Gazeta elektronike sportive: "FUTBOLLI" - (Nr:4)

[RaPSouL]

Manchester City i interesuar për Joe Colen

Trajneri i Manchester City-t, Sven Goran Eriksson, planifikon që, në sezonin dimëror të transferimeve, të sjellë në ekipin e tij mesfushorin e Chelseat, Joe Cole, bën të ditur tabloidi “The Sun”.

Eriksson edhe gjatë këtij afati kalimtar veror, kishte tentuar t’i blinte bashkëlojtarët e Colet nga Stamfod Bridge, Shaun Wright-Phillips dhe Wayne Bridge, megjithatë Chelsea e kishte refuzuar ofertën e tij.

Cole, në periudhën e deritashme të kampionatit anglez nuk ka qenë asnjëherë në formacionin bazë të ekipit të Jose Mourinhos, dhe nuk është kurrfarë fshehtësie të thuhet se, ai nuk është aspak i kënaqur me tretmanin që ka në Chelsea.

“Joe është i pari në listën e dëshirave të Erikssonit”, shkruan “The Sun”.

[RaPSouL]

Robben falënderon adhuruesit e Chelseat

Ish-anësori i Chelseat, Arjen Robben, iu ka dërguar mesazhe falënderimi adhuruesve në ekipin blu, pas kalimit të tij te Real Madridi, gjatë verës.

Holandezi Robben, pas disa muaj spekulimesh rreth të ardhmes së tij, më në fund i largua nga Chelsea për në Real Madrid.

23-vjeçari nuk kushtoi lirë për Realin, i cili i pagoi Chelseat një shumë prej 36 milionë eurosh, megjithëse kishte ardhur për 18 milionë në vitin 2004. Gjatë kohës me Chelsean ai bëri 97 paraqitje, duke shënuar 19 herë.

Robben ka dërguar sot mesazhe për adhruesit e Chelseat, duke i falënderuar ata për përkrahjen, një gjest që u cilësua si i sjellshëm sportiv.

“Ka qenë e vështirë të largohem pasi që kam pasur kohë të mira për tri vite në Chelsea dhe mendoj se kam bërë shumë miq atje”, ka thënë ai për Chelsea TV. “Ka qenë vështirë pasi që nuk kishte kohë të përshëndetem, për shkak se marrëveshja u mbyll të mërkurën në ora 10 në mbrëmje dhe që në mëngjes mu desh të fluturoja”.

“Nëse do të gjej kohë, do të dëshiroj të kthehem dhe të përshëndes çdonjërin pasi që mendoj se kjo është e rëndësishme. Adhuruesve iu kam borxh një falënderim të madh, pasi që kanë qenë gjithmonë të mirë me mua. Gjithmonë kam pasur përkrahjen e tyre dhe kam pasur raporte të mira po ashtu“.

[RaPSouL]

Italia nxjerr vetëm barazim kundër Francës

Ndeshja më interesante e vikendit, e vlefshme për kualifikimet Euro 2008, ajo e grupit B mes kampionit botëror, Italisë, dhe finalistit, Francës, ka përfunduar me barazim pa gola.
Ishte kjo përsëritje e finales së kupës botërore të vitit të kaluar, pasi që 13 lojtarë nga formacioni startues i asaj finaleje filluan edhe këtë ndeshje, por jo edhe dy protagonistët kryesorë, tashmë i pensionuari Zinedine Zidane dhe i lënduari Marco Materazzi.

Ndeshja tjetër e grupit B mes Gjeorgjisë dhe Ukrainës ka përfunuar me barazim, derisa të vetmen fitore në këtë grup e shënoi Skocia ndaj Lituanisë, me rezultat 3-1.

Me këtë rezultat, Franca mbetet në krye të tabelës së grupit B, e ndjekur nga Skocia me të cilën do të përballet në ndeshjen e së mërkurës.

Kundërshtari i kombëtares shqiptare në ndeshjen e së mërkurës, Holanda, ka fituar ndaj Bulgarisë me rezultat 2-0, me golat e Snijderit (23’) dhe Rud van Nistelooyt (58’). Në po të njëjtin grup të Shqipërisë, atë G, fitore kanë shënuar edhe Sllovenia, 3-1, dhe Rumania, 3-0, që të dyja mysafire ndaj Luksenburgut, respektivisht Bjellorusisë.

[RaPSouL]

“Luanët” kafshojnë Izraelin

9 Shtator Anglia arriti të fitonte dje pasdite në “Wembley” 3?0 ndaj Izraelit duke mundësuar kështu trajnerin e saj, Stiv MekKlaren, të marrë frymë lirisht pas presionit të lartë të kohëve të fundit. Golat e Shon Rajt?Filipsit, Majkëll Ouenit e Mikah Riçardsit ishin të mjaftueshëm për të thyer hebrenjtë, të cilët nuk vunë kurrë në provë aq të përfolurin Pol Robinson. Dhe lehtësimi që dukej në fytyrat e “Luanëve” dhe trajnerit të tyre pas ndeshjes, ishte krejt e kundërta me tensionin që kishin ata para saj. Edhe pse pa disa lojtarë të rëndësishëm për takimin e grupit E, Anglia nuk hasi shumë vështirësi nga skuadra izraelite, e cila u tërhoq në mbrojtje. Anglezët rrezikuan që në fillim me anë të të rikthyerit Emil Heski, ndeshja e fundit e të cilit me kombëtaren ishte humbja ndaj Francës në Euro 2004. Kombinimet e tij me Ouenin ishin të rrezikshme, por në fakt ishte Rajt?Filips që shënoi golin e parë. Pikërisht kur Izraeli filloi të “nxirrte kokën”, një krosim nga e majta e Xho Kolit u devijua saktë në krahun tjetër nga mesfushori tjetër i Çelsit. Dyshja e bluve u duk në formë nga krahët. Oueni humbi një tjetër rast teksa Anglisë i duhej edhe një gol për të konsideruar të mbyllur sfidën. Megjithatë, kjo u arrit në pjesën e dytë kur Ouen realizoi në mënyrë të shkëlqyer në kthesë nga hyrja e zonës. Pas kësaj izraeli u dorëzua dhe nuk bëri asgjë për të ndryshuar situatën. Garet Berri u bë sërish protagonist pas pasimit për Ouenin, kur krosimi i tij në të 66' u devijua tepër saktë me kokënga Mikah Riçards. Ishte goli i parë për mbrojtësin e Mançester Sitit që i siguroi “Luanëve” fitoren e parë në “Wembley”. Dhe kur kishin mbetur 20 minuta, MekKlareni zëvendësoi Stiven Xherardin, duke ditur mirë që pas katër ditësh po në këtë stadium do të zbriste Rusia. Një tjetër provë e rëndësishme për të, të cilën duhet ta kalojë patjetër.

[RaPSouL]

Skocia mban gjallë ëndrrën kualifikim!

9 Shtator Kris Bojd, Stefen MekManus dhe Xhejms MekFaden shënuan, ndërsa Skocia ruajti gjallë shpresat e saj për kualifikimin në Euro 2008, duke fituar 3?1 përballë Lituanisë. Danilevicius “fshiu” avantazhin e Bojdit nga pika e bardhë e 11?metërshit, pas një ore lojë, por MekManus dhe MekFaden shënuan dy gola të vonë, që i siguruan skocezëve tripikëshin. Skocia kaloi në avantazh në të 31', kur Bojd dërgoi në rrjetë një krosim të Darren Fletçerit, pranë vijës fundore. Lituania fitoi një penallti në të 61', kur Mikoliunasi simuloi në zonë një kontakt me portierin Gordon. Danilevicius nuk gaboi dhe transformoi në gol penalltinë. Skocia e pati të pamundur për disa minuta me radhë të depërtonte në mbrojtjen lituaneze, por përfshirja në lojë e Shon Malonejit solli një ndryshim të menjëhershëm. Malonej krijoi një asist të shkëlqyer për MekManusin, që shënoi golin e dytë për vendasit në të 77'. MekFaden siguroi fitoren e Skocisë me një gol të shkëlqyer nga 25 metra distancë.

[RaPSouL]

Italia nuk ndryshon historinë!

9 Shtator Në Itali?Francë fituesi i vetëm është tensioni. Në “San Siro”, “gjelat” dalin gjallë, në një ndeshje në të cilën asnjëra prej skuadrave nuk diti të zhbllokonte rezultatin. Ashtu si në finalen e Berlinit, ndeshja nis me shumë tension dhe Makelele ndëshkohet që në minutën e katërt me karton të verdhë për një bërryl në fytyrën e Gatuzos. Franca rrezikon vazhdimisht me daljet nga krahët të Riberisë dhe Maludasë, ndërsa Italia shfaqet frikshëm në goditjet standarte dhe vertikalizimet e Pirlos. Në të 33', një kombinim i shkëlqyer midis Zambrotës dhe Del Pieros lë kapitenin e Juves të vetëm përballë Landrosë, por gjuajtja e dobët e Aleksit zotërohet pa vështirësi nga portieri francez. Disa sekonda më vonë, Inzagi “përkëdhel” traversën, pas një gjuajtjeje të vështirë pranë vijës fundore. Në fundin e pjesës së parë, Riberi gjen hapësirë në hyrje të zonës, por gjuan jashtë. Me fillimin e pjesës së dytë, një gjuajtje nga larg e Kamoranezit detyron Landronë të grushtojë me të dy duart, ndërsa Bufon kryen një mrekulli në një gjuajtje nga pranë të Anelkasë. I shkëlqyer edhe bllokimi i tij në një goditje të rrufeshme nga larg të Maludasë. Donadoni hedh në fushë Lukarelin në vend të Inzagit dhe Di Natalen për Del Pieron, ndërsa ndihmësi i Domenekut, që ndoqi ndeshjen nga tribuna e “San Siro”?s heziton. Rastet e mira mungojnë në 20 minutat e fundit të lojës, ndërsa “gjelat” luanin për të mbrojtur rezultatin, që i lë në krye të grupit dhe i lejon të ruajnë serinë prej 25 vitesh pa humbje në tok-n italiane.



Tifozeritë vërshëllejnë himnet e njëra?tjetrës!

Vërshëllimat karakterizuan atë që konsiderohet si një moment i shenjtë në ndeshjet me kombëtaren. 75 000 tifozët italianë të pranishëm në “San Siro” vërshëllyen në korr “Marsejezën”, himnin kombëtar francez. Drejtuesit e lartë të Federatës Italiane dhe vetë trajneri Donadoni i bënë thirrje tifozëve që të mos e bënin një veprim të këtillë përpara ndeshjes. 5 000 tifozët francezë u përpoqën të hakmerreshin, duke vërshëllyer himnin italian, por tentativa e tyre u mbyt prej duartrokitjeve të italianëve. Megjithatë, lajmi i mirë është që në rrugët e Milanos nuk u regjistrua asnjë përleshje midis tifozëve italianë dhe atyre francezë, ndërsa përpara ndeshjes u nderua kujtimi i Pavarotit. Ariet e të ndjerit, “Toska” dhe “Nessun Dorma” bashkuan në heshtje të gjithë stadiumin, kur u transmetuan nëpërmjet autoparlantëve përpara fillimit të takimit.



Donadoni: Luajtëm mirë!

“Luajtëm me kokën lart dhe vumë në disa raste në vështirësi Francën. Krijuam rastet tona dhe më vjen keq që nuk shënuam në 25 minutat e para, gjatë të cilave ishim superiorë”, ishin fjalët e para të trajnerit të Italisë, Roberto Donadonit, në përfundim të ndeshjes. Në lidhje me vërshëllimat e publikut italian ndaj himnit francez, Donadoni deklaroi: “Ne duhet të bëjmë punën tonë dhe nuk na takon ne të gjykojmë për këtë. Megjithatë, është diçka për të cilën nuk ndihem krenar”.

Materaci: Dashuroj Parisin!

Marko Materaci ishte i pranishëm në shkallët e “San Siro”?s me një fanellë të bardhë ku lexohej në antglisht shprehja: “E dashuroj Parisin” (I love Paris). Mbrojtësi i kombëtares dhe Interit u detyrua të shihte ndeshjen nga tribuna, për shkak të një dëmtimi të pësuar në ndeshjen miqësore me Hungarinë.

[RaPSouL]

Valencia dhe Inter kërkojnë Gilberton

Sipas disa burimeve të afërta me lojtarin, mesfushori i Arsenalit, Gilberto Silva, ka refuzuar ofertat nga disa klube evropiane, me qëllim që ta përfundojë karrierën e tij në Arsenal.
Gilberto Silva, 30-vjeçar, ka kontratë me Arsenalin, deri në qershor të vitit 2009, të cilën topxhinjtë nuk janë të interesuar ta vazhdojnë për momentin.

Daily Mail, raporton se Valencia dhe Interi janë të gatshëm të ofrojnë 15 milionë euro për ta marrë brazilianin dhe t’i ofrojnë atij kontratë deri në vitin 2011 - që është koha kur ai dëshiron të largohet nga futbolli.

Sidoqoftë, ai duket se dëshiron të qëndrojë dhe të fitojë Ligën e Kampionëve me Arsenalin.

“Ka pasur oferta nga Valencia dhe Interi gjatë verës, për rreth 15 milionë euro, dhe Valencia e ka bërë të qartë se do të kthehet sërish në afatin kalimtar të janarit”, ka thënë një burim i afërt me lojtarin.

“Do të jetë jashtëzakonisht nder për mua të përfundoj karrierën si topxhi”, ka thënë lojtari. Sidoqoftë, ai nuk do të presë shumë gjatë kontratën e re, dhe besohet se nëse nuk arrin kushtet personale gjatë muajve të ardhshëm, ky do të jetë sezoni i tij i fundit në Arsenal.

[RaPSouL]

Real Madrid interesohet për yllin U-17, Aquino

Sulmuesi U-17 i ekipit spanjoll, Real Murcia, Dani Aquino, thuhet se është afër kalimit tek kampionët e La Ligas, Reali i Madridit.
Aquino ka qenë njëri prej zbulimeve të Spanjës në Kampionatin botëror U-17, dhe interesim për të ka shfaqur Real Madrid. Gjiganti spanjoll është pothuajse i sigurt të shfrytëzojë shansin për sulmuesin e Real Murcia, posa ai të kthehet nga turneu në Korenë Jugore.

Aquino ka shënuar tre gola, dy më pak se i riu tjetër, Bojan Krkic. Megjithatë, derisa Bojan është i suspenduar për finale, Aquino mund të shfrytëzojë shansin të shkëlqejë edhe një herë.

Real Madridi do të përcjellë ndeshjen mirë para se të marrë vendimin përfundimtar, por besimi i tyre në të riun tashmë është i ditur.

Afati kalimtar është i mbyllur, kështu që Aquino do të duhet të luajë me rezervat e Murcias deri në janar, kur ai pritet të bashkohet me rezervat e Realit të Madridit.

Spanja do të përballet me Nigerinë në finale të Kupës Botërore U-17, sot në ora 19 në Seoul.

[RaPSouL]

Lucarelli: Kundër Ukrainës do të jetë vështirë

Ndoshta e ka nxehur karriken e Italisë, në barazimin e mbrëmshëm kundër Francës, por Cristiano Lucarelli mund të ftohet në aksion për azurët, në udhëtimin e tyre në Ukrainë, për ndeshjen e rradhës.
Lucarelli ka kaluar nga Livorno në Shakhtar Donetsk, në fund të afatit kalimtar të verës. Ndoshta ende nuk ka luajtur shumë për klubin e ri, por ai e njeh futbollin Ukrainas më mirë se të tjerët, dhe ka paralajmëruar bashkëlojtarët të mos e nënvlerësojnë kundërshtarin, gjatë ndeshjes së të mërkurës që luhet në Kiev.

“Do të jetë vështirë, pasi që ata e shohin këtë ndeshje si një test të vërtetë për potencialin e tyre”, ka thënë Lucarelli për Ukrainën. "Ata janë të entuziazmuar pas disa rezultateve të fundit dhe, sigurisht, të mposhtin kampionin botëror do të jetë synim i tyre, dhe një mundësi për kualifikim”.

Italia është e treta në grupin B, me 17 pikë, dy më pak se Franca dhe një më pak se Skocia, dhe me ngulm do të kërkojnë rezultat pozitiv në ndeshjen e së mërkurës.

[RaPSouL]

Lehman: “Almunia nuk e meriton këtë“

Portieri i Arsenalit, Jens Lehmann, ka sulmuar bashkë lojtarin e klubit, Manuel Almunia, duke thënë se ai nuk e meriton vendin e parë dhe se nuk ka fituar asnjë ndeshje të rëndësishme.

Lehman ka pasur një start shumë të çuditshëm në sezonin e ri, brenda dhe jashtë fushe. Portieri i kombëtares Gjermane, bëri dy gafa të tmerrshme në Premier Ligë, nga të cilat ajo e dyta kundër Blackburnit, e dëmtoi Arsenalin me dy pikë.

37 vjeçari nuk ka luajtur që nga incidenti me Blackburnin, duke u supozuar për një lëndim të tij, sidoqoftë ai ka mbrojtur për vendin e tij dy herë.

Menaxheri i Arsenalit, Arsene Wenger, ka shfrytëzuar portierin e dytë, Manuel Almunia, gjatë tre ndeshjeve të fundit. Pavarësisht se menaxheri pohon se Lehman do të kthehet në ekip pasi të shërohet nga lëndimi, portieri është i vetëdijshëm për aftësitë e tij.

“Unë jam mentalisht pa dyshim lojtari më i fortë i Arsenalit, pasi që kam më shumë eksperiencë“, ka thënë Lehman për “The People”. “Gjithmonë do të ketë portier i cili do të luajë më mirë për dy ose tri ndeshje, por unë nuk kam parë ndonjë ta bëjë këtë për dhjetë ndeshje”.

“E di se kam avantazhe në Arsenal dhe mund t’i ruaj ato. Nuk shoh ndonjë të ri suprem që më mban mua jashtë. E di se do të luajë sërish në Arsenal. Trajneri do të më lejojë të luaj. Ai e din këtë, dhe unë e di po ashtu. Nuk është me rëndësi nëse kaloj edhe ndonjë javë tjetër jashtë fushe”.

“Kam lexuar që Almunia ka thënë se meriton të jetë nr. 1, por deri tash ai nuk ka fituar as një ndeshje të vetme të rëndësishme”