Blushi, negociata sekrete mes Ramës dhe Nanos

[RaPSouL]

Blushi, negociata sekrete mes Ramës dhe Nanos

Nuk gëzon më postin e kryetarit të grupit parlamentar, por rëndësia e tij në Partinë Socialiste është gati e njëllojtë. Ben Blushi ka ndërmarrë së fundi një nismë që vetëm me ndarjen e PS-së nuk ka të bëjë.Bëhet fjalë për të pajtuar dy figurat më të larta në historinë e PS-së, Edi Ramën dhe Fatos Nanon.
Burime nga selia rozë thanë për "Tirana Observer" se Blushi ka realizuar disa takime me të dy personazhet, në një nga këto ai ka takuar Nanon në Budva të Malit të Zi, ku për disa ditë kanë shijuar pushimet. Por tema dhe qëllimi kryesor i këtij takimi ka qenë situata më e fundit në selinë rozë.
Negociatat
Përplasja e madhe në PS nuk është larg. Shtatori është caktuar si nisja e betejës mes kryetarit të PS-së, Rama dhe ish-kryetarit Nano. Dhe përplasje të tilla në partinë më të madhe në opozitës zakonisht sjellin ndarje pa kthim, si ajo e Lëvizjes Socialiste për Integrim. E mes mërisë së një kandidati që nuk u bë President dhe mllefit të një kryetari që kërkon të sjellë një tjetër frymë në politikën shqiptare, duket se ka një personazh që mendon ndryshe. Ish-kreu i Grupit Parlamentar socialist, Ben Blushi është shprehur qartë se ai nuk do të lejojë të ketë një çarje të PS-së. Ai i ka kërkuar Nanos që të përdorë një strategji bashkëpunimi me kryetarin aktual të PS, Edi Ramën. Ish-kryeministri është shprehur se ai nuk do ndarjen e PS-së, por nuk mund të pajtohet me rrugën që ka ndërmarrë Rama në parti. Nano ka vënë si kusht të bashkëpunimit të tij me Ramën që gjashtë deputetët e përjashtuar të jenë sërish në këtë parti. Gjithashtu të lejohen edhe fraksionet në PS dhe anulimin e dy kongreseve të fundit. Pas këtij takimi, Blushi është takuar me kryesocialistin Rama në Tiranë. Burimet theksojnë se Rama është shprehur kategorikisht kundra një bashkëpunimi mes tij dhe paraardhësit të vet. Gjithsesi askush nga dy liderët Nano dhe Rama nuk do një parti të ndarë më dysh. Dhe kjo është pika ku bashkohen për momentin. Të tjera janë çështje parimore dhe mendime ndryshe që në selinë rozë nuk janë fenomene që duken për herë të parë.


Kushti i Blushit
Duket e sigurt se Blushi do të rikthehet sërish në shtator në krye të grupit parlamentar. Megjithëse dha dorëheqjen pas zgjedhjes së Presidentit të Republikës, puna e mirë e bërë nga Blushi në krye te grupit ka lënë të kënaqur të gjithë deputetët socialistë. Gjithashtu edhe kryetarin, Rama, i cili e ka cilësuar Blushin si një nga bashkëpunëtorët e tij më të ngushtë në PS. Por Blushi ka vënë një kusht për rikthimin e tij. Ai i ka kërkuar Ramës që të ndryshojë strategjinë me partitë aleatë të opozitës. Me anë të kësaj, Blushi, ka nënkuptuar që PS-ja nuk mund të bashkëpunojë me LSI-në, e cila ka sulmuar ashpër ish-kryetarin e PS-së, Fatos Nanos dhe vuri në kushte vështira PS-në gjatë zgjedhjes së Presidentit. Gjithashtu Blushi ka kërkuar një rishikim të marrëdhënieve me PAD-në e Neritan Cekës, i cili në bashkëpunim me mazhorancën nxori jashtë garës presidenciale Fatos Nanon.

[mondishall]

Per kete loje kungulleshkash vuaka politika shqiptare. Ja te luhet ca mes merive, inateve, tekave, kushteve dhe interesave personale te kupoles alla socialiste, se keshtu do behet me e besueshme ne popull, pa le te veje ne dreq halli i madh i njerezve qe vene prape se prape ne kutine e votimit dhe leshojne pro=ne per keta lojtare kungulleshkash. Sa turp! Takime dy paleshe neper suita e plazhe, perkedhelje dhe tundje kembesh inatshe prej fatosi dhe pionieri te Enverit nga nje Nano, Rame, Blush dhe njerezit rrine e shikojne gojehapur keta shpetimtare te halleve te tyre. Sa turp!!!
-----------------------------------------------------
SHIKOJ DHE NUK BESOJ ATE QE SHIKOJ
BESOJ DHE NUK SHIKOJ ATE QE BESOJ.