Shkoder, Vret me plumb në kokë shokun e ngushtë

[RaPSouL]

Shkoder, Vret me plumb në kokë shokun e ngushtë

Teksa ka parë nënën e fëmijës së tij tek pinte kafe me shokun e tij të ngushtë Çoba ka “fshirë” nga mendja fëmijërinë e kaluar me Gavoçin

Shkoder-Xhelozia për ish-bash ëshorten, me të cilën ishte divorcuar prej disa muajsh, i ka errur sytë dhe humbur arsyen deri në marrëzi. Teksa ka parë nënën e fëmijës së tij tek pinte kafe me shokun e tij të ngushtë në një nga lokalet e plazhit të Velipojës, Andrea Çoba ka “fshirë” nga mendja vitet e fëmijërisë dhe të rinisë që kishte kaluar së bashku me Ernest Gavoçin. Në një moment lajthitjeje, kur ndihej tejet i fyer, 29-vjeçari ka qëlluar me një plumb në kokë Gavoçin dhe me dy të tjerë në trup duke e lënë këtë të fundit të vdekur në vend.

Ngjarja e rëndë ka ndodhur në orët e para të mëngjesit të djeshëm, në aksin rrugor Velipojë-Shkodër e pikërisht në afërsi të fshatit Trush. Vrasja e 28-vjeçarit ka alarmuar efektivat blu të Komisariatit të Shkodrës. Forca të shumta policore janë vënë në ndjekje të autorit të krimit, që është shpallur në kërkim. Brenda pak minutave, policia dhe prokuroria kanë zbardhur plotësisht ngjarjen dhe motivin e saj. Kjo edhe falë dëshmive të dhëna nga dy shoqe të ngushta të ish-gruas së Çobës. Dy femrat kanë përjetuar momentin e vrasjes së viktimës, i cili po i shoqëronte me makinën e tij nga plazhi për në qytetin e Shkodrës.

NGJARJA
Paraditen e së enjtes, dy shokët: Ernest Gavoçi dhe Andrea Çoba kanë shkuar për të kaluar disa orë pushimi në Velipojë. Në orët e pasdites, Gavoçi është shoqëruar në një nga lokalet e këtij plazhi me ish-gruan e Çobës (Ertiolën) dhe dy shoqet e saj.

Ky fakt është vënë re nga 29-vjeçari, i cili ka marrë disa herë në telefon shokun që të mos shoqërohej me ish-bashkëshorten e tij. Ndërkaq, në orët e vona të natës, Ernest Gavoçi ka marrë në makinën e tij tri femrat për t’i sjellë në Shkodër. Ky veprim ka acaruar më shumë Andrea Çobën. Ai i ka ndjekur ata me makinë nga pas. Gjatë rrugës, Çoba i ka dërguar dhe një mesazh në celular shokut të tij, ndërsa Ernesti i është përgjigjur:

“Nuk është faji im se ish-gruaja jote më kërkoi që ta shoqëroj për në shtëpi”. Në afërsi të fshatit Trush, Andrea Çoba ka mbërritur me makinë dhe u ka ndërprerë rrugën. Në moment ka zbritur nga automjeti Ertiola. Në debat e sipër, ajo është goditur me shuplakë në fytyrë nga ish-burri i saj. Madje, ky i fundit i ka vënë nënës së fëmijës së tij pistoletën në kokë. Ernest Gavoçi ka zbritur nga makina e tij për të qetësuar shokun e lagjes, por është qëlluar për vdekje me tre plumba pistolete. Ndërsa autori i krimit, ka marrë ish-bashkëshorten e tij me makinë dhe është larguar me shpejtësi.

HETIMI
Krismat e armës kanë shkaktuar panik tek banorët e fshatit Trush, të cilët kanë sinjalizuar policinë. Uniformat blu kanë mbërritur shpejt në vendngjarje dhe pas kryerjes së veprimeve të para hetimore janë hedhur në aksion për arrestimin e Andrea Çobës. Ndërsa janë shoqëruar në komisariat dhe dy femrat që ndodheshin në makinën e viktimës. Ato kanë dëshmuar me hollësi për rrethanat e vrasjes, duke bërë të mundur dhe dokumentimin e plotë ligjor të ngjarjes.

[DEA27]

nje gje smora vesh une ky i lajthituari prone te veten e kish kete eksin! damm it e kane ndoshta dhe nga vapa lal

[RaPSouL]

Shkoder, arrestohet autori i vrasjes se 28-vjecarit

Ne pranga ka rene 29-vjecari Andrea Coba i cili qelloi dje me plumb ne koke shokun e tij Ernest Gavoçi, 28-vjec per arsye xhelozie. Ngjarja ndodhi në aksin rrugor Velipojë-Shkodër

Eshte arrestuar sot pasdite, rreth ores 19.15 autori i vrasjes se djeshme në aksin rrugor Velipojë-Shkodër. Ne pranga ka rene 29-vjecari Andrea Coba i cili qelloi me plumb ne koke shokun e tij Ernest Gavoçi, 28-vjec per arsye xhelozie. Ngjarja e rëndë ka ndodhur në orët e para të mëngjesit të djeshëm, në aksin rrugor Velipojë-Shkodër e pikërisht në afërsi të fshatit Trush. Vrasja e 28-vjeçarit ka alarmuar efektivat blu të Komisariatit të Shkodrës. Forca të shumta policore janë vënë në ndjekje të autorit të krimit i cili sot eshte arrestuar pa bere rezistence, pranë varrezave katolike. Nderkaq, policia ka sekuestruar edhe armën e krimit. Ajo cka e ka shtyre Coben te kryeje kete vrasje ka qene xhelozia per ish-gruan e tij te cilen e ka pare tek pinte kafe me shokun e tij të ngushtë në një nga lokalet e plazhit të Velipojës. Çoba pa e menduar gjate u eshte afruar dhe ka qëlluar me një plumb në kokë Gavoçin dhe me dy të tjerë në trup duke e lënë këtë të fundit të vdekur në vend. Sipas policise, pasi ka kryer vrasjen Coba ka marre me vete edhe ish-bashkeshorten te cilen e liroi pasditen e djeshme.

[vagabondo_nyc]

Pervec shoqerise se dhi.er qe kta dy kane pasur do shtoja eshte shume e theksuar tek meshkujt shqiptare qe pasi ndahen nga te dashurat apo grate mundohet 100% ti kontrollojne se ca bejne kurse per vete meshkujt shkojne dege m'dege :P

[niktironci]

Po ky "shoku i femijerise"nuk pati femra te tjera shkodra qe te ngaterrohej me ish gruan e shokut te ngushte.
Bej nje sygjerim, mos kane qene "shoke" te vjeter ,me ish gruan e shokut me te ngushte?
Me falni ndoshta e kam gabim, por eshte pak e rende,dhe bie ere.
Desha te bej nje pyetje . Si do ta ndjenit vehten ju ne vendin e Andreas c`fare do te benit?
Pamvarsisht se ai ka qene i ndare, por vrasja tregon qe ai ka vazhduar ta doje akoma prandaj mendoj perfundoje ne ngjarje shume tragjike, dhe ai e ka ndjere vehten dy here te tradhetuar.

[alnosa]

vallaj kur i thua shok nje njeriu ,mund te krijosh besimin me te madhe per c'do gje qe i takon nje shoku /shoqe .
kushdo qe te kishte qene do i kishte ardhur inat ne kete menyre .
po e kemi ne gen ne gjaknxetesin ,se ndoshta kane dale thjesht si te njohur per cafe asgje me shume .(kush e di!! )
qenkan dhe te ndare ,sdi si tja vesh "emrin ".
nejse me vjen keq se per pun femrash njerzit nuk arrijne te llogjikojne me ,deri sa arrijne dhe me jete .i kemi keto nuk i shkulim dot nga mentaliteti .......

[The Fighter]

Shoku nuk vritet ore.
Ky na qenka total i lajthitur qe ka be kete marrezi.
Turp i qoft dhe dhashte Zoti te merr denimin maksimal.