Ministri i Mbrojtjes: Qeveria të akordoje fonde për modernizimin e ushtrisë

[Albo]

Mediu i kërkon Qeverisë 11.4 milionë USD pa tender

Modernizimi i forcave tona të armatosura, në prag të marrjes së një ftesë të mundshme për integrimin në NATO, ka sjellë si domosdoshmëri investimin në këtë drejtim me pajisje të reja, që t’i përgjigjen situatës në të cilën jemi.

Adi Shkëmbi

Me këtë argument, ministri i Mbrojtjes, Fatmir Mediu, ka paraqitur në mbledhjen e fundit të qeverisë një “program të veçantë të Ministrisë së Mbrojtjes për modernizimin e forcave të armatosura - modernizimi i kompletit të pajimeve individuale të ushtarakut të forcave të armatosura”. Ky program synon pajisjen e trupave ushtarake shqiptare me pajisje luftarake, përmes blerjes me prokurim të drejtpërdrejtë nga një kompani turke.

Situata aktuale
Sipas këtij projektvendimi të paraqitur në qeveri për miratim, jepet situata aktuale në të cilën ndodhen forcat e armatosura. “Forcat e Armatosura kanë në përdorim pajisje individuale që i përket brezit të vjetër të këtyre pajisjeve të vjetërsuara dhe të dala jashtë standardeve bashkëkohore të tipit kinez e të prodhimit vendas. Në ballafaqimin me situatat e reja dhe operacionet luftarake që ndërmarrin njësitë e FA të RSH, si pjesëmarrja në operacionet ndërkombëtare në kuadrin e aleancës kundër terrorizmit në Irak, Afganistan dhe në Bosnje, pjesëmarrja në shumë shtabe të NATO-s, si dhe kërkesat në rritje për certifikimin e aftësive operacionale e ushtarake të njësive të ndryshme të FA brenda vendit nga aleanca e NATO-s në prag të marrjes së ftesës për anëtarësim, diktojnë marrjen e masave emergjente dhe radikale për arritjen e standardeve të NATO dhe në aspektin e kompletimit me pajisje individuale të ushtarakut”, thuhet në projektvendimin e paraqitur nga ministri Mediu.

Propozimi
Në këto kushte ku ndodhen forcat e armatosura, kreu i Ministrisë së Mbrojtjes i ka propozuar Këshillit të Ministrave për miratim një projektvendim për blerjen e 31 pajisjeve si helmeta, këpucë me qafa ushtari, xhupa stërvitjeje, çorape ushtari verore, çorape ushtari dimri, çanta shpine e deri te jelekë antiplumb, thika luftimi apo thika xhepi shumë përdorimesh për modernizimin e forcave të armatosura për të përmbushur misionet ku marrin pjesë. Sipas Mediut, realizimi i këtij programi do të bëjë të mundur përmbushjen e një ndër standardeve bazë të një ushtrie moderne, të krahasueshme me ushtritë e tjera të vendeve të NATO-s. Ministri i Mbrojtjes bën të ditur në relacionin e këtij projektvendimi, se blerja e këtyre pajisjeve do të bëhet me një kompani turke, e cila furnizon edhe forcat e armatosura të Turqisë. “Nga analiza e ofertave që janë grumbulluar, rezulton se oferta turke paraqet lehtësira, të cilat nuk i ofrojnë shtetet e tjera. Realizimi i këtij programi me palën turke sjell si pasojë një shpejtësi të menjëhershme në përmbushjen e nevojave urgjente në këtë fazë dhe garanton një cilësi të lartë në nivelin e standardeve të NATO-s”, thuhet në relacionin e këtij projektvendimi. Sipas Ministrisë së Mbrojtjes, ky program i veçantë do të kushtojë 11.4 milionë dollarë, shpenzime të cilat do të përballohen nga buxheti i ministrisë.

Pajisjet e propozuara për t’u blerë

Helmetë 8470-27-008-0097
Këpucë me qafa ushtari
Xhup stërvitje
Çorape ushtari verore
Çorape ushtari dimri
Çanta shpine
Tuta të gjata
Uniformë stërvitje kamuflazhi
Bluza ushtari me mëngë të shkurtra
Bluza ushtari me mëngë të gjata
Rrip pantallonash me thurje kaki
Pagure alumini
Rrip mezi ushtari me thurje (kaki, najlon)
Jelek-gjoksore kamuflazhi
Shtresë dysheku alpin
Dyshek alpin
Komplet pajisje të kombinuara portative kazma-lopatë
Këllëf për komplet pajisje të kombinuara portative kazma-lopatë
Kostum kundër shiut
Paket individuale shëndetësore
Jelek antiplumb
Syze dielli
Thika luftimi
Thikë xhepi shumëpërdorimesh
Jelek rezervuar uji 3 litra
Busull
GSP
Shall
Rrjet maskimi individuale
Elektrik dore
Mbrojtëse bërrylash dhe gjunjësh

[Albo]

Bode: Dakord me projektin,por çmimet janë shumë të larta

Përveç Ministrisë së Drejtësisë, edhe Ministria e Financave ka shprehur rezerva lidhur me projektvendimin e paraqitur nga Ministria e Mbrojtjes.

Megjithëse Bode ka qenë dakord parimisht me projektin, edhe këtë herë ai ka shprehur rezerva lidhur me koston financiare të projektit. Bode ka kërkuar prej Ministrisë së Mbrojtjes që të rishikohet kostoja financiare, pasi, sipas tij, ajo është shumë e lartë. “Në përgjigje të shkresës nr. 454 prot. datë 05.07.2007 dërguar nga institucioni juaj, mbi projektvendimin ‘Për miratimin e programit të veçantë të Ministrisë së Mbrojtjes për modernizimin e Forcave të Armatosura të Republikës së Shqipërisë, modernizimi i kompletit të pajimeve individuale të ushtarakut të Forcave të Armatosura’, shprehemi se: jemi dakord me iniciativën e ndërmarrë, e cila justifikohet nga baza ligjore e këtij projekti; efektet financiare duhet të rishikohen, pasi çmimet për njësi janë shumë të larta; në përmbajtjen e projektvendimit, të parashikohen në një pikë të veçantë efektet financiare që rrjedhin nga zbatimi i tij, si përballimin e tyre”, thuhet në përgjigjen e ministrit Bode. Ky propozim i Bodes është pranuar nga Ministria e Mbrojtjes, e cila ka përgjysmuar shpenzimet për këtë projekt. “Në lidhje me këtë vërejtje, Ministria e Mbrojtjes rishikoi koston dhe efektet financiare të këtij projektvendimi, duke e paraqitur në materialet e projektit”, thuhet në relacionin e Ministrisë së Mbrojtjes.

[Albo]

Blerja e pajisjeve, Rusmali kundër

Kundërshtimi i ministrit të Drejtësisë, Ilir Rusmali, për projektvendimin për blerjen e pajisjeve për forcat tona të armatosura, ka bërë që ai të rrëzohet në mbledhjen e fundit të qeverisë dhe të rikthehet edhe njëherë për rishqyrtim përpara se të shkojë sërish për miratim në qeveri. Ministri Rusmali ka qenë kundër rrugës së ndjekur nga Ministria e Mbrojtjes për miratimin e këtij vendimi, por pavarësisht pretendimeve të Rusmalit, Ministria e Mbrojtjes nuk i ka marrë parasysh ato. Edhe në mbledhjen e fundit të qeverisë ka pasur një debat mes ministrit Rusmali dhe zv.ministres Xhuka lidhur me projektvendimin, çka ka detyruar zv.ministren të pranojë që materiali të rikthehet në qeveri për rishqyrtim.

Kundërshtimi i Rusmalit
Sipas kreut të dikasterit të Drejtësisë, rruga e ndjekur nga Ministria e Mbrojtjes për miratimin e këtij projektvendimi nuk është ajo e duhura. Rusmali shkruan në letrën ku jep mendim lidhur me këtë material, se Këshilli i Ministrave nuk mund të kontraktojë me palën turke për blerjen e këtyre pajisjeve. “Sugjerojmë që ‘aneksi 1’ (ku është lista e plotë e pajisjeve që do të blihen së bashku me sasinë) të hiqet si pjesë bashkëlidhur projektvendimit, sepse Këshilli i Ministrave nuk është subjekti i cili po kontrakton me palën turke për blerjen e këtyre materialeve dhe, si rrjedhojë, nuk mund të marrë përsipër përgjegjësinë institucionale të miratimit të çmimit për copë. Këshilli i Ministrave thjesht po përmbush një detyrim ligjor, siç është miratimi i programeve të veçanta për pajisjen dhe modernizimin e Forcave të Armatosura”, thuhet në letrën e Rusmalit. Gjithashtu, Rusmali shton se përcaktimi i saktë i artikujve, sasia, çmimi dhe vlera e totale e projektit, mund të bashkëngjiten në kontratën e detajuar që do të hartojë Ministria e Mbrojtjes. Në fund të letrës, Rusmali shkruan: “Gjithashtu, sugjerojmë riformulimin e tekstit të projektvendimit, pasi nuk është as shumë e as më pak se përsëritje e titullit të projektvendimit”.

Argumenti i Mediut
Por kreu i Ministrisë së Mbrojtjes e ka hedhur poshtë kundërshtimin e Rusmalit për procedurat e miratimit të këtij projektvendimi. “Në kushtet kur ligji për prokurimin publik nuk aplikohet dhe në bazë të nenit 15 të ligjit nr. 8671, datë 26.10.2000 “Për pushtetet dhe autoritetet e komandimit e të drejtimit strategjik të Forcave të Armatosura të Republikës së Shqipërisë”, i ndryshuar, Këshilli i Ministrave realizon në këtë mënyrë kontrollin e shpenzimeve publike dhe ushtron kontrollin demokratik të Forcave të Armatosura nëpërmjet kontrollit të shpenzimeve buxhetore të tyre. Për këto arsye nuk na duket i argumentuar ky rekomandim”, thuhet në relacionin e ministrisë.

Panorama

[vagabondo_nyc]

[B]Propozimi
Në këto kushte ku ndodhen forcat e armatosura, kreu i Ministrisë së Mbrojtjes i ka propozuar Këshillit të Ministrave për miratim një projektvendim për blerjen e 31 pajisjeve si helmeta, këpucë me qafa ushtari, xhupa stërvitjeje, çorape ushtari verore, çorape ushtari dimri, çanta shpine e deri te jelekë antiplumb, thika luftimi apo thika xhepi shumë përdorimesh për modernizimin e forcave të armatosura për të përmbushur misionet ku marrin pjesë. Sipas Mediut, realizimi i këtij programi do të bëjë të mundur përmbushjen e një ndër standardeve bazë të një ushtrie moderne, të krahasueshme me ushtritë e tjera të vendeve të NATO-s. Ministri i Mbrojtjes bën të ditur në relacionin e këtij projektvendimi, se blerja e këtyre pajisjeve do të bëhet me një kompani turke, e cila furnizon edhe forcat e armatosura të Turqisë. “Nga analiza e ofertave që janë grumbulluar, rezulton se oferta turke paraqet lehtësira, të cilat nuk i ofrojnë shtetet e tjera. Realizimi i këtij programi me palën turke sjell si pasojë një shpejtësi të menjëhershme në përmbushjen e nevojave urgjente në këtë fazë dhe garanton një cilësi të lartë në nivelin e standardeve të NATO-s”, thuhet në relacionin e këtij projektvendimi. Sipas Ministrisë së Mbrojtjes, ky program i veçantë do të kushtojë 11.4 milionë dollarë, shpenzime të cilat do të përballohen nga buxheti i ministrisë.

Per 31 ushtar paisjet do kushtojne 11.4 milione dollare. Sikur gjithe butona elektronike ti kene kta veshjet dhe jo lopata xhenjere aq dollare prape sdo kushtonin.

Llogarite i bie diku reth 367 mije dollare per ushtar dhe ministri thote eshte oferte fantastike dhe paraqet lehtesira qe ministir te pushoj me rrahat ne plazhet e turqis.

[derjansi]

31 lloje paisjesh o birazer jo paisje per 31 ushtar.