Futbollistet Shqiptare Ne Evrope

[SUPERSTAR_N1]

Thun humbet, Milajim Rama shpallet "njeriu" i javës
Ka luajtur për 90 minuta me skuadrën e tij, FC Thun, por ka dalë i mundur nga fusha e Baselit me rezultatin 3-0. Sipas gazetës zvicerane "Le Matin", sulmuesi i Thunit, Milajim Rama, ka qenë rreziku kryesor për mbrojtjen vendëse. Madje, ky futbollist edhe mund të kishte shënuar, por njëri rast ka përfunduar në shtyllë, ndërsa rasti tjetër është evituar me vështirësi nga portieri i Baselit. Me këtë vlerësim, media zvicerane vazhdon ta ngrejë lart lojën e kosovarit, golashënuesit më të mirë të Divizionit të parë të Zvicrës, ndërsa federata jonë e futbollit vazhdon të mos kujtohet për të, që ta marrë në ekipin tonë kombëtar. Kësisoj, Rama vijon me lojërat e tij të bukura dhe golat e shumtë, duke mbetur mes dy përfaqësueseve, nga të cilat, Zvicra është më e gatshme t'i japë nënshtetësinë. Trajneri Dosena, përpara se të jepte dorëheqjen, kishte shfaqur interes për këtë lojtar, por, pas ikjes së tij, kjo punë mbetet për t'u parë nga sektori i ekipeve kombëtare në FSHF. Ja si shkruante gazet e sipërpërmendur në mesjavë për kosovarin Milajim Rama: "Cili është njeriu i javës? Kush ndodhet në krye të golashënuesve? Gimenez, Rosi apo Shapuiza do të pyesni ju? Jo, gaboheni të gjithë! Atëherë, Nunjez apo Leandro, njeriu-gol i javës? A është ai? Përsëri jo. Futbollisti që i ka çarë më shumë rrjetat kundërshtare të Divizionit të parë zviceran është Milajim Rama dhe luan si gjithnjë te FC Thun. Të dielën që shkoi Rama barazoi rezultatin ndaj Grasshopersit, duke shënuar golin e 13-të të sezonit. Lajme të mira: ai po kërkon nënshtetësinë zvicerane".

[SUPERSTAR_N1]

Shtypi turk: Klodian Duro, si George Haxhi
Puna këmbëngulëse e Klodian Duros duket se po tërheq vemendjen e menaxherëve të futbollit turk, ndërsa stili i tij i lojës po përngjasohet me atë të "play-maker"-it të famshëm rumun, George Haxhi. Kështu mund të thuhet se Duro po kalon një etapë kulmore të karrierës së tij sportive në Turqi dhe, nëse vazhon kështu, elbasanasi i kombëtares sonë mund të kalojë te skuadrat e mëdha të Stambollit. Disa artikuj gazetash sportive turke, gjatë javës që u mbyll, kanë shkruar se Gallatasaraji po e kërkon sërish Klodian Duron. Kësisoj, fati i mesfushorit kuqezi ka mundësi të rikthehet në "defterët" e klubit turk, që u largua pa shkëlqim nga Champions League. Kriza në ekipin e njohur turk të Gallatasarajit po ravijëzohet dita-ditës, gjë që ka bërë "kurban" shumë nga futbollistët e njohur, si Umit Davalanë, brazilianin Filipe etj. Trajneri Terim, duke ndier mungesën e këtyre lojtarëve në pozicionet e dikurshme në fushën e lojës, e shikon Duron si zëvendësuesin ideal të Davalasë. Gallatasaraji e huazoi elbasanasin e kombëtares shqiptare te Malatyaspori, por ky veprim u kritikua shumë nga shtypi turk. Nga ana tjetër, nëse Duros nuk do t'i krijohet mundësia për t'u kthyer në ish-strehën e tij të parë në Turqi, atë e presin destinacione të tjera. Shtypi turk shkruan se shqiptari ynë ka marrë disa oferta joshëse nga ekipe të tjera të Stambollit. Fjala vjen, një mundësi e bujshme është transferimi i tij te Beshiktashi, skuadra që drejtohet nga rumuni Mirçea Luçesku, trajneri që e mori Duron nga Vllaznia e Shkodrës dhe e çoi te Gallatasaraji.

[SUPERSTAR_N1]

Fatmir Vata, barazon me Arminian
Mesfushori-sulmues i kombëtares shqiptare, Fatmir Vata, ka luajtur si titullar për Arminian e Bielefeldit dhe ka barazuar në fushën e tij me Bajernin e Leverkusenit, 2-2. Trajneri Mohlman vazhdon t'u besojë aftësive të shqiptarit, duke e mbajtur atë në lojë deri në minutën e 56-të të ndeshjes. Me këtë barazim skuadra e tij, Arminia, e lë vendin e 16-të dhe kalon në pozitën e Hanoverit të Altin Lalës.
Altin Lala, humbet dhe merr karton të verdhë
Mesfushori tjetër kuqezi, i cili luan në Bundesligën gjermane, ka luajtur për 90 minuta me skuadrën e tij, Hanover 96. Ka qenë skuadra pritëse e Shtutgartit që ka fituar bindshëm ndaj skuadrës së Lalës, me rezultatin 3-0. Nga ana e tij, mesfushori kuqezi ka vijuar me lojërat e tij të bukura, por është ndëshkuar në minutën e 10-të të ndeshjes me karton të verdhë.

[aurel]

EDVIN MURATI shenoi golin e tij te par ne kampionatin grek.skuadra e tij iraklis fitoi te dielen kundra jonikos me rezultatin 3-2 iraklis humbiste qe ne minuten e 18 me 0-2 por ne minuten e29 murati hapi rrugen e fitores duke shenuar nje gol me goditje denimi.murati zhvilloi ndeshjen me te mir ne kampionatin grek ku u transferua ne behar te vitit qe shkoi.