EURO 2008, Shqipëri - Hollandë (0:1)

[no name]

Van Basten, edhe Shqipëria mes rivalëve

Trajneri i Holandës i përfshin kuqezinjtë përkrah Bullgarisë dhe Rumanisë

Marko van Basten, trajneri i Kombëtares holandeze, e ka klasifikuar Shqipërinë mes pengesave më të vështira në Grupin G eliminator. Sipas tij, gara e "tulipanëve" për një vend në fazën finale të Euro 2008 kalon edhe nga Tirana. "Rumania, Bullgaria dhe Shqipëria janë pengesat më të vështira në grupin tonë eliminator", ka deklaruar ai për mediat holandeze. Përfshirja e kuqezinjve mes dy përfaqësueseve të tjera ballkanike ka ardhur vetëm 4 ditë përpara sfidës së 12 shtatorit në "Qemal Stafa", e duket se Van Basten nuk i ka harruar vështirësitë që Shqipëria i ka shkaktuar skuadrës së tij në takimin e zhvilluar në Amsterdam afro një vit më parë. Në 45 minutëshin e dytë të lojës, kur rezultati ishte 2-0 për vendasit, skuadra e Bariçit ka zhvilluar një lojë të jashtëzakonshme, duke bërë atë që edhe përfaqësueset e mëdha botërore nuk e realizojnë shpesh: të vënë me shpatulla pas murit Holandën. "Kemi disa mungesa, por në mënyrë absolute nuk mund të mendojmë se jemi më dobët se kundërshtarët tanë. Këtë duhet ta tregojmë me rezultate dhe kam besim te lojtarët e mi, ka vazhduar tekniku. Objektivi ynë është vetëm kualifikimi në fazën finale të Evropianit 2008. Nëse do të fitojmë në Shqipëri, atëherë do të bënim një hap të madh përpara në klasifikim. Kam besim për këtë transfertë, pasi skuadra pavarësisht moshës së re, është përmirësuar shumë".

Në këtë deklaratë të tijën, ish-legjenda e futbollit holandez, nuk ka llogaritur mes ekipeve më të mira Slloveninë dhe Bjellorusinë. Të dyja këto përfaqësuese cilësohen si rivalët direkt të skuadrës së drejtuar nga Oto Bariç, që pretendon klasifikimin në vendin e katërt në grup. Vetëm pak ditë më parë, Van Basten kishte vlerësuar tifozerinë shqiptare, që me atmosferën në stadium ia bën të vështirë jetën çdo lloj kundërshtari. Madje, ai kishte deklaruar se "edhe në rast barazimi në Tiranë do të ishte i kënaqur". Pas kësaj deklarate, i përpiktë ka qenë edhe reagimi i trajnerit kuqezi: "Nëse Van Basten është i kënaqur me një barazim, atëherë nuk do mend që unë jam super i kënaqur".

Më ekspresiv në deklaratat e tij ka qenë Xhovani van Bronkhorst, i cili ka vlerësuar se rezultati i vetëm i pranueshëm në "Qemal Stafa" është fitorja. "Marrja e tri pikëve në Shqipëri na ndihmon në arritjen e synimeve tona", ka deklaruar ish-lojtari i Barcelonës, që tashmë militon në radhët e Fejnordit. "Pozitat tona në këto eliminatore janë mjaft të mira dhe do të luftojmë deri në fund për të arritur mes dy ekipeve të para të grupit".



Gazeta Shqip

[jack_sparow]

Te treja mundesite mund te ndodhin.Mund te fitoje,te humbe ose te barazoje
Hollanda eshte skuader e mire ,por te gjitha skuadrat e mira kane dobesi perballe te voglave duke i nenvleresuar,gje qe eshte ne favorin tone.Megjithate te shohim .Dolem me ballin lart nga Hollanda megjithese u mundem ,por mund te dalim duke fituar kesaj here

[Juventus]

Kombtarja jone luan futboll te bukur kur luan jashte vendit ndersa si vendas nuk luan edhe aq mire , mirpo Holanda është skuader shume e frikshme me sulmues te kalibrit te lart si Van Persie , Van Nistelrooy , Babel etj ,

edhe nje barazim kunder Hollandes do te ishte rezultat pozitiv , Cana mund te jete hero i Kombëtares tone

Ok une do kisha thene ketu se kombetarja luajn me mire, mysafir( ndoshta edhe nga ajo se fushat jane me te mire(p.sh ne ndeshjen me hollanden), por edhe tash kemi nje mundesi, pasi tereni ketu nuk ju pershtatet mysafireve.dhe ektu shohe une personalisht nje mundesi per nje rezultat baraz.Gje qe nuk eshte keq.Por le te shohim.Une me shume do kisha dash qe kombetarja te luaj mire, me shpyrte, te japen maksimumin.dhe te pakten te mbajne temopn e ndeshjes deri nga min.80.Rezultati edhe po te jete ne disavandazh, nuk eshte nam pasi nuk do turperoheshmi nee luajm mire, dhe humbim nga Hollanda.Por nese luajm mire, edhe rezultati do jete i mire.
Prandaj Forca Shqipe ngre koken pak trego veten.

[Ali Pasha]

Oh te tmerrshem keta holandezet. Por nuk dorezohemi pa u luajtur 90 minuta loje edhe pse gjasat per rezultat te favorshem i kemi te vogla. Por pikerisht edhe gezimi prandaj do te jete me i madh nese arrime rezultat pozitiv, se per ate negativ jemi pergaditur qe me pare.
Hajde te kaloje edhe e dita e neserme, se kam nje cope rruge per te bere deri ne Tirane (e ta kaloj nje kufi qe na e ndan token tone kot fare)

[no name]

Bariç shpreson tek euforia e holandezëve

Konkluzionet e para të kroatit, pasi ka vëzhguar skuadrën e Van Basten

I pranishëm në tribunën e "Amsterdam Arenas", Oto Bariç ka mbajtur shënimet rreth kundërshtarëve të 12 shtatorit në Tiranë. Pranë legjendës Johan Krujf dhe princit Kostantin, djali i mbretëreshës Beatriks, drejtuesi i stolit kuqezi, ndoqi supremacinë holandeze, që pa shumë sforco dhe lojë spektakolare mposhti 2-0 Bullgarinë. Detyrat për skuadrën janë të shumta dhe gjithçka trajneri ka në mendje për të tentuar një rezultat pozitiv, do t‘i transmetohet sot futbollistëve, në analizën e ndeshjes së "tulipanëve". Megjithatë, kroati shpreson. Në konferencën e parë për shtyp përpara kësaj ndeshjeje ai vetë ka pohuar: "Nuk ka asgjë të keqe të ëndërrojmë. Thjesht duhet të punojmë që t‘u afrohemi ëndrrave, ose t‘i realizojmë ato". Në karrierën e tij 35-vjeçare ka parë dhe dëgjuar shumë. Hipoteza që Shqipëria mund t‘i "vjedhë" rezultat Holandës, aq sa e vështirë mund të duket, nuk është e pamundur. Dhe Bariç beson se ekziston mënyra për të goditur kundërshtarin, i cili është dukshëm më superior, e që renditet mes superfuqive botërore në sportin e top-këmbës. Pika e dobët e "tulipanëve" në vite ka qenë dhe është euforia, pamundësia për të qenë konstantë në paraqitje. "Fitorja e tyre (holandezëve) me Bullgarinë mund të kthehet në favorin tonë", mësohet t‘u ketë thënë trajneri bashkëpunëtorëve të tij. Këtë e kanë bërë të ditur burime pranë Bariçit, të cilat kanë saktësuar se ai beson te mrekullia. "Holandezët janë një skuadër e vështirë për t‘u parashikuar. Ata dinë të zhvillojnë ndeshje të mëdha, të fitojnë pa kurrfarë problemi, por në të njëjtën kohë janë shumë të brishtë nga ana psikologjike", pohoi burimi konfidencial. "Trajneri Bariç shpreson që fitorja e së shtunës me Bullgarinë të shkaktojë eufori në radhët e kundërshtarëve. Nëse 3 pikët përballë një rivali direkt në garën për kualifikim do ndryshonin mentalitetin me të cilin Holanda do vijë në Tiranë, atëherë kjo është pika ku ai shpreson t‘i godasë". Megjithatë, trajneri është edhe shumë i kujdesshëm, pasi kualitetet e përfaqësueses portokalli nuk lejojnë shpërqendrime. "Natyrisht që trajneri nuk beson se ndeshja e së mërkurës do të jetë e thjeshtë..., përkundrazi. Ai e vlerëson forcën e holandezëve dhe të kualiteteve që ka skuadra e Van Bastenit. Përballë futbollistëve si Van Nistelroi e Shnajder (autorët e golave të fitores me Bullgarinë), apo Van Persi e Van der Vart, asnjëherë nuk mund të bësh llogari, thjesht të punosh për t‘i frenuar në mënyrë sa më efikase". Ndërkohë, Federata Holandeze ka konfirmuar se "tulipanët" do të mbërrijnë nesër në Tiranë me çarter dhe në mesditë pritet të zbarkojnë në aeroportin "Nënë Tereza".




Gazeta Shqip

[qafezezi]

Kush mund te me pergjigjet : ç'a ore zhvillohet ndeshja me Hollanden?

[Altin1]

Kush mund te me pergjigjet : ç'a ore zhvillohet ndeshja me Hollanden?

20:45

.....

[CERIKSI-CHICAGO]

SHQIPERI VS HOLLAND LIVE

TE GJITH SHQIPTARET QE JETOJN NE AMERIK KAN MUNDSIN TA SHIKOJN NDESHJEN DREJT PER DREJT NE KANALIN FOX SOCCER CHANNEL .


http://www.livesoccertv.com/FSC-fixture-2007-09-12.php per me teper vizitoni edhe faqen e internetit

[ANDI_]

une kam paketen e digitalbit satelitor dhe bleva dje edhe kanalet premium por deri tani skam lexuar ne ndonje vend se kush kanal do e japi ndeshjen.Dini ndonje info?

[visari9]

une kam paketen e digitalbit satelitor dhe bleva dje edhe kanalet premium por deri tani skam lexuar ne ndonje vend se kush kanal do e japi ndeshjen.Dini ndonje info?

TVSH- ja e transmeton lojen drejtperdrejt mesa e di une kanalet e super sportit i transmetojn ndeshjet e Kombëtares vetum jasht vendite por nganjeher kur luan Kombëtarja si vendas lidhen live me TVSH