Rubaira

[Vesel Hysa]

Nje imitim i perkryer qe te nxit te rikthehesh e t'i lexosh strofat per t'u kenaqur me shijen e kendshme artistike te stilit poetik, te ritmit, te gjuhes, te figuracionit...
V.Hysa

[Vesel Hysa]

Nje imitim i perkryer qe te nxit te rikthehesh e t'i lexosh strofat per t'u kenaqur me shijen e kendshme artistike te stilit poetik, te ritmit, te gjuhes, te figuracionit...
V.Hysa

[Diabolis]

43.
Vrapo! Rendni shend e verë,
Sillni verë, sillni verë;
Gjumin dehni këtë herë
Mos e lini që të flerë.

44.
Kjo rubai shkon par avion.
Unë po gatuaj filet mignon
Ti eja sill një savignon.
...flakë e qiririt flakëron.

45
Dil Evropë, moj nusja e sodit!
Krushk i parë me hir të Zotit,
Për ty të shtime i jap barotit
Si në legjendat e motmotit.

46.
Xhelozia është tullumbace,
kur dashuria bëhet mace.
O lëshoje në qiell, o plase,
Në je i pastër, dashnor race.

47.
Që mos bëhet e hazdisur,
Të pushojë ç’ka ka nisur,
Edhe foshnja e nanurisur
Me përkëdheli duhet sëndisur.

48.
Kur të shoh ty të sëndisur
Dhe sëndisja s’është e stisur,
Unë kthehem nga jam nisur
Shpirtin tënd për ta stolisur.

[Diabolis]

49.

Ngrije kokën, hapi sytë,
Ato sy që s’kanë të dytë;
Shih nga unë jo nga hyjtë
Drita ime terrin të mbytë.

50.

O vogëlushe, bijë mushti.
O përvëlim diejsh gushti!
Kur kupën time mbush ti
Të jepem pa kurrfarë kushti.

51.

Vemjen e bukur pika-vija,
Kur i vogël nuk e dija
Që digjte si dashuria,
Pa kujdes në dorë e shtija.

52.

Sapo vemjet bëhen flutura,
Këto s’rrinë më të strukura,
Kërkojnë lulet më të bukura;
Kush mbjell lule korr të puthura.

53.

Kur rrobat e trupit hiqen,
Kur trupat e paturpta shtriqen;
Si dielli me diellin kur digjen!
Si mali me malin kur piqen!

54.

Kështu fjala sjell fjalën:
E zakonshmja të rrallën,
Jetësorja të përralltën,
E vdekura të gjallën.