Mehmet Gjevori [1910 - 2007]

[Albo]

Mehmet Gjevori apo Mehmet Xhevori ishte pishtar i devotshëm i arsimit shqip dhe tërë jetën ia kushtoi zhvillimit të arsimit dhe përhapjes së dijes në Kosovë", u tha në akademinë komemorative.

Autori i Abetares së parë Shqipe në Kosovë, mësuesi, pedagogu, dhe veterani i arsimit, Mehmet Gjevori, ndërroi jetë dje në moshën 93 vjeçare. Familjarë, miq të shumtë dhe personalitete të jetës politike e shoqërore, bënë homazhe pranë arkivolit të tij, ndërsa për nder të jetës dhe veprimtarisë së tij të bujshme që la në sferën e arsimit shqip, në Teatrin Kombëtar në Prishtinë u mbajt mbledhje komemorative. Mësuesi Mehmet i lindur në Elbasan të Shqipërisë, shërbeu në Kosovë për plot 67 vjet. Për jetën dhe veprën e tij, folën akademik Pajazit Nushi dhe zv.ministri i arsimit, Fevzi Berisha. Telegrame ngushllimi për familjen Gjevori kanë dërguar presidenti i Kosovës Fatmir Sejdiu dhe personalitete të tjera. Mehmet Gjevori ishte nderuar me urdhërin Naim Frashëri të klasit të I më 1994 nga president i Republikës së Shqipërisë ndërsa në vitin 2003 me Medaljen e artë të Lidhjes së Prizrenit, nga ish presidenti, Ibrahim Rugova. Varrimi i Mehmet Gjevorit u bë në varrezat e qytetit në Prishtinë.

02.05.07

Requiem per profesorin e nderuar:




Medalja e Artë e Lidhjes së Prizrenit

[Albo]

Udhëheqësit e vendit dërgojnë telegrame ngushëllimi me rastin e vdekjes së veteranit të arsimit, Mehmet Gjevori

Me rastin e vdekjes së veteranit të arsimit, Mehmet Gjevori, udhëheqësit më të lartë të institucioneve të vendit iu kanë dërguar telegrame ngushëllimi familjes Gjevori dhe MASHT-it. Telegrame ngushëllimi kanë dërguar presidenti Sejdiu, kryeparlamentari Berisha, kryeministri Agim Çeku, Kryesia e LDK-së, kryetari i PDK-së Hashim Thaçi, kryetari i ORA-s, Veton Surroi, etj..
Me dhimbje morëm lajmin për vdekjen e prindit tuaj, mësuesit të dalluar të Kosovës, Mehmet Gjevori. Me këtë rast, ju shpreh ngushëllimet më të sinqerta, ju familje e nderuar, thuhet në telegramin e ngushëllimit të presidentit Sejdiu..

Mehmet Gjevori është nga emrat e rrallë të arsimit shqip në Kosovë, i cili gati një shekull të plotë jetë ia kushtoi edukimit dhe arsimimit të brezave në Kosovë. Erdhi në Kosovë atëherë kur na u desh më së shumti dhe qëndroi në Kosovë për gjithë kohët e vështira që kaluam si popull për të qenë këmbëngulës në misionin e tij të shenjtë. Si autor i abetares së parë shqipe në Kosovë, Mehmet Gjevori me përkushtim të rrallë shpërndau shkronjën shqipe gjithandej nëpër Kosovë.

E gjithë krijimtaria edukativo-arsimore dhe botuese e Mehmet Gjevorit ka një mision të përbashkët në përhapjen e dijes dhe të kulturës shqiptare.

Për rolin e veçantë të tij prej mësuesi dhe atdhetari, Presidenti Rugova e ka dekoruar me Medaljen e Lidhjes Shqiptare të Prizrenit, që u jepet personaliteteve të rralla për kontributin e tyre të jashtëzakonshëm në veprimtari atdhetare.

I falemi përgjithmonë përkushtimit të tij jetësor, përfundon telegrami i ngushëllimit të Presidentit të Kosovës, Fatmir Sejdiu.


Në telegramin e ngushëllimit të kryeparlamentarit Berisha thuhet:

“Me pikëllim të thellë morëm lajmin për vdekjen e veteranit të arsimit shqip në Kosovë, Mehmet Gjevori. Kontributi i tij për arsimin në Kosovë ishte i jashtëzakonshëm, sepse bazën e kishte te dashuria e tij për Kosovën dhe për shkollën shqipe. Me të njëjtin entuziazëm u shqua gjithmonë, që nga ditët e Luftës së Dytë Botërore, kur erdhi për herë të parë në Kosovë, e pastaj edhe në të gjitha aktivitetet e tij për të luftuar analfabetizmin, në hartimin e abetareve dhe të teksteve mësimore dhe për të avancuar arsimin dhe shkollën në Kosovë. Me emrin e tij janë të lidhura të gjitha përpjekjet madhore në lëmin e arsimit. Ishte pedagog, autor tekstesh letrare, autor i disa abetareve, autor i monografive.

Me vdekjen e Mehmet Gjevorit, arsimi shqip dhe Kosova ka humbur një intelektual të përmasave të veçanta, i cili me punën e vet të palodhshme ka shkruar për të gjallë të tij emrin me shkronja të arta në përpjekjet e Kosovës për arsimim dhe për progres.

Mehmet Gjevori u shndërrua në simbol dhe në personalitet të admiruar të arsimit dhe të shkollës shqipe.

Në emrin tim dhe në emër të Kuvendit të Kosovës, pranoni ngushëllimet më të sinqerta për humbjen e këtij burri të madh të Kosovës”, njofton Zyra për marrëdhënie me media dhe publikime e Kuvendit të Kosovës.


Telegrami i ngushëllimit i kryeministrit Çeku


Në emër të Qeverisë së Kosovës dhe në emrin tim personal, ju lutem që t’i pranoni ngushëllimet tona më të sinqerta për humbjen e z. Mehmet Gjevori, veteranin e shquar të arsimit në Kosovë, thuhet në telegramin e ngushëllimit të kryeministrit Çeku

Për Kosovën dhe popullin e saj, z. Gjevori do të kujtohet gjithmonë si një veteran arsimi, studiues e mësues i palodhur, dhe si autori i parë i Abetares në Kosovë. Mehmet Gjevori kontribuoi në hapjen e shkollave shqipe, dhe punoi pa u lodhur për zhdukjen e analfabetizmit në Kosovë.

Hartuesi i abetares së parë shqipe në Kosovë, nga gjeneratat, do të përkujtohet me pietetin e njeriut që për një gjysmë shekulli kontribuoi për ngritjen e nivelit të arsimit dhe edukimit në Kosovë.

Qeveria dhe populli i Kosovës ndajnë pikëllimin për humbjen e z. Gjevori së bashku me familjen e tij. Largimi i tij lë një boshllëk të madh në Kosovë, veçanërisht në arsim, thuhet në telegramin e Kryeministrit të Kosovës, Agim Çeku.


Kryesia e Lidhjes Demokratike të Kosovës ndan me ju dhimbjen për vdekjen e njërit ndër më të mdhenjtë dhe ndër të parët mësues të Kosovës, prindit tuaj, z. Mehmet Gjevori. Me këtë rast, ju lutemi të na lejoni t’ju shpresim ngushëllimet tona më të sinqerta.

Për ne Mehmet Gjevori mbetet njëri nga emrat e rrallë të arsimit shqip në Kosovë, i tërë jetën ia kushtoi edukimit dhe arsimimit të brezave në Kosovë. Përkushtimi i tij ndaj zhvillimit të arsimit në Kosovë, si dhe përkrahja që ai i dha nismës së njeriut të madh të letrave e të dijeve, ish-ministrit të Arsimit të Shqipërisë, Ernest Koliqit, që të vinte në Kosovë për të përhapur rrezen e dritës e të arsimimit, e bëjnë atë të nderuar në të gjithë hapësirën shqipiptare dhe për të gjithë brezat.

Autor i abetares së parë shqipe në Kosovë, Mehmet Gjevori mbetet model i vullnetit të pathyeshëm për të shpërndarë shkronjën shqipe gjithandej nëpër Kosovë dhe njeri i respektuar nga të gjithë.

I falemi përkushtimit të tij jetësor, thuhet në telegramin e Kryesisë së LDK-së,



Me dhimbje të thellë mora lajmin për humbjen e më të dashurit tuaj, mësuesit tonë të nderuar z. Mehmet Gjevori, thotë në telegramin e tij të ngushëllimit, kryetari i PDK-së, Hashim Thaçi

Më lejoni të shprehë admirimin tim më të thellë për mësuesin tonë. Për mua
dhe për gjeneratën time z. Gjevori ishte burim i pashterueshëm frymëzimi.


I tillë do të vazhdojë të jetë për breza të tërë. Emri dhe puna e tij e palodhshme në emancipimin e gjeneratave, në thyerjen e territ të padijes dhe analfabetizmit do të kujtohet përgjithmonë dhe do të përjetësohet në emra rrugësh e shkollash të cilat me mburrje do të bartin emrin e njeriut që dha tërë jetën për shkollë e dituri, thuhet në telegramin e kryetarit të PDK-së, Hashim Thaçi.

Mbledhja komemorative do të mbahet në orën 14 në Teatrin Kombëtar, ndërkaq varrimi i të ndjerit Mehmet Gjevori bëhet në orën 16:00 në varrezat e qytetit në Prishtinë.


Telegram ngushëllimi i Veton Surroit

Kryetari i Partisë Reformiste ORA, Veton Surroi, i ka dërguar telegram ngushëllimi familjes Gjevori, për humbjen e intelektualit të madh Mehmet Gjevori.

Në telegramin e shkruar nga Surroi thuhet: “Më lejoni t’ju shpreh ngushëllimet më të sinqerta të mija dhe ato të Partisë Reformiste ORA për humbjen e më të dashurit tuaj, Mehmet Gjevorit. Vdekja e Mehmet Gjevorit është humbje e cila prek jo vetëm e familjen tuaj, por në një mënyrë edhe të gjitha familjet kosovare. Mehmet Gjevorit është simbol i arsimimit dhe emancipimit tonë kombëtar”.


Më tej në telegram ngushëllimi thuhet se ”falë angazhimit të tij dhe miqve të tij, Kosova nisi rrugën e cila e nxirrte atë nga errësira e analfabetizmit dhe i mundësonte popullit të saj perspektivë më të mirë. Kjo rrugë e cila po zgjatë ende, do të ishte më e varfër pa kontributin e shkëlqyer të dashurit tuaj dhe tonit, Mehmet Gjevorit”, thuhet në telegramin e ngushëllimit të Veton Surroit..

RTK

[Albo]

Mësuesit të madh Mehmet Gjevori

Sh, 16-06-2007, 07:03pm (GMT+1)


Epitaf

O udhëtare, sa hëre udhëve të atdheut të kaloni,
dhe sa herë që të shikoni dritën lart nga yjësia,
ndaloni pak o njerëz, se aty është Gjevori,
njëri nder yjet më të ndritshëm që pati Shqipëria!

Ma ndalni hapin pak, dhe gjurin përkuleni,
para vorrit të tij ju heshtje mbani,
një lule Trëndafili ma vini mbi trup të tij,
se për ju erdhi ai, nga derë e Elbasanit!

Pastaj sërish ju ecni krenarë në udhën tuaj,
se krenarë ishte mësuesi për ju gjithnji,
ai që ju mësoje se si atdheun ta duani,
dhe për gjuhën të punoni, siç punojë ai!


Autori: Llemadeo Dukagjini

[Albo]

Varroset veterani i arsimit, Mehmet Gjevori

e mërkurë . 02 maj 2007

Është varrosur në varreza të Prishtinës, pishtari i arsimit shqip, Mehmet Gjevori. Para ceremonisë së varrimit, në Teatrin Kombëtar, është mbajtur një akademi komemorative. Akademiku, Pajazit Nushi, ka thënë se “ka ardhur çasti të ndahemi nga mësuesi ynë nga Elbasani, i cili ka ardhur për një qëllim të vetëm – zhvillimin e arsimit në Kosovë. Zëvendësministri i Arsimit, Shkencës dhe i Teknologjisë, Fevzi Berisha, ka deklaruar se arsimi shqip në Kosovë, përgjithmonë, do të mbajë emrin e Mehmet Gjevorit. Familjes Gjevori i janë dërguar telegrame ngushëllimi nga krerë institucionesh vendëse dhe nga liderë partish.

[Albo]

"Nga të gjitha dekoratat që kam marrë deri më tani, unë veçoj këtë të Presidentit të Kosovës", thotë Mehmet Gjevori

Prishtinë, 30 qershor (KIC) - Falenderoj përzemërsisht Presidentin e Kosovës, Dr.Ibrahim Rugovën, për Medaljen e Artë të Lidhjes së Prizrenit, që ma dha me rastin e kësaj ngjarjeje të rëndësishme të historisë sonë kombëtare, për kontributin e dhënë në fushën e arsimit të Kosovës, gjatë Luftës së Dytë Botërore dhe pas saj në mbarëvajtjen e shkollës në Kosovë, në fushën e hartimit të teksteve shkollore, si dhe të mirëkuptimit e të përkrahjes së Lëvizjes Demokratike të Kosovës për liri e pavarësi në vitet '90-ta, - shkruan në një letër falenderimi drejtuar Presidentit Rugova punonjësi veteran në fushën e arsimit, Mehmet Gjevori.

Ai më tutje shkruan: "Nga të gjitha dekoratat që kam marrë deri më tani, unë veçoj këtë të Presidentit të Kosovës, Dr.Ibrahim Rugovës, dhënë më 10 qershor 2003, si dhe medaljen e artë "Naim Frashëri t klasit I" të Kryetarit të Republikës së Shqipërisë, Dr.Sali Berishës, dhënë në Tiranë, më 11 prill 1994, për shërbimin në shkollat shqipe në Shqipërinë Veriore e Lindore, jashtë kufijve politikë të vitit 1913 të shtetit shqiptar".

"Me sinqeritetin më të madh njerëzor veçoj e theksoj se këto dy dekorata të arta i konsideroj jo vetëm si sukses timin personal, por edhe të të gjithë punonjësve të arsimit, që kanë shërbyer e kontribuar në Kosovë e në viset e tjera shqiptare.

Me këtë rast Ju premtoj se do të vazhdoj të punoj me Ju për zyrtarizimin sa më të shpejtë të pavarësisë së Kosovës sonë të dashur e të shtrenjtë, sepse disa herë e kam thënë se, ndonëse jam i lindur në Elbasan, vendlindje të dytë kam Kosovën, ku po jetoj, po punoj e po krijoj qe 62 vjet në fushën e arsimit dhe të edukimit të brezave të rinj", thotë ne letrën e tij Mehmet Gjevori.

[Albo]

Elbasan: Tubim per arsimin ne Kosove

Prishtine, 19 nentor 1998 (QIK) - E Shtuna e 14 nentorit mblodhi ne
sallen e konferencave te bashkise, intelektualet elbasanas, ne nje
takim me pedagoget shqiptare nga Kosova, Mehmet Gjevori dhe Tahir
Z.Berisha. Ne qender te tubimit ishin veprat: "Shenime e kujtime"
te z.Gjevori dhe libri i z. Berisha " Tregime ne vete te pare".
Gjithcka u zhvillua ne nje amtosfere permallimi e nostalgjie. Pas
6 dekadash mesuesi 86 vjecar Mehmet Gjevori, i kthehet qytetit te
lindjes. Ketu e pat burimin edhe ajo fryme respekti qe pershkonte
edhe referatet e mbajtura nga Reshit Koburja, Hyjni Ceka, Zeqir
Sarja dhe Sefedin Trungu. E gjithe kjo veprimtari atdhetare u
nderua nga prania e z.Muhamet Bicaj, minister i arsimit per
Kosoven.
Te takim folen edhe miqte. Duhet nenvizuar se si ne fjalen e
z.Muhamet Bicaj ashtu edhe ne pershendetjen e Tahir Z.Berishes iu
be nje vleresim i larte gjithe atyre "normalisteve" qe me 1941
erdhen ne Kosove dhe ngriten atje 400 shkollat e para shqipe.
Homazhe ne kete soleminitet iu bene ve^anerisht "Mesuesit te
Popullit Peter Elezit, themeluesit te gjimnazit shqiptar te Pejes,
profesoreve Lirak Dodbiba e Vasil Andoni, te Normales se
Prishtines, Tajar Hatipit, Gavrill Santos, Xhemal Vocit, Selim
Vocit etj.
Pas ceremonise se promovimit se veprave te shquara te pranishmit
bene edhe nje vizite ne muzeun e Normales se Elbasanit. Ketu te
gjithe mesuesit pensioniste pjesemarres deklaruan se "te gjithe
keshtu si^ jemi, jemi gati te vihemi nen drejtimin tuaj e te
sherbejme pa rroge, atje ku te jete nevoja...Per Kosoven as qe e
ndiejme peshen e viteve, shkruan "Zeri i Popullit".