'Potpuri' - Krijuesit e Forumit - I

[Poeti]

KUR DASHURIA LIND

1.
Kur dashuria lind
Thellë diku në ëndërra
Dhe kur ti me yjet jeton
Në jetën që vdes para lindjes
Kur dashuria vjen
Kurse ti ik, shkon!

2.
Takimi i caktur
Në kohë të pa kohë
Shekujt qëndrojnë në mes
Unë jam në ikje
Kurse ti vjen në botë
Ti lind e vetmuar
Kurse unë ik pa shpresë!

3.
Dhe dashuria mbeti
Rob i një kohe
I ëndrrave
Në mbretërinë e tretur
Kurrë nuk u takuam
Unë dhe dashuria ime
Lotët të tharë
Në fytyrë më kanë mbetur!

[Jonathan]

Ai
erdhi në shtëpi
hapi derën me forcë
pa folur asnjë fjalë
u hudh te shtrati ku
flinte apo bënte sikur flinte ajo
dhe filloi ta godiste me forcë
ajo,
ajo,
tërë gjak
e kruspulllosur
ktheu dhe faqen tjetër
dhe sytë kah ai
për të ruajtur
kujtimin e një imazhi
që vret…

[Era1]

Ai
erdhi në shtëpi
hapi derën me forcë
pa folur asnjë fjalë
u hudh te shtrati ku
flinte apo bënte sikur flinte ajo
dhe filloi ta godiste me forcë
ajo,
ajo,
tërë gjak
e kruspulllosur
ktheu dhe faqen tjetër
dhe sytë kah ai
për të ruajtur
kujtimin e një imazhi
që vret…

Aman ore se na kallet daten .

[Jonathan]

Unë asnjëherë
nuk kam ikur

as ti kurrë
nuk ke besuar
se do të ikë...

Dhe po të ikë
do të jem
gjithnjë
këtu...
ku ti bën dritë
më bukur
se asnjëherë më parë...

[Jonathan]

Jastiku
nuk është mishi
as gjaku
që mund të pihet
a kafshohet
kur kemi uri për
njëri tjetrin
a kur jemi të tërbuar
në netët e ftohta
polare...

[Jonathan]

Muzikë,
që shpirtërat ndjellë...
erë,
që pëshpërima jastiku
dërgon...

bëhuni dhe ju
të gjalla
dhe ashtu lakuriq
epshet tona
shuani
me zjarr të ri

e vetmisë thuani
aty rri...!

[Jonathan]

Sa herë
të kesh të ftohtë
e dashur,
hape derën
le të hyjë e vërteta
le të hyj unë
sepse
edhe në ëndrra
kur të tradhëtoj
të tradhëtoj
gjithnjë
me Ty...

[maratonomak]

bashkeshorte ,apo vajze qe dashuron?
besnike,e vuajtur ,apo dredharake?
jemi thjesht miq te mire me the;
dhe si gonxhe u hape per tu mbyllur perseri.
ti nuk dashuron,te pakten mua,
ti nuk di ceshte dashuria,dhe je nje amatore .
a nuk e sheh qe veten tende po tall?
a nuk mund ti beje gherat ashtu sic duhej?
nuk te ghykoj zemer ,po thjesht te percaktoj,
ti dhe dashuria jote,ohhhhhh cme bere te qesh
ti je nje idiote,nje njeri pa skrupuj qe denon jeten
sa shume te urrej

ceshte nese te dashuron nje grua e martuar?
seshte gje tjeter ,pervecse nje marrezi.

kushtuar asaj gruaje qe eshte bashkeshorte dhe nene po kurre nuk mund te jete nje njeri qe ka dashuruar,
a nuk te thashe qe jemi vec miq te mire ne fillim ?
ti nuk je nje njeri , je nje perbindeshe e dhimbjeve te mia,
sepse ti nuk pranove te ishe kurre me mua
dhe u mbylle serish ne hijen e nje lidhjeje te kote.
te urrej shume silvia.
te urrej se ishe frikacake,
te urrej se me dashurove e mbeshtjelle ne friken tende
une ta dhashe mundesine te ishim bashke perhere
po ti qendrove atje ,atje ku dashuria eshte mallkim .


a nuk flitet per fjale zemrash ketu?
edhe une kete ghe bera me keto fjale.

[Jonathan]

Dashuria
është
kurora dhe unaza
e vetme
që zemra i pranon
vetëm në gjendje të lirë...

[Jonathan]

Takimet e paqena
janë si darkat
madhështore
që na kanë ikur
pa i shijuar
dhe në
hundën tonë
ngelin
si provokim i përjetshëm
apo
si aroma shijesh
të ethshme
por akoma të panjohura...