Serxhio Prelashi

[mondishall]

Eshte pune studimore e autorit, apo permbledhje perkthimesh per 50 histori te ndryshme nga bota?

[Info]

Eshte pune studimore e autorit, apo permbledhje perkthimesh per 50 histori te ndryshme nga bota?

Pune studimore e tij

[Kid Everest]

Të gjthë brezat që vijnë, sapo vetëdija e tyre fillon e formësohet, ndodhen përpara një dileme: Cilët janë paraardhësit e tyre? Si është krijuar raca njerëzore? Po bota që i rrethon? Përballë mosdijes së tyre ata stepen, ngurojnë dhe zhyten në terrin e shumë enigmave, të cilat jeta e shkurtër nuk ua mundëson t’i zbulojnë kurrë deri në fund të saj.

Qysh fëmijë, truri i njeriut mbushet me fantazma, me shtriga, me vampirë, e plot personazhe përrallash saqë edhe gjumi i bëhet i frikshëm. Ai përjeton çdo gjë që i thuhet, çdo gjë që i serviret nga më të mëdhenjtë, pa qenë në gjendje të analizojë raportin e të vërtetës me atë të trillimit. Edhe më vonë, kur madhohet e piqet nga ana logjike, përsëri shumë pikëpyetje mbeten pa përgjigje në mendjen e tij. Bota që nga krijimi i saj e deri më sot është e mbushur me mistere, të cilat me gjithë përpjekjet e pandëprera të njerëzve të aftë për të depërtuar në të panjohurat, përsëri asaj i dallohet vetëm maja e ajsbergut. Njeriu ende ndihet i uritur për të mësuar. Prandaj duke e parë në këtë këndvështrim, libri i sapo botuar i hulumtuesit të ri e të talentuar Serxhio Prelashi, është një rreze drite për të vështruar në thellësinë e kësaj bote. Ai plotëson më së miri këtë vakum mosnjohjeje dhe shpalos përpara lexuesit ato anë të errta e të paditura deri më tani, u jep përgjigje në një farë mënyre pikëpyetjeve të shumta që rëndojnë mbi vetëdijën e gjithsecilit.

Ky djalë energjik e i palodhur, me librin e tij të dytë tregon se po hedh shtat e po rritet plot shëndet si një studiues i aftë, që nesër do të na servirë vepra edhe më interesante. Ai duket sikur është një farefis i numismatikëve, që analizojnë e shpjegojnë periudha të ndryshme të historisë me anë të objekteve të asaj kohe. Kurse Serxhio, duke gërmuar me zell nëpër arkiva, qëmton me kujdes dhe nxjerr në dritë historinë e qenieve mitologjike, objektet e kultit, personazhe e jetë figurash të dëgjuara, biografia e të cilëve ende ka mbetur e errët.

Sapo ballafaqohesh me leximin e këtij libri, të bie në sy se ai është kompozuar sipas një kronologjie të caktuar, dhe ngjarjet apo të fshehtat vijnë e paraqiten përpara syve tanë në hapësirë dhe kohë sipas periudhave kur është krijuar kulti i tyre. Ai e fillon librin e tij me ato objekte që kanë terrorizuar fantazinë e të mëdhenjve e të vegjëlve, me qeniet mitologjike, duke u afruar pranë atyre të një periudhe jo fort të largët. Nëpërmjet një shpjegimi të arsyeshëm dhe kompetent ai rreket të na tregojë e vërtetojë se kush ka qenë në të vërtetë Qiklopi, aq i dëgjuar e stërdëgjuar nga të gjithë, kush është e vërteta e Vampirëve, ç’ishte e çfarë përfaqësonte Zogu Rok dhe a ka egzistuar ai? Të gjithë kemi dëgjuar e folur për sozitë, njerëzit aq të ngjashëm me njëri-tjetrin, por askush nuk e dinte se ata janë me miliona dhe në vende të ndryshëm të planetit. Aty flitet për jetët paralele të Linkolnit me Kenedin edhe pse në një periudhë kohore 100 vjet larg njëri - tjetrit. Aq të shumta janë këto të vërteta të fshehura, siç i quan Serxhio, saqë njeriut do t’i duhej ndoshta dy e treta e jetës së vet që të rrekej për t’i mësuar, mbase dhe jo plotësisht. Personalitete e objekte kulti ndjekin njëri –tjetrin dhe rrëfenjat s’kanë fund. Aty përmenden, misteri i Keopsit, vdekja misterioze e Stalinit, vendndodhja e Dhomës së Qelibartë, jeta e artistëve, Njëzet e Një mrekullitë, objektet e nënujshme, galaktikat etj, etje, një pafundësi të fshehtash, të cilat do të na duhej kohë për t’i analizuar e diskutuar.

Dhe këto të fshehta, kur i lexon të shushatin, të trullosin dhe ti i thua vetes: Sa pak që di

kur filloj të mësoj të di më shumë. E këtë kureshti, që mban gjallë brezat sot e në të

ardhmen, vetëm Serxhio Prelashi është i zoti të na e përmbushë. Sigurisht jo vetëm me

këtë libër, sepse ky është vetëm një pasazh ndaj mijëra të fshehtave që ka mbuluar

errësira e shekujve që nga krijimi i botës e deri më sot.

Nga KUJTIM AGALLIU

[Kid Everest]

Se shpejti ne vitrinat Nju Jorkeze libri i nje shqiptari.
Nje nder shtepite botuese me te medha Amerikane "Publish America" ka bere te ditur sot me ane te nje lajmi qe eshte duke botuar librin e autorit shqiptar Serxhio Prelashi.

Libri i botuar ne Shqiperi ne vitin 2008 dhe mjaft i suksesshem ne vendin tone titullohet: "Te pathenat e Titanic". Liber mjaft interesant ku autori ka permendur gjithcka dhe rreket ti tregoje lexuesit historine me esenciale te Titanikut. Mesa duket ky liber ka terhequr mjaft kryeredaktorin e Publish America,Frederick Jones i cili ka deklaruar qe eshte nje risi e madhe per nje autor kaq te ri.

Serxhio Prelashi vetem 22 vjec pervec fames qe mund te gezoje pas botimit te ketij libri ka dhe nje karriere te hapur ku pason me nje liber te dyte qe eshte botuar ne Shqiperi pak muaj me pare dhe titullohet "Te vertetat e fshehura". Ne Sh.B.A libri i autorit Prelashi do te titullohet "The without saying of Titanic".

[Kid Everest]

Nje skoop qe beri boom jo vetem ne shqiperi

[Kid Everest]

Si u percoll ky skoop ne shqiperi

[Kid Everest]

Artikulli Plote