Pergjigje pyetjesh nga hoxha Ahmed Kalaja

[Arrnubi]

Dy pyetje për namazin

Pyetje: Esselamu Alejkum hoxhe i nderuar,inshaAll-llah jeni mire,kam dy pyetje:

1. Nese je udhtar psh:dreka tani falet ne ora 12:00, a lejohet me e fal drekën
se bashku me ikindin ne kohën e drekës psh: ne ora 12:00, ose Aksham dhe jaci ne kohen e akshamit?

2. Nese prej vendit X ke shkuar ne vendin X1 dhe ke ndejt dy dite dhe largesia prej vendit X-X1 e kalon 100km dmth je udhtar, tani pas dy dite ke vendosur te kthehesh ne vendin tend ne shtepin tende dmth ne vendin X, nisja prej vendit qe ke qen udhtar ka qen ora 12 edhe dreka falet ne ora 12, mirpo dreken nuk e ke fal atje dhe je nisur pa e fal kur ke ardh ne vendin e banimit ka kaluar dreka dhe ka hyr koha e ikindies dhe tani i ke falur dy namazet se bashku drek dhe ikindi, pytja ime eshte kjo a logaritesh mekatar me mosfaljen e drekes ne kohen e vet apo pasi ke qen udhtar ban me e fal edhe ne shtepin tende. Te lutem per hire te Allahut mi spjego mire dhe gjat keto qeshtje Allahu ju shperbleft me xhennetin ferdevs.

Përgjigjen lexojeni këtu

[Arrnubi]

A mund të drejtohem në bankë?

Pyetje: Esselamu alejkum Vella Ahmed. Allahu ta shperblefte me te mira.

Nje pyetje ....jam duke ndertuar nje shtepi te re, ndoshta do me duhen nje sasi e vogel parash. A mund te drejtohem ne banke ??

Te uroj gjith te mirat.....

Lexoni përgjigjen

[Arrnubi]

A më takon ky zekat që t'ia jap vëllait për borxhin që i kam?

Pyetje: Esselamu alejkum si je vella mire e kam nje pyetje shume te komplikuar po inshallah me emrin e Allahut i pergjigjesh. Jemi dy vellezer muslimane kemi marr nje dyqan dhe bejme biznes se bashku mirepo vetem vellau tjeter ka investu ne kete dyqan p.sh 8.000 euro un nuk kam investu kurgje mirpo dyqanin e kemi se bashku, edhe fitimi se bashku dhe un tash atij i kam borgj 4.000 euro. Zeqat tash per kit vit na ka ra me dhene 700 euro. A me takon mu ky zeqate 700 euro me e marr un dhe te ja jap vellaut per borgjin qe i kam 4.000 euro. Allahu te shperbleft me te mira dhe te furnizofte me dituri e cila ben dobi. E pres pergjigjen.

Lexoni përgjigjen

[Arrnubi]

Si mund të më sqaroni për ndihmat që i japim shoqatës "Nënë Tereza"?

Pyetje: Selam alejkum. Zoti ju shperblefte per mundin qe e japni per tu munduar te u pergjigjeni pyetjeve te muslimanve hallexhi. Si munde te e sqaroni ndihmat qe u a japmi shoqatez nene tereza per femijet e semure kosovar kur e dim se kush eshte kjo e ashtuquajtura nene. Eselam alejkum.

Lexoni përgjigjen

[deshmuesi]

Kam disa pyetje:
Ceshte mekati?
Cdo te thote mekat?
Si e dallojme mekatin?
Cila eshte paga e mekatit?
Ku banon mekati?
Si shpetojme prej mekatit?
Faleminderit per prokupimin tuaj.

[ahlaku]

JEZUSI kaqen vetem profet e jo zot se zoti nuk ka fmi nuk e ka lindur asken e as nuk esht i lindur njrzit jan rob te tij krijesa te tij e ti albani je ne nje humbje te vertet ne se nuk pendohesh...

[deshmuesi]

Kam disa pyetje:
Ceshte mekati?
Cdo te thote mekat?
Si e dallojme mekatin?
Cila eshte paga e mekatit?
Ku banon mekati?
Si shpetojme prej mekatit?
Faleminderit per prokupimin tuaj.

I nderuar hoxhe Ahmed Kalaja, po pres pergjigjen tuaj ne lidhje me pyetjet e mia. Ju faleminderit.

[Muharem Fazliu]

Përshëndetja e grave me dorë
بسم الله الرحمن الرحيم
Bismil-lahir-Rahmanir-Rahim

Nuk i lejohet një mashkulli,i cili beson në Allahun Subhanehu ve Teala dhe në Ditën e Gjykimit,që të vendos dorën e tij mbi dorën e një gruaje e cila është e ndaluar për të apo nuk ësht prej mahrameve*të tij.Ai,i cili vepron kështu,ka dëmtuar veten (ka bërë mëkat).

Transmetohet nga Ma´kil ibn Jasar se ka thënë:
" I Dërguari salallahu alejhi ve selem ka thënë:´Më mirë është për ju shpuarja e kokës me një gjilpërë të hekurtë,sesa prekja e një gruaje,e cila nuk iu është e lejuar." (Transmetohet nga el-Taberani në el-Kebir,486.Sheikh Albani Allahu e mëshiroftë tha në Sahih el-Xhaami´,5045 se ky hadith është sahih)
Ky hadith do të ishte i mjaftueshëm për të na tërhequr vërejtjen dhe për të na përforcuar në nënshtrimin ndaj Allahut s.v.t.,sepse na tregon se prekja e gruas (të ndaluar) mund të qojë në sprovime dhe imoralitet.
Është transmetuar se Aishja r.anha,gruaja e Pejgamberit s.a.v.s.,ka thënë:
"Kur vinin gratë te i Dërguari i Allahut s.a.v.s.,ato do të provoheshin në përputhshmëri me fjalët e Allahut Subhanehu ve Teala:
يأيها النبي إذا جاءك المؤمنت يبايعنك على أن لا يشركن بالله شيءا ولا يسرقن ولا يزنين ولا يقتلن أولدهن ولا يأتين ببهتن يفترينه بين أيديهن وأرجلهن ولا يعصينك في معروف فبايعهن واستغفر لهن الله إن الله غفور رحيم"O ti Pejgamber! Kur të vijnë tek ti besimtaret për të të dhënë besën e besimit,se ato nuk do të bashkojnë gjë në adhurim me Allahun,se nuk do të vjedhin,
se nuk do të bëjnë Zina (marrëdhënie imorale të paligjshme)..." (60:12)

Ka thënë Aishja Allahu e mëshiroftë:
"Kush prej grave pajtohej me këtë,kisht kaluar provën,dhe kur gratë pajtoheshin me këtë,i Dërguari salallahu alejhi ve selem u thoshte:´Shkoni,sepse ju e keni dhënë besën e besimit.´Jo,(betohem) për Allahun,dora e të Dërguarit të Alahut salallahu alejhi ve selem kurrë nuk ka prekur dorën e ndonjë gruaje,ato e jepnin besën e tyre vetëm me fjalë."
Aishja All-llahu e mëshiroftë thotë:"Betohem në Allahun,i Dërguari salallahu alejhi ve selem merrte betimin nga gratë vetëm në mënyrën se si e ka urdhëruar Allahu Subhanehu ve Teala,dhe dora e të Dërguarit të Allahut salallahu alejhi ve selem kurrë nuk ka prekur dorën e ndonjë gruaje tjetër.Kur merrte betimin nga ato,ai u thoshte,:´E morra betimin e juaj të besimit verbalisht.´" (Transmeton Muslimi, Hadith num.1866)

Ky njeri i bekuar,më i miri i njerëzimit,udhëheqësi i bijve të Ademit në Ditën e Ringjalljes,nuk ka prekur gratë.Kjo,edhepse betimi i besimit zakonisht bëhej me dorë.Pra,ç´të themi për njerëzit tjerë?Transmetohet nga Umejmah,bija e Rakikah,se ka thënë: "I Dërguari salallahu alejhi ve selem ka thënë,´ “Unë nuk i përshëndes gratë me dorë.´"


➪ Mendimet të katër Imamëve,për prekjen e një gruaje:

➲ Menhexhi i methebit Hanefi:
Ibn Nuxhejm ka thënë:
"Nuk i lejohet mashkullit që të prekë fëtyrën apo duart e një gruaje,edhe nëse nuk ka rrezik të epshit,sepse kjo është principiel haram dhe nuk ka asnjë arsyetim,i cili mund ta lejonte një gjë të tillë." el Bahr el Raa´ik,8/219

➲ Menhexhi Maliki:
Muhammed ibn Ahmed ´Ulejsh ka thënë:
"Nuk është e lejuar për mashkullin që të prekë fëtyrën apo dorën e një gruaje jo-mahram dhe poashtu nuk është e lejuar për të,të vendosë dorën e tij mbi dorën e saj pa pengesë.
Aishja All-llahu e mëshiroftë ka thënë:´I Dërguari salallahu alejhi ve selem kurrë nuk ka marrur betimin e besimit të grave me dorë;ai salallahu alejhi ve selem merrte betimin e tyre vetëm me fjalë.´Në një transmetim tjetër,´Dora e tij kurrë nuk ka prekur dorën e ndonjë gruaje,ai merrte betimin e besimit të tyre vetëm me fjalë.´"
(Manh el Xheliil Sharh Mukhtasar Khaliil,1/223)

➲ Menhexhi Shafi´: El Nevevi ka thënë:
"Nuk është e lejuar të preket gruaja,në çfarëdo mënyre qoftë." el Mexhmu´,4/515
Vali el Diin el ´Iraaki ka thënë:"Kjo na tregon se i Dërguari salallahu alejhi ve selem nuk ka prekur dorën e asnjë gruaje pos grave të veta dhe robëreshave,qoftë me rastin e marrjes së betimit apo në raste tjera.Nëse nuk ka bërë një gjë të tillë,edhe duke pasur parasysh faktin se ka qenë i pagabueshëm dhe larg dyshimeve,atëherë është më se e logjikshme që të tjerët t´i përmbahen kësaj ndalese.
Nga teksti i sipërm,mund të kuptojmë se ai salallahu alejhi ve selem distancohej nga veprimi i tillë sepse ka qenë e ndaluar për të të veprojë ashtu.Fukahatë në sahabëve tonë
si edhe të tjerët kanë thënë se është haram të preket gruaj jo-mahram,qoftë edhe nëse preken pjesë të trupit të cilat nuk janë avret,siç është fëtyra e saj.Por,ata dalluan në mendimet e tyre kur ishte fjala për rastet ku nuk ka rrezik për fitneh (sprovim) dhe epsh.
Ndalesa për prekje është më e fortë se ndalesa për shikim dhe është haram kur nuk ka arsye që do ta lejonte atë.Në raste të arsyeshme,p.sh.trajtim mjeksor,nxjerrja e dhëmbit apo trajtimi i syve,etj.,nëse nuk ka gra të cilat mund ta bëjnë një gjë të tillë,atëherë e lejuar për një jo-mahram ta bëjë një gjë të tillë,sepse ka arsyetim (nevojë) për një gjë të tillë. Tarh el Tathriib,7/45,46

➲ Menhexhi Hanbeli
Ibn Muflih ka thënë:
"Ebu Abd-Allah Imam Ahmedi Allahu e mëshiroftë është pyetur në lidhje me mashkullin i cili përshëndet gratë me dorë.Ai tha,´JO´,dhe ishte bindur se është haram.Unë e pyeta se,a mund të pëshëndetet me dorë pas një pengese,? Ai tha ´JO´"
Sheikh Taki el Diin poashtu preferonte mendimin se është haram dhe si arsyetim dha se prekja është më serioze se shikimi. [B]El Adaab el Shariah,2/257[/

Ruaju motër muslimane!:nga të përshëndeturit me dorë burrat e huaj edhe nëse është shok i burrit tënd,biri i axhës,biri i hallës,biri i dajës,biri i tezes dhe të gjithë ata që hyjnë në këtë dispozitë.
Bazuar në fjalën e Muhammedit sal-lall-llahu'alejhi ve sel-lem:
"Unë nuk e prek dorën e gruas (së huaj)."………………Sahihul-Xhami: 7177
“Unë nuk përshëndes me dorë gratë.”…………………Sahih: 529
”Sikur të shpohet ndonjëri nga ju me shufër të hekurt në kokë,është më e mirë sesa të prek dorën e një femre që nuk i lejohet atij.” ………………….Sahih:226.

Përshëndetja e grave me dorë mund të sjellë pasoja të rrezikshme dhe të padëshirueshme,pasi në shumë raste ajo është hapi i parë drejt së keqes,ndaj,për këtë arsye thamë në fillim se nuk është e lejuar.
Ndërsa përshëndetja vetëm me gojë,pa fjalë të bukura apo të dyshimta,është e lejuar,sepse Allahu s.v.t., thotë: ينساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا
"O ju gratë e Profetit! Ju nuk jeni si gratë e tjera,nëse jeni të devotshme.Mos e zbukuroni zërin kur flisni (me burrat e huaj) në mënyrë që të mos u jepni shkas atyre,zemrat e të cilëve janë të sëmura (për shkak të hipokrizisë dhe epsheve), që të anojnë nga ju." (33:32)
Gratë e sahabeve,kur vinin te Pejgamberi s.a.v.s.,për t’i bërë pyetje rreth problemeve dhe shqetësimeve të tyre,e përshëndesnin atë duke i dhënë selam,pa i dhënë dorën;kështu vepronin edhe kur pyesnin shokët e Tij.

Muharem ibn Shaban ibn Fazliu
Melbourne - Australi.

[Muharem Fazliu]

➪ Njoftime mbi çeshtjen e gruas Hajzi –Menstruacioni
بسم الله الرحمن الرحيم
Bismil-lahir-Rahmanir-Rahim

Na ka treguar Ali b.Abdullahu,këtij i ka treguar Sufjani,këtij Abdu-r-Rahman b.Kasimi,këtij Kasimi,e ky nga Aisha,e cila ka thënë:"Kemi dalë me qëllim që të bëjmë vetëm haxhxhin.
Kur arritëm në Serif,mua më erdhën menstruacionet.Pejgamberi s.a.v.s.hyri te unë,e unë qaja.’Çka ke,a të kanë ardhur menstruacionet?’–më pyeti.‘Po,’–i thashë.
Pejgamberi s.a.v.s.,atëherë tha:‘Kjo është diçka që Allahu i Madhëruar ua ka përshkruar (dhënë)bijave të Ademit,prandaj bëje atë që e bën çdo haxhi,vetëm mos shko rreth e përqark Kabes(mos bën tavaf)! ’Pejgamberi s.a.v.s.ka prerë lopën si kurban për bashkëshorteve të veta,tha Aisha." Sahih´ul´Buhari 1-kreu gjashtë-Hadithi num.294

Na ka treguar Abdullah b.Jusufi,këtij Maliku,ky nga Hisham b.Urve,ky nga babai i vet,e ky nga Aisha,e cila ka thënë:"Unë ia kam krehur flokët Pejgamberit s.a.v.s.,duke qenë me menstruacione." Sahih´ul´Buhari 1- kreu gjashtë-Hadithi num.295

Na ka treguar Ibrahim b.Musai,këtij Hisham b.Jusufi,ky nga Ibën Xhurejxhi,ky nga Hishami,
ky nga Urve,të cilin e kanë pyetur:"A mund të më shërbejë gruaja me menstruacione,
respektivisht a mund të më afrohet,duke qenë ajo xhunub?’
Urve është përgjigjur:‘Kjo është për mua e lehtë.Personat e këtillë mund të na shërbejnë edhe këtu dhe,për këtë nuk ka anjë të keqe.Aisha më ka treguar se,duke qenë me menstruacione,ia ka krehur flokët Pejgamberit s.a.v.s.kur ai ka qenë në i’tikaf në xhaminë e tij.Ai ia ka afruar kokën asaj,kur ka qenë në dhomën e saj,e ajo ndonëse ka qenë me menstruacione, e ka krehur’." Sahih´ul´Buhari 1- kreu gjashtë-Hadithi num.296

Na ka treguar Ebu Nu’ajm el-Fadl b.Dukejni,i cili e ka dëgjuar Zuhejrin,duke transmetuar nga Mensur b.Safija,të cilit i ka treguar nëna e tij,se Aisha ka thënë:
"Pejgamberi s.a.v.s.mbështetej në gjoksin tim dhe lexonte Kur’an,ndonëse unë isha me menstruacione." Sahih´ul´Buhari 1- kreu gjashtë-Hadithi num.297
Na ka treguar Mekijj b.Ibrahimi,këtij Hishami,ky nga Jahja b.Ebu Kethiri,ky nga Ebu Selemja,ky nga Zejnebja,vajzë e Ummu Selemes,kjo nga Ummu Selemja(nëna e vet),e cila ka thënë:"Rrija shtrirë pranë Pejgamberit s.a.v.s.Unë kisha veshur fustanin e qëndisur me gurë të çmueshëm.Më erdhën menstruacionet dhe pa e bërë të madhe,u tërhoqa anash dhe e vesha fustanin për menstruacione’A ke gjakderdhje–menstruacione,’– pyeti.‘Po’–i thashë.Pastaj më thirri dhe rashë me të,duke u mbuluar me mbulojën prej kadifeje." Sahih´ul´Buhari 1- kreu gjashtë-Hadithi num. 298

Na ka treguar Kabise,këtij Sufjani,këtij Mensuri,ky nga Esvedi,e ky nga Aisha,e cila ka thënë:"Unë dhe Pejgamberi s.a.v.s.jemi larë së bashku nga një enë dhe kemi qenë të dy xhunub(të papastër)." Sahih´ul´Buhari 1- kreu gjashtë-Hadithi num.299

"Ai më urdhëroi,prandaj u mbulova me teshën e poshtme dhe,pastaj,ndonëse unë isha me menstruacione,ai filloi të më prekë." Sahih´ul´Buhari 1- kreu gjashtë-Hadithi num.300

"E,kur ishte në i’tikaf,ma ka afruar kokën,ndërsa unë ia kam larë,ndonëse isha memenstruacione." Sahih´ul´Buhari 1- kreu gjashtë-Hadithi num. 301

Na ka treguar Ismail b.Halili,këtij Ali b.Mus-hiri,këtij Ebu Is-hak Shejbaniu,ky nga Abdu-r-Rahman b.Esvedi,ky nga babai i vet,e ky nga Aisha,e cila ka thënë:"Kur ndonjëra nga ne ishte me menstruacione,e Pejgamberi s.a.v.s.dëshironte të bie në kontakt me të,e ka urdhëruar atë që në valën e gjakderdhjes (menstruacioneve) të mbulohet,e atëherë do ta prekte.Mirëpo,cili prej jush është në gjendje ta mbizotërojë epshin e tij,siç e ka mbizotëruar Pejgamberi s.a.v.s.?’–tha Aisha."
Sahih´ul´Buhari 1-kreu gjashtë-Hadithi num.302

Na ka treguar Ebu Nu’mani,këtij Abdu-l-Vahidi,këtij Shejbaniu,ky nga Abdullah b. Sheddadi,i cili thotë se e ka dëgjuar Mejmunen duke thënë:"Kur Pejgamberi s.a.v.s.donte të ledhatohej me ndonjërën nga bashkëshortet e veta,po të ishte ajo me menstruacione,
e urdhëronte të mbulohej me pjesën e poshtme të veshjes së saj."
Hadithin e sipërshënuar e ka transmetuar edhe Sufjani nga Shejbaniu.
Sahih´ul´Buhari 1- kreu gjashtë-Hadithi num.303

Na ka treguar Se’id b.Ebu Mejremi,këtij i ka treguar Muhammed b.Xha’feri,këtij Zejdi,ky është Ebu Eslemi,ky nga Ijad b.Abdullahu,ky nga Ebu Se’id el-Hudriu,i cili ka thënë:
"Dual Pejgamberi s.a.v.s.në vendin ku zakonisht e falte namazin në Ditën e Kurban-Bajramit,apo Fitër-Bajramit.Kaloi pranë disa grave të cilat i pyeti: ‘O ju gra,a keni dhënë sadaka? Më ka rënë të vërej se shumica nga ju janë në xhehennem.’‘Përse,O Resulullah?–pyetën ato.Pejgamberi s.a.v.s.tha:‘Shpesh mallkoni dhe ndaj bashkëshortëve tuaj nuk jeni mirënjohëse.Unë nuk kam pare asnjë më mendjelehtë dhe me besim më të mangët,e që ia merr mendjen edhe njeriut më të vendosur.’‘
Çka mungon në besimin tonë dhe në mendjen tonë,o Resulullah?’–pyetën ato.
‘A nuk është dëshmia e gruas sa gjysma e dëshmisë së burrit?’–u përgjigj (Pejgamberi s.a.v.s.).‘Po’–thanë ato.‘Pra,ajo rrjedh nga mangësia e mendjes suaj,’–tha.‘E,a nuk është gruaja me menstruacione ajo që nuk falet dhe nuk agjëron?’–tha(Pejgamberi s.a.v.s.).‘Po,’–thanë.‘Kjo është pra,mangësia e besimit.’–tha." Sahih´ul´Buhari 1- kreu gjashtë-Hadithi num.304

Na ka treguar Ebu Nu’ajmi,këtij Abdu-l-Aziz b. Ebu Seleme,ky nga Abdu-r-Rahman b.
Kasimi,ky nga Kasim b.Muhammedi,ky nga Aisha,e cila ka thënë:
"Kemi dalur me Pejgamberin s.a.v.s.të bëjmë haxhin.Kur arritëm në Seif,mua më erdhën menstruacionet.Pejgamberi s.a.v.s.hyri te unë dhe më gjeti duke qarë.’Pse po qan?’
–më pyeti.‘Për Zotin,do të dëshiroja të mos jem në haxh këtë vit,’–i thashë.
‘Ndoshta ke gjakderdhje sikur pas lindjes(duke menduar në menstruacione)?’–më pyeti dhe vazhdoi të thotë:‘Ai është diçka që Allahu i Madhëruar ua ka përshkruar(dhënë)bijave të Ademit.Vepro ashtu siç veprojnë haxhinjtë tjerë,vetëm mos bëj tavaf rreth Kabes,derisa të pastrohesh’!" Sahih´ul´Buhari 1- kreu gjashtë-Hadithi num.305

Na ka treguar Abdullah b.Jusufi,këtij Maliku,ky nga Hisham b.Urve,ky nga babai i vet,e ky nga Aisha,e cila ka thënë:"Fatime b.Ebu Hubejshi e ka pyetur Pejgamberin s.a.v.s.:
‘O Resulullah,nuk mund të pastrohem!A ta lë namazin?’
Pejgamberi s.a.v.s.iu përgjigj: ‘Ai është vetëm gjak i(plasjes së)kapilarëve,e nuk janë menstruacione.Kur të të paraqiten ty menstruacionet,lëre namazin,e kur të kalojë afati i tyre,pastroje gjakun(laju) dhe falu’!"
Sahih´ul´Buhari 1- kreu gjashtë-Hadithi num. 306

Na ka treguar Abdullah b. Jusufi, këtij Maliku,ky nga Hishami,ky nga Fatime b.Mundhiri,kjo nga Esma b.Ebu Bekri,e cila ka thënë:"Një grua e ka pyetur Pejgamberin s.a.v.s.me këto fjalë: ‘Çka mendon,o Resulullah,kur në teshat e ndonjërës nga ne bie gjaku i menstruacioneve,si të veprojë?’
Pejgamberi s.a.v.s. iu përgjigj: ‘Kur teshat tuaja stërpiken nga gjaku i menstruacioneve,le të pastrohen duke i fërkuar derisa të evitohet njolla,pastaj le të lahen me ujë dhe me to të falet namazi’!"
Sahih´ul´Buhari 1- kreu gjashtë-Hadithi num.307

Na ka treguar Asbegu,këtij Ibën Vehbi,këtij Amr b.Harithi,ky nga Abdu-r-Rahman b.Kasimi,
ky nga babai i vet,e ky nga Aisha,e cila ka thënë:"Kur ndonjë nga ne ka menstruacione,ajo para së gjithash e pastron gjakun duke e fërkuar teshën e saj,e lan atë pjesë,i lan edhe pjesët tjera që janë me gjak dhe me të mund të falë namazin."
Sahih´ul´Buhari 1- kreu gjashtë-Hadithi num.308

Na ka treguar Is-haku,këtij Halid b.Abdullahu,ky nga Halidi,ky nga Ikrime,e ky nga Aisha,e cila tregon se kur Pejgamberi s.a.v.s.shkonte të qëndrojë në i’tikaf,e merrte me vete një nga bashkëshortet e veta,ndonëse ishte me gjakderdhje të çrregulluara.Ajo e hetonte gjakderdhjen e çrregulluar dhe për këtë shkak,nganjëherë vënte një tas(si legen) nën të.(Ikrime)thotë se,në të vërtetë,Aisha ka parë lëng të verdhë,por ka treguar se gjoja e ka pasur një(bashkëshorte)tjetër." Sahih´ul´Buhari 1- kreu gjashtë-Hadithi num.309

Na ka treguar Kutejbe,këtij Jezid b.Zurej’u,ky nga Halidi,ky nga Ikrime,e ky nga Aisha,e cila ka treguar:"Së bashku me Pejgamberin s.a.v.s.ka qëndruar në i’tikaf edhe një nga bashkëshortet e tij,e cila, ndonëse ka pasur gjak dhe lëng të verdhë(të gjakderdhjes së jashtëzakonshme),e nën të legenin,ka falur namazin."
Sahih´ul´Buhari 1- kreu gjashtë-Hadithi num.310

Na ka treguar Museddedi,këtij Mu’temiri,ky nga Halidi,ky nga Ikrime,ky nga Aisha,e cila ka thënë se disa nga nënat e besimtarëve (mendon në bashkëshortet e Pejgamberit s.a.v.s.)kanë qëndruar në i’tikaf edhe me gjakderdhje të jashtëzakonshme.
Sahih´ul´Buhari 1- kreu gjashtë-Hadithi num.311

Na ka treguar Ebu Nu’ajmi,këtij i ka treguar Ibrahim b.Nafiu,ky nga Ibën Ebu Nexhihu,ky nga Muxha- hidi,e ky nga Aisha,e cila ka thënë:"Çdonjëra nga ne ka pasur vetëm nga një teshë,të cilën e veshte edhe gjatë kohës së menstruacioneve dhe,nëse në atë teshë binte çfarëdo lloj gjaku,e lagte me pështymën e saj dhe e fërkonte me thonjtë e vet."
Sahih´ul´Buhari 1- kreu gjashtë-Hadithi num.312

Na ka treguar Abdullah b.Abdu-l-Vehhabi,këtij Hammad b.Zejdi,ky nga Ejjubi,ky nga Hafsa,
ndërsa Ebu Abdullahu ka thënëse Hisham b.Hassani nga Hafsa,kjo nga Ummu Atija,e kjo nga Pejgamberi s.a.v.s.,e cila është shprehur me këto fjalë: "Për ne ishte e ndaluar të vajtonim të vdekurin më tepër se tri ditë,përveç burrit,të cilin e vajtojmë katër muaj e dhjetë ditë."(Në kohën e pikëllimit)të mos pispillosemi,të mos parfumosemi dhe të mos veshim tesha të ngjyrosura,përveç asb-it(lloj pëlhure nga Jemeni).Kur ndonjëra nga ne lahej për shkak të menstruacioneve,ishte e lejueshme për ne të paktën të parfumosemi me një lloj parfumi të quajtur Kusti-azfar.Përcjellja e xhenazes për ne ishte e ndaluar."
Hadithin e sipër-përmendur e ka transmetuar edhe Hisham b.Hasani,ky nga Hafsa,kjo nga Ummu Atija,e kjo nga Pejga-mberi s.a.v.s..
Sahih´ul´Buhari 1- kreu gjashtë-Hadithi num. 313

Na ka treguar Jahjai,këtij Ibni Ujejne,këtij Mensur b.Safija,ky nga nëna e vet,kjo nga Aisha,e cila tregon se një grua e ka pyetur Pejgamberin s.a.v.s.për larjen nga menstruacionet.Prandaj,ai i tregoi se si duhet të pastrohet,duke i thënë:"Merre një leckë të bërë me parfum dhe pastrohu mirë me të!’‘Si të pastrohem me të?’–pyeti ajo.‘Pastrohu me të,–i tha.‘E si?’–tha përsëri ajo.’Subhanallah!’–bërtiti ai,-’fërkohu me të!’Atëherë e tërhoqa nga vetja dhe i thashë(thotë Aisha).‘Çoje nëpër gjurmën e gjakut(duke e
fërkuar)’!" Sahih´ul´Buhari 1- kreu gjashtë-Hadithi num.314

Na ka treguar Muslimi,këtij i ka treguar Vuhejbi,këtij Mensuri,ky nga nëna e vet,e kjo nga Aisha,se një grua ensare e ka pyetur Pejgamberin s.a.v.s.:"Sitë lahem pas menstruacioneve?’’Merre një pëlhurë të bërë me parfum dhe pastrohu,’–duke i thënë tri herë.Pastaj,Pejgamberi s.a.v.s.u turpërua,prandaj u kthye anash,e unë–tha Aisha,e tëhhoqa kah vetja dhe ia shpjegova atë që dëshironte(t’ia shpjegojë)Pejgamberi s.a.v.s."
Sahih´ul´Buhari 1- kreu gjashtë-Hadithi num.315

Na ka treguar Musa b. Ismaili,këtij i ka treguar Ibrahimi,ky nga Ibni Shihabi,ky nga Urve,
ky nga Aisha r.a.,e cila ka treguar:"E kam veshur ihramin me Pejgamberin s.a.v.s.në Haxhxhin Lamtumirës (Haxh- xhetu-l-Veda).Kam pasur ndërmend ta bëj haxhxhin dhe kam qenë njëra nga ato që e kanë shfrytëzuar Umren dhe që nuk kanë përgatitur (siguruar)kurban.(Aisha)ka menduar se i ka menstruacionet dhe nuk është pastruar derisa hyri nata e Arafatit.Tha:’O Resulullah,kjo është nata e Arafatit,e unë e kam bërë vetëm umren?’Pejgamberi s.a.v.s. iu përgjigj:’(Që të pastrohesh)shpërndaji flokët nëpër kokën tënde,krihu dhe përmbaju(hiq dorë)nga umreja!’Unë e bëra këtë dhe kur e kreva haxhxhin,e urdhëroi Abdu-r-Rahmanin në prag të nates së hasbetit-guralecave(në el-Muhassab–vend në mes Mekkes dhe Mines,ku hidhen gurët),e më mundësoi të hyj në umre nga Ten’imi,në vend të umres sime të mëparshme të cilën e kisha filluar."
Sahih´ul´Buhari 1- kreu gjashtë-Hadithi num.316

Na ka treguar Ubejd b.Ismaili,këtij ia ka transmetuar Ebu Usame,ky nga Hishami,ky nga babai i vet,e ky nga Aisha r.a.,e cila ka thënë:"Kur e pamë hënën e re të muajit dhu-l-hixhxhe,dolëm me Pejgamberin s.a.v.s.(për të bërë haxhxhin),e ai tha:’Kush dëshiron të paraqitet për të bërë umren,le të vendosë për të,sepse unë,po të mos e kisha gjetur kurbanin,do të kisha vendosur ta bëj umren.’Atëherë,disa nga shokët e Pejgamberit s.a.v.s.vendosën për umren,e disa për haxhxhin.Unë isha nga ata që u paraqitën për umren.Dita e Arafatit më gjeti me menstruacione,prandaj iu ankova Pejgamberit s.a.v.s.,e ai më tha:’Lëre umren,derdhi flokët nëpër kokë,krihu dhe vendos (përcaktohu) për haxhxh!’Ashtu edhe kam vepruar.E,kur ishte nata e hasbetit–gurëve(në el-Mahassab–vend në mes të Mekkes dhe Mines),e dërgoi me mua vëllain tim,Abdu-r-Rahmanin.Kam dalur me të tek Ten’imi dhe atje,përsëri u përcaktova për umre,-në vend të umres sime të mëparshme."Hishami ka thënë:"Në raste të këtilla,nuk duhet prerë as kurban,as agjërim,e bile asfarë sadake." Sahih´ul´Buhari 1- kreu gjashtë-Hadithi num.317

Na ka treguar Museddedi,këtij i ka treguar Hammadi,ky nga Ubejdullah b.Ebu Bekr,ky nga Enes b. Maliku,e ky nga Pejgamberi s.a.v.s.,i cili ka thënë:"Allahu i Madhëruar çdo mitre ia ka besuar një melek,i cili thotë:‘O Zot,ky është embrioni i farës së njeriut;’– pastaj:‘O Zot,ky është gjaku i ngjizur;’–pastaj:‘O Zot,kjo është pjesa e mishit;’e kur dëshiron t’ia jep formën e tij përfundimtare,meleku e pyet:‘A është mashkull apo femër;i pafatshëm apo me fat;si është risku dhe fati i tij i jetës?’E gjithë kjo i shkruhet, përderisa është në barkun e nënës." Sahih´ul´Buhari 1- kreu gjashtë-Hadithi num.318

Na ka treguar Jahja b.Bukejri,këtij Lejthi,ky nga Ukajli,ky nga Ibni Shihabi,ky nga Urve,ky nga Aisha r.a.,e cila ka thënë:"Kemi dalur me Pejgamberin s.a.v.s.në vitin e Haxhxhit Lamtumirës.Disa kishin ndërmend të bëjnë umren,e disa haxhxhin.Kur erdhëm në Mekke,Pejgamberi s.a.v.s.tha:’Kush e ka veshur ihramin për umren dhe nuk ka gjetur (nuk ka siguruar)kurban,le ta heqë atë,e kush e ka veshur ihramin me qëllim që ta bëjë umren dhe ka gjetur(siguruar)kurban,le të mos e zhveshë atë derisa ta ther kurbanin.Megjithatë,kush ka menduar ta bëjë haxhxhin,le ta bëjë atë të plotë!’Mua,-thotë Aisha,-gjatë udhëtimit më erdhën menstruacionet dhe kam qenë me menstruacione deri në ditën e Arafatit.Prandaj kam menduar ta bëj vetëm umren.Mirëpo,Pejgamberi s.a.v.s.më urdhëroi t’i derdh flokët nëpër kokë,të krihem dhe të vendos për ta bërë haxhxhin,e ta lë umren.Kështu veprova dhe e bëra haxhxhin.Pastaj,ai (Pejgamberi s.a.v.s.)e dërgoi me mua Abdu-r-Rahman b.Ebu Bekrin dhe më urdhëroi ta filloj umren nga Ten’imi,në vend të umres së mëparshme."
Sahih´ul´Buhari 1- kreu gjashtë-Hadithi num.319

Na ka treguar Abdullah b.Muhammedi,këtij Sufjani,këtij Hishami,ky nga babai i vet,e ky nga Aisha,e cila tregon se Fatime b.Ebu Hubejshi ka pasur gjakderdhje të jashtëzakonshme,prandaj e pyeti Pejgam- berin s.a.v.s.:"Ai është gjaku i arterieve,e jo i menstruacioneve.Kur të të paraqiten ty menstruacionet,lëre faljen e namazit,e kur të ndërpriten,lahu(pastrohu)dhe falu!"–iu përgjigj Pejgamberi s.a.v.s.
Sahih´ul´Buhari 1- kreu gjashtë-Hadithi num.320

Na ka treguar Musa b.Ismaili dhe tha se i ka treguar Hemmami,këtij Katade,këtij Muadhi,i cili tregon se një grua e ka pyetur Aishen r.a.:"A t’i plotësojmë namazet e lëshuar kur të pastrohemi?’‘A je ti harurije(degë e harixhive)?’–e ka pyetur(Aisha).’Në kohën e Pejgamberit s.a.v.s.kemi pasur menstruacione dhe ai për këtë nuk na ka urdhëruar,’–ose Aisha ka thënë,thotë transmetuesi: "...edhe ne atë nuk e kemi bërë."
Sahih´ul´Buhari 1- kreu gjashtë-Hadithi num.321

Na ka treguar Sa’d b.Hafsi,këtij Shejbani,këtë e ka njoftuar Jahjai,ky nga Ebu Seleme,ky nga Zejnebe b.Ebu Seleme,e cila tregon se Ummu Selemja i ka thënë:"Më kanë ardhur menstruacionet.Kam qenë e veshur me fustanin prej kadifeje dhe isha pranë Pejgamberit s.a.v.s.U tërhoqa disi dhe shkova e u vesha me tesha që janë të përshtatshme për menstruacione.Pastaj,Pejgamberi s.a.v.s. më pyeti:’A të kanë ardhur menstruacionet?’‘
Po,’–i thashë.Atëherë,duke qenë edhe me fustanin prej kadifeje më thirri dhe më mori pranë vetes."Më ka treguar Ummu Selemja,thotë Zejnebja,se Pejgamberi s.a.v.s.i është afruar asaj(e ka ledhatuar)edhe duke qenë si agjërues.Pastaj,ka thënë edhe:"Unë dhe Pejgamberi s.a.v.s.jemi larë për shkak të xhunubllëkut,nga një enë." Sahih´ul´Buhari 1- kreu gjashtë-Hadithi num.322

Na ka treguar Muadh b.Fadale,këtij Hishami,ky nga Jahjai,ky nga Ebu Selemja,ky nga Zejnebe b.Ebu Seleme,e kjo nga Ummu Selemja,e cila ka thënë:"Derisa rrija shtrirë pranë Pejgamberit s.a.v.s.dhe e veshur me fustan prej kadifeje,më erdhën menstruacionet. Pa u hetuar,u tërhoqa dhe i mora teshat që i kisha për menstruacione.‘A të erdhën menstruacionet?’–më pyeti Pejgamberi s.a.v.s.‘Po,’–iu përgjigja. Ai,pastaj më thirri pranë vetes.Rashë me të duke qenë e veshur me fustanin prej kadifeje."
Sahih´ul´Buhari 1- kreu gjashtë-Hadithi num.323

Na ka treguar Muhammedi,e ky është Ibni Selami,këtij Abdu-l-Vehhabi,ky nga Ejjubi,ky nga Hafsa,e cila ka thënë:"Ua kemi ndaluar vajzave tona të dalin në festën e Bajrameve.Pastaj erdh një grua e cila qëndroi tek shtëpia e Benu Halefit.Kjo na tregoi për motrën e vet.Burri i motrës së saj kishte marr pjesë në dymbëdhjetë lufta së bashku me Pejgamberin s.a.v.s.,kurse motra ime në gjashtë.E cila ka treguar:’I kemi shëruar të plagosurit,e nganjëherë,agonte duke qëndruar mbi të sëmurët.’Edhe motra ime e ka pyetur Pejgamberin s.a.v.s.:’A është e penguar të dalë ndonjëherë nga ne,nëse nuk e ka të veshur gëzofin e femrave(xhilbabin–këmishë e gjerë dhe e gjatë)?’’Le të vishet shoqja e saj me gëzofin(xhilbabin),le të merr pjesë në veprat e mira dhe le t’i përgjigjet thirrjes së muslimanëve.’–u përgjigj.Kur erdhi Ummu Atija,e pyeta:’A e ke dëgjuar ti Pejgamberin s.a.v.s.?’’Po,për nder të babait,-tha Ummu Atija,e ajo gjinjë betohej në babain,kur përmendej emri i Pejgamberit s.a.v.s.Kam dëgjuar kur ka thënë:’Do të dalin vajzat e moshuara dhe ato të tërhequra,përkatësisht vajzat e moshuara e të tërhequra(të rezervuara).Le të marrin pjesë në punët e dobishme dhe në festën e muslimanëve edhe gratë me menstruacione,vetëm se gratë me menstruacione do të largohen nga vendet ku falet namazi.’’A vërtetë edhe gratë me menstruacione?’–e pyeta,thotë Hafsa.‘A nuk ka qenë e tillë në Arafat,pastaj në Muzdelife dhe në lutjet(për shi)!?’–tha(Ummu Atija)." Sahih´ul´Buhari 1- kreu gjashtë-Hadithi num.324

Na ka treguar Ahmed b.Ebu Rexhai,këtij i ka treguar Ebu Usame,këtij Hisham b.Urve,këtij babai i vet,ky nga Aisha,e cila ka thënë se Fatime b.Ebu Hubejshi e ka pyetur Pejgamberin s.a.v.s.:"Kam menstruacione të jashtëzakonshme(të çrregulluara)dhe kurrsesi nuk mund të pastrohem.A ta lë namazin?’‘Jo,ajo është gjakderdhje e arterieve’– tha ai–‘ti lëre namazin aq ditë(brenda muajit)sa të kanë zgjatur zakonisht menstruacionet e mëparshme,e atëherë,lahu dhe fale namazin’!"
Sahih´ul´Buhari 1- kreu gjashtë-Hadithi num.325

Na ka treguar Kutejbe b.Se’idi,këtij i ka treguar Ismaili,këtij Ejjubi,ky nga Muhammedi,e ky nga Ummu Atija,e cila ka thënë:"Lëngun e zverdhur dhe lëngun e bardhë nuk i kemi numëruar në asgjë." Sahih´ul´Buhari 1- kreu gjashtë-Hadithi num.326

Na ka treguar Ibrahim b.Mundhiri,këtij i ka treguar Ma’ni,këtij ia ka transmetuar Ibni Ebu Dhi’bi,ky nga Ibni Shihabi,ky nga Urve,ky nga Amreja,e kjo nga Aisha, bashkëshortja e Pejgamberit s.a.v.s.,e cila tregon se Ummu Habibja ka pasur gjakderdhje të çrregulluara shtatë vjet.Për këtë arsye e ka pyetur Pejgamberin s.a.v.s.Pejgamberi s.a.v.s.i ka rekomanduar që të lahet,e pastaj i ka thënë:
"Ai është gjak i kapilarëve."Për këtë arsye,ajo është larë për çdo kohë të namazit.(Praktika e Ummu Habibes është anuluar me thëniet plotësuese të mëvonshme të Muhammedit a.s.,sipas të cilave gratë e tilla kanë marrur vetëm abdest për çdo kohë të namazit). Sahih´ul´Buhari 1- kreu gjashtë-Hadithi num.327

Na ka treguar Abdullah b.Jusufi,këtij ia ka transmetuar Maliku,ky nga Abdullah b.Ebu Bekr b.Muha- mmed b.Amr b.Hazmi,ky nga babai i vet,ky nga Amr b.Abdu-r-Rahmani,ky nga Aisha,bashkëshorte e Pejgamberit s.a.v.s.,e cila i ka thënë Pejgamberit s.a.v.s.:
"O Resulullah,Safije b.Hujejit i kanë ardhur menstruacionet.Ndoshta ajo do të na vonojë?’‘
A nuk ka qarkulluar me ju rreth Kabes?’–e pyeti Pejgamberi s.a.v.s.‘Po’–u përgjigjën ato.‘Atëherë dil!’–tha ai. Sahih´ul´Buhari 1- kreu gjashtë-Hadithi num.328

Na ka treguar Mual-la b.Esedi,këtij Vuhejbi,këtij Abdullah b.Tavusi,ky nga babai i vet,e ky nga Ibni Abbasi,i cili ka thënë:"Gruas së cilës i kanë ardhur menstruacionet,i është bërë e lejueshme të udhëtojë (të shkojë nëse e ka bërë tavafin)." Sahih´ul´Buhari 1- kreu gjashtë-Hadithi num.329

Ibni Omeri në rastin e parë ka thënë:"Ajo të mos udhëtojë(të mos shkojë),e pastaj e kam dëgjuar duke thënë:’le të shkojë’,sepse këtë ua ka lejuar Pejgamberi s.a.v.s."
Sahih´ul´Buhari 1- kreu gjashtë-Hadithi num.330

Na ka treguar Ahmed b.Junusi,këtij Zuhriu,këtij Hisham b.Urve,ky nga Aisha,e kjo nga Pejgamberi s.a.v.s.i cili ka thënë:"Kur të të fillojnë ty menstruacionet,lëre namazin,e kur të të ndërpriten,lahu, pastrohu dhe fale namazin." Sahih´ul´Buhari 1- kreu gjashtë-Hadithi num.331

Na ka treguar Ahmed b.Ebu Surejxhi,këtij Shebabe,këtij Shu’be,ky nga Husejn el-Mual-limi,ky nga Ibni Burejde,ky nga Sumre b.Xhundubi,i cili ka treguar se një grua ka vdekur për shkak të barkut (gjakderdhjes në lindje).Pejgamberi s.a.v.s.e fali namazin e xhenazes së saj,duke qëndruar në drejtim të mesit të trupit të saj.
Sahih´ul´Buhari 1- kreu gjashtë-Hadithi num.332

Na ka treguar el-Hasan b.Mudriku,këtij Jahja b.Hammadi,këtij Ebu Avane,emri i të cilit është el-Veddah,nga libri i tij ka thënë:Na ka treguar Sulejman Shejbaniu,këtij Abdullah b.Sheddadi,duke thënë:
"E kam dëgjuar tezen time Mejmunen,bashkëshorte e Pejgamberit s.a.v.s.se ajo,duke qenë me menstruacione,nuk e ka falur namazin,por megjithatë,ka qëndruar afër vendit ku Pejgamberi s.a.v.s.ka bërë sexhde.’Ai e ka filluar namazin në shallin e tij dhe,kur ra në sexhde,më ka prekur një pjesë e teshës së tij,’–tha Mejmunja."
Sahih´ul´Buhari 1- kreu gjashtë-Hadithi num.333

Muharem ibn Shaban ibn Fazliu
Melbourne - Australi.

[Muharem Fazliu]

➪ Pastrimi i shtëpisë nga fotografitë dhe statujtë
بسم الله الرحمن الرحيم
Bismil-lahir-Rahmanir-Rahim

Muslimani duhet pastruar shtëpinë e tij nga çdo statujë,në përjashtim të atyre që janë veçuar,si lodrat e fëmijëve (vajzave).
Gjithashtu dhe [duhet pastruar] nga fotografitë,në përjashtim të atyre që janë të domosdoshme si fotografia e pasaportit,letërnjoftimit dhe dokumente tjera zyrtare.Ngase melaiket nuk hynë në atë shtëpi që në të ka fotografi ose statujë,e siç u tha dhe më parë se nëse lorgohen melaiket nga një shtëpi,atëherë vendosen në të shejtanët. .
Transmetohet se Aishja r.anha,kishte blerë një jastëk [këllëf jastëku] ku në të gjendeshin disa fotografi [vizatime] e kur vërejti Pejgamberi s.a.v.s.,atë u ndal në derë dhe nuk hyri. (E Aishja tha):Vërejta në fytyrën e Tij urrejtje,atëherë i thashë: "O i Dërguar i Allahut,
i pendohem Allahut dhe i kthehem të Dërguarit të Tij,më trego se ç'farë mëkati kam bërë?E Ai i tha:Ç'është ky jastëk? Ajo iu përgjigjë dhe tha kam blerë për t'u ulur dhe për t'u mbështetur në të.Atëherë Pejgamberi s.a.v.s.,i tha: "Pronarët e këtyre fotografive (vizatimeve) do të dënohen në Ditën e Gjikimit dhe u thuhet atyre:Ringjalleni atë që keni krijuar dhe tha:Në atë shtëpi që gjendet fotografi nuk hynë melaiket.
(Rijadus–Salihin Hadis nr.1678). al-Buhari (5607) dhe Muslimi (2108).

Transmetohet nga Ebu Hurejra se i Dërguari i Allahut ka thënë:"Nuk hyjnë melaiket në atë shtëpi që në të gjenden statujë ose fotografi". Rijadus–Salihin Hadis nr.1684).
(al-Buhari,al-Fath,10/380).(al-Sharh al-Mumti',2/198). (Buhari Vol.5 Hadis nr.338)

Nga Ibni Mes'udi r.a. transmetohet se ka thënë: “E kam dëgjuar të Dërguarin e Allahut s.a.v.s.duke thënë:“Dënimi më i ashpër Ditën e Gjykimit do të jetë për piktorët,ata që trajtojnë figura”. (Muttefekun alejhi) (Rijadu Salihin IV Hadith nm.943);
(Rijadus–Salihin Hadis nr.650).

E dije se ndalesa është e përgjithshme që i përfshinë të gjithë llojet e fotografive,pa marrë parasysh se a është fotografi a statujë me hije a pahije,e bërë me dorë (e vizatuar) ose me aparatë.
Nga Ibni Abbasi r.anhuma transmetohet se ka thënë:“E kam dëgjuar të Dërguarin e Allahut s.a.v.s.,duke thënë: “Kush e trajton një figurë në botë,në Ditën e Gjykimit do të obligohet ta frymëzojë me shpirt,kurse ai nuk është frymëzues i shpirtit”.
(Muttefekun alejhi) Rijadu Salihin IV Hadith num.942) (Rijadus–Salihin Hadis nr.1678).
al-Buhari (5607) dhe Muslim (2108). [el-Buhari 7/541,nr.835; Muslim 3/160,nr.5268]
al-Bukhaari (5607) dhe Muslim (2108).

Në këtë kuptim kanë thënë edhe shumica e dijetarëve nga sahabët (shokët e Pejgamberit
s.a.v),Tabi'intë (pasardhësit e sahabëve) dhe pasardhësit e tyre.Ky është edhe mendimi i (medhhebit) të Thevriut,Malikut,Ebu Hanifes dhe të tjerëve.

E nga gjithë kjo përjashtohen fotografitë të cilat nuk përmbajnë shpirt si pemët,
lumejt,bimët,sendet e ngurta etj. Transmetohet nga Se'id ibn ebu Hasani se ka thanë:
Isha tek ibni Abasi e atij i erdhi një njeri dhe i tha: O i biri Abasit unë jam një njeri që kafshatën time e siguroj nga dora ime e unë vizatoj kësisoj fotografi ?!
Ibni Abasi r.a.,iu përgjigjë dhe i tha: Nuk të flas me diç tjetër pos me atë që kam dëgjuar nga i Dërguari i Allahut s.a.v.s.Kam dëgjuar Atë duke thënë: "Kush fotografon një fotografi Allahu do ta dënojë atë derisa ta frymëzojë atë,e ai nuk ka mundësi ta frymëzojë atë asnjëherë (e kur dëgjoji këtë ai) u hidhërua fort,atëherë ibni Abasi i tha:Ke kujdes!Nëse nuk të pëqen dhe ke vendosur të vizatosh,atëherë vizato pemë dhe çdo send që nuk përmban shpirt.
Nga Ibni Abbasi r.anhuma trans¬me¬tohet se ka thënë:“E kam dëgjuar të Dërguarin e Allahut s.a.v.s.duke thënë:“Çdo piktor do të shkojë në zjarr.Çdo figurë që e ka punuar do t'i krijohet shpirti dhe do ta dë- nojë në zjarr (piktura)”. Ibni Abbasi r.a.,ka thënë:
“Nëse këtë patjetër duhet ta bësh,atëherë punoje drurin dhe figurat që nuk kanë shpirt”. (Muttefekun alejhi) Rijadu Salihin IV Hadithi num.941

"Ditën e Gjykimit veshët do t'i mbushen me plumb.Kush krijon figura,do të dënohet dhe do të obligohet t'u japë atyre shpirt (ruh),kurse ai këtë s'do të mund ta bëjë”.
(Buhariu) Rijadu Salihin IV Hadith num.868

Nga Ebu-l Hejjaxh Hajjan b.Husajni trans¬me¬tohet se ka thënë:“Më ka thënë mua Ali (b.Ebi Talibi) r.a.: “A do të të porosis atë që mua më ka porositur i Dërguari i All-llahut s.a.v.s.?, E ajo është: Asnjë fotografi mos ta lësh pa e asgjësuar e as ndonjë varr të ngritur pa e rrafshuar”. (Muslimi) Rijadu Salihin IV Hadith num.944

Transmeton Ebu Talha se i Dërguari i Allahut s.a.v.s.,ka thënë: "Nuk hyjnë melaiket në atë shtëpi që në të ka qenë e fotografi." Poashtu transmetohet nga Aisha r.anha,se ka thënë:
Xhibrili a.s.pat lënë një takim me Pejgamberin s.a.v.s..Erdhi koha e takimit mirëpo Xhibrili a.s.nuk erdhi,e Pejgamberi s.a.v.s.,mbante një shkop në dorën e Tij,e hedhi atë dhe tha:
Allahu nuk ndryshon premtimin e as i Dërguari i Tij,e pastaj u kthye kur pa një qen [klysh] nën shtratin e Tij,atëherë tha:Oj Aishe,kur ka hyrë ky qen në këtë vend?
E ajo iu përgjigj dhe i tha: Vall-llahi nuk di,atëherë Ai urdhëroj që të nxirret [qeni nga dhoma].E nxorri atë,e më pastaj erdhi Xhibrili.Pejgamberi s.a.v.i tha: më pate premtuar që të më takosh e unë të prita mirëpo Ti nuk erdhe,e Ai tha:"Më pengoi qeni që ishte [gjendej] në dhomën [shtëpinë] tënde,ngase ne nuk hyjmë në atë shtëpi që në të ka qenë e fotografi".
Dhe nuk përjashtohet nga kjo përveç se qeni i gjahut dhe qeni për roje me kusht që të mos jetë i zi,ngase Pejgamberi s.a.v.ka thënë:
"Qeni i zi është shejtan." Dhe ka urdhëruar që të mbytet ai,ka thënë: "Mbytne qenin e zi [të mbyllur] dy pikësh [që ka dy shenja në ballë] ngase ai është shejtan."
Poashtu transmetohet nga ibni Omeri që ka thënë se kam dëgjuar Pejgamberin s.a.v.s.,
duke thënë: "Kush mban [ruan] qen pos atij të gjahut dhe të kopes,i pakësohen nga veprat e tij të mira për çdo ditë nga dy kirat [Dy kodra të mëdha sevapesh]”.

Muharem ibn Shaban ibn Fazliu
Melbourne - Australi.