Zyra e tatimeve, 12 milion euro gjobë Top Channel

[Albo]

“Top Channel” lejon të kontrollohet nga tatimorët

Televizioni “Top Channel” pranon bashkëpunimin me degën e tatimpaguesve të mëdhenj, të cilët kanë rreth 7 ditë që kanë nisur kontrollin e dokumenteve

Më në fund, televizioni “Top Channel” ka mëse një javë që ka lejuar organet tatimore që të nisin kontrollet e dokumentacioneve të tij. Sipas burimeve nga dega e tatimpaguesve të mëdhenj (VIP), ky subjekt i ka lejuar këta të fundit të kryejnë kontrollet për të ballafaquar dokumentet dhe shifrat që sipas televizionit “Top Channel” ishin spekulative. Burimet shprehen për gazetën “TemA” se, nuk ka ardhur ende koha për të bërë një vlerësim të qartë të dokumentacionit të paraqitur nga ky subjekt, por shumë shpejt do të arrihet në një konkluzion, i cili ka gjasa të jetë shumë i përafërt me shifrat e nxjerra nga tatimorët prej kontrolleve të jashtme.
Televizioni “Top Channel” ka mbi 5 vjet që deklaron bilance vjetore me humbje, është kreditor ndaj shtetit. Gjatë kësaj kohe, ai ka vazhduar të bëjë investime dhe deklarimet e pagave nuk i përgjigjen realitetit mediatik shqiptar. Sipas kontrolleve të jashtme të ushtruara nga tatimorët, rezulton se një nga punonjësit me pagën më të ulët në këtë televizion është Filip Çakulli, me 14 700 lekë në muaj, ndërsa Agron Llakaj nuk ekziston në asnjërën prej borderove të bizneseve me pronar Dritan Hoxhën.

Faktet

Kontrollet e tatimorëve mbi televizionin “Top Channel” zbardhin faktin se ky biznes ka 3 vjet që nuk është kontrolluar dhe 2 vjet që nuk ka lejuar të kontrollohet nga ky organ. Sipas dokumentacionit të servirur nga Drejtoria e Përgjithshme e Tatimeve, në kuadrin e ushtrimit të detyrave funksionale dhe lajmërimit për ushtrim kontrolli në këtë kompani, organet tatimore nuk kanë gjetur mirëkuptim dhe bashkëpunim me këtë kompani. Përkundrazi, inspektorët nuk janë lejuar të futen as në ambientet e shoqërisë, nuk u janë vënë në dispozicion dokumentacionet e nevojshme dhe ndaj tyre është ushtruar presion psikologjik dhe mediatik. Këto pengesa janë dokumentuar edhe në procesverbalet e datës 02.04.2007; 05.04.2007; 06.04.2007; 10.04.2007. Pas kësaj, në zbatim të nenit 53 të ligjit 8560, datë 22.12.1999 “Për procedurat tatimore në Republikën e Shqipërisë” i ndryshuar, me vendimin numër 1588/5 datë 3.4.2007, kjo shoqëri është penalizuar nga dega e tatimpaguesve të mëdhenj për moslejimin e ushtrimit të kontrollit.

Sipas kuadrit ligjor, më konkretisht nenit 36 të ligjit numër 8560 datë 22.12.1999 “Për procedurat tatimore në Republikën e Shqipërisë” i ndryshuar, organet tatimore kanë të drejtë të vlerësojnë me metoda alternative detyrimet tatimore të shoqërive që rrjedhin nga veprimtaria e tyre. Monitorimi i kryer nga KKRT-ja, i cili është i vetmi institucion ligjor i specializuar për monitorimin e mediave, zbardh faktin se në periudhën prill-maj 2005, rezulton se, “Top Channel” ka deklaruar vetëm 23 % të të ardhurave reale të realizuara nga shitja e reklamave. Pra, evazioni është në masën 77 %. Ky konkluzion është nxjerrë nga vetë KKRT-ja e asaj kohe, e drejtuar nga Halil Lalaj, në raportin për monitorimin e hollësishëm të periudhës 2002-2005. Nga ana tjetër, organi tatimor, duke përdorur metodat alternative ka konkluduar se, për periudhën 2002-2007 “Top Channel”, në vitin 2002 ka deklaruar 57 punonjës, ndërkohë që në shkurt të vitit 2007 janë deklaruar 216 punonjës. Sipas kontrolleve të ushtruara nga tatimorët, rezulton se një nga punonjësit me pagën më modeste në këtë televizion është Filip Çakulli, me 14 700 lekë në muaj, ndërsa Agron Llakaj nuk ekziston në asnjërën nga borderotë e bizneseve me pronar Dritan Hoxhën. Ky numër punonjësish, nuk i përgjigjet realitetit mediatik shqiptar dhe flet qartë për abuzimet dhe fshehjet e sigurimeve shoqërore. Gjithashtu, niveli i pagave të deklaruara nga “Top Channel” është në kufijtë minimalë, duke deklaruar paga të njëjta me sektorin e industrisë me fason, ku siç dihet punojnë njerëz të pakualifikuar. Gjithashtu, krahasuar me nivelin e pagave të Televizionit Publik Shqiptar (TVSH), ato janë rreth 50 % më të ulëta.


Tema

[no name]

Pakti i Stabilitetit për gjobën ndaj "Top Channel"

Pakti i Stabilitetit mbështet
vendet e Evropës Juglindore
në rrugën e tyre drejt
integrimit euroatlantik dhe në
plotësimin e kërkesave të nevojshme.
Sigurimi i lirisë së mediave
është një përbërës kryesor në këtë
proces. Në këtë kuptim, Pakti i Stabilitetit
po monitoron së afërmi
ngjarjet në lidhje me pagesën e
taksave nga ana e televizionit shqiptar
"Top Channel". Liria e medias
është një përbërës thelbësor
i të drejtave njerëzore në një shoqëri
të hapur. Autoritetet qeverisëse
dhe sektorët privatë, përfshirë
edhe mediat, duhet të veprojnë
me transparencë në përputhje
me ligjin. Progresi në implementimin
e sundimit të ligjit dhe
luftën kundër korrupsionit është
një nga prioritetet për qeverinë shqiptare,
ndaj edhe transparenca
në këtë pikë ka një rëndësi të madhe.
Kjo është me rëndësi të veçantë
edhe në sferën e ndjeshme të medias.
Pakti i Stabilitetit, në një linjë
me shumë institucione të tjera të
brendshme dhe ndërkombëtare,
mes të cilave edhe Organizata e
Mediave të Evropës Juglindore
(SEEMO), u kërkon autoriteteve
shqiptare të garantojnë transparencë
maksimale dhe kujdes në
këtë rast sensibël.



gazeta shqip