurisë, kësaj radhe do t’i prijë djali i “keq” i Hollywood, aktori Sean Penn, i cili është edhe fitues i çmimit “Oskar”, por që është kritikuar për rolin e tij në filmin “Into the Wild”, premiera e të cilit u dha gjatë 2007-ës.
Vitin e kaluar “Palma e artë” u fitua nga filmi rumun i zhanrit dramë "4 Months, 3 Weeks and 2 Days", në të cilin paraqiten një tregim për një vajzë që aborton në rrugë fëmijën e saj për shkak të sundimit komunist.

BOX: Lista e 19 filmave që do të konkurrojnë për çmimin “Palma e Artë”.

1. "Uc Maymun" (The Three Monkeys) regjia Nuri Bilge Ceylan (Turqi).
2. "Le Silence De Lorna" (The Silence of Lorna) nga regjisorët Jean-Pierre and Luc Dardenne (Belgjikë).
3. "Un Conte de Noel" (A Christmas Tale) nga regjisori Arnaud Desplechin (Francë).
4. "Changeling" nga regjisori Clint Eastwood (SHBA)
5. "Adoration" nga regjisori Atom Egoyan (Kanadë).
6. "Waltz With Bashir" nga regjisori Ari Folman (Izrael)
7. "La Frontiere De l'Aube" (The Frontier Of Dawn) nga regjisori Philippe Garrel, (Francë).
8. "Gomorra" nga regjisori Matteo Garrone (Itali)
9. "24 City" nga regjisori Jia Zhangke (Kinë)
10. "Synecdoche, New York", regjia Charlie Kaufman (SHBA)
11. "My Magic", regjia Eric Khoo (Singapor)
12. "La Mujer Sin Cabeza" (Woman Without A Head), regjia Lucrecia Martel (Argjentinë).
13. "Serbis", regjia Brillante Mendoza (Filipine)
14. "Delta", regjia Kornel Mundruczo (Hungari)
15. "Linha de Passe" (Line of Passage), regjia Walter Salles, Daniela Thomas (Brazil)
16. "Che", regjia Steven Soderbergh (SHBA)
17. "Il Divo", regjia Paolo Sorrentino (Itali)
18. "Leonera", regjia Pablo Trapero (Argjentinë)
19. "The Palermo Shooting", regjia Wim Wenders (Gjermani)

BOX: Jashtë konkurrencës

1. “Vicky Cristina Barcelona", nga regjisori Woody Allen (SHBA)
2. "The Good, The Bad, The Weird", nga regjisori Kim Jee-Woon (Koreja Jugore)
3. "Kung Fu Panda", nga regjisorë Mark Osborne dhe John Stevenson (SHBA), dhe
4. “Indiana Jones and the Kingdom of the Crystal Skull" nga regjisori Steven Spielberg (SHBA)


gazeta: Experss

[ABSOLUTE]

[ABSOLUTE]

Ketu...
Arta ne foton lart, nuk eshte ne filmin e lartpermendur, por eshte ne nje film te Kujtim Cashku' t dhe e postova, per te gjith ata, qe nuk ia kan pare fytyren...

[autori]

Ndërkaq në një “email” të dërguar në “Express”, flitet se edhe aktorja Arta Dobroshi do të jetë njëra prej aktoreve të nominuara në kategorinë “Aktorja më e mirë” të festivalit. Por, kjo zyrtarisht do të bëhet e ditur në fillim të javës së ardhshme.
“Express” ka tentuar të kontaktoj me Artën në Belgjikë, por kontakti më të ishte i pamundur, edhe pse spekulimet që ajo të jetë e nominuar për aktoren më të mirë tashmë kanë filluar të qarkullojnë. Duket se edhe udhëtimi i saj për në Belgjikë tregon se ajo ka shkuar atje për të qëndruar sa më afër ekipit të filmit belg.

Nuk ka nominime per çmimin "aktorja më e mire" ne Kanë. Cmimi i jepet njeres prej aktoreve qe luan ne nje nga 19 filmat ne konkurim dhe kaq. Nominime ka ne OSCAR, sepse OSCAR nuk eshte festival, por ceremoni per filmat e realizuar pergjate nje viti ne USA; Ndersa Kana eshte festival nderkombetar, dmth konkurim dhe vecse ne ceremonine e mbylljes, jepet çmimet, e midis tyre, edhe "aktorja më e mire". Fakti qe filmi ku luan Arta eshte i perzgjedhur ne kategorine kryesore (dmth, ne filmat qe konkurojne per Palmën e Arte), e bejne Artën automatikisht konkurente per çmimin "Aktorja me e mire". Pra nuk kanevoje te nominohet, se s'ka nominime. Thene ndryshe, ajo eshte tashmë e nominuar .
Dhëntë Zoti e fiton ! Ky do ishte eveniment !!! :

Ndërkaq, përveç vëllezërve të njohur dhe pjesëmarrjes se parë të një kosovareje në një festival të tillë...

Jo vetem e nje kosovareje, por dhe e nje aktori a aktoreje shqiptar(e) ne Kanë ! Me perjashtim te filmit "Skenderbeu", ketu e 55 vjet me pare, asnjehere ndonje film shqiptar, ose aktor(e) nuk ka qene ne listen e kategorise se filmave qe konkurojne per Palmën e Arte (dhe qe eshte lista kryesore e atij festivali).

Filma të tjerë dokumentar, por jashtë konkurrencës, janë edhe ai i regjisorit boshnjak Emir Kusturica për futbollistin Maradona,

Kusturica ka origjine boshnjake, por jeton prej vitesh ne Serbi dhe nenshtetesia (pasaporta) e tij tashme eshte serbe (e mbafte me shendet )

[D&G Feminine]

Si e ka bere emrin tani Nemanja Kusturica..
Autori, bashke kemi diskutuar atehere qe thoje se arti i Kusturices s'ka nacionalitet ke nderruar mendje gje.

[autori]

Arta Dobroshi ne filmin e ri te vellezerve Dardenne : "Heshtja e Lornës" (Le silence de Lorna" me regji te vellezerve belge Dardenne (dy here fitues se palmes se arte ne Kanë !)

[autori]

Si e ka bere emrin tani Nemanja Kusturica..

Autori, bashke kemi diskutuar atehere qe thoje se arti i Kusturices s'ka nacionalitet ke nderruar mendje gje.

Kam pare kete vit filmin e fundit te Kusturices, dhe jam shprehur jo pak ketu : http://forumishqiptar.com/showpost.p...0&postcount=87 dhe http://forumishqiptar.com/showpost.p...5&postcount=90 Hidhi nje sy, ka jo pak gjera interesante.

Ok, tani sa per ç'kemi dialoguar dikur : ti i bie nje çike shkurt dhe thua se dikur kam shkruajtur se "arti i Kusturices s'ka nacionalitet"; nejse, te kuptoj se ç'do te thuash, por nuk kam shkruajtur tamam ashtu. Kam shkruajtur (ishim ne 2005-en) qe "Kusturica eshte nga ata qe e quan Kanën atdheun e tij". Asokohe jam shprehur se Kusturica eshte regjizor qe ka bere emer, duam apo s'duam ne, dhe disa filma i ka pas bere te mire. Sot e kesaj dite mbetem me mendimin se "Babai ne udhetim zyrtar" dhe "Koha e ciganëve" jane dy filma shume te mire. Te tjeret jane te diskutueshem...(biles shumica jane te keqinj, sepse i kam ripare disa).

Po shiko, per te qene te sakte dhe te qarte me veten (se per qejf bejme muhabet, jo per t'u share ) : eshte i ngatarruar shume itinerari i kinematografise se Kusturices. Sikurse eshte i ngatarruar (me ulje dhe ngritje) edhe pozicionimi i tij nga ana politike. Edhe sot qe shkruhemi (dhe qe kam pare filmin e fundit paçavure te tij) kam bindjen qe, kur ai realizonte "Underground", shtypi i binte kot ne qafë. Mendoj se ne filmin e tij mbisundonte mbi te gjitha nostalgjia per ish-Jugosllavinë, gjje qe e citoje edhe ti ne mesazhin tend te asokohe, kur shkruaje

Te dalim te akuzat e politizmit te Kosturices, ja kane bere shpesh edhe vete francezet, duke e quajtur pro-serb megjithese eshte serbo-boshnjak, po ai thote qe ne filmat e tij ai vlerson Jugosllavine sic ka qene pa anuar nga Serbia.

Keshtu qe i mbetem idese qe ne vitet '90, filmat e tij nuk kane patur ndonje farë pro-serbizmi. Ndofta e "fshihte" mire lojen e tij (une nuk jam ne mendjen e Kustos ! lol), ndofta asokohe Serbet i kishin goxha mire punet (arriten te pushtojne 50% te Bosnjes, firma e Milloshit rrezullonte mes firmave te Clintonit apo Chirac-ut ne Dayton dhe keshtu qe s'kishin nevoje shume serbët per filmat e Kustos...). Ndofta asokohe ai vazhdonte te ishte (sikunder jo pak te tjere !) nostalgjik i ish-Jugosllavise. : fundja prinderit i kish te perzier dhe vete kish jetuar nga pak gjithandej, neper ish-Jugo.

"Underground" e kam ripare para disa kohesh (te them te drejten, nuk arrita t'a mbaroj, mu duk beterr artistikisht... ) dhe perseri nuk me eshte dukur film pro-serb. As "Macja e bardhe, macja e zeze" (po ashtu, film i viteve '90) s'ka asgje rpo-serbe.
Per kete te fundit, qe e ka bere vjet ne 2006, ndaj dhe ti çova komentet, jam teresisht dakort : eshte film propagandë.

Te jap nje shembull si per te "ilustruar" (si te thuash) se ç'dua te them kur shkruaj se politizimi i tij ka patur ulje dhe ngritje. Më beri pershtypje prezenca e tij ne mitingun qe bene serbët ne Beograd, te nesermen e shpalljes se pavaresise së Kosoves. Ishte ne tribune, ne krah te Koshtunices. Mori edhe fjalën. Bëra kinse kujdes te shikoja se si ishte, si dukej. Dukej ne siklet, dukej sikur e ndjente se nuk e kish fort vendin aty ku ish, por qe i duhej te ishte. Ai eshte personalitet i njohur (duam s'duam ti dhe une bashkë). Qofsha une i gabuar, por te qënit te tij aty mu duk si nje fare detyrimi sa per te larë gojën perpara nje turme kryesisht ardhur nga fshatrat me autobus (elitat serbe, dmth edhe Kusturica, kishin vite qe e dinin si buka që hanin se e kishin humbur Kosoven, puna ishte (dhe vazhdon te jete deri diku...) si me ja bo perpara elektoratit (pra ajo puna e "sa per sy e faqe").

C'te them tjeter ? Fundja, sikur edhe une ti kem ndryshuar ca opinione per Kusturicen, aq me mire, vetem budallenjt nuk nderrojne mendje (lol).Per me teper qe filmat jane vertet si puna e te jetuarit: jeto e meso.

Po ti na ke braktisur fare tek forumi....

[oiseau en vol]

Endrra ! Enderrime te kota !

Kusturica eshte nje nacionalist i qelbur serb, dhe kendveshtrimin e tij prej nacionalisti e ka shprehur ne te gjithe filmat e tij, qofte dhe kur flet per budalleqe dajresh dhe curlesh.

Ideja e tij dhe e filmave te tij eshte kjo :

LUFTA ESHTE E KEQE, NE BALLKAN KEMI VUAJTUR TE GJITHE, SERBET KANE VUAJTUR PO NJELLOJ SI TE TJERET, SERBET NUK JANE TE KEQINJ, POR PERENDIMI I KA MARRE INAT PER QEJFIN E AMERIKANEVE.

Shkurt, ky njeri eshte nje plehre e vertete, qofte dhe si kineast. Filmat e tij qe kane fituar neper konkurse jane dhene per shkaqe krejt te tjera : ne Cannes ecen shume antiamerikanizmi primar. Ne masken gjoja te antibushizmit, ne fakt eshte antiamerikanizmi qe nxjerr krye.

Europa ka deshire te shohe filma koti me idera te pergjithshme : oh sa e keqe eshte lufta ! (mos more, nuk e dinim neve). Gjithashtu, Europa vuan nga nje ndjenje faji kundrejt popullsive te varfra dhe qe iu pelqen muzika per me teper. Filma gjoja origjinale me pula dhe cigane serbe bejne kerdine neper kinemate e Europes. Jo te kinemave publike, joooooo. Europiani i zakonshem iu ben shu... ketyre filmave te Kusturices. Jane europianet e konkurseve te larta ata te cilet blejne paqen e ndergjegjes se tyre duke u paraqitur si njerez me zemer te madhe, etj. etj.

Kusturica ? Nein, danke schön !

[D&G Feminine]

Jo vetem e nje kosovareje, por dhe e nje aktori a aktoreje shqiptar(e) ne Kanë ! Me perjashtim te filmit "Skenderbeu", ketu e 55 vjet me pare, asnjehere ndonje film shqiptar, ose aktor(e) nuk ka qene ne listen e kategorise se filmave qe konkurojne per Palmën e Arte (dhe qe eshte lista kryesore e atij festivali).

Lexova pak per filmin, dhe nuk eshte thjesht aktorja shqiptare, historia eshte e nje shqiptareje nga Kosova qe shkon ne Belgjike dhe ben martese per dokumenta me nje te droguar. Nuk eshte aq e pafajshme sa duket sepse e ka bere duke shpresuar qe se ky do te vrasi veten ose do te vdese nga overdoza. Nderkohe ky miku heq dore nga keto ide vete shkaterruese dhe mendon te kete nje martese normale. Ketu komplikohen gjerat.

p.s. temen tende per filmat e rinj e lexoj gjithmone

Nje website tjeter kishte njer version tjeter (me korrekt besoj )te filmit:
Ne menyre qe te behet pronare e nje bari me te dashurin e saj, Lorna behet pjese e nje plani te mafiozit Fabio i cili organizon martesen ndermjet saj dhe Claudy. Martesa do t'i mundesoje marrjen e pasaportes belge dhe me pas mund te martoje mafiozin rus qe eshte gati te paguaje shume para per te mare pasaporten ne te njejten menyre. Qe te ndodhe martesa e dyte ne fakt Fabio ka planifikuar qe te vrase Claudy. A do rrije Lorna pa folur?

Paska dhe nje aktor tjeter shqiptar, Alban Ukaj qe ka qene te "Syri Magjik" i Cashkut edhe ky.

[Kreksi]

I deshirojmi sukses Arta Dobroshit, do na shendrrit si nje yll i ri pas Eliza Dushku !