Gazeta elektronike sportive: "FUTBOLLI" - (Nr:4)

[RaPSouL]

“Lufte” Milan-Inter ne Brazil

Nje derbi perfundoi ne Milano midis Interit dhe Milanit per kampionatin italian, por nje tjeter ne miniature po luhet midis dy skuadrave ne Brazil. Dy ekipet me te medha te Italise jane ne “lufte” per te bere te tyret dy lojtare te talentuar: Aislan dhe Renaton. Te dy jane qendermbrojtes premtues: Aislan 19 vjeç dhe Renato, 17 vjeç. Aislan Bekl eshte nje mbrojtes i fuqishem (191 cm) i San Paolos dhe Milani ka ofruar per te 2 milione euro. Renato (186 cm) luan me Korinthias dhe ka deklaruar se modeli i tij eshte Alesandro Nesta, mbrojtesi i Milanit.

[RaPSouL]

Ronaldinjo: “Mesi eshte nje vella i vogel per mua”

Gjate nje interviste per gazeten sportive argjentinase “Ole”, Ronaldinjo pergezoi shokun e tij te ekipit te Barcelona, Lionel Mesin, per arritjet e tij, duke e konsideruar si nje vella te vogel te tij. Lionel Mesi u zgjodh lojtari i dyte me i mire ne bote pas Kakase dhe Ronaldinjo u shpreh shume i gezuar per kete. “Perpara shout une i urova atij fat dhe i tregova atij ta gezoje ate moment special”, - tha braziliani. “Me pas e pergezova per çmimin qe ai fitoi. Une kam thene gjithmone se Lioneli eshte si nje vella i vogel per mua”. Ronaldinjo kujton edhe ndeshjen e tij te pare dhe lajmin e pare per te ne gazete. “Une isha vetem 13 vjeç dhe shenova 23 gola ne nje takim. E kam ate gazete, pasi motra ime, Deizi, ruan gjithçka qe publikohet per mua. Une mendoj vetem te luaj futboll. Kjo eshte ajo qe me ben te lumtur ne Brazil, ne Barcelone apo ne San Luis”.

[RaPSouL]

Barça përpara zgjedhjes: Dinjo apo Rajkard?

Përtej rezultateve, ajo që ka vendosur trajnerin në peshore është mbi të gjitha paaftësia e tij për të vendosur rregull brenda grupit. Fillimisht, krijoi një debat publik të panevojshëm duke deklaruar se Ronaldinjo dhe Deko mund të ishin zëvendësues dhe më pas i aktivizoi të dy si titullar kundër Realit. Në fillim të javës, Frenki pati një debat me Ronaldinjon, i cili nuk u stërvit me pëkushtimin e duhur, por e lejoi që të stërvitej të premten me shumë pak seriozitet. Imazhi i holandezit është dëmtuar seriozisht brenda skuadrës, për shkak të mungesës së koherencës në mendime dhe veprimet e tij. Distanca me Realin u rrit në shtgatë pikë pas humbjes dhe Barça është vendosur nën presion nga mediat, por Rajkardi duket i paaftë për të ofruar një rrugëzgjidhje. Duke patur parasysh këtë situatë, drejtuesit e Barçës kanë të qartë që duhet të reagojnë brenda pak kohë, nëse dëshirojnë të shpëtojnë sezonin. Skuadra do të rikthehet të punojë pas një jave dhe deri atëherë duhet të jetë identifikuar mënyra se si duhet të ecet përpara. Nëse Rajkardi dhe Ronaldinjo do të vazhdojnë luftën e tyre personale brenda skuadrës, atëherë të gjithë do të dalin të dëmtuar. Drejtuesit kanë të qartë që të dy nuk mund të vazhdojnë të jenë pjesë e të njëjtës skuadër ndaj duhet të marrin një vendim të vështirë. Shkarkimi i Rajkardit do të vinte në lëvizje një plan B, i cili thjesht nuk ekziston në një plan afatshkurtër. Presidenti Laporta ka në tavolinën e tij disa projekte, por do ta ketë të vështirë të gjejë një trajner në lartësinë e emrit të Barçës në janar dhe nëse largon Rajkardin atëherë do të emërojë dikë tjetër që do të gjendet në krye të një grupi që nuk e ka zgjedhur vetë. Murinjo është një mundësi, por nuk është e qartë nëse portugezi është i interesuar për detyrën që do t’i ofrohej. Do të ishte më e thjeshtë të “hiqje qafe” Ronaldinjon, pasi për të bërë këtë mjafton të bësh të ditur që klubi është i gatshëm të dëgjojë oferta dhe ato do të vijnë brenda ditës, por një lëvizje e tillë mund të ngjallte reagime të paparashikuara në tifozerinë e Barçës dhe brenda skuadrës. Barça i ka gjërat e qarta. Duhet të marrë një vendim, por kjo është shumë më e vështirë të bëhet se sa të thuhet.

[Davius]

Pershendetje

Kjo teme mbyllet, per te mos u hapur tema te tilla me ne forum.
Andaj, ju keshillojme qe postime copy-paste nga gazetat te mos postohen ne forumin e futbollit sepse ja humbin efektshmerine debatit. Mund te postoni vetem ndonje flash lajm, nje tekst 3-4 rreshta, por jo faqe te tera.