Vlore '97, hapet dosja e vrasjes se SHIK-asve

[Ozzy]

sallaku eshte muhabet tjeter dhe killerat greko-jevgjit jane muhabet tjeter.
po nuk i mbajtem te duaja keto muhabete gjalle dhe te vecuar nga njeri tjetri keq do ta kemi do te rrehemi si perhere....
prite kur ta heqe sala theothosin dhe te thote ja i denova dhe killerat e 97, gje qe nuk eshte aspak e vertete .....

[DYDRINAS]

Kastriot Dervishi


"Puna e rradhes" e Frrokut

Me deshiren për te çuditur, çoroditur e helmuar shqiptaret,
për t'i lodhur e për t'i stresuar me shume ata, nje dite te
bukur shkurti, qe "rastesisht" ishte dhe fillimi i Konferences
se Rambujese, Agjencia shteterore e lajmeve ATSH, dha
njoftimin se i "ashtuquajturi Mbret i Shqiptareve" ishte kapur
me nje sasi armatimi te ndryshem ne rezidencen e tij ne
Johanesburg. Natyrisht ATSH-ja për ti hedhur vetes rroben e
te "pavarurit" e dha si lajm te cituar, por nga ana tjeter
me disa tualete e zbukurime te citimit e tjetersoi ate
plotesisht. Nuk eshte hera e pare qe drejtori i ATSH apo me
mire komisari politik i saj Frrok Çupi fallsifikon e shpif
kunder Mbretit Leka i I-re. Me idene për ta shpallur Mbretin
jolegjitim duke thene "i vetshpallur" Çupi, na kujtoi Enver
Hoxhen. Çupi zbulon armatim te zbuluar, i cili njihet prej 20
vjetesh si nje përpjekje e mbretit për te rrezuar komunizmin,
përpjekje kjo qe kushtoi Madherise se Tij, largimin nga
Spanja dhe vendosjen në Johanesburg. Ne ate kohe diktatori
komunist Hoxha e pat quajtur Madherine e tij "trafikant
armesh", fjale e cila u ngulit ne trute e popullit siç dinte
Enveri. I gjendur ne veshtiresi Frrokut ia deshi puna te
luftonte me armet e Enverit. Ai shpreh shqetesimin për
rreziqet qe i vine Botes nga keto arme qe ka ky "i
ashtuquajturi Mbret". Por Frroku kur ne 1 mars 1997 ne Vlore
"lulezoi" kallashi nuk shpreh çudine dhe shqetesimin e tij
për ate armatim gjingad qe ra ne duar te pakontrolluara.
Çupi shkruan:"Ketu merr fryme i lire, ketu lind shteti".
("KJ" 1 mars 97). Dhe vertete shteti terrorist qe lindi ato
dite ishte e ardhmja qe siguroi republika parlamentare .
Padyshim incidenti qe ju shkaktua Mbretit e kishte qellimin
tek izolimi i tij për te mos dikuar ne Konferencen e
Rambujese. Mekanizma antishqiptare me përvoje shumevjeçare
shohin tek Mbreti rrezikun e vetem për mos realizimin e
planeve te tyre. Por për kete qellim ata kane edhe manekinet
e tyre politike ne Shqipëri qe i levizin e japin ze kur te
duan e si te duan. Nuk eshte rastesi qe ne Shqipëri sot
ndiqen e persekutohen veprimtare dhe idete nacionaliste, se
politika me shume tentohet te behet sociale se sa kombetare.
Manekini propagandistik Çupi eshte i njohur për
antishqiptarizmin e antiislamizmin e tij. Ne nje rast ai nuk
ka nguruar ta cilesoje problemin e Kosoves si jo ekzistent
pasi ky eshte reduktuar ne "shqiptare te martuar me serbe, e
shqiptare te martuar me serbe". Sipas kesaj ideje Çupi dilte
me idene se nuk ekzistonte etnia shqiptare e për pasoje
ështja e Kosoves. I njohur si nje nder aktoret me aktive te
rrebelimit komunist dhe kryekeshilltar i banditeve nuk ishte
rastesi qe Çupit iu ngarkua nje post i tille te cilin e
pranoi ne Athine. Për Çupin Shqipëria e sotme s'ka probleme,
probleme lindin atehere kur nacionalizohet çeshtja. Fushates
se shpifjeve i parapriu drejtori i RTV-se, i cili me shijet
perverse qe ka, do te bente mire te kontribuonte ne drejtimin
qe eshte i dashuruar. Qysh me 9 gsht 1991 (nr.52(174), viti i
4-te i botimit) Frrok Çupi do te shprehesh keshtu ne "Koha
Jone:"... Sikurse po kerkojne keto dite te vije Leka Zogu e
monarkine..." Frrok Çupi qysh atehere rrezikun e shikon tek
Mbreti e rrjedhimisht tek forcimi i shtetit shqiptar. Ardhjen
e Mbretit ne Shqiperi Çupi e priti me zemerim te madh, ai nuk
mund te duronte terma "Shqipëria etnike", "Monarki
shqiptare". Mori prapë penen e tij dhe si gjithmone spikat
antishqiptarizmin, mundohet te heqi paralele historike vend e
pa vend, merr pjese ne takimin e Kretes përkrah Fatos Nanos
ku shkruan me optimizem te madh (si gjithmone për serbet e
greket), strehon Mazrekun pas atentatit, disinformon për 14-
te shtatorin, për aksident te rreme kunder nje lideri te
opozites etj. Por akuza me e madhe i eshte bere ne gazeten
"Albania" si spiun i sherbimit sekret grek. Ne te vertete
kurre nuk eshte folur për mosmarrjen e pastertise se figures
se Çupit ne zgjedhjet e 26 majit. Ja ç'thote Albania 17
shkurt 1998:"Redaksia ka disa fakte konfidenciale te cilat
deshmojne se Besnik Hidri, i vrare me 28 shkurt 1997 ne
ndertesen e SHIK-ut, ka qene mbrojtesi i akzues se SHIK-ut se
Frrok Çupi ka qene agjent i Sherbimit Sekret Grek, gje qe a
ka provar me filmime. Gjate seances se mbyllur gjyqesore
Besniku ka marre kercenime për Çupit duke shenuar emrin ne
menyre demostrative ne bllok. Me 28 shkurt ne nje reportazh
te Çupit, me titull "kapeni shikasin" behet fjale për te
njejten njeri te pare ne Vlore ate dite, ne mbremje Shikasi u
vra..." Kesaj akuze Çupi nuk i eshte përgjigjur asnjehere. Për
ndonje qe nuk u beson ketyre fjaleve le te jete përgjigje
veprimtaria e Frrok Çupit nga futja ne PD e deri tek
demostrimi me 3 gishta ne Vlore. Edhe pritja me e fundit ne
ambasaden greke e tregoi me se miri kete. Riciklimi i
profesorit te Çupit Ramiz Alise ne politike u be pikerisht
nepërmjet ambasades greke. Natyrisht ky eshte riciklimi
publik, i cili sherbeu edhe si deshmi për ti thene PD-se se
kujt ia pat besuar RD-ne ne fillimviti 1991. Mos ardhte dita
kurre qe spiune qe punojne për Greqine e Serbine te lavderojne
Mbretin. Kolaboracionizmi i sotem nuk mund te jetoje apo
bashkejetoje me monarkine. Do jete nje përplasje e madhe ku
vetem njeri do te fitoje. Dhe natyrisht, vetem ne Shqipëri
ndodh qe spiune te agjensive te huaja qe njihen publikisht,
drejtojne institucione, kane ne dore çelsat e shtetit dhe jo
vetem qe nuk penalizon por kjo njihet si merita me e madhe.
Dhe pastaj bertasin:"Rrofte Republika parlamentare" - qoshja
e shemtuar e ketyre minjve pa bisht.

Botuar ne vitin 2000

http://listserv.acsu.buffalo.edu/cgi-bin/wa?A2=ind0002a&L=albanews&T=0&P=13618

[Brari]

Poçi: Ministrat socialistë, të përfshirë në krimet e ‘97

10 August 2007

Ish-Ministri i Rendit, Spartak Poçi deklaroi dje se ka qenë qeveria socialiste ajo që i ka mbyllur hetimet për ngjarjet kriminale të vitit 97. Gjatë një prononcimi për mediat Poçi ka bërë të ditur se arsyeja e mbylljes së dosjeve të 97 dhe 98 ka qenë përfshirja e disa ministrave socialistë në krimet e ndodhur në këto vite. Sipas tij rihapja e dosjeve nga ana e mazhorancës do të zbulojë lidhjet e politikës me trazirat që faktojnë në dosjet e policisë. Por për mbylljen e hetimeve Poçi ka akuzuar drejtpërdrejtë edhe Prokurorin e Përgjithshëm që sipas tij ka qenë shkaktari kryesor i mbylljes së dosjeve duke i lënë hetimet përgjysmë.Ai ka bërë të ditur se ministria e rendit në atë kohë i ka kopsitur të gjithë ngjarjet kriminale dhe ia ka dërguar prokurorisë ku dhe nuk morën kurrë një përgjigje. Më tej ai i ka bërë thirrje organeve kompetente që të rihapin dosjet dhe të zbulojnë lidhjet e politikanëve me krimin që në atë kohë u mbyllë nga vet ata për shkak të lidhjeve që kanë pasur. "Kur kam qenë ministër Rendi të gjitha dosjet që kanë qenë në këtë periudhë janë kopsitur, përfshi dhe ngjarjet e 98 mes të cilave edhe vrasjen e deputetit Azem Hajdari. Më pas këto janë përcjellë nga organet e drejtësisë, por atje ato janë bllokuar dhe nuk e di pse janë bllokuar dhe nuk janë evaduar, ose më saktë nuk janë konkluduar", është shprehur ish-ministri i Rendit, Spartak Poçi. Si ish-ministër i Rendit ai i ka kërkuar drejtësisë që ti shkoj deri në fund këtyre ngjarjeve duke i cilësuar ato katastrofë nacionale. Ndërsa theksoi se kundër hapjes së dosjeve të 97 janë vetëm ata deputet që kanë lidhje me krimet e ndodhura në atë kohë. "Ajo që duhet të ndodhte është që drejtësia duhet ti shkoj deri në fund këtyre çështjeve. Një politikan që nuk ka lidhje me këtë ngjarje nuk ka pse reagon", vijoj më tej ku u shpreh i sigurt se nëse rihapja e dosjeve merret seriozisht nga drejtësia e sotme do të zbardhen të gjithë krimet dhe ekzekutorët e këtyre ngjarjeve. Madje ai theksoi se me zbardhjen e ngjarjeve do zbulohen edhe lidhjet e politikës socialiste me krimin që sipas tij është edhe gjëja më e rëndësishme. Gjithashtu Poçi ka bërë të ditur se i di të gjithë emrat e politikanëve që janë përfshirë me krimin por nuk do që të prononcohet për to. Ndërkohë që është shprehur i sigurt se emrat e tyre dhe lidhjet e tyre janë në dosjet e policisë të cilat nuk janë zbardhur asnjëherë nga qeveria e asaj kohe. "Në qoftë se i shkohet deri në fund do të gjendet edhe kush ka qenë ekzekutuesit edhe ata që kanë qenë nga prapa duke drejtuar dorën e ekzekutuesit, të kësaj katastrofe. E përsërisë disa herë që ka qenë katastrofë nacionale. Ka pasur ekzekutorë, njerëz që ekzekutonin ,ka pasur edhe urdhra ka pasur edhe nga ata që jepnin urdhra. Unë nuk mund të prononcohem për persona të veçantë as për grup personash. Ato dihen janë të dokumentuara të gjithë, askush nuk mund ti shmang, askush nuk mund të bëjë hedhjen e patates nga një dorë në dorën tjetër. Por siç thashë edhe në fillim me këtë çështje do të merret prokuroria, gjykata sepse materialet janë të bollshme", shtoi më tej Poçi duke e cilësuar situatën e krijuar në vitin 1997 katastrofë nacionale. Së fundi Poçi ka hedhur poshtë edhe deklaratat e bërë nga opozita cila nuk e ka pritur mirë rihapjen e dosjeve të ngjarjeve 97 dhe 98 duke e arsyetuar me mendimin se një gjë e tillë synon shmangien e opinioni publik nga krizat në vend. "Unë theksova që në fillim pa përmendur emra të veçantë se përgjegjëse për krizën në vend është politika. Pra politikanët e kanë luajtur politikën por kjo përgjegjësi kalon tek drejtësia. "Në qoftë se i shkohet deri në fund do të gjendet edhe kush ka qenë ekzekutuesit edhe ata që kanë qenë nga prapa duke drejtuar dorën e ekzekutuesit, të kësaj katastrofe. E përsërisë disa herë që ka qenë katastrofë nacionale. Ka pasur ekzekutorë, njerëz që ekzekutonin, ka pasur edhe nga ata që jepnin urdhra. Unë nuk mund të prononcohem për persona të veçantë. Ato dihen se kush janë, janë të dokumentuara dhe askush nuk mund ti shmang", është shprehur Poçi.

SOT

[Brari]

Poçi: Ministrat socialistë, të përfshirë në krimet e ‘97

10 August 2007

Ish-Ministri i Rendit, Spartak Poçi deklaroi dje se ka qenë qeveria socialiste ajo që i ka mbyllur hetimet për ngjarjet kriminale të vitit 97. Gjatë një prononcimi për mediat Poçi ka bërë të ditur se arsyeja e mbylljes së dosjeve të 97 dhe 98 ka qenë përfshirja e disa ministrave socialistë në krimet e ndodhur në këto vite. Sipas tij rihapja e dosjeve nga ana e mazhorancës do të zbulojë lidhjet e politikës me trazirat që faktojnë në dosjet e policisë. Por për mbylljen e hetimeve Poçi ka akuzuar drejtpërdrejtë edhe Prokurorin e Përgjithshëm që sipas tij ka qenë shkaktari kryesor i mbylljes së dosjeve duke i lënë hetimet përgjysmë.Ai ka bërë të ditur se ministria e rendit në atë kohë i ka kopsitur të gjithë ngjarjet kriminale dhe ia ka dërguar prokurorisë ku dhe nuk morën kurrë një përgjigje. Më tej ai i ka bërë thirrje organeve kompetente që të rihapin dosjet dhe të zbulojnë lidhjet e politikanëve me krimin që në atë kohë u mbyllë nga vet ata për shkak të lidhjeve që kanë pasur. "Kur kam qenë ministër Rendi të gjitha dosjet që kanë qenë në këtë periudhë janë kopsitur, përfshi dhe ngjarjet e 98 mes të cilave edhe vrasjen e deputetit Azem Hajdari. Më pas këto janë përcjellë nga organet e drejtësisë, por atje ato janë bllokuar dhe nuk e di pse janë bllokuar dhe nuk janë evaduar, ose më saktë nuk janë konkluduar", është shprehur ish-ministri i Rendit, Spartak Poçi. Si ish-ministër i Rendit ai i ka kërkuar drejtësisë që ti shkoj deri në fund këtyre ngjarjeve duke i cilësuar ato katastrofë nacionale. Ndërsa theksoi se kundër hapjes së dosjeve të 97 janë vetëm ata deputet që kanë lidhje me krimet e ndodhura në atë kohë. "Ajo që duhet të ndodhte është që drejtësia duhet ti shkoj deri në fund këtyre çështjeve. Një politikan që nuk ka lidhje me këtë ngjarje nuk ka pse reagon", vijoj më tej ku u shpreh i sigurt se nëse rihapja e dosjeve merret seriozisht nga drejtësia e sotme do të zbardhen të gjithë krimet dhe ekzekutorët e këtyre ngjarjeve. Madje ai theksoi se me zbardhjen e ngjarjeve do zbulohen edhe lidhjet e politikës socialiste me krimin që sipas tij është edhe gjëja më e rëndësishme. Gjithashtu Poçi ka bërë të ditur se i di të gjithë emrat e politikanëve që janë përfshirë me krimin por nuk do që të prononcohet për to. Ndërkohë që është shprehur i sigurt se emrat e tyre dhe lidhjet e tyre janë në dosjet e policisë të cilat nuk janë zbardhur asnjëherë nga qeveria e asaj kohe. "Në qoftë se i shkohet deri në fund do të gjendet edhe kush ka qenë ekzekutuesit edhe ata që kanë qenë nga prapa duke drejtuar dorën e ekzekutuesit, të kësaj katastrofe. E përsërisë disa herë që ka qenë katastrofë nacionale. Ka pasur ekzekutorë, njerëz që ekzekutonin ,ka pasur edhe urdhra ka pasur edhe nga ata që jepnin urdhra. Unë nuk mund të prononcohem për persona të veçantë as për grup personash. Ato dihen janë të dokumentuara të gjithë, askush nuk mund ti shmang, askush nuk mund të bëjë hedhjen e patates nga një dorë në dorën tjetër. Por siç thashë edhe në fillim me këtë çështje do të merret prokuroria, gjykata sepse materialet janë të bollshme", shtoi më tej Poçi duke e cilësuar situatën e krijuar në vitin 1997 katastrofë nacionale. Së fundi Poçi ka hedhur poshtë edhe deklaratat e bërë nga opozita cila nuk e ka pritur mirë rihapjen e dosjeve të ngjarjeve 97 dhe 98 duke e arsyetuar me mendimin se një gjë e tillë synon shmangien e opinioni publik nga krizat në vend. "Unë theksova që në fillim pa përmendur emra të veçantë se përgjegjëse për krizën në vend është politika. Pra politikanët e kanë luajtur politikën por kjo përgjegjësi kalon tek drejtësia. "Në qoftë se i shkohet deri në fund do të gjendet edhe kush ka qenë ekzekutuesit edhe ata që kanë qenë nga prapa duke drejtuar dorën e ekzekutuesit, të kësaj katastrofe. E përsërisë disa herë që ka qenë katastrofë nacionale. Ka pasur ekzekutorë, njerëz që ekzekutonin, ka pasur edhe nga ata që jepnin urdhra. Unë nuk mund të prononcohem për persona të veçantë. Ato dihen se kush janë, janë të dokumentuara dhe askush nuk mund ti shmang", është shprehur Poçi.

SOT

[DYDRINAS]

Hapen dosjet e bujshme ‘97-‘99

Rihetim për 10 vrasjet e mëdha që tronditën Tiranën gjatë dy viteve. Ja lista


Rikthimi në vëmendje të dosjeve të bujshme kriminale ka përfshirë edhe sektorin e vrasjeve në policinë e Tiranës, i cili kohët e fundit ka marrë në dorë rishqyrtimin e dhjetë vrasjeve më misterioze në vitet 1997-1999. Që nga vrasja e ish-ministrit të Mbrojtjes së Kosovës, Ahmet Krasniqi, e deri te vrasja e disa biznesmenëve, apo edhe e studentes Kozeta Hyseni. Burimet nga prokuroria bënë të ditur se dhjetë dosje i janë kthyer policisë së Tiranës, dhe skuadra e vrasjeve po i rishikon të gjitha për të gjetur autorët, si dhe për dokumentimin e plotë të tyre. Një nga dosjet e para që është hapur i përket vrasjes së Eduart Mirit, më 27 qershor të vitit 1997. 26-vjeçari Miri, në atë kohë ishte përfaqësues i PLL-së në komisionin e zonës elektorale nr. 21, në Laç. Vrasja e tij u krye nga persona të paidentifikuar, teksa qëndronte para një lokali në pronësi të tij. Ndërkohë, një dosje tjetër e rihapur i përket vrasjes anëtarit të Partisë Demokratike, Agim Gjipali, ngjarje e ndodhur po në vitin 1997. Po për këtë vit, sektori i vrasjeve ka marrë në dorë vrasjen e Ylli Miftarit. Ky i fundit, me profesion kambist, është qëlluar për vdekje. Dyshohej se ai ishte ekzekutuar nga banda e Laprakës. Gjithashtu, policia ka hapur edhe dosjen e vrasjes së biznesmenit Stefano Rosi. Kjo vrasje daton më 26 janar të vitit 1998. Biznesmeni italian u qëllua përballë fabrikës së qelqit, në zonën e Kombinatit. Ai kishte në pronësi një fabrikë këpucësh dhe u qëllua në momentin që po lëvizte me mjetin e tij dhe po shkonte të paguante punëtorët. Një tjetër vrasje makabre është rikthyer në duart e policisë. Pedagogu i Inxhinierisë së Ndërtimit, Miriam Bubsi, u gjet i vrarë në 15 mars 1998, në Qafë-Priskë, në Tiranë. Në dosje thuhet se makina e 42-vjeçarit Bubsi ishte djegur dhe në krah të saj ndodhej trupi i pajetë i tij. Kufoma ishte dhunuar, pasi e kishin vrarë autorët krimit kanë bërë edhe djegien e saj, si dhe i kanë futur pambuk në grykë. Për vrasjen e pedagogut të Inxhinierisë së Ndërtimit u dyshuan dy persona. Por në fund të vitit 1998, dy të dyshuarit janë vrarë, duke lënë enigmë edhe vrasjen e Miriam Bubsit. Mes vrasjeve të njëpasnjëshme të atyre viteve është vënë në listë edhe dosja e Koço Dados, ku më 8 qershor të vitit 1998, ai u mor peng nga katër persona dhe asnjëherë nuk u dokumentua motivi apo autorësia e kësaj ngjarjeje. Dado, që në atë kohë ishte biznesmen dhe kryetar shoqate, u mor peng pranë banesës së tij dhe asnjëherë nuk u gjet. Gjithashtu, vrasja e Ahmet Krasniqit, më 21 shtator të vitit 1998, mbetet gjithashtu enigmë. Ministri i Mbrojtjes së Kosovës, sapo kishte zbritur nga makina dhe po hynte në banesë, kur është qëlluar tri herë, duke gjetur vdekjen e menjëhershme. Policia e Tiranës ka rihapur edhe dosjen hetimore për vrasjen e studentes vlonjate Kozeta Hyseni, më 18 shkurt 1999. Hetimi është rihapur, bazuar në informacione të reja operative të siguruara nga policia kriminale që ka ndjekur çështjen. Dyshohet se të paktën tre persona, të cilët kanë pasur njohje me Kozetën, kanë dijeni për vrasjen. Gjithashtu, dosja për vrasjen e Kleanthi Koçit është rikthyer në polici. Sipas të dhënave, avokati u qëllua në vitin 1998 dhe vdiq disa ditë më vonë, kur po transportohej për në Itali. Ai i kishte njohur vrasësit, por do të fliste me policinë, pasi të dilte nga spitali. Në atë kohë, Koçi kishte mbrojtur çështjen e Ramiz Alisë dhe Leka Zogut. Dosja e fundit që është marrë në dorë nga policia është ajo e Enkeled Agos, i vrarë më 9 janar të vitit 1999. Dyshohet se motivi i krimit ka qenë hakmarrja. Me këtë, policia arrin në numrin dhjetë të dosjeve për vrasjet më të bujshme.



Dosjet e hapura

Vrasja e Eduart Mirit, 16 qershor 1997

Vrasja e Agim Gjipalit, 30 dhjetor 1997

Vrasja e Ylli Miftarit, 31 dhjetor 1997

Vrasja e Stefano Rosit, 26 janar 1998

Vrasja e Miriam Bubsit, 8 qershor 1998

Vrasja e Koço Dados, 8 qershor 1998

Vrasja e Ahmet Krasniqit, 21 shtator 1998

Vrasja e Kozeta Hysenit, 18 shkurt 1999

Vrasja e Kleanthi Koçit, 21 shkurt 1999

Vrasja e Enkeled Agos, 9 janar 1999

Gazeta Shqip

[qafezezi]

Sipas meje kjo qeveri qe eshte ne pushtet nuk i kap dot kriminelet e 97-es. Se kjo qeveri i ka mbush burgjet me hajdute domatesh ndersa ata qe kane vrare nuk kapen. Sot ne Shqiperi ka te beje vetem leku. Ai qe ka leke del nga burgu, ai qe s'ka rri aty edhe pse mund te jete i pafajshem. Duhet bere reforma ne drejtesi qe te kapen kriminelet e vertete. Me gjykatesit e Enver Hoxhes s'do kete kurre drejtesi ne Shqiperi, sepse ata e kane mendjen vetem te vjedhin, ata jane te pamoralshem.

[DYDRINAS]

Krimet makabre të bandës së Cërrikut

Rrëfehet i arrestuari: "Një grua shtatzënë e detyruan të lindte në rrugë, në sytë e shumë njerëzve". Nis mbledhja e provave

Banda e Cërrikut dyshohet se ka kryer me dhjetëra krime. Krahas vrasjeve të gardistëve, Prokuroria e Krimeve të Rënda po mbledh prova për ngjarjet monstruoze që ka kryer organizata, gjatë viteve 1997 në Cërrik. Hetuesit kanë mbledhur informacione se një prej të arrestuarve, Roland Xhapaxhiu, ka detyruar një grua shtatzanë të lindë para syve të tij, në mes të qytetit. Faktet tronditëse janë treguar për hetuesit nga njëri prej të arrestuarve. Ai ka thënë se Xhepaxhiu, i cili qëndronte "roja" i postbllokut të ngritur në hyrje të qytetit, në një prej muajve të vitit të tmerrshëm ‘97 ka pikasur një grua shtatzëne. E ka ndaluar, duke i drejtuar armën. Pas disa çastesh e ka detyruar të lindë.

Dëshmia tronditëse

Faktet janë bërë publike gjatë marrjes në pyetje të një prej të arrestuarve. Sipas tij, në vitin 1997, disa javë para masakrës ku humbën jetën pesë gardistë, Xhepaxhiu ka pikasur afër "postbllokut" në hyrje të qytetit një grua shtatzëne. E ndalon, duke e detyruar që të lindë para syve të tij. Informatori i prokurorisë ka deklaruar se Xhapaxhjiu ka marrë disa masa paraprake të lindjes në rrugë. Arsyetimi i tij ishte i thjeshtë: nuk kishte parë asnjë grua teksa lindte. Pas më shumë se 30 minutash, teksa gruaja kishte lindur në mënyrë çnjerëzore, Xhapaxhiu urdhëron një shofer ta dërgojë në spital. Tashmë kishte hequr kuriozitetin. Hetuesit e prokurorisë dyshojnë se akte të tilla çnjerëzore mund të kenë ndodhur në qytetin e vogël të Cërrikut. Për këtë arsye i bëjnë thirrje qytetarëve të dënoncojnë ngjarjet kriminale. Dyshohet se banda ka realizuar vjedhje, plagosje, përdhunim e përçundime. Një tjetër burim informacioni për hetuesit janë edhe bashkëpunëtorët e drejtësisë, tashmë të ndaluar, të cilët në këmbim të uljes së dënimit kanë pranuar të japin detaje makabre nga jeta e përditshme në qytetin e vogël. Pikërisht shtrirja e vogël gjeografike, si dhe njohja e banorëve me njëri-tjetrin, mund të jetë një burim i mirë informacioni për të zbuluar aktet kriminale. Gjithsesi koha e gjatë e këtyre krimeve mund të jetë një pengesë e drejtësisë për moszbulimin e ngjarjeve.

Hetimet e prokurorisë

Prokuroria e Krimeve të Rënda vazhdon me intensitet hetimet për një nga ngjarjet më të rënda në vitin 1997. Dosja është në verifikim e sipër dhe po mblidhen prova për të dyshuarit e tjerë, për të cilët flitet se janë rreth 25. Nga të dhënat operative të policisë mësohet se ata kanë qenë me funksione të larta në qytetin e Cërrikut, ndërsa një pjesë tjetër ka qenë elementë kriminalë në këtë qytet. Burimet thanë se pikërisht ndërthurja e këtyre elementëve ka sjellë edhe organizimin me detaje të vrasjes së gardistëve, si dhe shumë ngjarjeve të tjera kriminale. Mësohet se pikërisht dëshmitë e qytetarëve dhe të vetë të dyshuarve sollën edhe rihapjen e hetimeve për masakrën, e cila duket se është prova më e fortë e organit të akuzës. Disa javë më parë, Drejtoria e Policisë së Elbasanit dërgoi në Prokurorinë e Krimeve të Rënda një informacion për prova të reja për masakrën e Cërrikut. Menjëherë filloi procedimi penal. Ekzekutimi me antitank i 6 gardistëve mbetet për qytetin e Cërrikut një nga ngjarjet më tragjike dhe më të përgjakshme të trazirave. Ekzekutimi i tyre u krye me antitank nga taraca e një pallati në qendër të qytetit. Dy nga të dyshuarit si autorë të krimeve të kryera në qytetin e Cërrikut gjatë kohës së trazirave të mars-qershorit 1997 atëherë ishin anëtarë të komitetit të shpëtimit dhe kanë qenë nga më aktivët në përpjekjet e bëra nga qytetarët në rivendosjen e rendit e të qetësisë publike. Ndërsa nga hetimet intensive të kryera ka rezultuar se jo rrallë ata dyshohet se janë implikuar edhe në krime.



Precedenti

Basti, Altin Dardha masakroi në Berat një grua shtatzëne


Përçundimi në mes të qytetit të Cërrikut të një gruaje shtatzëne nga anëtarët e një bande nuk është i vetmi rast në arkivat e drejtësisë shqiptare. Prokuroria dhe policia e Beratit kanë hetuar një rast të ngjashëm në vitin 1997 në mes të qytetit, kur një grua shtatzëne u masakrua nga dy persona. Sipsa dëshmive, të cilat janë në formën e gojëdhënave, Altin Dardha sëbashku me një anëtar të bandës së tij qëndronte në një lokal në lulishten e Beratit. Në rrugë kalonte një grua shtatzënë. Dardha sëbashku me mikun e tij vendosin një bast, nëse ishte vajzë apo djalë fëmija në barkun e nënës. Siç mësohet nga dëshmitarët basti ishte rreth 3 milion lekë të vjetra. Me ndihmën e një personi tjetër, gruaja është masakruar në mes të qytetit, vetëm nga një kapriço e krerëve të bandës, të cilët bënin "ligjin" në 97-ën në Berat.



Ngjarja


MAJ 1997/ Si u ekzekutuan me antitank në Cërrik pesë gardistë


Prokuroria e Policia, të implikuar edhe VIP-a


Hetimet e prokurorisë dhe verifikimet e policisë mund të zbardhin edhe implikimin e strukturave të larta të drejtimit të qytetit në masakrën e cërrikut. Vetë Ministri i Brendshëm, Bujar Nishani, deklaroi disa ditë më parë se priten të tjera arrestime "Vip" për masakrën. Ai sqaroi me detaje ngjarjen e ndodhur më 22 dhe 23 maj të viti 1997 në Cërrik, duke ju referuar edhe hetimeve të bëra nga Prokuroria për Krime të Rënda. Sipas hetimeve të cilave iu referuar Nishani, shtetasit Llazar Bicja dhe Met Bozi kanë qenë personat që kanë kërkuar edhe ndihmën e bandës së romëve për të goditur gardistët. Por ministri bënte përgjegjës paraardhësit e tij, në lidhje me hetimet, por duket vënë gishtin mbi segmente të policisë por jo në emra konkretë. Disa të dyshuar, të akuzuar për ngjarjen, aktualisht vuajnë dënimet në burgjet shqiptare dhe grekë për të tjera vepra penale. Ministri la të nënkuptohej se gjatë hetimeve të prokurorisë ka fituar statusin e bashkëpunëtorit të drejtësisë një person. Ndërsa sipas prokurorisë, ai ka treguar me detaje ngjarjen, që nga momenti që në qytet janë futur forcat e para të policisë. Personi më frytdhënës për prokurorinë ka qenë Bujar Buzani. Nga të dhënat e prokurorisë ka shkuar në 10 numri i të dyshuarve për masakrën e Cërrikut. Ministria e brendshme konfirmon se rihapja e hetimeve për vrasjen e gjashtë gardistëve dhe plagosjen e disa punonjësve të policisë më 23 maj të vitit 1997, solli provat e mjaftueshme për vënien para drejtësisë të autorëve të atij krimi monstruoz. Nga procedimi penal numër 45 i Prokurorisë së Krimeve të Rënda rezulton se me date 23 maj 1997, rreth orës 8.30 në qytetin e Cërrikut janë goditur me armë zjarri punonjësit e Gardës së Republikës dhe forcat e policisë lokale nga disa persona ku nga këto goditje kanë gjetur vdekjen Besnik Sula, Halit Haxhia, Bashkim Mnella, Qemal Mehmeti, Sali Martini dhe Petrit Ndoi. Nga hetimet e kryera rezulton se më datë 22 maj 1997 është sulmuar Posta e Policisë së qytetit Cërrik dhe janë larguar me force punonjësit e saj. Të nesërmen Garda e Republikës dhe policë nga Elbasani kanë shkuar në Cërrik për të rivendosur rendin. Personat nën hetim Llazar Bicja dhe Meti Bozi të informuar mbi këtë lëvizje, në datën 23 organizuan në qytetin e Cërrikut një grup personash të armatosur me qëllim goditjen e forcave policore. Në mëngjes në lagjen Nr.3 të qytetit Cerrik, Bicja dhe Bozi kanë takuar shtetasit Arjan Toska, Luftar Toska, Besnik Toska, Alban Toska, Sokol Buzani, Bujar Buzani, Tomor Buzani, Bashkim Buzani të cilët i kanë nxitur për të goditur forcat e policisë që do të lëviznin nëpër qytet. Për masakrën e Cërrikut përfundimisht si autorë të dyshuar tashmë në duart e drejtësisë janë 9 persona.

Gazeta Shqip

[daja shneq]

per ngjarjet e 1991 dhe 1997 fajtori kryesor eshte zoti qe na ka denu me hjeke dhe enver hoxha e sali berisha,per mu ngjarjet e 1991 dhe 1997 po vazhdojne prape si ne Shqiperi si ne Kosove,sa armet jane ne duart e shqiptareve pas ngjarjeve 97 dhe 99 do te vazhdojne keto ngjarje edhe per 15 vite tjera,fajtori kryesor zoti i madh skem qka ti bajme po ne Shqiperi si se del ni trim e me ja fut 6 plumba ne ball sali M,ngjarjet e 1991 te 1997 te 1998 dhe 1999 po me duken sikur para nje jave kane ndodhur ndoshta qe ende jane duke vazhduar se kerkund ne bote ska pos te shqiptaret qe per dy llafe goje e vrasin njeri tjetrin

[DYDRINAS]

Banda e Cërrikut, anëtarët me viza në xhep

Met Bozi u premtoi anëtarëve mbështetje nga administrata shtetërore

Anëtarët e Bandës së Cërrikut, të cilët akuzohen për vrasjen e pesë gardistëve dhe dhjetëra krime të tjera, kishin mbështetje nga instancat shtetërore gjatë vitit 1997. Madje, atyre u është premtuar mbështetje, edhe nëse ndërmerrnin sulme ndaj forcave policore. Prokuroria e Krimeve të Rënda, e cila po heton këtë grup, ka vërtetuar se të dyshuarit për njërën nga masakrat më çnjerëzore të vitit të mbrapshtë, do të largoheshin në vendet perëndimore. Gjatë marrjes në pyetje, vetë të arrestuarit kanë deklaruar edhe personin që bënte kontaktet midis zyrtarëve të administratës shtetërore dhe elementëve kriminalë. Në atë pozicion qëndronte Met Bozi, anëtar i komitetit të shpëtimit, i cili organizonte bandën. Dëshmitë e të arrestuarve po verifikohen nga prokuroria, e cila pritet të nxjerrë skemën e funksionimit të organizatës kriminale.

Largimi nga Shqipëria

Nga hetimet e deritanishme prokuroria ka vërtetuar se anëtarëve të Bandës së Cërrikut u ishin premtuar viza në vendet perëndimore. Madje, njëri nga informatorët e akuzës ka deklaruar se Met Bozi, një nga të arrestuarit, i cili dyshohet si një ndër organizatorët e vrasjes së pesë gardistëve, ishte personi që bënte premtimet. Disa muaj para masakrës, pikërisht në fillim të vitit 1997, Bozi i ka mbledhur anëtarët në një godinë në Cërrik, dhe u ka dhënë "urdhra" të prerë. Sipas dëshmive, ai u ka thënë se kishin mbështetje nga instancat shtetërore për të gjitha veprimet që do të kryenin, dhe se nuk do të ndaloheshin ose të arrestoheshin. Madje, premtimet kanë vijuar se mund të përdornin armë në qytet dhe ishin të lirë "të luftonin" me policinë, nëse do të kryhej ndonjë operacion. Burimet saktësojnë që nëse anëtarët e bandës do të gjendeshin në situata të vështira gjatë përballjes me policinë, ose në qoftë se do të kërkoheshin nga drejtësia, do të merrnin viza dhe mund të largoheshin nga Shqipëria. Premtimi ishin vendet perëndimore dhe SHBA-ja. Megjithatë, kushtet në të cilat u gjendën pas masakrës dhe mosarrestimi i tyre ose ndjekja e policisë, nuk bënë të mundur largimin e tyre nga Cërriku. Organet hetimore në vitin 1998, vit në të cilin u verifikua për herë të parë masakrimi i 6 efektivëve të Gardës së Republikës, hetuan personat që urdhëruan gardistët për të shkuar në Cërrik. Pas disa muajsh dosja është mbyllur për mungesë autorësh.

Heshtja e Bozit

Gjatë marrjes në pyetje nga hetuesit e çështjes Met Bozi, i konsideruar edhe si një nga organizatorët e masakrës, nuk ka pranuar të japë shpjegime. Ndryshe nga anëtarët e tjerë të bandës së Cërrikut, të cilët ia kanë hedhur fajin njëri-tjetrit, ish-anëtari i komitetit të shpëtimit ka thënë prerë së nuk ka gisht në asnjë ngjarje kriminale. Veprimet e tij, sipas prokurorisë, të lënë të dyshosh se pas tij mund të fshihen të tjerë persona që kanë pasur poste të larta në administratën shtetërore në vitin 1997. Hetuesit dyshojnë se Bozi mund të ketë qenë vetëm një ndërlidhës midis VIP-ave dhe elementëve kriminale. Pikërisht ndërthurja e tyre solli edhe një sërë ngjarjesh kriminale në qytetin e vogël të Cërrikut. Më 23 maj janë goditur me armë zjarri punonjësit e Gardës së Republikës dhe forcat e policisë lokale nga disa persona. Nga kjo kanë gjetur vdekjen Besnik Sula, Halit Haxhia, Bashkim Mnella, Qemal Mehmeti, Sali Martini dhe Petrit Ndoi.

Gazeta Shqip

[DYDRINAS]

Sekuestro pamjeve të TV për ngjarjet e ‘97-ës


• Klodiana Lala

Pamjet filmike të realizuara gjatë trazirave të vitit 1997, do të sekuestrohen nga Prokuroria, e cila ka rinisur hetimin e dosjeve të vjetra. Burime pranë organit të akuzës pohuan se nëpërmjet pamjeve mund të identifikohen pjesëmarrësit e mundshëm në ngjarjet kriminale dhe më pas do të hetohet për rolin e gjithsecilit. Kasetat filmike si dhe fotot e ndryshme, që ekzistojnë për disa prej ngjarjeve më të tmerrshme të vitit të mbrapshtë, do të sekuestrohen nga arkivat e televizioneve, apo ndonjë xhirim i bërë nga amatorë të ndryshëm. Duhet theksuar se filmime janë bërë dhe nga televizionet e huaja. E pikërisht, pamjet e marra me satelit nga një televizion i huaj, janë një nga provat kryesore që prokuroria mundi të ketë në dorë dhe nëpërmjet saj, zbardhi masakrën e 23 majit të vitit 1997, në hyrje të qytezës së Cërrikut, ku pas një sulmi mbi autoblindin e Gardës së Republikës, mbetën të vrarë gjashtë gardistë dhe u plagosën disa të tjerë. Të gjitha kasetat filmike do të përdoren si prova dhe në proceset gjyqësore ndaj të pandehurve në proces.
Hetimet
Pas rihapjes së dosjeve, prokuroria ka nisur punën për sigurimin e provave të pakundërshtueshme, me qëllim që të vërtetojë implikimin në krim të të dyshuarve si autorë të ngjarjeve të vitit 1997. Përveç dëshmive të personave që kanë parë me sytë e tyre krimet monstruoze, apo atyre që kanë pasur dijeni për ngjarjet makabre, pamjet filmike të realizuara nga operatorët e televizioneve të ndryshme apo kamera amatore, do të jenë provë kyçe për prokurorinë. Kështu, organi i akuzës ka vendosur të sekuestrojë të gjitha filmimet e bëra në ngjarje të ndryshme të vitit të mbrapshtë, nëpërmjet të cilave synohet të arrihet tek të dyshuarit si organizatorë të ngjarjeve kriminale. Sigurimi i pamjeve filmike do të ishte një provë e fortë, ku prokuroria do të mbështetej për thellimin e hetimeve.
Dosjet
Javët e fundit janë shpluhurosur thuajse të gjitha dosjet e vitit 1997 dhe po punohet për zbardhjen e tyre e vënien para drejtësisë të përgjegjësve të masakrave të ndryshme. Masakra ndaj efektivave të Gardës së Republikës në hyrje të qytetit të Cërrikut, më 23 maj 1997, konsiderohet e zbardhur. Gjithashtu, prokuroria pohon se është në rrugë të mbarë për identifikimin e autorëve të ngjarjes së Urës Vajgurore, si dhe vrasjes së dy ish-shikasve në Vlorë më 28 shkurt 1997. Për ngjarjen e fundit, përveç dëshmive të fundit, ekzistojnë pamje të shumta filmike si dhe fotografi të realizuara nga një fotograf i huaj që ndodhej në Shqipëri. Madje, mbi bazën e këtyre provave synohet të arrihet tek autorët e vërtetë të krimit makabër, ku viktima mbetën Lekë Qoku e Besnik Hidri, të cilët ndodheshin brenda në godinën e SHIK-ut, në dalje të Vlorës, kur u sulmuan nga demonstruesit.

Gazeta Shqiptare