Dalin nga burgu me raporte false

[ClaY_MorE]

Mashtrimi i 18 të dënuarve. Nën hetim 8 mjekë ligjorë. Masa dhe ndaj prokurorëve

"Tërmet" në Institutin e Mjekësisë Ligjore, pas kontrollit disamujor të ushtruar nga inspektorët e Ministrisë së Drejtësisë. Shkarkim nga detyra dhe kallëzim penal ka qenë propozimi kryesor për 8 punonjës të këtij institucioni, të akuzuar se kanë falsifikuar aktet e ekspertimit për të ndihmuar të dënuar të ndryshëm të fitojnë lirinë, bazuar në këto akte. Lajmi është konfirmuar zyrtarisht nga zëdhënësja e Ministrisë së Drejtësisë, e cila nëpërmjet një njoftimi për shtyp ka bërë të ditur se është përgatitur raporti i parë i hetimit administrativ, ai rreth praktikave të ekspertimit mjekoligjor për disa raste.

Hetimi në Institutin e Mjekësisë Ligjore kishte nisur në mesin e muajit maj të këtij viti dhe ka përfshirë kontrollin e 22 akteve të ekspertimit mjekoligjor. Rezultatet e raportit të Ministrisë së Drejtësisë tregojnë se për 18 të burgosur aktet e ekspertimit ishin joreale. Ata ishin dënuar për vepra penale të rënda si vjedhje, përdhunim, trafikim lëndësh narkotike, vrasje me paramendim dhe janë liruar nga burgjet me arsyetimin se "vazhdimi i qëndrimit në burg rrezikonte jetën e tyre". Sipas ministrisë, "informacionet e grumbulluara janë shqetësuese, sepse ato dëshmojë ekzistencën e një mekanizimi të instaluar institucional të korrupsionit".

Hetimi i ministrisë duket se ka qenë intensiv dhe voluminoz. Gjatë këtyre dy muajve, inspektorët kanë hetuar praktikat pranë Institutit të Mjekësisë Ligjore, kanë shqyrtuar dosjet gjyqësore, si dhe kanë mbledhur informacion për vendndodhjen e të gjithë të burgosurve liruar, gjatë dy viteve të fundit. Gjithashtu, janë marrë informacione që lidheshin me të burgosurit e liruar edhe nga strukturat e Drejtorisë së Burgjeve dhe spitalet në të gjithë vendin.

Në përfundim të hetimeve është përpiluar edhe raporti përkatës, sipas të cilit, "del qartë, se në shumicën e tyre ekspertët e Institutit të Mjekësisë Ligjore, në mënyrë të veçantë ekspertët psikiatër, kanë falsifikuar haptazi aktet e ekspertimit, duke kryer masivisht ekspertiza joreale për personat që ose nuk janë ekzaminuar ndonjëherë ose janë ekzaminuar në një seancë të vetme në kushtet ambulatore, apo për persona të deklaruar recidivë në tentativën e tyre për të vrarë veten, ndërkohë që nga dosjet e tyre personale nuk rezulton të kenë pasur ndonjëherë tentativë për vetëvrasje". Hartuesit e raportit kanë theksuar se "shumica e të dënuarve të liruar gëzojnë shëndet të plotë, janë aktivë në jetë dhe në shoqëri, edhe shumë kohë pas daljes nga burgu ata jetojnë të qetë dhe të patrazuar nga dora e drejtësisë, jashtë shtetit".

Për të gjitha shkeljet ligjore që janë vërejtur në raport propozohen masa të ashpra jo vetëm ndaj ekspertëve të institutit të Mjekësisë Ligjore të përfshirë në këto çështje, por edhe për prokurorët që i kanë ndjekur ato. Sigurisht, propozimet për këta të fundit do t‘u drejtohen organeve të prokurorive nga varen ata. Ndërkohë që Ministria e Drejtësisë bën me dije se së shpejti do të dalë me një raport përfundimtar dhe për pjesën tjetër të këtij fenomeni që ka të bëjë me rolin dhe shkeljet e ligjit nga ana e gjyqtarëve në këtë proces, çka duket se do t‘i trazojë edhe më shumë ujërat në sistemin e drejtësisë.


Akuzat e bëra pikërisht në ditën e drejtësisë nga ministri i Drejtësisë, Ilir Rusmali, për lirimin e të burgosurve me motivacione absurde shënuar edhe startin e një debati që shumë shpejt do të shndërrohej në çështje të ditës. Pas informacioneve që rridhnin në mënyrë jozyrtare nga zyrat e ministrisë dhe që bënin fjalë për një hetim të nisur në strukturat e burgjeve dhe institutit të Mjekësisë Ligjore ja ku mbërrin një raport zyrtar lidhur me këtë hetim. Ky raport, i cili pritet t‘i nënshtrohet edhe mendimit, e pse jo edhe kundërshtimeve të ekspertëve të akuzuar do të shërbejë gjithsesi, për të lëvizur një strukturë pak të dukshme deri më sot për opinionin publik, por që në fakt, ka pasur në dorë shumë jetë njerëzish. Pikërisht fakti që këta njerëz kanë qenë kontingjent i drejtësisë do ta bëjë edhe më të mprehtë debatin që pritet të ashpërsohet në ditët në vijim.

Në raportin e Ministrisë së Drejtësisë janë paraqitur ndër të tjera edhe pjesë nga konkluzionet e mjekëve për të burgosurit që konsideroheshin të sëmurë dhe që më pas kanë fituar lirinë. Ja disa nga frazat tip që janë gjetur në pjesët përshkruese të raporteve psikiatrike, sipas dosjeve të kontrolluara nga inspektorët e Ministrisë.


DOSJA NR. 1

A.M. - i datëlindjes 1972, lindur në Fushë-Krujë, i dënuar për "vrasje dhe armëmbajtje pa leje" me 8 vjet heqje lirie. Është liruar ndërsa i mbetej për të vuajtur edhe 4 vjet nga dënimi.

Në pjesën përshkruese të raportit gjenden fraza tip "Nuk sheh asgjë optimiste lidhur me të ardhmen. Është pesimist dhe e sheh atë të errët. Nuk sheh asnjë motiv për të jetuar… Formalisht kujdeset për veten, por thotë se e bën me vështirësi të madhe… Shprehet se në mëngjes humori i tij në përgjithësi është mjaft i keq dhe i mbushur me ide e mendime pesimiste…"


DOSJA NR. 2

Z.D. - i datëlindjes 1953, lindur e banues në Krumë, Kukës, i dënuar për "vrasje për hakmarrje" me 15 vjet heqje lirie. Është liruar ndërsa i mbetej për të vuajtur edhe 4 vjet nga dënimi.

Në pjesën përshkruese të raportit gjenden fraza tip "Ai nuk jeton kohën e tanishme dhe në qendër të bisedës trajton tema nga jeta shumëvjeçare që ai ka kaluar. Lavdëron në mënyrë patologjike e pompoze kohën e diktaturës komuniste, kryesisht liderin e saj… Nuk mendon fare për kohën e burgimit të tij dhe mendon se mund të flijohet…"



DOSJA NR. 3

A.A. - i datëlindjes 1974, lindur në Shijak, i dënuar për "vrasje dhe armëmbajtje pa leje" me 16 vjet heqje lirie. Është liruar ndërsa i mbetej për të vuajtur edhe 13 vjet nga dënimi.

Në pjesën përshkruese të raportit gjenden fraza tip "Ai u fut në dhomën e mjekut me fytyrë të deprimuar…I Kanë humbur aktualisht dëshirat, iniciativat, dashuria për njerëzit dhe kjo e detyron atë të gjejë një "zgjidhje". Me pas shton me sytë e përlotur se një ditë mund të bëjë që "të lehtesojë veten"…. Ankon së kohët e fundit ka pasur pagjumësi të theksuar, gjatë natës i vinin mendime të karakterit depresiv dhe e shqetëson zhurma dhe drita e fortë…"


DOSJA NR. 4

A.A - i datëlindjes 1975, lindur e banues në Shijak, i dënuar për "marrëdhënie seksuale me dhunë me të mitur të moshës 14-18 vjeç" dhe "Rrëmbim personi në rrethana lehtësuese" me 11 vjet heqje lirie. Është liruar ndërsa i mbetej për të vuajtur edhe 7 vjet nga dënimi.

Në pjesën përshkruese të raportit gjenden fraza tip "Pacienti paraqet ankesa të tilla si pagjumësi, zgjim herët në mëngjes, dhembje koke, melankoli. Mendimet i ka pesimiste, pa shpresë për të ardhmen, qan shpesh, thotë se e ardhmja e tij është të varë veten. Humorin e ka të ulët dhe ka mendime vetëdëmtuese dhe suicidale… Referon se para tre vjetësh, kur ishte në jetë të lirë ka goditur veten me thikë, sepse ishte shumë i mërzitur nga jeta(duket blana në dorë). Gjithashtu referon se nëna e tij vuan nga çrregullime të shëndetit mendor. Ka humbur kënaqësinë për jetën, për të jeta nuk ka kuptim dhe dëshiron t‘i japë fund jetës…."


DOSJA NR. 5

K.K - i datëlindjes 1954, lindur e banues në Llakatund, Vlorë, i dënuar për "vrasje me dashje, mbetur në tentativë" me 6 vjet heqje lirie. Është liruar ndërsa i mbetej për të vuajtur edhe 3 vjet nga dënimi.

Në pjesën përshkruese të raportit gjenden fraza tip "E quan veten të pavlerë, të padenjë, që jeton pa asnjë motiv. Në takimet me familjarët nuk shprehte asnjë afeksion, ishte i zhveshur nga emocionet… Ai ka manifestuar ndjenjën se po e helmonin, ide e tendenca vetëvrasëse, ndjenjën e inferioritetit".



Gazeta Shqip

[Brari]

keto pune nuk jan te reja... pra nuk jane fryte te demokracise..
ne koh te enverit pothuajse gjith kriminelet ordinere..pra vrases e hajdute e dinin kte "qishen per tu falur".. qe ka nickun mjekesi ligjore..

degjonim ahere muhabete te tilla ne popull..

e more vesh.. ja futen me leve kokes cenit.. dhe nashti nuku dihet a do jetoj a jo.. eshte shum rende ne spital..
e kush ja futi.. leven ne koke qyqarit se ai dy fije shpirt kishte i ngrati..
ja ai cuni i canit.. apo cufit..
e ku eshte nashi cuni i cufit..
po ne burg besoj do jete..
jo mo cne ne burg a derzi..qepar e pashe une qe kaloj me motorr a biciklet nga lagja jone.. thosh njeri..
do ket nxjerre raport si duket si psikopat..thoshte tjatri..
e mo ashtu e kan nxjerre.. po dhe ata te mjekesise ligjore e kan shkruar raportin per polici prokurori gjykaten se .. ka ndodhur nje plagosje e lehte.. pra jo vrasje apo tentim per vrasje..
e ju e dini qe leve e celikte.. jo koken e njerit po betonin e hekurin e shparatallon..
me nje fjale ki kontrolli sot eshte bere ne nje shpelle te vjeter te krimit..

vite perpara shkoj me nje shok te ham nga nje akullore te "teuta" .. keshtu i thoshin asaj "kulles" rrumbullake tip koni me baz lart ne plazhin e durresit..ku shitej akullore apo boze .. nga ntshusi a nëtëlapi..
as 5 metra larg ishte gjelltore qoft-ore birraria.. e aty shoh nje goxha burre me kostum e cante qe pinte derrce me ca hajduto kriminele te kohes tip likmeta..
e di kush eshte ai me kostum me tha shoku..
jo thash.. nuk e njoh po si fytryre e pare diku ..
e mo tha shoku.. eshte ai profesori i degjuar i psikiatrise qe del dhe ne televizor nga nje here e shkruan ne shkenca dhe jeta..
po cdo ki thash me keta banditet.. i thash shokut..
po ja tek ki perplasen keta banditet tha.. e ai u leshon nga nje raport e ata i thon burgut me ha m.unë..
keshtu ishte ne koh te enverit..
kishte shum thyers kokash me tulle e leva e masakrues melcish e barqesh me thike e hanxhara te njerzve te pafajshem.. qe dilnin pa lagur nga "drejtesia" e shtetit enverist..
mjer kush krruhej politikisht..me shtetin e dulles..
ate nuk e shpetonte asnje ylvi.. a 100 te tille..
prandaj banditet sapo erdh demokracia..te armatosur me eksperiencen kriminale te kohes enverit.. u ben sa hap e mbill site miljardare e bosa te patundshem..
dhe mafia me nickun Mjekesi ligjore vazhdon si ahere tu sherbeje vampireve e cakenjve.. tash te miliardozuar..