Homazh ish princeshes se Wellsit ne 10 vjetorin e vdekjes

[RaPSouL]

Homazhe per nder te princeshes Diana ne 10 vjetorin e vdekjes se saj. Ne Londer do te zhvillohet nje ceremoni zyrtare perkujtimi, nderkohe qe shume qytetare kane vendodur para pallatit Kensington shume lule dhe mesazhe. Balkanweb

[RaPSouL]

[Bejbi]

po per nene TEREZEN ste ra nder mend qe vdiqen te dyja per nje dite apo harrova qe dhe Dajana ka bere sh te mira per te varferit per te mbuluar.....

[hope31]

po ne te gjitha kanalet ka patur emisione me rastin e 10 vjetorit te vdekjes se lady Di, gje qe tregon se zor mund te harrohet figura e saj
pati jete te shkurter Diana, por ka lene gjurme tek shume njerez dhe mendoj se do vazhdoje te kujtohet per nje kohe te gjate

ps.me vjen keq police por nuk kane te njejten date vdekje, nene Tereza ka vdek nje jave me pas

[ELDORADO]

prehshin te qete atje ku jane qe te dyja, po lady d ishte njeri shume e vecante,
pastaj kur e kujtoj me mbushen syte me lote ka ik nga bota tre dite para ditlindjes time,

[Marijuana85]

Vertet ishin te dyjat persona te veqanta dhe do te mbesin ne zemra tona per veprat e tyre !!
Ende e mbaj ne mend kur i pash lajmet e vdjekes e saj (Lady D)... dhe si Eldorado e ndij veten te pikelluar kur e kujtoj. Edhe Koncerti per Lady D se esht mbajtur ne London kete Korrik ishte i mrrekullushem dhe me ka emocionuar shum.

[no name]

Vdekja e Princeshës përkujtohet në Londër nga mbretërorët e miqtë e së ndjerës

"Diana, nëna më e mirë në botë"

Djemtë rrëfejnë kujtimet për nënën e humbur 10 vjet më parë


"Ishte nëna më e mirë në botë". Këto kanë qenë fjalët me të cilat princi anglez Harri e ka cilësuar të ëmën, princeshën e ndjerë Diana, në ceremoninë përkujtimore që u zhvillua për nder të saj në Londër në dhjetëvjetorin e aksidentit tragjik që i mori jetën. Me këtë rast ishin mbledhur njerëzit e familjes dhe miqtë e së ndjerës për nder të së cilës u zhvillua një ceremoni në një kishë në afërsi të Pallatit Bakingam. Ceremonia u hap nga djali i vogël i princeshës, që nisi fjalën e rastit me përshtypjet e tij si bir për një nënë që "i kishte bërë të lumtur djemtë e saj dhe që njëherazi kishte bërë të lumtur edhe shumë njerëz të tjerë me praninë e saj dhe me devocionin që gjithmonë kishte treguar ndaj më të varfërve dhe njerëzve në nevojë. Vitet që pasuan vdekjen e princeshës u mbushën me spekulime nga më të ndryshmet për mënyrën se si vdiq, nga gjyqe e procese të gjatë si dhe nga botimi i librave nga njerëzit e afërm të saj, të cilët në të gjitha mënyrat shfrytëzuan Dianën për të bërë para, sepse ajo ishte gjithmonë një "mall" që shitej, madje edhe pas vdekjes. Në fjalën e tij, peshkopi i Londrës tha se ishte koha që "Diana të lihej në paqe më në fund. Nuk duhet më që emri dhe imazhi i saj të përdoret për qëllime përfitimi të çfarë do lloji dhe se ky ishte momenti që gjithë kësaj t‘i jepej fund". Vetë princi Harri ishte 12 vjeç kur e ëma e la dhe në fjalën e tij ai tha se "vdekja e saj ishte shumë tronditëse dhe e dhimbshme dhe u kishte ndryshuar si atij edhe Ulliamit jetën krejtësisht". Djemtë në fjalën e tyre thanë se nuk do të harronin kurrë mënyrën se si ajo i kishte dashur, se si ishin zbavitur së bashku, të qeshurën e saj përqafimet dhe të gjitha kujtimet e tjera me të cilat jetojnë ende. "Ne e kujtojmë dhe mendojmë çdo ditë për nënën tonë dhe kjo na jep shumë forcë. Në ceremoninë përkujtimore u lexuan letra nga pjesëtarë të tjerë të familjes së princeshës dhe në të u përfshinë edhe pjesë klasike të preferuara të saj si kompozime nga Rahmaninovi dhe Moxarti. Ndërsa Diana u përkujtua në shumë qytete të Britanisë së Madhe, ku njerëzit sollën ndër mend jo vetëm princeshën, por edhe dhimbjen e madhe mbarëkombëtare që përfshiu të gjithë në Angli, një tjetër person që humbi jetën në aksidentin fatkeq ishte i dashuri i saj, Dodi al Fayed. Për çiftin, në magazinën më të famshme të Londrës "Harrods", e cila është pronë e babait të Dodit, shitëset kanë mbajtur dy minuta heshtje. Në ceremoninë e Londrës merrnin pjesë të gjithë anëtarët e familjes mbretërore, e cila 10 vjet më parë, ndërsa po përcillte Dianën, përjetoi edhe një nga krizat e veta më të rënda duke qenë se shumëkush e shihte atë si shkaktaren e vdekjes së princeshës. Edhe pse në atë kohë goditja dukej vdekjeprurëse, sot zhurma e madhe dhe pakënaqësia janë fashitur dhe anglezët janë kthyer sërish në marrëdhënien e tyre të respektit dhe nderimit për monarkinë.




Shqip

[no name]

Paris

Turistët pelegrinazh për princeshën



Parisi veç Londrës është kryeqyteti i dytë që ka përkujtuar 10-vjetorin e vdekjes së princeshës Diana, duke qenë se në këtë metropol ajo humbi jetën në aksidentin tragjik nën urën e Almasë. Ura, që nga 31 gushti i vitit 1997 është kthyer në një vend pelegrinazhi për ata që e deshën dhe e respektuan të ndjerën. Edhe dje, parizienët dhe turistët e kryeqytetit të dritave kanë vendosur foto dhe lule në buzë të urës. Parisi nuk ka bërë përkujtime apo ceremoni zyrtare por ka pasur kërkesa nga persona e grupe të ndryshme, që për nder të princeshës të ngrihet një memorial, ose monument diku në afërsi të zonës ku ajo humbi jetën së bashku me të dashurin e saj, Dodi al Fayed. Hetimet zyrtare franceze përfunduan para disa vitesh dhe sipas tyre shkaktari i tragjedisë ishte shoferi i makinës së princeshës. Po dje, në Paris, ka pasur nga ata turistë që erdhën vetëm për të përkujtuar Dianën, në vendin e fatkeqësisë së saj, pikërisht në statujën e Flakës së Artë mbi urë, që është simbol i miqësisë franko-amerikane, e cila për dhjetë vjet rresht është kthyer në një vend të shenjtë për të gjithë dashamirësit e saj.




Shqip

[Bejbi]

prehshin te qete atje ku jane qe te dyja, po lady d ishte njeri shume e vecante,
pastaj kur e kujtoj me mbushen syte me lote ka ik nga bota tre dite para ditlindjes time,

hahahahahahahahahhahahahahah

[bili99]

Shpirti debore Diana

Ike nga bota e padrejtesise,
Mbreteresha pa kurore.
Mbreteresha e vegjelise.
shpirt i bardhe debore...

Bukuroshe dhe zemermadhe,
Ju duke e vogel vehtes,Ti princeza.
Kur ne krahe te morri moj sorkadhe,
Engjelli i miresise, Nene Tereza.

U largove prej kesaj jete,
Mos te harrohesh kurre.
Ti shojti shume amanete,
Nje mbreteri, nje burre...

U preht e qete nje grua e rendomte, e zakonshme e jashtzakonshme, e njerezishme...Princezat e verteta jane jasht mbreterise dhe te tilla mbesin...