Gazeta elektronike sportive: "FUTBOLLI" - (Nr:4)

[RaPSouL]

Henri ndahet me gruan, i paguan 15 mln euro

Por, për të lënë gruan Claire Merry dhe për të jetuar një histori të re me një aktore spanjolle, futbollistit francez do t'i duhet të nxjerrë nga xhepi 15 milionë euro

Për të lënë Arsenalin dhe për të kaluar te Barcelona, Tieri Henri mori një rrogë prej 200 mijë eurosh. Por, për të lënë gruan Claire Merry dhe për të jetuar një histori të re me një aktore spanjolle, futbollistit francez do t'i duhet të nxjerrë nga xhepi 15 milionë euro. Është divorci më i shtrenjtë në historinë e futbollit. Ish-çifti kishte nisur praktikat në Gjykatën e Lartë të Londrës dhe avokati pati thënë se klientja e tij ishte tronditur nga sjellja e pashpjegueshme e lojtarit. Interesantë edhe avokatët, Claire zgjodhi Fiona Shakleton, ish-avokaten e Karlos në divorcin me Dianën, ndërsa Henri studion e Lady D.

[RaPSouL]

Steven Gerrard i gatshëm kundër Izraelit


Përfaqësuesi i kombëtares angleze, Steven Gerrard, do të luajë prej minutës së parë kundër Izraelit, në takimin kualifikues për Kampionatin Evropian 2008, i cili mbahet të shtunën në stadiumin Wembley.
Lajmin e kanë bërë të ditur mediat britanike, të cilat gjithashtu njoftojnë se, përzgjedhësi Steve McClaren ka vendosur t’i ofrojë edhe një rast portierit Paul Robinson.

Për paraqitjen e Owen Hargreavesit, i cili ende ka problem me tetivat e gjurit, do të vendosin momentin e fundit para ballafaqimit, shtojnë mediat britanike.

[RaPSouL]

Materazzi: “Italia do ta fitojë kundër Francës”

Ndoshta do të qëndrojë jashtë fushe për shkak të lëndimit, por mbrojtësi italian, Marco Materazzi, është i sigurt se, ekipi italian do ta mposhtë Francën në San Siro në ndeshjen e nesërme.
Në një intervistë për gazetën franceze "Le Figaro", Materazzi ka insistuar se, Italia do të dalë si fituese nga ndeshja e së shtunës përballë Francës.

"Ne do të fitojmë. Franca do të humbë në San Siro. Nuk do të jetë betejë mbi të gjitha betejat - por një ndeshje e rëndësishme", ka thënë mbrojtësi i Interit.

Materazzi ishte lënduar gjatë ndeshjes së fundit të Italisë, në miqësorën kundër Hungarisë në Budapest, dhe gjatë ndeshjes së nesërme, të rëndësishme për kualifikimet në Euro 2008, do të qëndrojë jashtë fushe, por prapëseprapë do të përjetojë atmosferën si shikues.

"Falënderoj adhuruesit francezë për atmosferën e krijuar në ndeshjen në Paris, dhe shpresoj se edhe në San Siro do të jetë po aq bukur", ka thënë italiani.

[RaPSouL]

Deschamps: Buffon është një fenomen

Ish-trajneri i Juventusit dhe fituesi i Kupës Botërore, Didier Deschamps, në një intervistë për “Corriere Dello Sport”, ka folur për garën në Serie A, si dhe për ndeshjen në mes të Italisë dhe Francës.

Ish-lojtari dhe trajneri i Juventusit, Deschamps, ka thënë se megjithëse çdokush pret që Inter ose Milan të fitojnë skudeton, në garë mund të jenë edhe Roma dhe Fiorentina, dhe klubi që ai e risolli në Serie A, Juventusi.

“Çdokush pret që Inter të fitojë sërish ose Milani, pasi që në letra këto dy ekipe janë më të forta. Sidoqoftë, mendoj se ka edhe ekipe tjera të cilat mund të fitojnë skudeton. Roma po shfaqet e fortë, Fiorentina ka një skuadër shumë kualitative dhe aty është edhe Juventus që ka startuar shumë mirë duke fituar dy ndeshjet e para”.

Deschamps ka thënë se për të Juventus është gjë e kaluar. “Kam marrë vendim gjatë sezonit të kaluar dhe nuk dua të kthehem mbrapa dhe të flas se pse e bëra këtë zgjidhje. Mendoj se ai ka qenë vendimi i duhur dhe kam vazhduar rrugën time”.

Rreth ndeshjes në mes të Italisë dhe Francës, ku do të luajnë edhe mjaft lojtarë të Juventusit, të cilët ai i ka drejtuar dikur, francezi shprehet: “Për Francën nuk do të jetë ndeshje e lehtë, pasi që Buffon është një fenomen, portieri më i mirë që ekziston. Ai bën çdo gjë natyrshëm, dhe është i aftë të bëjë pritje të jashtëzakonshme, si të dielën e kaluar ndaj Cagliarit”.

“Trezeguet është një lojtar tjetër i cili ka filluar shumë mirë. Nuk jam i befasuar që ai tashmë ka shënuar katër gola, në dy ndeshjet e para. Ai po ashtu do të jetë kërcënim në këtë ndeshje, ai është një përfundues i shkëlqyeshëm”

[RaPSouL]

Chelsea kthen sytë kah ylli i Barcelonës, Dos Santos

Chelsea thuhet të jetë i interesuar për ta blerë Giovanni Dos Santosin nga Barcelona, i cili, nëse është e vërtetë, do të ndihmonte harmonizimin e marrëdhënieve mes të dy rivalëve të Ligës së Kampionëve.

Derisa, së fundi, mbrojtësi i Barcelonës dhe kapiteni i Meksikos, Rafael Marques, ka këshilluar ekipin e tij të bëjë kontratë të re me Dos Santosin, lajmet e reja thonë se edhe Chelsea është interesuar për meksikanin, para se katalanasit të ofrojnë marrëveshje afatgjate.

Mediat angleze kanë shkruar sot se klubi nga Premier Liga ka në “plan të sjellë meksikanin e etiketuar si Ronaldinho i ri”, pavarësisht shifrës prej 20 milionë eurosh që ceket në kontratë.

Dos Santos bëri debutimin e tij në La Liga javën e kaluar kundër Athletico Bilbaos, dhe është i gatshëm për debutimin senior me Meksikën gjatë të dielës. Me gjithë këtë, Chelsea ende nuk e ka konfirmuar zyrtarisht interesimin për meksikanin.

[RaPSouL]

Terry: Ia vlen të luash me dhembje

Kapiteni i Anglisë, John Terry, ka thënë se ai nuk është i përgatitur për të qëndruar jashtë ndeshjes për shkak të lëndimit, madje edhe nëse ka nevojë për injeksione kundër dhembjes.


Mbrojtësi i Chelseat ka thënë se, Anglia duhet ta fitojë patjetër ndeshjen e sotme kundër Izraelit, të rëndësishme për kualifikimet për Euro 2008, dhe është i bindur se dhembja ia vlen të durohet për të realizuar synimin.

Ai nuk do të jetë i vetmi lojtar në ekip me dhembje, pasi që edhe mesfushori, Steven Gerrard, ka deklaruar i gatshëm të luajë povarësisht lëndimit.

“Kam, pasur të lënduar pjesën e poshtme të këmbës dhe kam luajtur që ditën e parë të sezonit me injeksion”, ka thënë Terry. “Nuk do të bëhet as më mirë e as më keq nga injeksioni - vetëm mund të shkojë ca më gjatë për t’u shëruar”.

“Nuk dua të mungoj asnjë ndeshje për Chelsean ose Anglinë, ose madje të mungoj në një seancë të vetme trajnimi. Nëse kjo do të thotë të marr injeksione, atëherë do ta bëj këtë“.

[RaPSouL]

Luka Toni, mungesa e madhe e supersfidës Itali-Francë

Luka Toni nuk do të jetë në përballjen e mbërmjes së sotme mes Itlisë dhe Francës. Lajmin e ka konfirmuar dje trajneri i “axurrëve” Roberto Donadoni në një konferencë për shtyp. Sipas tij sulmuesi i Bejernit të Mynihut nuk është në gjendje të përballojë repartin e sulmit duke i lënë vendin me shumë mundësi Filipo Inzagit. Edhe ky i fundit ka pasur mjaft probleme por Donadoni dëshiron ti japë atij postin e titullarit për supersfidën e mbrëmjes së sotme. Italia do të luajë me modulin 4-1-4-1 duke rreshtuar në vijën e mesfushës Kamoranezin, Pirlon Del Pieron dhe Gatuzon. Ndërsa Rajmond Domenek i skualifikuar për këtë takim nga UEFA do ti falet dyshes Henri-Riberi për të marrë sadopak hak për finalen e humbur të botërorit “Gjermani 2006”.

[RaPSouL]

Grupi A
Ndeshjet
Sot
Serbi-Finlandë
Portugali-Poloni
12.09.2007
Finlandë-Poloni
Kazakistan-Belgjikë
Portugali-Serbi

Grupi B

Ndeshjet
Sot
Skoci-Lituani
Gjeorgji-Ukrainë
Itali-Francë
12.09.2007
Lituani-Ish. Faroe
Francë-Skoci
Ukrainë-Itali

Grupi C

Ndeshjet
Sot
Hungari-Bosnjë
Maltë-Turqi
Moldavi-Norvegji
12.09.2007
Norvegji-Greqi
Bosnjë-Moldavi
Turqi-Hungari

Grupi D
Ndeshjet
Sot
Uells-Gjermani
San Marino-Rep. Çeke
Sllovaki-Irlandë
12.09.2007
Sllovaki-Uells
Qipro-San Marino
Rep Çeke-Irlandë

Grupi E

Ndeshjet
Sot
Angli-Izrael
Rusi-Maqedoni
Kroaci-Estoni
12.09.2007
Andora-Kroaci
Angli-Rusi
Maqedoni-Estoni

Grupi F

Ndeshjet
Sot
Letoni-I. Veriut
Islandë-Spanjë
Suedi-Danimarkë
12.09.2007
Islandë-I. Veriut
Danimarkë-Litenshtejn
Spanjë-Letoni

[RaPSouL]

Milito: Do t’i thoja jo Realit të Madridit

Ish-lojtari i Real Zaragozas, tash pjesë e Barcelonës, Gabriel Milito, ka insistuar se ai do ta kishte kishte hedhur poshtë shansin që të luaj për Realin e Madridit, nëse do të kishte ndonjë ofertë.
Milito ishte një prej lojtarëve në agjendën e Realit të Madridit, para se ai të nënshkruante me Pepe, dhe në të vërtetë, argjentinasi flitej se ishte më afër madrilenëve se sa Barcelonës.

Madje ka pasur fjalë se Madridi ka bërë edhe një ofertë për të, të cilën Real Zaragoza e ka refuzuar. I pyetur për këtë, Milito ka thënë se nuk është i informuar.

“Jo, nuk di gjë rreth kësaj. Nuk mendoj se ndonjëherë do ta kisha marrë në konsideratë bashkimin me Madrid. Nuk ka pasur ofertë, por edhe nëse do të kishte do t’i thoja jo”.

”Çdokush është i etur të luajë për ekipin më të mirë në botë dhe unë e kam gjetur Barçan. Ne kemi lojtarët më të mirë në botë“.

[RaPSouL]

Julio Cruz vazhdon kontratën me Interin

Sulmuesi i Interit, Julio Cruz, ka nënshkruar kontratën e re me kampionët e Serie A, dhe do të qëndrojë në këtë ekip - të cilit iu bashkua nga Bologna, në vitin 2002 -deri në vitin 2009.

Cruz është tepër i kënaqur me kontratën e re, që ia zgjat atij qëndrimin te kampionët deri më, 30 qershor të vitit 2009.

“Jam shumë i lumtur që ripërtëriva kontratën me Interin”, ka deklaruar ai. “Nënshkrova tash, megjithëse ne ishim pajtuar shumë kohë më parë, dhe do të doja të them se kurrë nuk kam pasur asnjë problem me klubin”.

Kanë kaluar pesë sezone që kur ai iu bashkua klubit nga Bologna, por sulmuesi argjentinas ndjen se ende mund të kontribojë shumë për Interin.

“Jam në sezonin tim të pestë me ‘nerazurët’ dhe këtu ndjehem si në shtëpi. Do të përpiqem, si gjithmonë, të jap më të mirën në seancat e trajnimit dhe në ndeshjet për të mirën e klubin, që gjithmonë ka dëshmuar se ka besim në mua”, ka thënë ai.