Exit 2007

[Cimo]

Të rinjtë nga e gjithë bota erdhën në Novi Sad javën e fundit për të ndarë muzikën dhe energjinë e festivalit EXIT. Tani, në vitin e tetë, veprimtaria ka ecur një rrugë të gjatë që nga origjina e vet si një seri koncertesh të verës, për këtë qëllim. Sot ajo është një veprimtari e madhe ndërkombëtare që tërheq mbi 100,000 vetë me përzjerjen e vet muzikore, aktivizmin politik dhe dëfrimin.

Festivali i 2007 mezi mbaroi përpara se blogerët dhe anëtarët e forumeve të qenë te kompjuterat e tyre, duke krahasuar veprimtarinë e këtij viti me të mëparshmet. EXIT 2007 ishte "një shfaqje e zbehtë e vitit të shkuar," ankohej Skyen në last.fm.

Blogeri i B92 Gordanac gjithashtu nuk ishte shumë i impresionuar. Prapë, shkruan ai, veprimtaria duhet të konsiderohet një sukses dhe organizatorët arritën standardet që kërkonin.

Të tjerë treguan koncertet e mëdha nga Bisti Bojs, Snup Dogg e të tjerë. "Vu Tang ishte madhështor," shkroi Asthmaflow, një 22-vjeçar serb.

Ivy Emancipated, që poston nga Kanadaja, e konsideron festivalin e këtij viti më të mirin ndonjëherë. EXIT ishte "tepër i mirë dhe patjetër unë do të jem atje vitin e ardhshëm". Një tjetër kroat, Miss Conception, thotë se ajo jetoi "katër ditët më të mëdha ndonjëherë".

Blogeri bullgar Felixkotkov shprehu ndjenja të njëjta. EXIT 2007 "ishte fenomenal", shkruan ai.

Në përgjithësi, blogerët e huaj, veçanërisht kroatët, zor se kanë ndonjë fjalë negative për të thënë rreth EXIT kur diskutojnë për muzikën, ushqimin, strehimin apo përvojën e përgjithshme. E gjithë kritika duket se vjen nga brenda Serbisë, me blogerët vendas që grinden rreth asaj në se festivali i ka mbetur besnik frymës së vet origjinale.

Në portalin muzikor elektronik Jacbri.com, Zen Master nga Kroacia thotë se provoi diçka që do ta kujtonte "deri në fund të jetës". XXX, gjithashtu nga Kroacia, vlerëson mikrpitjen lokale. "Të tillë njerëz të mirë e të dobishëm nuk kam takuar për një kohë të gjatë. Ushqimi ishte kaq i lirë, taksitë gjithashtu."

Dark Sign përmbledh pikëpamjet e ndara nga shumica. "Në EXIT mund të ndjehesh i lirë dhe të kënaqesh nga gjithshka," shkruan ai.
Kjo përmbajtje është autorizuar nga SETimes.com

[OO7]

Vitin e kaluar MTV Exit ka qene dhe ne Vlore. Organizuar shume bukur por i pritur jo me shume entuziazem. Shumica e Shqiptareve priten te dilte ne skene Morandi te cilet i dhane gjalleri festes. Pas Morandit doli Panjabi MC qe ngeli pothuajse pa publik pasi shumica kishin ardhur vetem per Morandin dhe u kthyen per ne shtepi lol

[Cimo]