Gazeta elektronike sportive: "FUTBOLLI" - (Nr:4)

[RaPSouL]

Pas David Vijës, synohet Kanizares

Në pritje për të mësuar më shumë rreth dëmtimit të Çeh (gjendja e të cilit është më e mirë nga sa mendohej), Çelsi ka filluar kontaktet me Valencian për portierin Santiago Kanizares. Nëse "gardiani" çek do të mungojë për shumë kohë, 38-vjeçari mund ta zëvendësojë që prej muajit janar. Dy klubet janë në bisedime edhe për sulmuesin David Vija, që sipas të gjitha gjasave do të largohet nga Spanja. Për të interesohet edhe Totenhemi, i drejtuar nga Huande Ramos.

[RaPSouL]

Efenberg: Bajernit i duhet trajner gjerman

Largimi i Otmar Hicfeld nga Bajerni i Mynihut në fund të sezonit është i sigurt dhe Marko van Basten duket një prej kandidatëve më të fortë për drejtimin e skuadrës. Por, për Stefan Efenberg, ish-lojtar i bavarezëve, skuadrës do t‘i nevojitej një trajner gjerman. "Mendoj se trajneri duhet të jetë gjerman, në të kundërt rrezikon të humbasë shumë nga pikëpamja e komunikimit". Sipas mediave gjermane, një tjetër kandidaturë e fortë për stolin është edhe Klaus Alofs.

[RaPSouL]

Ferguson jep urdhër: S‘ka më festa

Trajneri i Mançester Junajtid, Aleks Ferguson, ka bërë të ditur se lojtarët e skuadrës nuk do të kenë më mundësinë të organizojnë apo marrin pjesë në festa. Ai ka anuluar edhe një festë të mundshme në rast fitoresh të trofeve në këtë edicion, si pasojë e ngjarjeve të shëmtuara të javëve të fundit, ku lojtarët e "djajve të kuq" u përfshinë në skandale seksuale pas festave të shthurura, në të cilat morën pjesë. Ai ka bërë të ditur se po mendon edhe të vërë gjoba ndaj të gjithë futbollistëve të përfshirë, duke u hequr atyre rrogën javore. Ferguson ka paralajmëruar se përsëritja e ngjarjeve të tilla do të çojë direkt në përjashtim.

[RaPSouL]

Venger, luftë tifozëve "ultras"

Arsene Venger ka propozuar në një mënyrë e cila mund të rezultojë efikase për t‘i "mbyllur gojën" tifozëve vulgarë. Ideja e trajnerit të Arsenalit është që protagonistët e këngëve me sharje të filmohen dhe regjistrimet t‘u tregohen familjarëve të tyre. Në këtë mënyrë fajtorët do të marrin një ndëshkim publik, ndërkohë që stadiumet do të jenë më të qeta. Ideja e Venger ka bërë shumë bujë në mediat britanike, ndërkohë që ajo ka ardhur pas akuzave të mbrojtësit të Portsmuth, Sol Kempbëll, i cili ka treguar se prej shumë vitesh është ngacmuar nga tifozët e Totenhemit, që nuk e kanë harruar largimin e tij (transferimin tek Arsenali).

[RaPSouL]

Menaxheri Pini Zahavi i ofron Realit sulmuesin meksikan Xhovani dos Santos

Lionel Mesi shprehet i tronditur pas humbjes së "klasikes" dhe mbron Ronaldinjon

Pini Zahavi i ka ofruar Realit të Madridit sulmuesin Xhovani dos Santos. Menaxheri i meksikanit ka tentuar të fillojë bisedimet me drejtuesit "merengues", që nga ana e tyre e hodhën poshtë këtë mundësi. Momentalisht Dos Santos është në bisedime me Barcelonën për të rinovuar kontratën, por agjenti i tij nuk ka nguruar të shqyrtojë edhe mundësi të tjera. Por rreziku më i madh për klubin katalan vjen nga Anglia: shumë klube në Premiership kanë treguar interes për talentin që është rritur në ekipet zinxhir të Barcelonës. Zahavi mund të shfrytëzojë njohjet e tij në këtë vend (menaxheri izraelit ka miqësi të ngushtë me pronarin e Çelsit, Roman Abramoviç). Lajmi është bërë i ditur nga e përditshmja spanjolle "Marca", sipas Së cilës ky zë qarkullon prej kohësh në ambientet e Barçës. Xhovani dos Santos është një prej futbollistëve më të mirë të Meksikës dhe në fillim të këtij sezoni ai u afrua në ekipin e parë nga trajneri Frenk Rajkard. Prej muajit gusht 18-vjeçari ka pasur mjaft hapësira në dispozicion dhe paraqitjet e mira nuk kanë munguar, si në ndeshjen e fituar në fushën e Valencias, megjithatë e ardhmja e tij duket në udhëkryq. Zahavi ka lidhje edhe me disa pjesëtarë të bordit drejtues të klubit madrilen, duke qenë se kishte marrë pjesë në bisedimet që i bënë të mundur vitin e kaluar Realit të blinte argjentinasin Higuan. Kjo e ka shtyrë menaxherin që t‘i ofrojë kampionëve të Spanjës futbollistin, por përgjigja ka qenë e prerë: në këto momente madrilenët nuk janë të interesuar për Dos Santos. Ndërkohë, Lionel Mesi ka folur rreth humbjes 1-0 që Barcelona pësoi në shtëpi me Realin. "Ishte tronditëse, por jam optimist", ka deklaruar argjentinasi, që momentalisht është i dëmtuar. Më tej 20-vjeçari ka folur rreth protestës së tifozëve ndaj Ronaldinjos: "Fërshëllimat kundër tij m‘u dukën të padrejta. Ai do të vazhdojë t‘i japë shumë Barcelonës dhe mbetet numri 1 në botë".

[RaPSouL]

Edhe Ronaldo, drejt Brazilit!

Milan i jep leje Flamengos të diskutojë me lojtarin për huazimin 6-mujor

Ronaldo është shumë pranë rikthimit në vendlindje, jo më vetëm për pushime, por për t‘u aktivizuar në kampionatin brazilian. Drejtuesit e Flamengos kanë bërë të ditur se kanë filluar bisedimet me futbollistin në fjalë, pasi kanë rënë dakord parimisht me Milanin për huazimin e tij deri në fund të këtij sezoni. Ndonëse kuqezinjtë kishin shprehur hapur pakënaqësinë e tyre për problemet e vazhdueshme të Ronaldos, hipoteza e huazimit të tij në kampionatin brazilian nuk kishte dalë në skenë. Por ka mjaftuar vizita e sulmuesit në vendlindje për festat e fundvitit që shumë klube të interesoheshin për të, me Flamengon që ka bërë hapin e parë.

"Objektivi ynë është të sjellim Ronaldon te Flamengo. Bisedimet janë ende në fillimin e tyre, por kemi marrë që tani autorizimin e Milanit për të folur me futbollistin". Këto ishin fjalët e zv/presidentit të Flamengos, Kleber Leite, i cili ka përshkruar situatën për mediat braziliane. Duket se klubi në fjalë ka dashur të shfrytëzojë në maksimum dëshirën e Ronaldos për të qenë protagonist në qytetin e tij të lindjes, Rio De Zhaneiro, me një skuadër që mund të synojë shumë objektiva, pasi do të luajë në Kupën Libertadores. Tani për tani nuk flitet për shifra, pasi dihet që më parë lojtari duhet të jetë parimisht dakord për huazimin, por mendohet se Flamengo do të paguajë vetëm një pjesë të rrogës "faraonike" të sulmuesit. Vetë Ronaldo është shprehur se do të dëshironte të mbyllte karrierën në Brazil, por kjo mendohej të ndodhte pas dy-tre sezonesh. Huazimi i tij te Flamengo do të bënte të vështirë rikthimin te Milani, pasi kuqezinjtë janë vënë menjëherë në kërkim të një sulmuesi tjetër. Për këtë arsye, menaxherët e tij, janë vënë në kërkim të një zgjidhjeje tjetër, mundësisht të një klubi në Evropë, i cili është i gatshëm të pranojë Ronaldon për gjashtë muajt e ardhshëm para se të vendosë përfundimisht për ta blerë apo jo. Meqenëse Milani duket se ka hequr dorë plotësisht nga braziliani, ata dëshirojnë të gjejnë një sistemim që në janar për Ronaldon, e për këtë arsye kanë pranuar që të ulen të diskutojnë edhe ofertën e Flamengos, në rast se nuk arrihet marrëveshja me një klub evropian. Takimi mes palëve do të bëhet para fundit të këtij viti, për të njohur sa më parë rrugën që do të ndiqet. Flamengo duket e sigurtë se brenda 6 muajsh do të "shërojë" përfundimisht Ronaldon. Ajo e ka bërë një gjë të tillë edhe në të kaluarën me Ibson, ndërsa po riaftëson Xhonatas dhe Kleberson, pas problemeve që këta të fundit kanë pasur me klubet e tyre respektive, Espanjol dhe Mançester Junajtid. Për të bërë një gjë të tillë, ata i kanë afruar Ronaldos edhe asistencën e mjekut të përfaqësueses braziliane, Hoze Luiz Runko, i cili pak ditë më parë u shpreh se ishte në gjendje të riaftësonte sulmuesin brenda pak javësh.

[RaPSouL]

Ndalet Çelsi, fitojnë Liverpul e Mançester

Aston Vila e trajnerit skocez Martin O'Nil është kthyer në makthin e Çelsit këtë sezon, teksa skuadra e drejtuar nga Avram Grant nuk ka shkuar më shumë se një barazim 4-4 në një ndeshje të tensionuar dhe që në fund u mbyll me tre kartona të kuq për të dy krahët. Madje, miqtë nga Birmingami kanë kaluar të parët në avantazh me dy gola të shënuar nga Skot Maloney, por Andrij Shevçenko me dy gola herë barazoi shifrat. Braziliani Aleks kaloi blutë në avantazh, por Aston Vila edhe pse me 10 lojtarë, nuk u dorëzua dhe barazoi me anë të Laursen. Mikael Balak kaloi Çelsin në avantazh në të 88-tën, por dalja me kartonë të kuq e Rikardo Karvajos dhe Eshli Kol, sollën barazimin e Vilës me penallti. Ndërkohë, Mançesteri nuk ka hasur shumë vështirësi përballë Sanderlendit, duke arritur të triumfojë me rezultatin 4-0. Ndërsa Liverpuli ka shpëtuar vetëm nga një gol i Stiven Xherard në shtesë, nga turpi në ndeshjen me Derbi Kauntin.

[RaPSouL]

Ronaldinjon, shtypi e shtyn drejt Milanit

Kalimi i Ronaldinjos tek Milani vazhdon të zërë faqet e para të shtypit, sidomos atij spanjoll. E përditshmja më e madhe katalanase, "Sport", i ka kushtuar një rëndësi të madhe të faqes së saj të parë dje, teksa titulli i madh ishte: "Milan pret lajme nga Ronaldinjo". Duke parë marëdhëniet e acaruara mes brazilianit dhe tifozerisë katalanase, transferimi i tij drejt kuqezinjve mund të bëhet që në muajin janar. Gjithsesi, mbetet ende në lojë edhe Çelsi i Roman Abramoviç.

Balkan

[RaPSouL]

Anglia, Almunia një ide për portier

Porta është problemi kryesor i Fabio Kapelos pas marrjes së detyrës si trajner i Anglisë. Dhe duket se emri që mund të zërë vendin e Pol Robinson dhe të Skot Karson, është gardiani i Arsenalit Manuel Almunia, autor i një paraqitje mjaft të mirë këtë sezon. Ai nuk është thirrur ende me kombëtaren e Spanjës, por është shprehur se e mirëpret një ofertë nga Federata Angleze. Megjithatë atij i duhet dhe një vit për të marrë nënshtetësinë angleze.


Balkan

[RaPSouL]

Milani largon Ronaldon, zgjedh Drogbane

Lajmi vjen nga tabloidi britanik “News of the World”. Milani i ka vene syrin Didier Drogbase. Sipas gazetes, ky afer mund te mbyllet qe ne janar, gjithmone nese Milani eshte i gatshem te zbraze nga arka e vet 23 milione sterlinat e nevojshme per te mberritur te kartoni i lojtarit, qe nga ana e tij ka dhene okey-in per kete operacion. Çelsi nga ana tjeter duket se e ka gjetur zevendesuesin: behet fjale per Nikolas Anelkan, bomberi i Boltonit, i vleresuar 10 milione sterlina. Ne qershor mund te vije nga Valencia edhe sulmuesi David Villa (i kerkuar edhe nga Totenhem), i cili ka shprehur deshiren te largohet nga Spanja per te provuar nje eksperience te re ne Angli. Sipas “Dailly Mirror”, ky transferim mund te konkretizohet me 20 milione sterlina. Por te kthehemi per nje çast te Drogba. “News of the World” ka theksuar qe i pari eshte i lumtur nga operacioni i merkatos, duke bere te ditur se Hoze Murinjo ka shume mundesi te zevendesoje Karlo Ançelotin ne qershor. Drogba do te zevendesoje Ronaldon qe, sipas medias braziliane “O’Globo”, mund te kthehet ne Brazil ashtu si edhe patrioti i tij Adriano, per te luajtur me bluzen e Flamengos. “Fenomeni” mund te veshe keshtu bluzen e ekipit me me shume tifoze ne bote. Ai do te jete i gatshem edhe te pergjysmoje te ardhurat e tij qe aktualisht perfiton nga Milani. Flamengo eshte gjithmone e me prane Ronaldos, duke bere realitet endrren e tij per te perfunduar karrieren duke luajtur ne klubin e zemres se tij. Lajmi eshte bere i ditur nga zevendespresidenti i Flamengos, Kleber Leite, i cili pohoi se Flamengo ka marre autorizimin nga Milani per te trajtuar me Ronaldon. “Kemi marre kontakte me lojtarin dhe jemi te sigurt qe do ta mbyllim kete transferim. Nuk kemi folur per parate”. Kontrata e Ronaldos me Milanin perfundon ne fund te qershorit te vitit 2008. Flamengo, ashtu si San Paolo qe mori ne huazim Adrianon, do te luaje gjate vitit te ri ne Kupen Libertadores dhe Ronaldo do te ishte perforcimi ideal. Siti brazilian Globoesporte, qe citon burime te brendshme nga Flamengo, shkruante se te shtunen e kaluar kishte pasur nje kontakt telefonik midis Leite dhe agjentit te lojtarit, Fabiona Farah. Milani nga ana e tij pergenjeshtroi lajmin per transferimin e mundshem te Ronaldos.