Pergjigje pyetjesh nga hoxha Ahmed Kalaja

[Arrnubi]

Kam nje pyetje.

Sonte per here te pare degjove se Vdekja e Muhamedit ska ardhur si vdekje normale, por degjova se e kane helmuar Jahudite, dhe dua te di a eshte e vertete kjo?

Mbaj mend nga leximi i Mevludit, aty thuhet se ka folur qengji dhe ka thene mos me ha se me kan helmuar , ka lidhshmeri kjo?

A është e vërtetë dhe sa lidhshmëri ka kjo?

Pyetje: Sonte për herë të parë dëgjova se vdekja e Muhamedit s’ka ardhur si vdekje normale, por e kanë helmuar jehuditë. Dua të di a është e vërtetë kjo? Mbaj mend nga leximi i mevludit se aty thuhet se ka folur qengji duke thënë: mos me ha se me kanë helmuar, ka lidhshmëri kjo?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Jo, vdekja e tij, salallahu alejhi ue selem, ka qenë normale. Është e vërtetë se mishi ka folur në gojën e tij te bekuar, salallahu alejhi ue selem. Siç është e vërtetë se Profeti -salallahu alejhi ue selem- ka thënë se e ndjej idhtësinë e helmit në gjuhë, po s’do të thotë kjo që të ketë vdekur si shkak i atij helmimi. Ndërsa mevludi, i nderuar pyetës, nuk konsiderohet referencë shkencore. Allahu e di më së miri.

Ahmed Kalaja
Marre nga Burimi i Jetes

[Arrnubi]

selam alejkum

Doja te drejtoja nje pyetje pse nuk mbahen ligjerata perpara faljes se teravive?
selam alejkum

Pse nuk mbahen ligjërata përpara faljes se teravive?

Pyetje: Selam alejkum! Doja të drejtoja një pyetje: pse nuk mbahen ligjërata përpara faljes se teravive?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Alejkum selam! Faleminderit për sugjerimin, kështu do veprohet në këto 10 netët e fundit të Ramazanit. Allahu e di më së miri.

Ahmed Kalaja
Marre nga Burimi i Jetes

[Arrnubi]

Vuri diskun apo këndoi vet?

Pyetje: Kisha një pyetja për hoxhën e nderuar, sot në mëngjes[1] vuri diskun në minare, apo këndoi vet? Selam!

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Ne nuk vendosim disqe, po këndojmë me zë.

Ahmed Kalaja
Marre nga Burimi i Jetes

[Arrnubi]

A lejohet të falen gratë me pantallona të gjera?

Pyetje: A bën të falen gratë me pantallona të gjera dhe me terneka (bluza) në shtëpi?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Jo nuk bën të falen kështu, pasi veshja për gratë është e përcaktuar qartë që nuk duhet të dallohen format e trupit. Allahu e di më së miri.

Ahmed Kalaja

Marre nga Burimi i Jetes

[Arrnubi]

A i ka dalluar ditët Allahu?

Pyetje: A i ka dalluar ditët Allahu? A ka theksuar në Kuran përveç ditës së xhuma?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Po, ditët e bajrameve, ditën e Arafatit , 10 ditët e dhulhixhes , 10 netët e fundit të Ramazanit, 9, 10, 11 Muharrem. Allahu e di më së miri.

Ahmed Kalaja

Marre nga Burimi i Jetes

[Arrnubi]

A është dita e martë ditë e keqe?
Pyetje: Dua ta di se a është dita e martë ditë e keqe? Disa thonë, e sidomos gratë, se unë kur kam dalë prej shtëpisë me familjen e jam nisur për në SHBA ka qenë ditë e martë dhe për këtë tani po më thonë se nuk do të kem fat. A duhet të vendosim diçka në këtë ditë?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Ka ndaluar Profeti -salallahu alejhi ue selem- çdo lloj supersticioni, falli, besëtytnie si këto; s’kanë të bëjnë me fenë, janë besime me origjine pagane. Allahu e di më së miri.

Ahmed Kalaja

Marre nga Burimi i Jetes

[Arrnubi]

A do m’i fal Allahu mëkatet e bëra më parë?

Pyetje: Eselamu alejkum, hoxh i nderuar! Të kam ndjekur në disa tubime ku keni qenë pjesëmarrës dhe për ju kam dëgjuar vetëm fjalë të mira, Allahu ju shpërbleftë për këtë!
Kam disa vite më një femër dhe me të kam bërë mëkate, por për këto sinqerisht pendohem dhe falje prej Allahut kërkoj. Tani për tani vajza nuk ndodhet në vendin ku unë jetoj, por kur të vijë dua të vendos nikah me të, inshallah.

Dua t’ju pyes: a do m’i fal Allahu mëkatet, duke pasur parasysh se kërkimi i faljes është i sinqertë dhe se unë atë vajzë do ta kem grua, pavarësisht mëkateve që i kam bërë me të pa qenë në nikah?

Jam i sigurt se njerëzit kanë nevojë për mësimet e tua dhe me ndihmën e Allahut ndoshta do të jenë të udhëzuar. Allahu ju shpërbleftë!

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Ue alejkum selam ue rahmetullahi ue berekatuhu!

Këtej nga ne thonë: "Më mirë syri se nami". Allahu na faltë për të metat që s’na i dinë njerëzit.

Vëlla i nderuar, në lidhje me pyetjen tënde,

Së pari, lus Allahun të të ruajë e të të begatoje me një martesë që të jetë dhe vula e fitnes për ty.

Së dyti, o vëlla, kur Allahu iu drejtua në Kuran atyre që dogjën besimtaret, siç është në suren Buruxh, ata që dogjën besimtarët dhe besimtaret po nuk u penduan, do të ndëshkohen me një ndëshkim tepër të ashpër dhe djegës. Kur këtyre Allahu iu la shans e mundësi për t’ua pranuar pendimin, ç’mendon ti për mëkatet e tjera? Ju këshilloj, gjithashtu, të lexoni fundin e sures El Furkan, ku Zoti trajton pikërisht këtë gjë.

Së treti, ajo që ka kaluar ka kaluar, elhamdulilah që ti je penduar, kur ajo të kthehet, vendos lidhje të rregullta martesore (nikah), në mënyrë që të qetësoheni. Allahu jua lehtësoftë!

Së katërti, mos harro se tani që ti do t’i futesh kësaj pune me hallall, do të fillojnë dhe sprovat, sepse deri dje shejtanin e kishit mik, ndërsa tashme për ju ai do te jete armiku dhe si pasojë ju këshilloj të ruheni prej tij. Dua të të them se nëse deri dje me shejtanin si të tretë keni duruar çdo gjë që mund të buronte nga ju të dy karshi njeri-tjetrit, atëherë duroni me Allahun se për hir të Tij ia vlen më shumë. Allahu ju ruajt, o vëllai im!

E lus Allahun të kem qenë i qartë! Allahu e di më së miri.

Ahmed Kalaja

Marre nga Burimi i Jetes

[Arrnubi]

A duhet ta respektoj përgjigjen e nënës në këtë rast?
Pyetje: Eselamu alejkum të nderuar,

Kam njohur një vëlla dhe tani duhemi shumë. Ky vëlla është shumë fetar, i kryen rregullat fetare. Kam menduar që të martohem, por nëna është kundër martesës me këtë vëlla. Nëna ime nuk është shumë fetare dhe për këtë arsye është kundër kësaj martese. Nuk di ç’të bëj tani! Si të veproj dhe a duhet ta respektoj përgjigjen e nënës? Ju lutem për sqarim!

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Përgjegjës për të realizuar martesën e vajzës është babi i saj.

Nëse ata ju ndalojnë për shkak të fesë, të rinjtë besimtarë i marton myftiu ose imami, ose drejtori i ndonjë qendre islame atje ku s’ka myftini e imam. Allahu e di më së miri.

Ahmed Kalaja

Marre nga Burimi i Jetes

[Arrnubi]

A i lejohet femrës të lexojë Kuran në prezencë të meshkujve?
Pyetje: A i lejohet femrës në prezencë të meshkujve të lexojë Kuran, edhe në qoftë se nuk i shikon ata, por vetëm e dëgjon Kuranin që lexohet, duke lexuar me texhvid? Ne që jemi të rinj kemi nevojë për sqarim, pasi shpeshherë në televizor shikojmë gara të Kuranit.

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

S’ka gjë, nëse nuk përben fitne, pa e parë dhe kjo është e nevojshme, përveç rastit të provimit që tolerohet pa u veçuar tek për tek, duke kthyer shpinën. Allahu e di më së miri.

Ahmed Kalaja

Marre nga Burimi i Jetes

[Arrnubi]

A është e lejuar kur vajza është me menstruacione të mësojë Kuran?

Pyetje: A është e lejuar kur vajza është me menstruacione të mësojë disa ajete kuranore (d.m.th: privat në shtëpi)?

Përgjigje: Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Jo, vetëm nëse e ka të nevojshme: ose kur ka provime në Kuran, ose është ndonjë ajet pjesë e dhikrit. Allahu e di më së miri.

Ahmed Kalaja

Marre nga Burimi i Jetes