Per te gjithe ato te cilet nuk e kane te qart se cka ka ndodhur lirisht mund te shikoni online videon nga webfaqja e televizionit A1 (duhet vetem te njihni gjuhen maqedonase) dhe do te kuptoni cfar turpi ka ndodhur per BDI.
Shikoni Videon
TURP, TURP, TURP
Ju lutem jepni mendim tuaj ne lidhje me kete ngjarje.
Per ato qe nuk e njohin gjuhen maqedonase shpjegim per ngjarjen do te gjeni me posht:
Kolë Diamanti forcon radhët e BDI-së
Shënimi i gjashtë vjetorit të përfundimit të konfliktit luftarak në rajonin e Radushës dhe zbulimi i përmendores së Brigadës 115 të UÇK-së sivjet u shënua me persona të mbledhur edhe rrugëve. Rëndësi të veçantë organizatorët e manifestimit dhe përfaqësuesit e Bashkimit Demokratik për Integrim i dhanë gazetarit me "prejardhje greko-kanadeze", i cili u deklarua si korrespodent i një agjencie lajmesh nga Kanadaja. Ndërkohë, hulumtimet e gazetës "Koha" treguan krejt diçka tjetër. "Gazetari" i prezantuar me emrin Nikollas, e që vjen nga Greqia në të vërtetë është një maqedonas nga Prespa, i njohur me emrin Kolë Diamanti.
Banorë të Prespës sapo kanë parë në media fotografinë e "gazetarit grek", kanë shkruar në redaksinë e gazetës sonë, duke treguar të vërtetën e identitetit të tij.
"Bëhet fjalë për njëri të sëmurë, ish-banor i qendrës për persona me të meta psikike. Është nga Prespa me emrin Nikolla, ndërsa e quajmë Kolë Diamanti. Ky njeri është i humbur në identitetin e tij. Edhe pse është maqedonas, ai fillimisht është shprehur si turk, më vonë është deklaruar si grek, ndërsa më së fundi është shprehur si shqiptar nga Greqia", ka shkruar Goce Durovski, banor në Prespë dhe i punësuar në Qendrën për zhvillim në të njëjtin qytet. Duke puthur flamurin kuq e zi "gazetari" gjatë manifestimit në fshatin Vorcë ka shprehur respekt për popullin shqiptar, si dhe ka falënderuar të gjithë rajonin e Iliridës, ndërsa fjalën e rastit ia dha Talat Xhaferi.
"Falënderoj kryetarin e Lidhjes së luftëtarëve të UÇK-së, zotin Fazli Veliu, si dhe të gjithë rajonin e Iliridës. Respekt shumë të madh për popullin tonë shqiptarë", kanë qenë fjalët me të theks grek, me të cilat "gazetari" Kolë Diamanti u është drejtuar pjesëmarrësve të manifestimit. Edhe pse BDI dhe organizatorët e manifestimit në Vorcë dhe Radushë i kanë ofruar nderë dhe rëndësi të veçantë gazetarit "proshqiptarë", realiteti tregoi se ato kanë nderuar një person të sëmurë psikik, i cili nga personat që e njohin është cilësuar si njeri me probleme mendore dhe person i cili kthehet nga "ana në të cilën frynë era". Zyrtarë të BDI-së, që kanë marrë pjesë në këtë manifestim, të cilët duket se nuk e njohin mirë mysafirin e tyre, kanë thënë vetëm se "gazetari grek Nikollas ka bërë shumë për UÇK-në me shkrimet e tij". Si gazetar grek që punon për një agjenci lajmesh në Kanada, Kolë Diamanti u është prezantuar edhe gazetarëve të Maqedonisë, të cilët edhe e kanë ndjekur manifestimin e luftës së Radushës dhe Vorcës. Gjithashtu, mësohet se Kolë Diamanti buron nga familje e ç'thurur. Sipas një tjetër banori nga Prespa, i cili ka dashur të mbetet anonim, të dy prindërit e tij kanë qenë klientë të spitalit të psikiatrisë në Bardovcë. I ati i "gazetarit" është strehuar në "Bardovcë" për vrasje, ndërsa e ëma ka qenë skizofrene.
TURP, TURP, TURP
Ju lutem jepni mendim tuaj ne lidhje me kete ngjarje.
Tung
Përgjigju Duke Cituar
Krijoni Kontakt