Do të bëhet gruaja e parë me shami
zonja e parë e Turqisë?
Hajrunisha Gyl para disa vjetësh është refuzuar të studioj në
Universitetin e Ankarasë pikërisht për shkak të shamisë. Ajo po e
rishikon "look"-un, shkruanin disa media, duke raportuar lajmin, sipas të
cilit bashkëshortja 15 vjet më e re e Abdullah Gylit i është drejtuar një
stilisti turk, Atil Kotoglu, për ta bërë më moderne shaminë e saj, por
edhe tërë gardërobën.
Është gruaja më e përfolur hëpërhë, zonja e parë e ardhshme e vendit
të gjysmëhënës: Hajrunisha Gyl. Bashkëshortja e devotshme e
besimtarit Abdullah, e cila, e mbuluar me shami, ecën kryelartë dhe me
hap të sigurt drejtë pallatit të Kankajas. Koha është bujare, mërmërit
dikush, duke kujtuar se si vitet e fundit bashkëshortja e ish numrit një
të diplomacisë turke nuk është pranuar në Departamentin e Gjuhës dhe
Letërsisë arabe, në Universitetin e Ankarasë, pikërisht për shkak të asaj
shamie që nuk e heqë asnjëherë nga koka dhe që shkakton turbullira të
shumta në ambientet laike të Turqisë. Tani është ora e "hakmarrjes".
Ora e fitores për të duket së është shumë e afërt: mungon edhe pak
dhe askush nuk mund t'i thotë se kur dhe ku mund ta vendos shaminë,
që në fakt ndalohet me ligj në ambientet e brendshme të Universitetit,
në zyrat publike dhe në institucione. Ajo do të endet nëpër dhomat e
rezidencës së shefit të shtetit (njëherësh edhe komandant i forcave të
armatosura) me shaminë e mëndafshtë mbi kokë, edhe pse kjo mund të
thotë se po shkel mbi kallot e "qemalistëve" (laikët, pasues të Mustafa
Qemal Ataturkut). E në pritje që bashkëshorti i saj të zgjidhet president
në votimin e tretë në Parlament (sot, më 28 gusht), objekti i vërtetë
diskutimi thashethemesh dhe analizash pafund është ajo dhe shamia e
saj. "Hajrunisha e rishikon "look"-un, shkruanin disa media duke raportuar
lajmin, sipas të cilit bashkëshortja 15 vjet më e re e Abdullah Gylit i
është drejtuar një stilisti turk, Atil Kotoglu, për ta bërë më moderne
shaminë e saj, por edhe tërë gardërobën.
Pasi është marrë edhe me divat e Hollivudit dhe me top-modele, si
Naomi Kempbell, Kotoglu, stilisti i famshëm që jeton mes Austrisë dhe
Shteteve të Bashkuara, është përmendur nga shtypi si person i ngarkuar
me detyrën që ta bëjë më të pranueshme për inteligjencën laike imazhin
e zonjës Gyl. "Do t'i ofroj dhjetë modele që mbledhin së bashku magjinë
hollivudiane dhe kthjelltësinë që i shkon për shtati rolit të saj", kishte
thënë Kotoglu.
E ndërsa bashkëshorti nuk thyhej përballë kundërshtimit parlamentar,
duke buzëqeshur dhe bindur se që nga e marta gjithçka do të
ndryshojë, zonja e tij deklaronte me bindje se asnjëherë nuk do ta
ndryshonte atë lloj shamie që ishte mësuar ta mbante në kokë qëkur
ishte ende një vajzë e vogël dhe ecte nëpër rrugët e Kajserit, qytet ku
ka lindur ajo, por edhe bashkëshorti. Hajrunishah, nënë e dy djemve dhe një vajze, ka një
karakter të vendosur dhe pas buzëqeshjes së saj, që
sigurisht e bënë atë më të këndshme e më simpatike se Eminen,
bashkëshorten e kryeministrit Rexhep Taip Erdogan, fshihet një shpirt luftarak. Për ta
realizuar të drejtën e saj për studim, pasi u refuzua nga Universiteti, kishte apeluar në
Gjykatën Evropiane për të Drejtat e
Njeriut dhe vendosi të tërhiqte padinë ndaj Qeverisë turke vetëm kur
Partia Drejtësisë dhe Zhvillim, në radhët e së cilës militon bashkëshorti,
fitoi zgjedhjet e vitit 2002. "Mendoj se Turqia i kishte lënë disa
paragjykime pas shpine, por qenkam gabuar", deklaroi ajo në një
intervistë kohët e fundit për revistën filo-islamike "Sabah". Gjithsesi, Hajrunisha është tani
ikona e shumë të rinjve që e marrin si shembull.
islamgjakova.net
Përgjigju Duke Cituar
Postuar më parë nga fisniku-student
Krijoni Kontakt