Gazeta elektronike sportive: "FUTBOLLI" - (Nr:4)

[RaPSouL]

Kaka i pasigurt rreth të ardhmes së tij në Milan

Mesfushori i rosonerëve, Ricardo Kaka, ka bërë të ditur për një gazetë braziliane se ai ndoshta mund të largohet nga klubi italian, në të ardhmen.
Kaka ka bërë disa komente të papritura për të përditshmen braziliane “Folha on line”, pasi që ka deklaruar se, “është i pasigurt rreth qëndrimit të tij të mëtutjeshëm në Milan”.

“Për këtë vit do të vazhdojë me Milanin, por më vonë nuk e di”, ka thënë ai. “Jam i lumtur që familja ime ndjehen mirë në Itali, por shumëçka do të varet prej Milanit. Nuk dua të qëndroj në ndonjë vend ku unë ose klubi nuk jemi të kënaqur”, ka sqaruar Kaka.

“Raporti im me Milanin është i qartë: përderisa Berlusconi më dëshiron, do të mbetem me rosonerët. Në momentin kur presidenti nuk do të më konsiderojë mua të patransferueshëm, do të shkoj tjetërkund”.

Kaka ka folur edhe rreth mundësisë së fitimit të Topit të Artë. “Jam i qetë sepse për të fituar Topin e Artë kam bërë gjithçka çfarë kam mundur: kjo do të thotë shkoj në fushë, luaj, trajnoj dhe e bëj punën time”.

[RaPSouL]

Mourinho sulmon Ballackun dhe Shevchenkon

Menaxheri i Chelseat, Jose Mourinho, ka paralajmëruar Andriy Shevchenkon dhe Michael Ballackun se ata nuk janë super yje të klubit dhe duhet të punojnë shumë po aq sa edhe çdokush tjetër.
Mourinho ka thënë se ata të dy duhet të flakin idetë e tyre dhe të fillojnë të stërviten si gjithë të tjerët nëse dëshirojnë të fitojnë shansin të jetë të zgjedhur, duke shtuar se asnjëri nuk meriton trajtim më të veçantë.

“Shevchenko dhe Ballack duhet të bëjnë më shumë, pasi që statusi i tyre nuk është më superior krahasuar me tjerët. Secili në ekip është kampion. Ata kanë kualitete, status dhe famë. Ata janë të pasur dhe tashmë kanë fituar shumë trofe. E gjithë kjo është një fakt i pamohueshëm”.

“Ne ishim të përgatitur të pranojmë lojtarë si Shevchenko ose Ballack pasi që ata janë të të njëjtit dimension si ata që luanin në Chelsea. Lampard, Terry, Drogba janë të barabartë me këta dy”, ka thënë Mourinho.

[RaPSouL]

Brazil fiton kundër amerikanëve, 4:2

Në ndeshjen miqësore, të luajtur në stadiumin “Soldier Field”, në Chicago, Kombëtarja e Brazilit ka mposhtur SHBA-në, 4:2. Golat për Brazilin i kanë shënuar: Lucio, Ronaldinho e Elano.

Amerikanët ishin të parët që kaluan në epërsi, në minutën 21, me golin e shënuar nga Carlos Bocanegra, pas asistimit të Landon Donovanit. Ndërkaq rezultatin e ka barazuar bashkëlojtari i tyre, Oguchi Onyew, 12 minuta më vonë, me një autogol.

Brazilianët kaluan sërish në epërsi, në minutën e 54, me golin e Lucios, i cili pranoi një top nga Ronaldinho, ndërsa në minutën 73, ka barazuar Clint Dempsey, pas asistimit nga Steve Cherundol.

Brazilianët kanë kaluar në epërsi, dy minuta më vonë, me golin e shënuar nga Ronaldinho, pas ekzekutimit të gjuajtjes së lirë, ndërsa rezultatin përfundimtar, 2:4, e ka vendosur Elano, nga njëmbëdhjetëmetërshi, të cilin e kishte shkaktuar Michael Bradley.

[RaPSouL]

Anglia fton Bekamin në ndeshjen e legjendave

Prezenca e mesfushorit më 2 dhjetor është në dyshim


Devid Bekam ka shansin që të luajë për "Legjendat e Anglisë" në muajin dhjetor. Edhe pse ish-mesfushori i Realit të Madridit, që tashmë luan në kampionatin amerikan ende nuk e ka marrë veten nga dëmtimi, atij i është ofruar mundësia për të përfaqësuar sërish vendin e tij në skuadrën e Shoqatës së Futbollistëve Profesionistë XI (e drejtuar nga ish-trajneri i "luanëve", Terri Veneibëlls) në sfidën kundër skuadrës së Botës XI (të drejtuar nga një tjetër ish-teknik i Anglisë), Sven Goran Erikson. Takimi do të luhet më 2 dhjetor në stadiumin "Mançester", por prezenca e mesfushorit vazhdon të jetë në dyshim të fortë.

[RaPSouL]

600 mijë euro shpërblim për triumfin në Champions

Kalderon premton shumën marramendëse për futbollistët


Reali i Madridit u ka premtuar futbollistëve premion marramendëse 600 mijë euro për secilin, në rast se skuadra arrin të fitojë titullin e dhjetë kampion Evrope. Lajmi është bërë i ditur nga e përditshmja "Marca", e cila shkruante se në rast se madrilenët arrijnë të sigurojnë trofeun e Ligës së Kampioneve, atëherë klubi do të paguajë një total prej 15 milionë eurosh shpërblime ekstra. Por, duke pasur parasysh se Reali ka përfituar 21 milionë euro në sezonin e kaluar, edhe pse nuk e ka kaluar fazën e 1/16, presidenti Ramon Kalderon është shumë i gatshëm që t‘u japë futbollistëve të tij një motivim më të madh për t‘u shpallur më të mirët në kontinent. Drejtuesi më i lartë madrilen ka pohuar se është i vendosur që të fitojë aktivitetin më të rëndësishëm për klube gjatë këtij sezoni dhe ka përfshirë në "listën e bonuseve" edhe trajnerin Bernard Shuster. Reali do tentojë të triumfojë në finalen e Moskës, më 21 maj 2008, ndërkohë që për herë të fundit kanë triumfuar në Champions në vitin 2002.

[RaPSouL]

Real, lojtarët kundër metodave të Shusterit

Ankime në konfidencë për metodat disiplinore të gjermanit


Në dhomat e zhveshjes së Realit të Madridit ka filluar rebelimi kundër trajnerit Bernard Shuster. Edhe pse askush nuk ka dalë publikisht, mediat spanjolle shkruajnë se në konfidencë futbollistët ankohen për metodat e forta disiplinore që përdor tekniku gjerman. Madje, pritet që në ditët në vazhdim skuadra të zhvillojë një takim me "shefat e mëdhenj", me të cilët duhet të gjejnë një rrugë të ndërmjetme për të bashkëjetuar të qetë me drejtuesin e stolit. Kërkesat e sportistëve kanë të bëjnë me regjimin e përcaktuar nga tekniku: ata nuk dëshirojnë të drekojnë në "Valdebebas", e as të shohin video të ndeshjeve gjatë pasdites, për të zbritur më pas në fushat stërvitore në darkë. Gjithsesi, mediat iberike citonin se Shuster beson se do të gjejë mbështetjen e klubit dhe mbi të gjitha të drejtorit sportiv, Predrag Mijatoviç, i cili i mbështet "metodat lindore" të gjermanit. Përkrah trajnerit është edhe presidenti Kalderon, që ka qenë dakord me projektin për të mbajtur maksimalisht të përqendruar skuadrën.

[RaPSouL]

Kaka e Mesi, në garë për "Topin e Artë"

Kur mungojnë vetëm tetë ditë nga starti i Ligës së Kampioneve, Kaka vazhdon të vlerësohet si kandidati kryesor për fitimin e çmimit prestigjioz, "Topi i Artë". Braziliani, i cili ka udhëhequr Milanin drejt titullit kampion Evrope është favoriti kryesor për të trashëguar çmimin e revistës "France Football", që në sezonin e kaluar u fitua nga italiani Fabio Kanavaro. Përpara pak ditëve Kaka është përzgjedhur edhe si Lojtari më i Mirë nga FIFA, në galanë e zhvilluar në Monako, ku është hedhur edhe shorti i fazës së grupeve në Champions. "Mangësia" e vetme (nëse mund të cilësohet e tillë) e mesfushorit milanist është mungesa në Kupën e Amerikës, ku Brazili ka triumfuar. Në atë kompeticion, trofeu për Lojtarin më të Mirë u fitua nga madrileni Robinjo, që në momentin e fundit ia ka "rrëmbyer" Lionel Mesit. 19-vjeçari ka udhëhequr Argjentinën deri në finale, duke qenë protagonist i një loje spektakolare. Paraqitja më e mirë e sulmuesit të Barcelonës është vlerësuar gjysmëfinalja kundër Meksikës, ku ka shënuar një tjetër gol të ngjashëm me rrjetën që Diego Armando Maradona ka shënuar në Beograd kundër Yllit të Kuq. Shpërthimi gjatë sezonit të kaluar e ka katapultuar Mesin mes yjeve të futbollit botëror, duke filluar nga Kaka e për të vazhduar me Ronaldinjon, Henri, Deko, Eto‘o, Drogba, Kristiano Ronaldo dhe Xherard. Problemi i vetëm i Mesit në garën për "Topin e Artë" është se Barça nuk fitoi asnjë trofe. "Hat-trick"-u i tij në barazimin 3-3 me Realin e Madridit, goli në Kupën e Mbretit kundër Gedafes (thuajse identik me atë të Maradonës në Botërorin ‘86), por edhe paraqitja më e fundit në Mynih thjesht kanë vërtetuar klasin e tij. E përditshmja katalane citonte edhe një çmim të karrierës për Paolo Maldinin, por lista zyrtare me 50 kandidatët do të publikohet nga "France Football" vetëm në fund të tetorit.

[RaPSouL]

Rikthehet Van der Vart, Heitinga jashtë

Për takimin me Shqipërinë, listës së yjeve që trajneri Marko van Basten do të ketë në dispozicion i është shtuar edhe Rafael van der Vart. Mesfushori i Hamburgut është rikuperuar plotësisht nga dëmtimi, që e ka lënë jashtë sfidës me Bullgarinë dhe është rikthyer në skuadrën holandeze. Megjithatë, në "Qemal Stafa", kundërshtarët do të zbresin me dy mungesa shumë të rëndësishme në mbrojtje: bëhet fjalë për Mario Melkiot dhe Xhon Heitinga. I pari është i skualifikuar, pasi ka plotësuar numrin e kartonëve, ndërkohë që lojtari i Ajaksit është dëmtuar dhe për këtë arsye nuk do udhëtojë drejt Tiranës. Pavarësisht dëmtimeve, mediat holandeze kanë bërë të ditur se kundër Shqipërisë, Van Basten do të ketë në dispozicion 20 futbollistë, pasi në kontingjent përveç Van der Vart janë afruar edhe Ibrahim Afellaj e Urbi Emanuelson. Ndërkohë, bie në sy fakti se për të dytën herë në këtë periudhë ndeshjesh ndërkombëtare, trajneri i "tulipanëve" ka lënë jashtë ekipit sulmuesin Klas-Jan Huntelar.

[RaPSouL]

Van der Sar i trembet...vetëm Holandës

Fitorja 2-0 përballë Bullgarisë ka ngritur humorin në radhët e holandezëve, që pasi kanë mposhtur një rival direkt e shohin më pranë kualifikimin. Portieri i mirënjohur, Eduin van der Sar e ka vlerësuar triumfin si thelbësor dhe menjëherë ka hedhur sytë nga sfida në "Qemal Stafa" me Shqipërinë. "Kundër Bullgarisë gjëja më e rëndësishme ishte fitorja dhe këtë e kemi arritur", ka deklaruar ai për mediat holandeze. "Të mërkurën na pret një tjetër ndeshje e vështirë në Shqipëri dhe faktor tjetër pozitiv është që do të udhëtojmë me formacionin më të mirë". Megjithatë, historia ka treguar se "tulipanët" janë një skuadër e paqëndrueshme dhe "gardiani" i Mançesterit i druhet kësaj. "Edhe takimi në Tiranë është shumë i rëndësishëm për ne dhe duhet të përpiqemi ta fitojmë, përfundoi ai. Aty kërkohet maksimumi, pasi në të kaluarën kemi treguar se e kemi shumë të vështirë të zhvillojmë dy ndeshje të mira radhazi. Këtë handikap duhet ta riparojmë të mërkurën me Shqipërinë".

[km92]

Angli-Argjentine, perseritet sfida!

10 Shtator Lojtaret mitike te cerekfinales se Boterorit te Meksike 1986, midis Argjentines dhe Anglise, do te ndeshen perseri, 21 vjet me vone ne "Villa Park" te Birmingamit. Do te jene te njejten protagoniste, dhe pse do te luajne ne nje vend dhe stadium shume ndryshe, megjithate rivaliteti do te jete i madh. Diego Armando Maradona, ishte figura me e madhe ne ate ndeshje, duke shenuar dy golat me te bukur ne futbollin boterore. Njerin e shenoi me dore dhe tjetrin e shenoi pasi kishte dribluar lojtaret angleze qe nga mesi i fushes. 14 tetori do te jete data ku sfida e madhe do te perseritet. "Kete here do te shkojme ne Angli dhe nuk do te kete gabime, vetem gola fantastike. Kjo eshte nje gje shume serioze per ne", tha Maradona. Pikerisht ajo Argjentine, me ne krye Maradonen, u shpall Kampione e Botes. Diego nuk e di nese do te jete ne gjendje per te luajtur, per shkak te gjendjes s tij shendetesore, por e sigurte eshte se do te jete i pranishem ne kete ndeshje. Vete Maradona konfirmoi se ka dy muaj qe po pergatitet per kete takim dhe nuk kerkon ta humbase aspak. "I kam bere te ditur Argjentines se dua te jem ne ate ndeshje, edhe pse gjendja ime shendetesore nuk mund te jete e mire. Kam dy muaj qe pergartitem per kete ndeshje dhe nuk dua ta humbas". Ne anen e skuadres angleze, kane konfirmuar pjesemarrjen e tyre Brajan Robson, Glen Hodell, Kris Uodell, Rei Vikins dhe Peter Reid, te cilet do te perballen me ish yjet e Argjentines si Maradona, Horge Burrucaga, Horge Valdano dhe Oskar Ruxheri. Festa do te hapet me nje nderim per Geri Linekerin, autorin e golit te vetem ne ate ndeshje per Angline, i cili nuk mund te jete i pranishem ne Birmingam.