800 polica te pushuar nga puna qe nga 1 korriku??

[Ermal 22]

Shume numer i madh duket dhe rreforme e thelle per nje vend te vogel sii i yni. Por ndoshta 80 nga ata mund te kene qene vertet police te mire, por kjo lloj qethje masive ne forcat e rendit ngre pikepyetje ne lidhje me shkaqet e faktoret qe jane marre ne konsiderate.


Rinohet policia kryeqytetase
E Hene, 16 Korrik 2007

Punesohen 100 studente te Akademise se Policise “Arben Zylyftari” ne Tirane. Vetem dy jave pasi ne kuader te reformes u liruan nga detyra 800 punonjes policie, sot futen ne radhet e policise se shtetit 100 studente te akademise. Mesohet se te gjithe studentet do te punesohen ne patrullat e pergjithshme ne policine e Tiranes. Burime nga policia e shtetit thane se veprimtaria e studenteve ishte planifikuar me pare. Patrulla e pergjithshme ku do te sherbejne 100 policet e sapodale nga bankat e akademise, eshte nje projekt i iniciuar nga ICITAP. Ne te gjithe Tiranen do te kontrollohen territore nga keto patrulla, qe ka si qellim te jene prane komunitetit, prane lagjeve, per te nderhyre ne cdo moment kur eshte e nevojshme policia, per te nderhyre kunder kundravajtesve dhe kunder cdo shkelesi te ligjit. Sot do te behet edhe ceremonia e pranimit ne policine e Tiranes se 100 policeve te rinj. Burime nga policia thane se 100 studenteve u ishin rezervuar vendet e punes dhe funksioni i tyre kohe me pare, para se reforma te pergatitej. Ata kane permbushur te gjitha kriteret per te qene ne radhet e Policise se Shtetit.
Nje vit me pare, Akademia e Policise ndryshoi menyren e shkollimit per studentet, duke iu referuar akademive te vendeve perendimore. Studentet u trajnuan 20 jave prane Akademise se Policise “Arben Zylyftari” dhe 20 jave ne terren. Gjate trajnimit baze policor, aplikantet u trajnuan per te permbushur te gjitha detyrat e nje punonjesi policie, duke perfshire patrullimin parandalues, hetimin paraprak te krimeve, kontrollin dhe zbatimin e rregullave te qarkullimit rrugor, policimin ne komunitet dhe zbatimin e strategjive bashkekohore te zbatimit te ligjit. Keshtu, qyshkur fituan te drejten per t’u trajnuar 40 jave, 100 studentet pas perfundimit te programit do te caktoheshin si punonjes te Patrulles se Pergjithshme ne Drejtorine e Policise se Qarkut Tirane, per pjesen e pare te karrieres se tyre. Patrulla nis diten e sotme, duke startuar edhe karrieren e gjate te policeve te rinj. Te gjithe patrulluesit e rinj kane mbushur kriteret, te cilat u vendosen per te ndjekur 40 jave trajnime. Ata kane kaluar me sukses testin me shkrim, testin fizik, si dhe shume kritere te tjera te vendosura per te veshur uniformen blu. Policet e rinj do te patrullojne ne cdo kohe ne cdo cep te kryeqytetit, me qellim qe t’i vijne ne ndihme komunitetit dhe te bejne parandalimet e mundshme te ngjarjeve.

gazeta Korrieri

[Ermal 22]

PAMECA: Reforma dobësoi disa sektorë
MARIGLEN MULLAI
18/07/2007 Organizata që mbështet policinë shfaq ankesa në lidhje me shkurtimin e 800 vendeve të punës

Preken departamente vitalë që ndihmojnë vendin për integrim në NATO dhe BE

Largimi nga puna i 800 policëve, që nga 1 korriku i këtij viti, në kuadër të reformës, ka shkaktuar shqetësim të madh tek PAMECA. Kjo e fundit, në një njoftim zyrtar për shtyp, bën të ditur se “si një nga organizatat më të rëndësishme që bashkëpunon me Policinë e Shtetit me qëllim modernizimin e saj, misioni PAMECA ka shprehur shqetësimin e madh në lidhje me mënyrën se si janë bërë largimet e kohëve të fundit nga Policia e Shtetit. Ndërsa numri i personelit të punësuar është pa diskutim një çështje e Qeverisë shqiptare, pasi lidhet me kapacitetet e saj financiare dhe me prioritetet e saj, mënyra se si janë bërë shkurtimet duhet të jetë transparente dhe në përputhje me ligjin”.

Dy shqetësimet

Më tej PAMECA njofton se “që prej bërjes publike të këtyre shkurtimeve, misioni PAMECA ka shprehur shqetësimin e saj, si në mënyrë verbale, ashtu edhe në formë të shkruar se këto largime kanë bërë të pamundur përfitimin ekonomik që pritej si rezultat i trajnimeve me kosto të lartë të kryera nga organizata ndërkombëtare, si të individëve të veçantë apo në fusha specifike të kompetencave”. Ndërsa një tjetër pikë shqetësuese për organizatën e fuqishme që mbështet Policinë e Shtetit në shumë aspekte, ka të bëjë me sektorët e veçantë. Reforma ka sjellë dobësimin e një sërë departamentesh apo sektorësh, të cilat konsiderohet të jenë vitale për vazhdimësinë e projekteve të filluara dhe njëkohësisht për përmbushjen e kërkesave të pranimit në Bashkimin Evropian dhe në NATO”, thuhet në njoftim.

Reforma

Policia e Shtetit njoftoi zyrtarisht në 30 qershor se 800 efektivë do të largoheshin deri në datën 1 korrik të këtij viti. Drejtorisë së Përgjithshme të Policisë së Shtetit dhe reparteve autonome në varësi të saj do t’i shkurtohen 147 funksione organike, ndërsa në strukturat e drejtorive të policisë në qarqe do të shkurtohen 653 funksione. Gjithashtu mësohet se punonjësve të Policisë së Shtetit, të cilëve do t'u shkurtohet funksioni organik do të trajtohen në bazë të ligjit nr. 8661 datë 18.09.2000 “Për sigurimet shoqërore suplementare të punonjësve të Policisë së Shtetit”. Sipas këtij ligji, punonjësve të Policisë së Shtetit që u shkurtohet funksioni organik trajtohen me pagesë kalimtare. Drejtoria e Përgjithshme e Policisë së Shtetit bën me dije se trajtimi financiar me pagesë kalimtare fillon që nga data 01.07.2007.

Ministri Nishani

Në datën 6 korrik të këtij viti ministri i Brendshëm Bujar Nishani ka deklaruar se "të gjithë ata punonjës të policisë që janë prekur nga shkurtimet e fundit, janë tërësisht të mbrojtur nga pikëpamja ekonomiko-financiare". Nga ana tjetër, ai ka bërë të ditur se policët dhe oficerët e liruar së fundi nga reforma, mbeten resurse për t'u riintegruar në momentet e përshtatshme të Policisë së Shtetit.

Dobësimi i sektorëve

“Reforma ka sjellë dobësimin e një sërë departamentesh apo sektorësh, të cilat konsiderohet të jenë vitale për vazhdimësinë e projekteve të filluara dhe njëkohësisht për përmbushjen e kërkesave të pranimit në Bashkimin Evropian dhe në NATO”, thuhet në njoftim.

Përfitimi ekonomik

“PAMECA” ka shprehur shqetësimin se këto largime kanë bërë të pamundur përfitimin ekonomik që pritej si rezultat i trajnimeve me kosto të lartë të kryera nga organizata ndërkombëtare, si të individëve të veçantë apo në fusha specifike të kompetencave.

800 largimet

Policët e prekur do të largoheshin deri në datën 1 korrik të këtij viti. Drejtorisë së Përgjithshme të Policisë së Shtetit dhe reparteve autonome në varësi të saj do t’i shkurtohen 147 funksione organike dhe në drejtoritë në qarqe do shkurtohen 653 funksione.

gazeta Metropol