Ja Kush Eshte Shqiperia Dhe Qeveria E Saj

[bebushja]

Dhjetë përparësi të Shqipërisë


Fejton nga Ymer Minxhozi
30-08-2007







Gjatë rrugës për në Evropë (se, mesa duket ne jemi akoma në Afrikë), Shqipëria ka një numër përparësish që na mbushin me besim se një ditë prej ditësh edhe ne do të na njohin si banorë të kontinentit ku kemi lindur e jemi rritur denbabaden. Këto përparësi unë jam përpjekur t’i përmbledh në dhjetë pika, megjithëse ato mund të jenë shumë më tepër.
Përparësia e parë:

Shqipëria e sotme ka një kryeministër që bie në ujë e del pa u lagur. Gjë që, mesa dimë ne, është e vështirë ta gjesh në një vend tjetër evropian. Ai është aq i aftë e i kualifikuar, saqë nuk i hyri asnjë gjemb në këmbë edhe pasi shkatërroi shtetin në vitin 1997-të, as për kontrabandën e naftës në favor të Millosheviçit në vitet 1994-96, në kohën e embargos ndërkombëtare kundër Jugosllavisë dhe as për grushtin e shtetit në shtator 1998-të. Tani s’na mbetet gjë tjetër, veçse të shpresojmë se “Evropi” do të dijë ta vlerësojë këtë aftësi të kryeministrit shqiptar kur të vijë puna për të na ftuar në radhët e veta.

Përparësia e dytë:

Ne zëmë vendin e parë në Evropë për konsumin e qirinjve për frymë të popullsisë, duke ia kaluar edhe shtetit të Vatikanit. Kjo ka një vlerë të madhe morale e qytetare, sepse me dritën e shenjtë të qirinjve qeveria jonë i ndriçon popullit rrugën për në BE. Sapo bie muzgu, shtëpitë shqiptare – në fshat dhe në qytet – marrin pamjen e tempujve misteriozë të kishave dhe koshëzave, ku njerëzit luten për qeverinë e tyre. Shqipëria e sotme është faltorja më e madhe dhe vendi më i shenjtë i Evropës. Asnjë popull tjetër nuk i mban sytë nga qielli, si ne shqiptarët, dhe kjo do të mbahet parasysh kur të na venë notën e përmbushjes së standardeve.

Përparësia e tretë:

Shqipëria ka Ministrinë e Punëve të Jashtme më evropiane në gjithë kontinentin. Ajo jep shembujt më konkretë jo vetëm sesi mund të shkohet në Evropë, por edhe mënyrat sesi mund të flihet në një shtrat me Evropën. Ministri i Jashtëm është martuar me një grua holandeze; zv.ministrja e Jashtme është martuar me një burrë turk; sekretari i përgjithshëm i Ministrisë së Punëve të Jashtme është martuar me një grua franceze. Me pak fjalë, një internacionale e vërtetë e diplomacisë tonë, që na mbush me krenari të gjithëve.

Përparësia e katërt:

Ne jemi ai vend i Evropës ku kryeministri dhe ministrat e qeverisë japin direktiva konkrete sesi duhet të shkruhet historia e kombit. Asnjë qeveri tjetër nuk është në gjendje të marrë përsipër përgjegjësi të tilla. Jo se ata nuk e duan historinë e kombit të tyre, por sepse këtë punë e konsiderojnë përgjegjësi të historianëve. Ndërsa qeveria shqiptare i ka edhe njohuritë, edhe kohën për t’u marrë me historinë. Kësaj i thonë ta kapësh demin nga brirët. Është vërtetuar tashmë se të gjitha të këqijat dhe mungesat e këtij vendi (duke përfshirë edhe krizën e dritave dhe të ujit), na kanë ardhur jo nga shkatërrimi i termocentraleve dhe plantacioneve të mbjella, jo nga mbyllja e minierave dhe industrive, jo nga emigrimi i rinisë nëpër botë, por ngaqë historinë tonë nuk e ka shkruar vetë mjeku Berisha, në bashkëpunim me Uran Butkën. Tani që u gjet rrënja e së keqes, do ta shihni sa mbarë do të na venë punët.

Përparësia e pestë:

Shqipëria është vendi me dy kushtetuta, një luks që nuk e ka asnjë vend tjetër i Evropës. Njëra është kushtetuta e shekullit të 15-të dhe që quhet Kanun, tjetra është kushtetuta e ndërtuar sipas të gjitha modeleve evropiane. Ky fakt na shërben ne, për të plotësuar të gjitha standardet e pranimit në BE. Në qoftë se të tjerët ecin vetëm me një këmbë (sepse kanë vetëm një kushtetutë), ne ecim me dy. Njërën këmbë e mbajmë në shekullin e 15-të dhe tjetrën në shekullin e 21-të. Njëra, ajo e para, të vret ose të mban të ngujuar familjarisht, e dyta t’i jep të gjitha liritë – në qoftë se arrin të mbetesh i gjallë nga e para.

Përparësia e gjashtë:

Ne i kemi habitur fqinjët tanë evropianë duke shkripëzuar ujin e detit për të furnizuar qytete të mëdha si Durrësi dhe plazhet. Kjo arritje teknologjike shqiptare ka ngjallur zilinë e disa vendeve përtej kontinentit tonë, të cilat janë ofruar të blejnë patentën direkt nga kryeministri, i cili është edhe autori i saj, por ai nuk ka pranuar ta shesë, sepse kjo përbën një arritje panevropiane.

Përparësia e shtatë:

Ne kemi asfaltuar ose do të asfaltojmë plot 6.000 kilometra rrugë, aq sa është gjatësia e Murit Kinez. Kjo koincidencë fatlume me njërën nga shtatë mrekullitë e botës flet qartë për madhështinë qeverisëse. Por, meqenëse Shqipëria ka vetëm 4500 kilometra rrugë të të gjitha kategorive, 1500 km që teprojnë do t’i asfaltojmë jashtë kufirit tonë shtetëror, në vendet fqinje, në mënyrë që t’i ndihmojmë edhe ato për t’u pranuar në Evropë.

Përparësia e tetë:

Shqipëria ka pushtetarët më të përkushtuar në kontinent. Po arriti kryetari i partisë të bëhet kryeministër apo president, atij i vihet stampa “lider historik” dhe nuk largohet nga ai vend derisa të ketë frymën. Këtë ata e bëjnë vetëm për t’i shërbyer popullit. Në asnjë mënyrë për interesat personale. Edhe në qoftë se, pa dashur, liderët historikë grumbullojnë ndonjë pasuri që as vetë nuk e dinë nga u ka ardhur, ata nuk mbajnë asgjë për vete dhe ua kalojnë njerëzve më në nevojë – vajzave, grave apo dhëndurëve. Asgjë për vete. Në qoftë se lideri ka nevojë për ndonjë pushim a ndonjë shëtitje shëndetësore në Dubai, Kapri apo Sharm El Sheik, këtë e bëjnë vetëm me shpenzimet e shoqatave bamirëse. Për shtetarë të tillë të lartë, me duar të pastra, Evropa ka shumë nevojë dhe shembulli i qeveritarëve shqiptarë përbën një përparësi për të gjithë ne.

Përparësia e nëntë:

Deri sot ne nuk kemi dëgjuar që Evropa të ketë kryeministra që të thonë: Prapa më vjen historia! Ndërsa Shqipëria zotëron kapacitete të tilla intelektuale, që mund ta detyrojnë historinë t’ju vijë pas si manare. A duhet ta mbajmë këtë pasuri të madhe intelektuale vetëm në kornizën shqiptare apo t’i ndihmojmë dhe të tjerët? Mendoj se edhe në këtë fushë ne nuk duhet të rrimë të mbyllur, por ta eksportojmë këtë specie shtetari. Studiuesit e globalizmit kanë rastin të mësojnë se Shqipëria tremilionëshe është në gjendje të japë jo vetëm një milion barinj dhish, kamarierë hotelesh apo argatë plantacionesh me diploma në xhep, por edhe koka universale që u shkon pas historia.

Në fund, e dhjeta, një përparësi-shtesë:

Para ca kohësh, kryeministrin hungarez për pak e rrëzuan nga posti, sepse kishte bërë një premtim të gënjeshtërt gjatë fushatës elektorale. Edhe kundër kryeministrit shqiptar do të ngrihet populli e të kërkojë rrëzimin e tij, por kjo do të ndodhë vetëm atë ditë që do të merret vesh se kryeministri ynë paska mbajtur njërin prej 1001 premtimeve të fushatës elektorale. Natyrisht kjo çudi s’ka për të ndodhur kurrë, gjë që përbën një garanci plus se në Shqipëri ka stabilitet të plotë qeverisjeje – përparësi kjo që vlerësohet aq shumë në këtë botë plot turbullira.

[JestersWorld]

Sa cud qe keto tema mbeten gjithmone pa komentare brarike... cudi cudi

[TOKE GEGA]

Dhjetë përparësi të Shqipërisë


Fejton nga Ymer Minxhozi
30-08-2007







Gjatë rrugës për në Evropë (se, mesa duket ne jemi akoma në Afrikë), Shqipëria ka një numër përparësish që na mbushin me besim se një ditë prej ditësh edhe ne do të na njohin si banorë të kontinentit ku kemi lindur e jemi rritur denbabaden. Këto përparësi unë jam përpjekur t’i përmbledh në dhjetë pika, megjithëse ato mund të jenë shumë më tepër.
Përparësia e parë:

Shqipëria e sotme ka një kryeministër që bie në ujë e del pa u lagur. Gjë që, mesa dimë ne, është e vështirë ta gjesh në një vend tjetër evropian. Ai është aq i aftë e i kualifikuar, saqë nuk i hyri asnjë gjemb në këmbë edhe pasi shkatërroi shtetin në vitin 1997-të, as për kontrabandën e naftës në favor të Millosheviçit në vitet 1994-96, në kohën e embargos ndërkombëtare kundër Jugosllavisë dhe as për grushtin e shtetit në shtator 1998-të. Tani s’na mbetet gjë tjetër, veçse të shpresojmë se “Evropi” do të dijë ta vlerësojë këtë aftësi të kryeministrit shqiptar kur të vijë puna për të na ftuar në radhët e veta.

Përparësia e dytë:

Ne zëmë vendin e parë në Evropë për konsumin e qirinjve për frymë të popullsisë, duke ia kaluar edhe shtetit të Vatikanit. Kjo ka një vlerë të madhe morale e qytetare, sepse me dritën e shenjtë të qirinjve qeveria jonë i ndriçon popullit rrugën për në BE. Sapo bie muzgu, shtëpitë shqiptare – në fshat dhe në qytet – marrin pamjen e tempujve misteriozë të kishave dhe koshëzave, ku njerëzit luten për qeverinë e tyre. Shqipëria e sotme është faltorja më e madhe dhe vendi më i shenjtë i Evropës. Asnjë popull tjetër nuk i mban sytë nga qielli, si ne shqiptarët, dhe kjo do të mbahet parasysh kur të na venë notën e përmbushjes së standardeve.

Përparësia e tretë:

Shqipëria ka Ministrinë e Punëve të Jashtme më evropiane në gjithë kontinentin. Ajo jep shembujt më konkretë jo vetëm sesi mund të shkohet në Evropë, por edhe mënyrat sesi mund të flihet në një shtrat me Evropën. Ministri i Jashtëm është martuar me një grua holandeze; zv.ministrja e Jashtme është martuar me një burrë turk; sekretari i përgjithshëm i Ministrisë së Punëve të Jashtme është martuar me një grua franceze. Me pak fjalë, një internacionale e vërtetë e diplomacisë tonë, që na mbush me krenari të gjithëve.

Përparësia e katërt:

Ne jemi ai vend i Evropës ku kryeministri dhe ministrat e qeverisë japin direktiva konkrete sesi duhet të shkruhet historia e kombit. Asnjë qeveri tjetër nuk është në gjendje të marrë përsipër përgjegjësi të tilla. Jo se ata nuk e duan historinë e kombit të tyre, por sepse këtë punë e konsiderojnë përgjegjësi të historianëve. Ndërsa qeveria shqiptare i ka edhe njohuritë, edhe kohën për t’u marrë me historinë. Kësaj i thonë ta kapësh demin nga brirët. Është vërtetuar tashmë se të gjitha të këqijat dhe mungesat e këtij vendi (duke përfshirë edhe krizën e dritave dhe të ujit), na kanë ardhur jo nga shkatërrimi i termocentraleve dhe plantacioneve të mbjella, jo nga mbyllja e minierave dhe industrive, jo nga emigrimi i rinisë nëpër botë, por ngaqë historinë tonë nuk e ka shkruar vetë mjeku Berisha, në bashkëpunim me Uran Butkën. Tani që u gjet rrënja e së keqes, do ta shihni sa mbarë do të na venë punët.

Përparësia e pestë:

Shqipëria është vendi me dy kushtetuta, një luks që nuk e ka asnjë vend tjetër i Evropës. Njëra është kushtetuta e shekullit të 15-të dhe që quhet Kanun, tjetra është kushtetuta e ndërtuar sipas të gjitha modeleve evropiane. Ky fakt na shërben ne, për të plotësuar të gjitha standardet e pranimit në BE. Në qoftë se të tjerët ecin vetëm me një këmbë (sepse kanë vetëm një kushtetutë), ne ecim me dy. Njërën këmbë e mbajmë në shekullin e 15-të dhe tjetrën në shekullin e 21-të. Njëra, ajo e para, të vret ose të mban të ngujuar familjarisht, e dyta t’i jep të gjitha liritë – në qoftë se arrin të mbetesh i gjallë nga e para.

Përparësia e gjashtë:

Ne i kemi habitur fqinjët tanë evropianë duke shkripëzuar ujin e detit për të furnizuar qytete të mëdha si Durrësi dhe plazhet. Kjo arritje teknologjike shqiptare ka ngjallur zilinë e disa vendeve përtej kontinentit tonë, të cilat janë ofruar të blejnë patentën direkt nga kryeministri, i cili është edhe autori i saj, por ai nuk ka pranuar ta shesë, sepse kjo përbën një arritje panevropiane.

Përparësia e shtatë:

Ne kemi asfaltuar ose do të asfaltojmë plot 6.000 kilometra rrugë, aq sa është gjatësia e Murit Kinez. Kjo koincidencë fatlume me njërën nga shtatë mrekullitë e botës flet qartë për madhështinë qeverisëse. Por, meqenëse Shqipëria ka vetëm 4500 kilometra rrugë të të gjitha kategorive, 1500 km që teprojnë do t’i asfaltojmë jashtë kufirit tonë shtetëror, në vendet fqinje, në mënyrë që t’i ndihmojmë edhe ato për t’u pranuar në Evropë.

Përparësia e tetë:

Shqipëria ka pushtetarët më të përkushtuar në kontinent. Po arriti kryetari i partisë të bëhet kryeministër apo president, atij i vihet stampa “lider historik” dhe nuk largohet nga ai vend derisa të ketë frymën. Këtë ata e bëjnë vetëm për t’i shërbyer popullit. Në asnjë mënyrë për interesat personale. Edhe në qoftë se, pa dashur, liderët historikë grumbullojnë ndonjë pasuri që as vetë nuk e dinë nga u ka ardhur, ata nuk mbajnë asgjë për vete dhe ua kalojnë njerëzve më në nevojë – vajzave, grave apo dhëndurëve. Asgjë për vete. Në qoftë se lideri ka nevojë për ndonjë pushim a ndonjë shëtitje shëndetësore në Dubai, Kapri apo Sharm El Sheik, këtë e bëjnë vetëm me shpenzimet e shoqatave bamirëse. Për shtetarë të tillë të lartë, me duar të pastra, Evropa ka shumë nevojë dhe shembulli i qeveritarëve shqiptarë përbën një përparësi për të gjithë ne.

Përparësia e nëntë:

Deri sot ne nuk kemi dëgjuar që Evropa të ketë kryeministra që të thonë: Prapa më vjen historia! Ndërsa Shqipëria zotëron kapacitete të tilla intelektuale, që mund ta detyrojnë historinë t’ju vijë pas si manare. A duhet ta mbajmë këtë pasuri të madhe intelektuale vetëm në kornizën shqiptare apo t’i ndihmojmë dhe të tjerët? Mendoj se edhe në këtë fushë ne nuk duhet të rrimë të mbyllur, por ta eksportojmë këtë specie shtetari. Studiuesit e globalizmit kanë rastin të mësojnë se Shqipëria tremilionëshe është në gjendje të japë jo vetëm një milion barinj dhish, kamarierë hotelesh apo argatë plantacionesh me diploma në xhep, por edhe koka universale që u shkon pas historia.

Në fund, e dhjeta, një përparësi-shtesë:

Para ca kohësh, kryeministrin hungarez për pak e rrëzuan nga posti, sepse kishte bërë një premtim të gënjeshtërt gjatë fushatës elektorale. Edhe kundër kryeministrit shqiptar do të ngrihet populli e të kërkojë rrëzimin e tij, por kjo do të ndodhë vetëm atë ditë që do të merret vesh se kryeministri ynë paska mbajtur njërin prej 1001 premtimeve të fushatës elektorale. Natyrisht kjo çudi s’ka për të ndodhur kurrë, gjë që përbën një garanci plus se në Shqipëri ka stabilitet të plotë qeverisjeje – përparësi kjo që vlerësohet aq shumë në këtë botë plot turbullira.

Myku i veshit: Si të mbrohemi gjatë plazhit

Kujdesi që duhet treguar ndaj sezonit veror për të mbajtur larg infeksionet e veshit
Larja në pishina apo në det të papastër mund të bëhet shkak për shfaqjen e një sërë komplikacionesh të rënda të veshit. Të cilat mund të kalojnë deri në infeksione që kërkojnë një trajtim të gjatë me medikamente. Ndërkohë që efektet në shëndet mund të jenë tepër të rënda. Infeksionet e veshit janë të pranishme në masë, sidomos te fëmijët e vegjël. Nga shumëllojshmëria e infeksioneve më të përhapura janë ato që në gjuhën mjekësore njihen si otimukoza të kanalit të veshit ( krijimi i mykut në vesh në formë pezmatimi). Pjesa më e madhe e këtyre komplikacioneve, shfaqen si pasojë e mbledhjes së mikrobeve të ndryshme në zona të caktuara të kanalit të veshit në pjesën e jashtme. Të gjitha këto shkaktohen nga lagështia e tepërt, e pasur me mikrobe që hyjnë në këtë segment. Shqetësuese gjendja mbetet sidomos për ata persona të cilët frekuentojnë pishinat, ku këto të fundit janë dhe më të rrezikshme në këtë drejtim. Kështu, në një intervistë për gazetën “Metropol“, mjeku otoriatër, Petrit Stafa, shpjegon të gjitha këshillat dhe trajtimet që duhen ndjekur për të mos u prekur nga kjo sëmundje e cila mund të marrë përmasa të rënda, nëse nuk trajtohet që në fazat e para. Kjo, pasi ndikon në uljen e aftësisë për të dëgjuar. Infeksionet e veshit, ose otomykoza prek të gjitha moshat, por në masë dhe më shumë ndihen te fëmijët e vegjël. Sipas doktorit, e rëndësishme në trajtimin e këtyre infeksioneve është shfaqja e kujdesit gjatë sezonit të plazhit dhe evitimi i ambienteve të ndotura apo që kanë shumë lagështirë. “Trajtimi medikamentoz i sëmundjes duhet realizuar vetëm pas këshillimit me mjekun përkatës dhe jo të merren ilaçe vetë në farmaci pa rekomandimin e duhur “, shprehet doktori. Më poshtë do të gjeni të shpjeguara shkaqet dhe faktorët që çojnë në shfaqjen e mykut në kanalin e veshit, si dhe trajtimet e kujdesin që duhet treguar për të shmangur krijimin e infeksionit.

Shumë pacientë ankohen sa pas vajtjes në plazh apo në pishina ndiejnë dhimbje të forta në vesh. Çfarë ndodh në këtë rast dhe nga se shkaktohen këto dhimbje?

Këto dhimbje shkaktohen si pasojë e pezmatimit të kanalit të jashtëm të veshit, që në pjesën më të madhe të rasteve shkaktohen nga lagështia. Krijimi i lagështisë së tepërt në vesh mund të bëhet shkak për dëmtimin e pjesëve të këtij organi dhe kryesisht ato të shtresave të mesme. Ndërkohë që kjo lagështi e mbledhur në zonën që njihet ndryshe si kanali i mesëm i veshit, mund të kalojë në një infeksion të një forme më të rëndë dhe për pasojë të arrijë deri në atë pikë sa të dëmtojë aftësinë e dëgjimit. Ndërsa bërja e vizitave te mjeku përkatës sa më shpejt që të jetë e mundur, mund të ndihmojë në eliminimin dhe në trajtimin e infeksioneve pa kaluar në një gjendje më të rënduar. Krijimi i këtyre infeksioneve vjen si pasojë e kombinimi të disa faktorëve kërcënues të cilët shfaqen në momente të caktuara. Kështu, në këtë stinë, kohë në të cilën fillon dhe sezoni i plazhit, duhet bërë shumë kujdes, sepse në një pjesë të konsiderueshme të kohës veshi është i ekspozuar ndaj ambienteve të lagështa. Shfaqja e këtyre infeksioneve është ndërlidhur dhe me kalimin e infeksionit në shtresat e ndryshme të veshit, ku pjesa e jashtë dhe veçanërisht ajo që njihet si kanali i veshit, është më e ekspozuar ndaj këtyre shqetësimeve pasi aty mblidhe një sërë mikrobesh të cilat mund të çojnë në një pezmatim dhe komplikacione të gjendjes shëndetësore të pacientit. Ndërkohë që shfaqja e infeksioneve në masë mund të vijë edhe nga larja në dush se dhe uji aty mund të përmbajë mikrobe të shumta, si dhe nga frekuentimi i pishinave dhe ujërave të plazhit. Më problematiku mbetet frekuentimi i pishinave, pasi në këto të fundit qarkullimi i ujit nuk është shumë i shpeshtë dhe si pasojë të gjitha infeksionet e mbledhura aty kalojnë dhe në vesh duke çuar në krijimin e infeksionit. Ky i fundit mbetet në kanalet e veshit për shumë kohë. Kjo çon në rëndimin e gjendjes edhe më shumë. Gjithashtu dhe frekuentimi i ambienteve të papastra dhe larja në dush mund të bëhen shkak për shfaqjen e këtyre lloj infeksionesh.

Cilat janë simptomat dalluese të otomykozës, që një pacient të kuptojë se vuan nga kjo sëmundje?

Shfaqja e kësaj sëmundjeje mund të kapet shumë lehtë që në fazat e saj fillestare, sepse shfaqet që në fillim me simptoma të dukshme. Në këto kushte janë shumë të pakta rastet kur mund të jetë krijuar myku në kanalin e veshit dhe të mos kuptohet shpejt nga pacienti. Kjo, pasi mbledhja e infeksionit në zona të caktuara, duke bllokuar kanalin e veshit bën që të shfaqen menjëherë dhimbje të forta të veshit. Dhimbje të cilat vijnë duke u shtuar gradualisht dhe nëse lihen pa trajtuar, atëherë mund të kalojnë dhe në infeksione të formës së rëndë, të cilat duan një kujdes shumë të veçantë trajtimi. Përveç dhimbjes së fortë shqetësuese, ndodh që pacienti të ndjejë dhe një si zhurmë në formë “sssss”, të vazhdueshme e cila bëhet gjithnjë e më shumë bezdisëse. Fillimisht ndodh kruarja e veshit e cila mund të bëhet bezdisë dhe zgjat për rreth tre katër ditë. Më pas fillon shfaqja e dhimbjes, e cila vjen duke u rritur gjithnjë e më tepër duke arritur kulmin në orët e vona të mbasdites. Shtimi i saj bën të mundur dhe shfaqjen e sekrecioneve të lëngëta që mbajnë një erë shumë të keqe dhe të rëndë. Në këtë rast është shumë e nevojshme që të bëhet trajtimi sa më shpejt i sëmundjes, sepse gjendja mund të kalojë dhe në faza të rënduara ku mund të arrihet deri në dobësimin e aftësisë së dëgjimit.

Sa e rrezikshme mund të jetë kjo sëmundje për pacientin?

Mund të jetë shumë e rrezikshme, pasi ndikon dhe në organet e tjera të trupit. Kështu infeksioni mykotik mund të kalojë dhe në pjesët e brendshme të veshit, duke e thelluar dhe më shumë shfaqjen e infeksionit dhe si e tillë do të shfaqen komplikacione të tjera që lidhen me receptorët e nervorë si dhe me bllokim të kanalit të hundëve apo dhimbje koke. Ndërkohë që ato shoqërohen dhe me rritjen e temperaturës dhe ënjtjen e veshit dhe krijimin e një pezmatimi të rëndë. Kalimi i infeksionit mund të bëhet dhe në pjesë të tjera të organizmit, pasi një temperaturë e lartë shfaq probleme të shumta.

Cilat janë kategoritë që rrezikohen më shumë nga kjo sëmundje?

Që të gjitha moshat preken nga otitet mykotike. Mjafton që të ekspozohet veshi ndaj faktorëve shkaktues që u përmendën pak më lart dhe asnjë nuk mund të shpëtojë nga krijimi i mykut në këtë pjesë të veshit. Por ajo që është më problematike në këtë rast mbetet gjendja te fëmijët të cilët janë dhe më delikatë. Këta të fundit, për shkak të imunitetit të dobët trupor, e kanë shumë të vështirë që të përballojnë simptomat dhe efektet negative që mund të lërë kjo sëmundje. Pothuajse të njëjtën gjë mund të them dhe për personat e moshës të tretë të cilët mund të vuajnë njëlloj nga këto simptoma, ndaj është shumë e rëndësishme që të bëhet kujdes nga faktorët shkaktues. Eliminimi i faktorëve shkaktues është dhe një ndër kurat më të mira që duhet për trajtimin e mykut të krijuar në vesh. Kujdes të madh duhet të tregojnë prindërit veçanërisht ndaj fëmijëve të vegjël. Por ajo që është karakteristike dhe që e përmendem më lart, të gjitha moshat preken nga infeksionet mykotike por pasojat e saj ndryshojnë në grupe të caktuara. Këshilla me mjekun përkatës për eliminimin e faktorëve shkaktues mund të ndikojë dhe në shmangien e pasojave të rënda që lë infeksioni i mbledhur në kanalin e veshit. Si dhe nga ana tjetër, duhet bërë shumë kujdes që të arrihet një trajtim i ekuilibruar si në medikamente, ashtu dhe në trajtimin jomedikamentoz të saj.

Si duhet të jenë trajtimet mjekësore në mënyrë që të shmanget sëmundja apo komplikacionet e saj që në fazat fillestare?

Trajtimi i sëmundjes bëhet në forma të ndryshme në varësi të ecurisë së saj dhe në bazë të veçorive individuale të çdo pacienti. Mjeku specialist, pas kontrollit të imtësishëm që bën ndaj simptomave të shfaqura, përcakton dhe diagnozën trajtuese të kësaj sëmundjeje. Kështu, trajtimi fillimisht mund të konsistojë në pastrimin apo bërjen lavazh të kanalit të veshit dhe kjo ndihmon në heqjen dhe shpërndarjen e grumbullit të infeksionit të mbledhur në zona të caktuara. Si dhe nëpërmjet një fitili, deri në mesin e veshit, arrihet që të shpërndahet i gjithë pezmatimi i mbledhur. Njëkohësisht bëhet dhe trajtimi medikamentoz në të cilin hidhen antibiotikët në vesh për të trajtuar dhe kuruar zonën në të cilën më parë ishte mbledhur pezmatimi dhe që kishin çuar në ënjtjen e veshit. Dhënia e ilaçeve është e ndryshme për pacientë të ndryshëm në varësi të sëmundjes. Ndërkohë që kur ato nuk japin efekt në përmirësimin e gjendjes, atëherë kërkohet ndërhyrja kirurgjikale. Ndër antibiotikët më të zakonshëm që jepen për fëmijët në këtë rast do të përmendim Lakortenin, por gjithmonë me recetë të mjekut. Është e rëndësishme që të shmanget marrja e ilaçeve qetësuese vetë në farmaci, pa rekomandim, sepse ato nuk ndikojnë në përmirësimin e situatës, vetëm sa mund ta rëndojnë dhe më shumë.

Cilat janë komplikacionet që shoqërojnë pacientin nëse sëmundja nuk merr trajtimin në kohën e duhur?

Ashtu si për çdo sëmundje tjetër, nëse nuk merret në kohë trajtimi, komplikacionet që shfaqen më pas janë të shumta. Në rastin konkret mund të kalohet në probleme më të rënda si për organizmin, ashtu dhe veçanërisht për vetë organin e dëgjimit. Moskurimi i saj në kohë bën që sëmundja të transmetohet edhe më thellë në brendësi të veshit duke dëmtuar dhe shtresat e brendshme të veshit. Njëkohësisht, pacienti në këtë rast mund të ndiejë lodhje të shumta dhe e ka shumë të vështirë që të ambientohet me zhurmat e ambientit. Ndërkohë që është e rëndësishme që të trajtohet sa më shpejt që të jetë e mundu,r që të mos kalojë qelbëzimi apo krijimi i pezmatimit më të rëndë dhe në pjesën e brendshme të veshit të cilat janë të lidhura me hundën dhe mund të kalojnë deri në organet e tjera të trupit, madje dukea rritur deri në dëmtimin e receptorëve nervorë. Kështu që do të shfaqen kopmplikacione të rënda që përveç humbjes së aftësisë së dëgjimit, do të çonin dhe në probleme të sistemit nervor. E theksoj dhe njëherë: prindërit duhet të tregojnë shumë kujdes, sidomos me fëmijët.

Sa i efektshëm është përdorimi i medikamenteve si dhe në cilat raste është e këshillueshme që të ndërhyhet me anë të operacioneve?

Zhvillimi i infeksionit apo qelbëzimit të kanalit të veshit deri në një formë shumë të rënduar e cila nuk merr trajtimin e duhur me anë të përdorimit të medikamenteve, e bën që i vetmi shërim për pacientin të jetë zhvillimi i operacionit. Ndërhyrjet kirurgjikale janë të rralla, por ndodhin. Në të tilla raste është dëmtuar në masë kanali i veshit, i cili për shkak të fryrjes dhe enjtjes është gërryer dhe ka kaluar deri në çarje. Në të tilla raste, pas një ekspertizë thellë që bëhet nga mjeku specialist, përcaktohet nëse pacienti ka mundësi që të kurojnë sëmundjen nëpërmjet ndërhyrjes kirurgjikale, por pa dëmtuar aftësinë e dëgjimit. Këto jepen vetëm në rastet kur është e pamundur që të trajtohet sëmundja me anë të medikamenteve, por gjithmonë duhet bërë kujdes që të përcaktohet koha e duhur për zhvillimin e operacionit, sepse dhe kjo luan një rol të rëndësishme në trajtimin e sëmundjes.

Kujdes

Një rol të rëndësishëm në parandalimin e sëmundjeve dhe të infeksioneve që shfaqen në vesh luan edhe pastërtia higjienike që mbahet ndaj veshit. Kjo sidomos në rastin e krijimit të shtresave të shumta të dyllit, i cili mund të bëhet shkak dhe për rëndimin e sëmundjes edhe më shumë. Për të shmangur infeksionet në vesh, duhet mbajtur një higjienë e rreptë, duke mbajtur zonën përreth kanalit të veshit sa më pastër që të jetë e mundur. Kjo sepse veshi i jashtëm zë një lëndë të verdhë në formën e dyllit, i cili ka veti ngjitëse. Në të mund të ngecin papastërti të ndryshme me baktere. Këto papastërti vështirësojnë kalimin e valëve zanore deri te daullja. Për këto arsye veshët duhen mbajtur të pastër duke pastruar vazhdimisht dyllin. Pastrim nuk duhet bërë me mjete të forta, si kunja shkrepëseje ose karfica hekuri. Ato ndikojnë në dobësimin dhe çarjen e daulles së veshit. Për një pastrim normal duhet përdorur pak glicerinë e pastër dhe pas saj të bëhet shpëlarja me ujë të vakët. Është e nevojshme që të shmangen zhurmat e forta. Tingujt e lartë dhe të vazhdueshëm e lodhin daullen e veshit dhe bëjnë që asaj t’i humbasë elasticiteti i duhur. Mjediset urbane me zhurma të shumta dhe të forta janë të dëmshme për veshin. Në objektet industriale ku zhurmat e makinerive janë të forta, duhet përdorur kufjet të cilat pengojnë depërtimin e tingujve në vesh.

Efektet pozitive të alkoolit borik

Si të evitoni faktorët shkaktues

Më e rëndësishmja dhe më e mira në trajtimin e kësaj sëmundjeje është bërja kujdes ndaj lagështirës. Minimizimi i faktorëve të përmendur më lart si shkaktarët kryesorë të sëmundjes, janë dhe kura më e mirë për trajtimin e saj. Kështu është e këshillueshme që kur shkohet në plazh ose pishina të përdoren tapat në vesh të cilat bllokojnë hyrjen e ujit në vesh dhe të mikrobeve të shumta. Ndërkohë që në masa të tjera parandaluese është edhe përdorimi i alkoolit borik, sa herë që bëhet larje për të bërë tharjen e veshit dhe largimin e mikrobeve dhe të lagështirës. Krijimi i mykut kërkon dhe një regjim të rreptë më pas. Gjithashtu, është e nevojshme që për ata që e kanë të krijuar mykun dhe infeksionin në vesh që të mbajtën sa më larg të jetë e mundur ujin nga veshi. Ata që vuajnë nga otomykoza duhet që të paktën për gjashtë muaj të mbajnë larg rënien e kanalit të veshit në takim me ujin. Gjithashtu, kujdes duhet bërë dhe në zhvillimin e konsultave mjekësore të cilat duhet të jenë sa më të shpeshta, sepse vetëm kështu sëmundja mund të kapet që në fazat e saj fillestare dhe të marrë kurimin e duhur në kohën e duhur. Sa më periodike të jenë vizitat, aq më e mirë do jetë dhe gjendja shëndetësore e pacientit.

· Frekuentimi i pishinave apo plazheve të cilat kanë përmbajtje të lartë mikrobesh, mund të bëhet shkak për shfaqjen e mykut në vesh. Ndërkohë që mbidjersitja, mikrobet, si dhe qëndrimi në lagështirë për një kohë të gjatë, bën që të rëndohet edhe më shumë gjendja e pacientit.

· Fillimisht ndodh kruarja e veshit e cila mund të bëhet bezdisëse dhe zgjat për rreth tre-katër ditë. Më pas fillon shfaqja e dhimbjes e cila vjen duke u rritur gjithnjë e më tepër duke arritur kulmin në orët e vona të pasdites. Shtimi i saj bën të mundur dhe shfaqjen e sekrecioneve të lëngëta që mbajnë një erë shumë të keqe dhe të rëndë.

· Një ndër kurat më të mira për evitimin e mbledhjes së infeksioneve në kanalin e veshit, është mbajtja larg e faktorëve të lagështisë, kështu që për të gjithë është e këshillueshme që edhe pas larjes në dush të përdoren disa pika acid borik, sepse ai ndikon në eliminimin e lagështisë.

· Përveç kësaj, është shumë e rëndësishme që frekuentimi i pishinave të bëhet në mënyrë të kujdesshme. Mund të përmendim përdorimin e tapave në vesh për të shmangur hyrjen e tepërt të ujit dhe infeksioneve që në këto ambiente janë me shumicë.



Trajtimi me anë të ilaçeve

Fillimisht mund të konsistojë në pastrimin apo bërjen lavazh të kanalit të veshit dhe kjo ndihmon në heqjen dhe shpërndarjen e grumbullit të infeksionit të mbledhur në zona të caktuara, si dhe nëpërmjet një fitili deri në mesin e veshit, arrihet që të shpërndahet i gjithë pezmatimi i mbledhur. Njëkohësisht bëhet dhe trajtimi me medikamente, duke hedhur antibiotikët në vesh për të trajtuar dhe kuruar zonën në të cilën më parë ishte mbledhur pezmatimi dhe që kishin çuar në ënjtjen e veshit. Dhënia e ilaçeve është e ndryshme për pacientë të ndryshëm në varësi të sëmundjes. Ndërkohë, që kur ato nuk japin efekt në përmirësimin e gjendjes, atëherë kërkohet ndërhyrja kirurgjikale. Ndër antibiotikët më të zakonshëm që jepen për fëmijët në këtë rast do të përmendim Lakortenin, por gjithmonë me recetë të mjekut. Është e rëndësishme që të shmanget marrja e ilaçeve qetësuese vetë në farmaci, pa rekomandim, sepse ato nuk ndikojnë në përmirësimin e situatës, vetëm sa mund ta rëndojnë dhe më shumë.

Simptomat

Ënjtje e veshit

Pezmatim i kanalit

Dhimbje e fortë

Vështirësi në të dëgjuar

Dhimbje koke

Temperaturë e lartë

Sekrecione

Shkaktarët

Uji i ndotur i plazhit

Infeksionet e ujit të pishinave

Mosmbajtja e higjienës së duhur

Temperaturat e larta

Mbidjersitja