Gazeta elektronike sportive: "FUTBOLLI" - (Nr:4)

[RaPSouL]

Adriano-Ronaldo, festë në Rio mes alkoolit dhe femrave

Dy shokët e ngushtë janë takuar përsëri në një diskotekë

Duket se sulmuesit brazilianë nuk zënë mend lehtë. Adriano dhe Ronaldo kanë rënë përsëri në kurthin e paparacëve, pasi këtë radhë janë zënë "mat" në një festë të organizuar në Rio De Zhaneiro. Dy futbollistët nuk u janë ndarë pijeve alkoolike, kryesisht birrës, ashtu si edhe femrave të ndryshme, të cilat kanë shfaqur interesim ndaj tyre. Nëse San Paolo nuk e ka cilësuar të gabuar sjelljen e Adrianos, duke e cilësuar me pushime, pritet reagimi i Milanit, pasi kuqezinjtë kishin dërguar futbollistin në Brazil për t‘u riaftësuar nga dëmtimi dhe jo për të festuar deri në orët e vona të natës.

Nëse Milani dhe Interi po luftonin në fushë gjatë derbit, dy sulmuesit brazilianë të këtyre skuadrave, Adriano dhe Ronaldo, po festonin me shokët e tyre në një diskotekë të Rio De Zhaneiros, duke mos u kujdesur as për "Dietën" strikte që i kanë vënë klubet, për shkak të dëmtimeve që kanë kaluar. Lojtarët janë argëtuar në një festë të organizuar nga grupi "Jota Quest", duke mos i kursyer birrat e njëpasnjëshme nën shoqërinë e disa vajzave. Në fakt, të dy i kanë thyer edhe premtimet e bëra pak kohë më parë, sidomos Adriano, i cili ishte zotuar se i kishte dhënë fund jetës së shthurur dhe se tashmë do të mendonte për t‘u kthyer sa më shpejt "Perandori" i zakonshëm. "Nuk do të pi më alkool", ishin fjalët e tij pak ditë para se të huazohet nga Interi te San Paolo, një betim i harruar në festën e dy ditëve më parë. Sulmuesi është shfaqur para fotografëve me kanoçe birre në dorë, i shoqëruar nga miku i tij, Ronaldo, i kthyer në vendlindje para kohe për festat e fundvitit, në vend që të qëndronte në mbështetje të skuadrës për ndeshjen e fundit të 2007-ës. Zyrtarisht, dy lojtarët janë me pushime, ndonëse kjo nuk ishte plan i klubeve për ta, pas dëmtimeve që i kanë lënë për një periudhë të gjatë jashtë fushës së lojës. Më shqetësuese duket situata e Ardianos, i cili ka një histori prej të alkoolizuari, pasi disa muaj më parë e shihte atë si mënyrën e vetme për të zgjidhur problemet. Interi ka preferuar të mos e komentojë këtë situatë, pasi futbollisti është dhënë në huazim te San Paolo. Vetë drejtuesit e klubit brazilian nuk i kanë dhënë shumë rëndësi ngjarjes. "Askush nuk e ndalon lojtarin të shkojë në një festë, ai është i ri dhe është me pushime. San Paolo beson në profesionalizmin e tij", ishte justifikimi zyrtar nga San Paolo, ndonëse në Brazil shumëkush i sheh si pushime të paguara edhe 6-mujorin e huazimit të futbollistit. Ndërsa për Ronaldon, reagimi i kuqezinjve është i pashmangshëm, sidomos pas humbjes në derbi ku ai duhej të ishte protagonist, por ku nuk u aktivizua për dëmtimin e zakonshëm që e mban jashtë fushës. "Duhet të bëjë 3-4 javë fizioterapi. Dëmtimi është shumë pranë riaftësimit, por mbetet një traumë në pulpë", ishte komenti i doktor Runkos, mjekut të Milanit që po merret me riaftësimin e "fenomenit". Natyrisht, festa mes birrave dhe shoqërisë së femrave nuk ishte parashikuar në terapinë e përgatitur nga Milan Lab, ndaj braziliani vështirë se do të pritet me duartrokitje nga drejtuesit e ekipit kur të kthehet në Itali.

[RaPSouL]

Gjyqtari nxjerr kartonin dhe...pistoletën

Një gjyqtar në Malajzi, emri i të cilit ka mbetur anonim ka shtënë disa herë në ajër për të larguar nga vetja një grup futbollistësh që po protestonin për kartonin e kuq që kishte marrë shoku i tyre i skuadrës. Në jetën e përditshme "xhaketa e zezë" punonte edhe si polic dhe kur ishte në fushë duke arbitruar, pistoletën e kishte lënë në makinën e shërbimit. Në momentin që protestat e lojtarëve u bënë shumë të ashpra ai ka shkuar në automjetin e policisë, e pasi ka marrë në dorë pistoletën nuk ka hezituar ta shkrepë, duke e mbajtur të drejtuar në ajër. Veprimi nuk u ka pëlqyer eprorëve të tij, të cilët vendosën ta arrestonin dhe mbanin nën vëzhgim në paraburgim. Agjencia e lajmeve "Reuters" publikoi një prononcim zyrtar të policisë për një gazetë lokale, ku shkruhej: "Po hetojmë nëse veprimi i policit për të nxjerrë armën dhe për ta shkrepur është i justifikueshëm. Gjithashtu, po hetojmë edhe pse ai e kishte marrë me vete armën gjatë ndeshjes". Fakti kurioz është se në qeli, së bashku me policin kanë përfunduar edhe pesë futbollistë: ata akuzohen se kanë shkaktuar rrëmujë dhe për këtë mund të penalizohen.

[RaPSouL]

Fabregas ka "uri" për trofe: Të fitojmë sa më shumë

Për spanjollin, largimi i Henrit ndihmoi lojtarët e tjerë që të shkëlqenin

Çesk Fabregas ka paralajmëruar rivalët e Arsenalit në Premiership se "topçinjtë" janë të "uritur" për të fituar titullin dhe vërtetuar se opinioni sportiv ka gabuar në gjykim. "Skuadra është e ‘uritur‘ dhe kërkon të fitojë diçka për të vërtetuar se njerëzit e kishin gabim kur mendonin se nuk ishim një skuadër e denjë për të marrë trofe", tha mesfushori spanjoll. "Në 12 muajt e ardhshëm dëshirojmë të fitojmë sa më shumë. Nëse do t‘i fitonim të gjithë trofetë ku luajmë do të ishte diçka perfekte, por do të ishte e jashtëzakonshme edhe sikur të triumfonim vetëm në Premiership". Momentalisht, Arsenali është skuadra që zhvillon futbollin më të bukur dhe zgjedhjet teknike i kanë dhënë të drejtë trajnerit Venger. Për Fabregas, ndryshimi ka ndodhur që pas largimit të Tierri Henri: transferimi i ish-kapitenit te Barcelona u dha mundësi të rinjve që të konfirmohen, pasi deri në ato momente ata kishin qëndruar në hijen e sulmuesit francez. Fillimisht, ikja e Henrit nuk u prit mirë nga tifozët, pasi në tetë vjet lojtari ishte shndërruar në ishull, por shumë shpejt skuadra me të rinj të talentuar bëri që ai të harrohej. "Kam më shumë përgjegjësi se më parë, vazhdoi Fabregas. Kur shihje Arsenalin e përpara një ose dy viteve, lojtari që dallohej ishte vetëm Henri. Ndërsa kur ai u largua të gjithëve iu krijua mundësia për të treguar vlerat, për të treguar se jemi një skuadër e mirë, një klub i mirë. Edhe pse u largua futbollisti më i mirë në botë, ne kemi shansin që të fitojmë diçka".

Ndërkohë, trajneri Arsen Venger ka hedhur poshtë mundësinë se në janar klubi do futet në merkato për të zëvendësuar mungesat e Kolo Ture dhe Emanuel Ebue, të cilët do jenë të impenjuar me kombëtaren e Bregut të Fildishtë në Kupën e Afrikës. "Topçinjtë" synojnë të fitojnë titullin e parë që prej vitit 2004, por Venger nuk kërkon ta mbipopullojë kontingjentin. "Nëse blejmë një tjetër mbrojtës rrezikojmë që pas janarit (kur të mbarojë Kupa e Afrikës) të kemi shumë futbollistë në këtë pozicion. Në disa raste duhet që të vuash paksa dhe t‘i lësh futbollistët të luajnë". Një tjetër humbje për kryesuesit e Premiershipit mund të jetë ajo e portierit Jens Lehman, që brenda javës tjetër pritet të vendosë nëse do të vazhdojë të luajë me Arsenalin apo do të largohet. Volfsburgu në Bundesligë është shprehur i gatshëm ta marrë veteranin e portës: "Nëse do të ndryshoj skuadër, vendimin do ta marr në fillim të janarit, pohoi Lehman. Bëhet fjalë për afro një javë kohë. Jam në dijeni të interesimit të Volfsburgut, por, për momentin nuk ka asgjë konkrete".

[RaPSouL]

Kaka, “njëshi” i botës!

MundësitëShfaq FirmënTa citoj mesazhin në përgjigje? *Po Postojmë Përgjigjen Tuaj - Ju Lutem Prisni Funksionet e Temës Versioni i Printueshem Shkarkoje temën si PDF Dërgo me email faqen Abonohu në këtë TemTekniku Luis Aragones ka dhënë mendimin e tij për fituesin e Topit të Artë dhe “FIFA World Player” dhe ka thurur elozhet e tij për yllin e Milanit. “Eshtë një lojtar që çdo skuadër apo trajner do ta kishte zili. Për momentin është futbollisti më i mirë në botë dhe nuk ka asnjë dyshim. Ka arritur të fitojë gjithçka në vetëm 24?vjeç dhe kjo nuk është aspak e lehtë në botën e futbollit, sidomos në kohët e sotme, ku në skenë ka edhe shumë yje të tjerë. Ndoshta mund të them se është një shkallë më poshtë se Di Stefano, Pele, Maradona apo Garrinça, por mendoj se Kaka është midis Bobi Çarltonit apo Pushkashit”.

[RaPSouL]

Raul, ndoshta në kombëtare!

Misteri më i madh në listën e lojtarëve që do të shkojnë në Euro 2008, është emri i kapitenit të Realit, Raul Gonzalez. I pyetur për këtë çështje, tekniku Aragones hapi një dritë jeshile për madrilenin: “Shumë njerëz më kanë pyetur për këtë temë dhe mund t’ju them me sinqeritet se përgjigjet e mia nuk kanë qenë të njëjta. Sigurisht që Raul është një lojtar i madh, por Spanja ka edhe shumë futbollistë të tjer` që mund ta justifikojnë më mirë një vend në kombëtare. Nuk e kam vendosur ende nëse Raul do të jetë apo jo në Europian, por nëse tregon një formë të mirë, atëherë rruga për të do të jetë e hapur. Tashmë jam i lodhur me këtë çështje, por të gjithë do ta marrin vesh vendimin tim kur unë të kem brë gati listën e lojtarëve”.

[RaPSouL]

Grupi është i kalueshëm, por duhet kujdes!

Greqia, Rusia dhe Suedia do të jenë tre skuadrat me të cilat do të përballet Spanja në Europianin e Austri dhe Zvicër. Duket se shorti ka qenë bujar me iberikët, megjithatë Luis Aragones mendon të kundërtën: “Nuk ka më skuadra të vogla apo të mëdha. Të gjithë dinë të luajnë futboll dhe në një kompeticon kaq të rëndësishëm mund të ndodhë gjithçka. Jam i bindur se të katërta skuadrat e grupit do të luftojnë për t’u kualifikuar, mundësitë e i kanë dhe nuk shoh arsye se pse të mos arrihen objektivat. Me grupin e lojtarëve që kemi, mendoj se shanset janë të mëdha për t’u kualifikuar, por në të tilla raste duhet treguar një kujdes shumë i madh. Greqia është kampione në fuqi, ndërsa Rusia dhe Suedia kanë treguar se janë skuadra që mund të të ndëshkojnë në çdo moment”.

[RaPSouL]

Barça, më mirë pa Dinjon!

Përshtypjet janë se Barcelona luan më keq kur Ronaldinjo aktivizohet si titullar dhe këtë mund ta konfirmojnë edhe shifrat. Katalanasit humbën përballë Realit të Madridit me brazilianin në fushën e lojës, ndërsa në Valencia fituan në mënyrë komode me Ronaldinjon në stol. Rivalët nuk janë të njëjtë, por as nuk përjetojnë të njëjtën situatë. Por, çfarë ka ndodhur në ndeshjet e tjera ku ka qenë i pranishëm Ronaldinjo? Statistikat tregojnë se Barcelona fiton më pak pikë kur Ronaldinjo luan. Nga 17 ndeshje të luajtura në kampionat, ylli brazilian është aktivizuar në 11 prej tyre. Nga 33 pikë në lojë, Barça ka marrë vetëm 19 pikë (5 fitore, 4 barazime dhe 2 humbje), të cilat shkojnë te 57,5% të pikëve të grumbulluara nga skuadra katalanase. Barça ka luajtur gjashtë ndeshje pa Ronaldinjon, në të cilat ka fituar pesë dhe ka humbur një. Që do të thotë, ka fituar 15 nga 18 pikë të mundshme, rreth 83,3%, një shifër pothuajse perfekte. Rastësi apo jo, skuadra e Frenk Rajkardit ka arritur të marrë rezultate më të mira, kur tekniku holandez ka ulur në stol yllin brazilian. Duket se varësia nga Ronaldinjo ka marrë fund dhe skuadra e Barcelonës është mësuar të fitojë edhe pa të. Prezenca e tij në fushën e lojës nuk ka qenë pozitive dhe Ronaldinjo për asnjë moment nuk është ngjitur në lartësinë e duhur. Problemet dhe pakënaqësitë ndaj tij kanë qenë të shumta, por përsëri skuadra e Rajkardit nuk e ka patur të vështirë të “jetojë” edhe pa Ronaldinjon. Braziliani mbetet një lojtar i madh dhe me aftësitë shumë të mira, por rrethanat janë të tilla që i lejojnë Frenk Rajkardit që të bëjë edhe pa të. Me një Mesi në formë të shkëlqyer, me një Eto’o që ka rigjetur golin dhe me dy të rinj si Bojan dhe Dos Santos, tekniku holandez i ka të gjitha mundësitë që të ndërtojë një Barcelona të madhe pa Ronaldinjon.

[RaPSouL]

Kambiaso, “mushkria” e Interit

Mesfushori argjentinas i Interit, Esteban Kambiaso, sapo ka mbyllyr një vit të mrekullueshëm, jo vetëm për faktin se sezonin e shkuar ka fituar një titull kampion në Serinë A, por sepse rendimenti i tij ka qenë gjithmonë i lartë. Edhe në ndeshjen e fundit për 2007﷓n, në derbin ndaj Milanit, ai ishte “mushkria” e ekipit zikaltër. Kambiaso shënoi golin e fitores të ekipit të tij (2﷓1 rezultati përfundimtar), dhe tregon se kjo është periudha më e mirë e karrierës për mesfushorin. Esteban ishte njeriu i javës në Serinë A. Kur flasim për Interin, nuk mendojmë direkt për të. Lojtarët që duket se janë shpirti i ekipit janë Ibrahimoviç, Kruz, Materaci dhe Figo. Madje edhe trajneri zikaltër ka një hapësirë mediatike më të madhe se argjentinasi. Eshtë një fatkeqësi shumë e madhe që nuk i lihet një vend më i madh Esteban Kambiasos. Por sigurisht, që pas ditës së derbit, me shënimin e golit të fitores, i gjithë përqëndrimi po shkon drejt tij, dhe po i jep interistit pak famë. E përditshmja sportive italiane, “Corriere dello Sport”, shkruan për të si një artist﷓piktor por edhe arkitekt. Kambiaso është i dyfishtë, shumë punëtor dhe me një tip që sakrifikohet shumë për ekipin e tij por gjithashtu ka edhe aftësi të mira sulmuese. Eshtë një lojtar që të bën të flasësh për të. Por mesfushori i Interit meriton që të jetë më shumë në qendër të vëmëndjes. Eshtë një lojtar kryesor në formacionin e Mançinit. Eshtë ai që mban ekuilibrin në mesfushë, falë punës së tij të madhe për të shkatërruar aksionet kundërshtare dhe inisiativat për të dalë në sulm. I palodhshmi Esteban është një element që ka një bazë të mirë teknoke dhe një vizion të shkëlqyer për lojën. Për më tepër, ai shënon edhe gola vendimtarë. Goli që shënoi kundër Milanit, me një gjuajtje prej 20 metrash, ishte goli i katërt për këtë sezon. Ai i ka shënuar një gol Xhenoas ku Interi fitoi 4﷓1, dhe dy kundër CSKA Moskës, 4﷓2, në Champions League. Pas derbit të Milanos, ai tregon të gjithë lumturinë e tij disa orë përpara Krishlindjeve: “Jam vërtet shumë i lumtur. Jam i lumtur dhe krenar që mbaj fanellën e Interit. Të fitosh derbin është diçka e jashtëzakonshme. Nuk ka gjë më të bukur. Çfarë ndjenje e bukur kur shënova atë gol”! Prezantimi i Kambiasos ka qënë edhe një herë i shkëlqyer. Për golin që shënoi dhe për të gjitha ndërhyrjet që bëri në mesfushë, që bënë që aksionet e Milanit të ndërpriteshin. Argjentinasi ka qënë vendimtar edhe në mbulimin e “Topit të Artë” Kaka, i cili po çekulibronte të gjithë mbrojtjen interiste, në minutën e 30﷓të të lojës. “Nuk dëshiroja të bëja gabim”, u justifikua Kambiaso, që mori frymë thellë kur pa që gjyqtari nuk vërshëlleu faull.

Periudha më e bukur e karrierës

“Fitorja kundër Milanit mbyll një vit të shkëlqyer për klubin dhe për mua”, tha Kambiaso. “Eshtë periudha më e mirë e të gjihë karrierës sime”, tha ai pa asnjë hezitim. Shifrat e tregojnë këtë shumë mirë, në 22 nga 23 ndeshje të luajtura në Serinë A, ai ka qënë si titullar dhe është lojtari që ka luajtur më shumë ndeshje për ekipin e Mançinit. Dhe çfarë paraqitjesh! Me mungesën e Vierasë, Dakurit, Stankoviçit dhe Figos, Kambiaso është i vetmi mesfushor i deklaruar. Në ndeshjen e derbit kolegët e tij në këtë repart ishin Himenez, i cili ishte më i avancuar, Zaneti dhe Kivu të cilët janë mbrojtësa. “Esteban është një element shumë i vlefshëm, nga ato lloj që çdo trajner do të kishte dëshirë ta kishte në ekip”, theksoi trajneri i Interit. Masimo Morati është plotësisht dakord me këtë fakt, duke parë çmimin e ulët të lojtarit. Jo për rrogën e tij, e cila është shumë herë më e vogël se ajo e Ibrahimoviçit dhe Adrianos, por për çmimin që ai erdhi tek Interi, që domethënë zero euro! Faktikisht, Kambiaso ishte në përfundim të kontratës së tij me Realin ndërkohë që klubi milanez dëshironte ta merrte atë në verën e vitit 2004. Ato nuk e refuzuan atë. Edhe pse kishte një mesfushë të mbingarkuar sëbashku me Veron, Stankoviç apo Davits, Esteban do të bëhej titullar shumë shpejt. Në Realin e galaktikëve, si për hakmarrje për mungesën e tij, ashtu si Makelele, mungesa e tyre u bë shumë e ndeshjme.

Zanafilla e talentit

Reali shki deri në Argjentinë në vitin 1996 për të blerë atë. Kambiaso në atë kohë ishte 16 vjeç dhe kishte rënë në sy në ndeshjen për vendin e tretë me ekipin e tij. Talenti që nuk ishte formuar akoma aq sa duhej, do të fitonte me kombëtaren për moshat më të vogla se 20 vjeç, Kupën e Amerikës së jugut, dhe vitin që vijonte atë të moshës më të vogël se 17 vjeç. “El Kuçu”, që është pseudonimi i Kambiasos që frymëzohet nga një film i animuar në Argjentinë, u dërgua nga ekipi madrilen për të luajtur më një ekip zinxhir i cili quhej Kastija. Kambiaso do të debutonte me Realin vetëm në vitin 2002. Ndërkohë ai iu dha borxh Independentes për sezonet 1998﷓2001, dhe River Plates për sezonin 2001﷓2002. Dy sezonet që ai luajti tek Reali nuk mjaftuan që ti mbushnin mëndjen presidentit Perez dhe të trajnerëve që erdhën në ekip. Atëherë shumë mirë për Interin!

[RaPSouL]

Adriano, alkool, femra dhe telashe...

Adriano që premton dhe Adriano që nuk i mban premtimet. Një sjellje tepër e shëmtuar karshi atyre që i besojnë, karshi fanasve, karshi publikut që e ka pëlqyer në fushë dhe që vazhdon të shpresojë se “Perandori” do të rifitojë një ditë “fronin” e tij, pas krizës që po e persekuton. Por, e vërteta është se në vullnetin e brazilianit ka më shumë vend për jetën e qejfit, lluksin, paratë, alkoolin, femrat e bukura dhe kënaqësitë që të ofrojnë veset. “Tani ndihem më i lumtur dhe falenderoj Moratin që më dha mundësi të luaj këtu te Sao Paulo. Do të kthehem në Milano, në qershor, shumë më në formë, pasi të kem rifituar familjaritet me golin”. Një deklaratë që mund të flaket në koshin e plehrave që nga momenti kur fotot e sulmuesit zikaltër kanë përfunduar në faqet e para të gazetave sportive braziliane. Ndërsa të premten është kapur në një diskotekë të njohur në Rio de Zhaneiro, nën shoqërinë e Edmundos dhe Ronaldos, dy futbollistë të njohur në botë, të shtunën, Adri është fotografuar në një klub nate, këtë herë i rrethuar nga femrat dhe nga shishet e birrave. Në materialin e shkruajtur në disa të përditshme, edhe pse thuhet se braziliani nuk e ka ekzagjeruar me të pirë, është zbuluar se kanë qenë plot 300 të ftuar në parti dhe përveç 50 shisheve të uiskit, janë pirë edhe disa shishe vodka, përveç shampanjës dhe birrës. Ndërkohë, presidenti i Sao Paulos ka sqaruar: “Nuk di asgjë për këtë episod, por lojtari është me pushime dhe nëse nuk e ka ekzagjeruar me alkoolin, s’kam pse të komentoj jetën e tij private. Ai di si të kontrollojë veten. Kemi një pakt me lojtarin dhe ai do ta respektojë. Disa festa s’mund të prishin premtimin që na ka dhënë. Sidoqoftë, dyshimi mbetete...

[RaPSouL]

“Dida? i pafajshëm, titulli? Një utopi”

Kaka është i bindur se skuadra e tij mund të ecë në Champions: “I kemi të gjitha shanset”



Të fitosh brenda një viti një trofe të Champions League, një Superkupë Europe, një “Top të Artë”, “FIFA World Player” dhe Botërorin e Klubeve nuk është pak, përkundrazi, është ëndrra e çdo futbollisti. Riki Kaka është një nga këta lojtarë që kanë dëshiruar gjithmonë të ngrenë lart të tilla Kupa dhe “kurora”. Viti 2007 ka qenë i mrekullueshëm për brazilianin e Milanit, i cili e ka falenderuar pikërisht klubin kuqezi për mundësinë që i ka dhënë dhe ndihmën për të triumfuar në shumë kompeticione. Ndeshja e fundit ka qenë e hidhur për “Djaloshin e Artë”, duke parë se humbja në derbi është gjithmonë një “pastë” jo e mirë për t’u kaluar në stomak. Ndërsa kritika akuzon Nelson Didën për gabimin në golin e Kambiasos, fantazisti kuqezi është i bindur se portieri nuk ka asnjë faj, duke i dalë plotësisht në mbrojtje: “Të gjithë ne të dhomave të zhveshjes”, tha Kaka për “Globoesporte”, “jemi me Didën, sepse Nelsoni ka dhënë gjithçka për këtë skuadër dhe sepse sipas meje mbetet një nga portierët më të fortë në botë. Mund të ndodhë që të gabosh, edhe unë e bëj këtë gjë, edhe shokët e ekipit. Të Askush nuk është perfekt, por është e padrejtë që të vendoset gishti mbi një person. Kur fitojmë, fitojmë të gjithë. Duhet të jetë njësoj edhe kur humbasim. Titulli? Mund të them se është një utopi, por i kemi të gjitha shanset për të luftuar për Champions League”.

Riki: Maldini do të vendosë për shiritin

Edhe pse objektivi Champions League, në këtë sezon, është i pari në listën e kërkesave të Milanit, edhe çështja e kapitenit është nga më të diskutuarat, sepse dita e madhe e “lamtumirës” së Paolo Maldinit është duke ardhur. Në qershor, “legjenda” kuqezi do të “ngrejë flamur të bardhë”, duke varur këpucët në gozhdë, por Kaka nuk është gati t’i “rrëmbejë” rolin, përkundrazi: “Do të isha i lumtur nëse do të ndodhte, por jam i mendimit se vetë Paolo do të zgjedhë pasardhësin dhe të gjithë do të jemi dakord”.