Papa Benedekti I Xvi Do Te Vizitoj Kombin E Nane Terezes!

[TOKE GEGA]

Berisha takohet me Papa Benedektin e XVI


Kryeministri Berisha, gjatë vizitës së tij në Romë, u takua me Papa Benedektin e 16-të, të cilin e ftoi të vizitojë Shqipërinë, një vend mik dhe të afërt. Berisha, së bashku me delegacionin e Internacionales së Partive të Qendrës së Djathtë, u takuan me Benediktin e 16-të në rezidencën e tij në Castel Gandolfo. Papa Benedikti i 16-të mirëpriti ftesën e kryeministrit Berisha dhe u shpreh për një vizitë të shpejtë në vendin tonë.

[RaPSouL]

Hmmmmmmm , se di , mirepo si vjen era e mire ksaj pune ,!

[l-island]

Sa bukur, Berisha ka nje vizion kohor,

[TOKE GEGA]

Benedikti XVI, meshë për rritjen e ndjenjës së altruizmit tek të krishterët


Papa Benedikti XVI ishte dje për një vizitë pastorale në Veletri, pranë Romës, ku ai vetë ka qenë ipeshkëv nga viti 1993 deri në vitin 2002. Si në Meshën e mbajtur para katedrales së Veletrit, ashtu edhe në Lutjen e Engjëllit të Tenzot në Kastel Gandolfo, Ati i Shenjtë u përqendrua në mënyrën se si të krishterët duhet ta përdorin fitimin dhe pasurinë. Jeta – theksoi Papa në Veletri – është marrja e vazhdueshme e vendimit për të qenë egoist ose altruist, për të zgjedhur logjikën e përfitimit apo atë të solidaritetit. Pasuria jep frytet e veta vetëm nëse ndahet me të varfrit. “Logjika e fitimit, nëse mbizotëron, rrit shproporcionet ndërmjet të varfërve dhe të pasurve dhe shfrytëzimin shkatërrimtar të planetit. Ndërsa, kur mbizotëron logjika e bashkëndarjes dhe e solidaritetit, është e mundur të bëhen korrigjime e të orientohemi drejt një zhvillimi të barabartë, për të mirën e përbashkët të të gjithëve. Në fund të fundit, duhet të bëjmë një zgjedhje ndërmjet egoizmit dhe dashurisë, ndërmjet drejtësisë dhe pandershmërisë, e në përfundim ndërmjet Zotit apo Djallit”. I krishteri pra është i thirrur të nxjerrë fryte nga aftësitë dhe talenti i tij personal, ashtu edhe nga pasuria që zotëron, por duhet t’i ndajë ato me vëllezërit duke administruar mirë gjërat që i ka besuar Zoti. Duke komentuar Ungjillin e Shën Lukës, me shembëlltyrën e shërbëtorit të pandershëm, Benedikti XVI u tha besimtarëve se gjest i madh bamirësie është jo vetëm ndihma e solidariteti ndaj më të varfërve, por edhe lutja për të tjerët. Të gjitha këto duhen bërë me dashuri pasi:
“Dashuria është thelbi i Krishterimit, që e bën besimtarin dhe bashkësinë e krishterë tharm shprese e paqeje në çdo ambient, të vëmendshëm sidomos ndaj nevojave të më të varfërve”. Papa shprehu disa herë kënaqësinë e tij për vizitën e sotme në dioqezën e Veletri-Senjit, ku siç thamë ka qenë ipeshkëv titullar. Para kremtimit të meshës ai bekoi një statujë të Papës Gjon Pali II dhe i dhuroi dioqezës njërën nga kolonat e bronxit dhuruar Benediktit XVI gjatë udhëtimit të fundit në Gjermani. Besimtarët nga ana e tyre i dhuruan një riprodhim të Kryqit të Veletrit.
Pas vizitës në Veletri, Papa u kthye në Kastel Gandolfo për Lutjen e Engjëllit të Tenzot, ku foli sërish për pasurinë e për paratë, duke sqaruar: “Paraja nuk është “e pandershme” në vetvete, por më shumë se çdo gjë tjetër mund ta mbyllë njeriun në egoizmin më të verbër”. Duhet menduar edhe për nevojat e të varfërve, këshilloi Ati i Shenjtë, e nuk duhet harruar se Jezu Krishti nga i pasur u bë i varfër për të na pasuruar me varfërinë e tij, me dashurinë që e shtyu të flijohej për ne. Prandaj, nga mënyra e administrimit të pasurisë mbi këtë tokë do të varet edhe pasuria që secili prej nesh grumbullon për jetën qiellore. Logjika e fitimit dhe ajo e shpërndarjes së drejtë të të mirave materiale nuk janë në kundërshtim me njëra-tjetrën, vazhdoi Papa, me kusht që raporti ndërmjet tyre të rregullohet mirë. Kisha mendon gjithnjë se shpërndarja e drejtë e të mirave materiale ka përparësi. Emergjenca e urisë dhe ajo ekologjike na tregojnë qartë se ç’ndodh kur mbizotëron logjika e përfitimit. Pasi ua besoi besimtarët, qeveritarët dhe ekonomistët Zojës së Bekuar, që t’u mësojë atyre si të administrojnë të mirat materiale të botës me urti ungjillore e solidaritet bujar, Papa përshëndeti të pranishmit. Në mënyrë të veçantë kujtoi pjesëmarrësit e takimit të parë botëror të meshtarëve e rregulltarëve rom, organizuar nga Këshilli Papnor i baritorisë për migrantët dhe endacakët me temë: “Me Krishtin në shërbim të popullit rom”. Kujtoi gjithashtu fushatën kundër analfabetizmit ndërmarrë nga Shoqëria e shën Vinçenc de’ Paolit dhe u uroi studentëve e nxënësve vit të mbarë shkollor.