Ata qe kryen terrorin komunist.

[Morning star]

Bektashinjte/Katoliket/Muslimanet qe u masakruan gjate asaj kohe.





Katoliket....





Muslimanet...

[Morning star]

Ortodokset...

[Morning star]

Opozita 1

edhe Opozita 2

[Morning star]

Flasin Vete Fotot...

[Morning star]

Tmerr..

[Morning star]

Si u eliminuan dhe burgosën 21 pjesëtarët e gjoja grupit armiqësor të ish-kryeministrit
Dënime të tjera pas vdekjes së Mehmetit




Nga 21 të arrestuarit pas vdekjes së Mehmet Shehut, ata që kishin edhe pozitën më të lartë partiake dhe shtetërore nuk i shpëtuan ndëshkimit të Hoxhës. Kështu, Kadri Hazbiu, Feçor Shehu, Llambi Ziçishti, Llambi Peçini u pushkatuan. Me gjithë Fiqret Shehun, bashkëshorten e ish-kryeministrit, që vdiq në burg gjithsej janë 5 të vdekur nga procesi famëkeq i vitit 1982. Këta janë emrat e disa prej funksionarëve të lartë të ish-Byrosë Politike të akuzuar si bashkëpunëtorë të klanit të Mehmet Shehut, duke u dhënë dënimet nga më të ndryshme. Më pas vijnë edhe të tjerë, ku në krye të dënimeve me burg qëndrojnë ish-ushtarakët e lartë, Ramohito, Fejzo, Hasko, Prodani që u dënuan me 23 vjet heqje lirie. Pas tyre vijnë Kristofor Martiro, ish-shefi i degës së veçantë të Sigurimit të Shtetit. Gjykata e Lartë nuk kurseu edhe vitet e burgut për ish-të afërm të Kadri Hazbiut dhe Mehmet Shehut. Vëllezërit dhe kushërinjtë e tyre u mbajtën të izoluar në burg për vite të tëra.
Dënimi, fare i pabazë
Sot, duke analizuar të gjitha gjërat siç janë; zhvillimi i hetuesisë, mënyrat dhe metodat e përdorura gjatë saj, akuzat e bëra për secilin që nuk kishin asnjë bazë, por gjëra të fantazuara, presioni dhe torturat për të pranuar këto me çdo kusht, si dhe nxjerrja e të gjithë dëshmitarëve të përgatitur nga hetuesia se çfarë do të thoshin në gjyq për të akuzuar njërin apo tjetrin pa pasur asnjë fakt konkret, vetëm se gënjeshtra, arrij në disa konkluzione që do të mundem t’i shtjelloj më poshtë sipas mendimit tim. Sipas porosisë dhe urdhrave të Enver Hoxhës, kryesorja ishte që me çdo kusht, gjatë zhvillimit të hetuesisë duhej të dilte se ka ekzistuar një organizatë kundërrevolucionare krijuar dhe e drejtuar nga Mehmet Shehu dhe Kadri Hazbiu, e cila sipas udhëzimeve kishte për qëllim eliminimin e udhëheqjes së lartë të partisë, rrëzimin e pushtetit popullor dhe vendosjen e kapitalizmit në Shqipëri: Mehmet Shehu ka qenë agjent i vjetër i shumë zbulimeve të huaja dhe ka punuar kryesisht sipas udhëzimeve të zbulimit amerikan, me të cilin mbante lidhje të ngushta me të gjitha mjetet si me radio transmetuese, me anën e djalit të tij, Skënder Shehut, që e kishte për studime në Suedi dhe Danimarkë për të marrë udhëzime nga zbulimi amerikan për veprimet e ardhshme të Mehmetit. Se Kadri Hazbiu, duke qenë agjent i jugosllavëve dhe i sovjetikëve, ka qenë krahu i djathë i Mehmetit. Pas goditjes së Mehmetit, me porosi të zbulimeve të huaja duhej të merrte drejtimin e organizatës, të ruante anëtarët e saj dhe të takonte në mënyrë sekrete Mehmetin, t’i jepte atij porosinë që i kishin dhënë zbulimet e huaja, që ai për hir të organizatës dhe për ta ruajtur atë duhej të gjente rrugën e eliminimit të vetvetes. Se në proceset e zhvilluara si ai Beqir Ballukut etj., i ka mbyllur para kohe, nga frika se mos nxirrnin emrin e Mehmetit që ishte drejtuesi i të gjitha grupeve armiqësore, në ushtri, ekonomi, kulturë etj. Se kjo organizatë kishte zhvilluar një aktivitet të madh armiqësor si në lëmin politik dhe në atë ekonomik. Ishte kjo organizatë që kishte organizuar Konferencën e Partisë së Tiranës, e cila kritikoi rëndë udhëheqjen e rëndë të partisë dhe kërkohej të analizohej kulti i individit në parti.
Vlerësime të gabuara
Në janar të vitit 1982, një muaj pas “vetëvrasjes” së Mehmet Shehut arrestohet në fshatin Belsh të Elbasanit, Fiqret Shehu, së bashku me djalin që kishte qenë në Suedi, Skënder Shehu, me akuzën si armiq të partisë. Qëllimi i arrestimit të tyre ishte që ata të vërtetonin se Mehmeti ishte agjent i vjetër i zbulimeve të huaja, kryesisht atij amerikan. Të vërtetoheshin sesi Skënderi ka mbajtur lidhje me shërbimet amerikane, ku merrte udhëzime për babanë e tij, Mehmetin. Fiqreti duhej të vërtetonte e kishte sikur me porosi të Mehmetit gjoja për të parë djalin, por në fakt, do të takonte zbulimin amerikan në Suedi e Danimarkë.
Duket se në fillim, as Fiqreti, as Skënderi nuk pranuan asgjë. Por më vonë, me arrestimin e djalit të tretë, Bashkimit, që ishte akoma i lirë dhe me vdekjen e djalit të madh, Vladimirit, që ishte i internuar në Gramsh, Fiqreti për të ruajtur fëmijët pranoi të thotë çfarë i sugjeroi Hekuran Isaj me hetuesit. Kështu, E. Hoxha realizoi një nga versionet që kishte thënë ai.
Në shkurt të vitit 1982 arrestohet Feçor Shehu, ish-ministër i Brendshëm, por në atë kohë e kishin shkarkuar. Qëllimi i arrestimit të tij ishte që ai të pranonte se kishte qenë agjent i amerikanëve dhe për bashkëpunimin e tij me Mehmet Shehun. Feçori deri në fund, me gjithë torturat çnjerëzore të përditshme, nuk pranoi asnjë gjë për vete dhe nuk tha asgjë për asnjë tjetër. Të gjitha i quajti shpifje të sajuara.
Kush ishin këta njerëz që Enver Hoxha i dënoi si armiq të popullit dhe që ishin vënë në shërbim të zbulimeve të huaja, me qëllim që eliminonin udhëheqësin kryesor të partisë, të rrëzonin pushtetin popullor dhe të vendosnin kapitalizmin në Shqipëri?
Të marrim si shembull Kadri Hazbiun, duke shtruar edhe pyetjen: A mund të ishte ky njeri armik i popullit dhe agjent i zbulimeve të huaja? Kjo kurrën e kurrës, për faktin se Kadri Hazbiu për dekada të tëra, si gjatë luftës dhe gjatë ndërtimit të vendit e kishte treguar veten si njeri i ndershëm dhe besnik i partisë, duke punuar me përkushtim në të gjithë sektorët për të mirën e popullit dhe të atdheut. Akuza dhe dënimi që iu dha Kadri Hazbiut, tregon frikën që kishte Enver Hoxha nga ky njeri që e donte dhe kishte simpatinë një popull i tërë. Enver Hoxha, pasi i eliminoi këta njerëz, kishte për qëllim që të sillte në krye të partisë dhe të shtetit, njerëz të paaftë në mënyrë që t’i hapte rrugën idhullit të tij, Ramiz Alisë, që pas vdekjes së tij ta drejtonte ky i fundit partinë.

Banda e Xhevdet Mustafes

Banda e Xhevdet Mustafës ishte fundi i kombinacionit për arrestimin e Kadri Hazbiut. Atëherë, funksionarë të lartë të Ministrisë së Brendshme kanë pasur dijeni për ardhjen e kësaj bande që në kohën kur ministër i Brendshëm ishte Feçor Shehu. Madje, atëherë janë marrë edhe masa, por Mustafa dhe pjesëtarët e grupit të tij nuk erdhën kur priteshin, gjë që lë vend për dyshime. Banda erdhi në kohën kur ministër i Punëve të Brendshme ishte Hekuran Isaj. Madje, vlen të theksohet fakti, se në këtë kohë ishin hequr forcat e gatshme nga bregdeti shqiptar. Dihej saktë edhe vendi i zbarkimit. Xhevdet Mustafa, Sabaudin Haznedari dhe Halit Bajrami, u nisën me skaf nga Pulja e Italisë dhe zbarkuan në Divjakë të Lushnjës. Xhevdet Mustafa e kuptoi se ardhja e tij ishte një kurth i pastër, ndaj edhe e vrau policin që i doli para, e kërkoi të largohej, por u godit nga forcat rezerviste dhe u detyrua të strehohet në një shtëpi në afërsi të Rrogozhinës. Enver Hoxha dërgoi Kadri Hazbiun për të ndihmuar Hekuran Isajn në eliminimin e bandës. U krijua legjenda sikur Xhevdet Mustafa, ndërsa ishte i rrethuar, kërkoi të takonte Kadri Hazbiun. Një tjetër anëtar i këtij grupi, Halit Bajrami, u dorëzua në postën e policisë, ku ishin prezent Kadri Hazbiu dhe Hekuran Isaj. Dy pjesëtarët e tjerë të grupit u vranë.
Kështu, ardhja e bandës së Xhevdet Mustafës ishte një kurth për ta përdorur si material në gjyq kundër Kadri Hazbiut. Eliminimi i Haznedarit dhe i Xhevdetit ishte i qëllimshëm, për faktin se të dy këta mund të tregonin se ishin përgatitur për të ardhur në Shqipëri. Ekspertë të Sigurimit të Shtetit kanë deklaruar se ardhja e bandës së Xhevdet Mustafës ishte përgatitur nga zbulimi shqiptar dhe për përgatitjen e saj janë dërguar në Itali dy kuadro kryesorë, drejtues të zbulimit. Duke i bërë analizë ardhjes së kësaj bande, krijohet bindja e një plani shumë djallëzor, i studiuar mirë deri në hollësi. Ja si dëshmon në gjyq pjesëtari i bandës i mbetur gjallë.

Denimet per te arrestuarit

1. Kadri Hazbiu, ish-ministër i Mbrojtjes i pushkatuar
2. Fiqret Shehu, gruaja e Mehmet Shehut, vdiq në burg
3. Skënder Shehu, djali i Mehmet Shehut, dënuar me 24 vjet burg
4. Feçor Shehu, ish-ministri i Brendshëm, i pushkatuar
5. Kristofor Martiro, ish-kryetari i degës së veçantë të Sigurimit të Shtetit, i dënuar me 15 vjet heqje lirie
6. Elham Gjika, ish-drejtori i hetuesisë po në ministri
7. Lirim Pëllumbi, ish-kryetari i Degës së Punëve të Brendshme Durrës
8. LLambi Ziçishti, ish-ministër i Shëndetësisë, i pushkatuar
9. Xhavit Ismailaga, ish-berber i Mehmet Shehut, dënuar me 10 vjet heqje lirie
10. Llambi Peçini, ish–drejtor i Drejtorisë së Dytë në Ministrinë e Punëve të Brendshme, i pushkatuar
11. Gani Kodra, ish-efektiv i Drejtorisë së Dytë në Ministrinë e Punëve të Brendshme, i dënuar me 25 vjet heqje lirie
12. Ali Çeno, ish-badigard i Mehmet Shehut, i dënuar me 9 vjet heqje lirie
13. Abaz Fejzo, gjeneral, ish-drejtor i Tankeve në Ministrinë e Mbrojtjes, 23 vjet heqje lirie
14. Arif Hasko, gjeneral i dënuar me 23 vjet heqje lirie
15. Sadik Bekteshi, gjeneral, Hero i Popullit 12 vjet heqje lirie
17. Muhamet Prodani, ish-komandant i Brigadës së Parë pas Mehmet Shehut i dënuar me 23 vjet heqje lirie
18. Halim Rahomito, gjeneral, ish-zëvendësdrejtor i Drejtorisë Politike të Ushtrisë, 23 vjet heqje lirie
19. Hasan Hazbiu, vëllai i Kadri Hasbiut, dënuar me 9 vjet heqje lirie
20. Duro Shehu, Vëllai i Mehmet Shehut, dënuar 8 vjet heqje lirie
21. Idriz Seiti, kushëriri i Mehmet Shehut ish-kryetar Dege në Ministrinë e Punëve të Brendshme, i dënuar me 26 vjet heqje lirie

Pergatitur per art-cafe;http://flori-press.blogspot.com,http...t.blogspot.com nga Flori Bruqi

[bili99]

..Brahim Rizvani........Tek shoh Brahimin te dali nga ferri ku kish mbijetuar per 22 vjet..tek shoh kete mesoburre ne imagjinaten time ..ate djaloshin 15 vjacar qe e kishin marre perbindshit nga bankat e shkolles OH..s'kam se si ta ndal kete lotin tim..kur e parafytyroj mesoburrin e dale ne udhekryq nga ferri ne ferr..Ku nuk ka as nje mirseardhje ku nuk ka as nje perqafim kush ti jep..edhe po te kishte te njohur kush do ta njihte...dhe cka sme bie ndermend..dhe smundem mos te qaje kur shkruaj ne kete moment...Une shoh Brahimin dhe shoh gjithe Shqiperine,tek del fitimtare kunder ferrit por, e lodhur e rraskapitur , e drobitur ,e vrare ne shpirtin me te vlefshmin tempull...e dale fitimtare por, ne udhekryq Shqiperia si vete nje femije i saj Brahimi...
Kurre nuk do te harrohen ato vuejtje ..qe vetem kur i lexoj me shkaktojne aq dhimbje qe i them vehtes pse nisa te lexoj temen...jo se nuk me dhemb vuejtja e popullit tim por, sepse me lendojne aq shume tregimet te pakapshme per imagjinaten time sa qe mund te them me shkaktojne dhembje ne zemer..por edhe palexuar i mbes borxh drejtesise..i mbes borxh Brahimit..Shqiperise......

Kur det behej loti,
Kur kish vdekur liria.
Valle ku ishte Zoti?
Kur varr ish Shqiperia.

Mos u ketheft kurre nje kohe e tille as ne Shqiperi as kund me ne bote......dhe s'ka me madheshtore qe te vuajturit mbijetuan ..dhe ende kane zemer te falin per hire te ardhmerise..per hire te mosperseritjes kurre te asaj qe u ndodhi atyre...o krimi me i madh ne bote..o, krimi qe kurre nuk do te harrohesh ...Mos u perseritsh...KURRE...

Me nderime per vuejtjen e nje populli te tere...me nderime per Shqiperine,
bili99

P.S.
Morning Star...me ke shkaktuar dhembje shume...dhe une si nje njeri qe nuk kam jetuar ne Shqiperi te them se eshte nje nder per te vuajturit ,eshte nje tribut per drejtesine...per Shqiperine ..shkrimet qe ke sjelle ketu jane nje perkushtim i se vertetes..nje mesim historie qe mos te na perseritet kurre me...

[Morning star]

Faleminderit bili99

[Brari]

Botohet dosja origjinale ndaj Beqir Ballukut
Shkruar nga Armand Jonuzi
Tuesday, 07 August 2007
Deri më sot, hetuesi i Ministrisë Punëve të Brendshme, Kristofor Martiro, ka rrëfyer për të gjithë hetimin për të ashtuquajturin grupi puçist i Beqir Ballukut, Petrit Dumes, Hito Çakos dhe Rrahman Parllakut. Ndërkohë një xhevahir i rrallë i ndodhur në arkivat e Ministrisë së Brendshme dhe në arkivat e shtetit del në sipërfaqe për të gjithë opinionin publik.
Gazeta “Tirana Observer”, duke filluar nga sot do botojë të plotë dosjen hetimore me të gjithë fashikujt e saj, me të gjitha procesverbalet, deponimet e të akuzuarve, kërkesat e bashkëshorteve të tyre në gjykatë për ndarje si dhe të gjitha dokumentet e tjera të gjyqit të panjohura deri më tani. Të gjitha këto dokumente tepër të rralla gazeta “Tirana Observer” do t’i botojë në disa numra.


Vendim Mbi fillimin e çështjes penale”

Në Tiranë, më 16.12.1974
Unë zëvendësministri i
Punëve të Brendshme, Feçor Shehu, mbasi studiova materialet në ngarkim të:

1. Beqir Ali Ballukut, i datëlindjes 1917, lindur dhe banues në qytetin e Tiranës, me kombësi dhe shtetësi shqiptare, me profesion nëpunës (oficer), arsim të lartë ushtarak, shtresë e mesme, përjashtuar nga Partia.
2. Petrit Taulla Dume, i datëlindjes, 1920, lindur në katundin Starje të rrethit të Kolonjës dhe me banim në qytetin e Tiranës, me kombësi dhe shtetësi shqiptare, me profesion nëpunës (oficer), me arsim të lartë ushtarak, shtresë e varfër fshatare, përjashtuar nga Partia.
3. Hito Shaqo Çako, i datëlindjes 1924, lindur në katundin Progonat të rrethit të Tepelenës, me banim në qytetin e Tiranës, me kombësi dhe shtetësi shqiptare, me profesion nëpunës (oficer), me arsim të lartë ushtarak, shtresë e varfër fshatare, përjashtuar nga Partia.
4. Rahman Latif Perllaku, i datëlindjes 1918, lindur në katundin Novosej të rrethit të Kukësit, me kombësi dhe shtetësi shqiptare, me profesion nëpunës (oficer), me arsim të lartë ushtarak, shtresë e varfër fshatare, përjashtuar nga Partia.
Konstatova:
Se në materialet në fjalë ka të dhëna që i fajësojnë të lartpërmendurit në kryerjen e krimit të parashikuar nga nenet 64, 73/1 në kombinim me nenin 76 të Kodit Penal.
Duke u bazuar mbi sa më sipër dhe duke patur parasysh nevojën e hetimit të çështjes, i udhëhequr nga neni 95 i Kodit Procedurës Penale,
Vendosa:
Fillimin e çështjes penale kundër Beqir Ballukut, Petrit Dumes, Hito Çakos dhe Rrahman Parllakut për krime të parashikuar nga nenet 64, 73/1 në kombinim me nenin 76 të Kodit Penal.


Zëvendësministri i Punëve të Brendshme Feçor Shehu


VENDIM MBI MARRJEN E ÇËSHTJES PËR VEPRIM

Në qytetin e Tiranës më
datën 22.XII.1974, ne, Nevzat Hasendari dhe Kristofor Martiri hetuesa të Ministrisë Punëve të Brendshme, mbasi pamë materialin në ngarkim të pandehurit Beqir Balluku, i akuzuar për krimet e parashikuara nga nenet 64, 73 e 73/II në kombinim me nenin 76 të Kodit Penal, duke marrë parasysh se nevojitet zhvillimi i hetimeve në drejtim të tij:

VENDOSËM:
Të marrim për veprim çështjen Nr. E cila bën fjalë për të pandehurin Beqir Ballukun dhe të fillojë hetimin përkatës.
Hetuesat
Nevzat Hasendari/ Kristofor Martiri

VENDIM
Mbi vënien e sekuestros
Në Tiranë, më 22. XII.1974, ne, hetuesat e Ministrisë Punëve të Brendshme, Nevzat Hasendari, Kristofor Martiri, mbasi studiuam materialet në ngarkim të pandehurit

Konstatuam:
I pandehuri Beqir Ali Balluku akuzohet për krimet e parashikuara nga nenet 64, 72, 73/II në kombinim edhe me nenin 76 të Kodit Penal. Me qenë se krimet për të cilat akuzohet i pandehuri parashikojnë si masë edhe sekuestrimin e pasurisë që disponon ai, në bazë të nenit 127 të Kodit të Procedurës Penale

Vendosëm:
Të vëmë sekuestron mbi pasurinë që disponon i pandehuri, e përshkruar në procesverbalin “Mbi inventarizimin e pasurisë”, datë 16. XII. 1974, si dhe mbi çdo pasuri tjetër materiale e monetare që ai disponon.

Hetuesat
Nevzat Hasendari/ Kristofor Martiri


Prokurori i Përgjithshëm i RPSH Dhori Panariti

Akt-akuzë

Kundër grupit armik e antiparti të komplotistëve në ushtri, të kryesuar nga Beqir Balluku dhe me bashkëpunëtorë kryesorë: Petrit Dumen, Hito Çakon e Rrahman Përllakun, të akuzuar se:
Si organizatorë të një komploti ushtarak, për një kohë të gjatë kanë zhvilluar veprimtari armiqësore e antiparti, duke synuar të dobësonin dhe të zhduknin rolin e Partisë në ushtri, të shkatërronin ushtrinë dhe mbrojtjen e vendit, të përgatisnin një forcë goditëse kundërrevolucionare për të bërë një puç kundër Partisë së Punës së Shqipërisë, për të likuiduar diktaturën e proletariatit, për t’i përgatitur terrenin një invadimi të huaj, të vendosnin në RPSH diktaturën borgjezo-revizioniste dhe të restauronin kapitalizmin.
Për të realizuar planet e tyre kriminale, të pandehurit, Beqir Balluku, Petrit Dume, Hito Çako e Rrahman Përllaku, nga postet më të larta që mbanin në ushtri, kanë vepruar vazhdimisht e në konspiracion të plotë për të minuar mbrojtjen e RPSH dhe, në radhë të parë për të degjeneruar ushtrinë popullore, për t’i ndryshuar asaj karakterin popullor dhe për të kthyer atë kundër PPSH dhe pushtetit popullor në Shqipëri. Duke zhvilluar një veprimtari të gjerë të shumanshme armiqësore, brenda e jashtë ushtrisë, këta kanë shkelur betimin ushtarak, detyrat dhe idealet e forcave të armatosura të RPSH, që përbën krimin më të rëndë të tradhtisë ndaj popullit dhe Atdheut.

SKEDA

Beqir Balluku
Ushtaraku, që qëndroi për 20 vjet në krye të Ministrisë së Mbrojtjes, u dënua me vdekje dhe u pushkatua më 5 nëntor 1975 për tradhti të lartë ndaj atdheut. Me detyra të larta ai impenjua që në 1943-in si komandant i batalionit partizan “Krujë-Ishëm”, komisar i Brigadës së 3-të Sulmuese, dhe më pas komandant i Brigadës së 2-të Sulmuese. Më 28 janar 1948 ishte emëruar kryetar i Shtatmadhorisë së Ushtrisë. Balluku kreu në Moskë Akademinë Ushtarake “Voroshillov”. Në vitin 1952 ai emërohet ministër i Mbrojtjes. Beqir Balluku u arrestua në vitin 1974, me akuzën për grusht shteti e komplot ushtarak.

Petrit Dume
Petrit Dume, lindi në vitin 1920, në Starje të rrethit të Kolonjës. Ai luajti një rol të madh gjatë Luftës Antifashiste Nacionalçlirimtare. Pas çlirimit Petriti shkoi për studime dhe kreu me sukses Akademinë Komando-Shtabi Gjitharmëshe në Moskë. Që nga vitit 1953 deri më 1974 kreu detyrën e shefit të Shtabit të Përgjithshëm të Ushtrisë shqiptare. Në vitin 1974 ai akuzohet se bënte pjesë i grupit armiqësor të drejtuar nga Beqir Balluku dhe se kishin në plan të rrëzonin pushtetin popullor. Ai u dënua me vdekje dhe u pushkatua së bashku me Beqir Ballukun dhe Hito Çakon

Hito Çako
Hito Çako lindi në vitin 1923 në Progonat të Kurveleshit. Në vitet 1941-1942 hyn në Partinë Komuniste të Shqipërisë. Më pas me krijimin e njësiteve guerile bëhet pjesëtar i tyre dhe më pas komandant. Më 28 maj 1944 emërohet komisar i Brigadës së V-të Sulmuese. Pas çlirimit nga viti 1946 deri 1950, emërohet komandant i Këmbësorisë në Tiranë. Në vitet 1950-1954 mbaron studimet në Akademinë Ushtarake në Moskë. Në fillim të viteve ‘60 emërohet drejtor i Drejtorisë Politike të Ushtrisë. Në fund të vitit 1974 arrestohet si pjesë e grupit armiqësor të drejtuar nga Beqir Balluku dhe dënohet me vdekje.

Rrahman Parllaku
Rrahman Parllaku, u lind më 17 prill të vitit 1919, në fshatin Novosej të Lumës, rrethi i Kukësit. Më 6 janar 1943 u caktua komandant i njësiteve guerile të qytetit të Vlorës deri më 28 nëntor 1943, kur e transferuan me detyrë komisar batalioni. Pas çlirimit Rahman Parllaku vazhdoi studimet në Akademinë e Shtabit të Përgjithshëm të Ushtrisë sovjetike “Voroshillov”. Pas kthimit nga studimet, ai u emërua drejtor i Drejtorisë së Organizim-Mobilizimit në Ministrinë e Mbrojtjes. Në vitet 1969-1970 do të shërbente si komisar i Forcave Ushtarako-Ajrore dhe një vit më vonë u emërua zëvendësministër për Përgatitjen Luftarake të Ushtrisë. Në vitin 1974 arrestohet si anëtar i grupit armiqësor të Beqir Ballukut dhe dënohet me 25 vjet burg.

(vijon nesër)

Në numrat e ardhshëm do të lexoni

¨ Deponimet e ish-ministrit të Mbrojtjes, Beqir Balluku, dhënë përpara Hetuesisë. Riprodhimi origjinal i të gjitha pyetjeve-përgjigje me hetuesit.

¨ Deponimet e Petrit Dumes, Hito Çakos dhe Rahman Parllakut, dhënë përpara Hetuesisë si dhe riprodhimin origjinal i të gjitha pyetjeve-përgjigje me hetuesit.

¨ Dëshmitë e dëshmitarëve, dhënë përpara hetuesve për të gjithë veprimtarinë e katër të akuzuarve si anëtarë të grupit armiqësor.

¨ Procesverbalet e të gjitha dokumenteve, sendeve personale apo materialeve të sekuestruara në shtëpitë e të akuzuarve.

¨ Kërkesa të bashkëshorteve të të akuzuarve, për divorc pas arrestimit të tyre. Si dhe vendimet e gjykatave për zgjidhjen e martesave.

¨ Procesverbalet e hetuesve rreth akuzave të ngritura ndaj “grupit armiqësor”. Kërkesat e hetuesve për shtyrjen e afateve të hetimeve.

gazeta tirana observer