Varroset pas dy vjetesh studentja e masakruar

E Merkure, 04 Korrik 2007

Kolonje - Nderohet me nje ceremoni te perzishme dhe prehet me ne fund ne nje varr ku mund ta qaje familja e saj, studentja 23-vjecare Matilda Muci, nga fshati Selenice i rrethit te Kolonjes. Ajo u masakrua gati 2 vjet me pare, si rezultat i nje hakmarrje te tipit mafioz. Diten e marte ne mesdite, pasi kishin marre ne dorezim nga prokuroria e Ersekes nje pjese te eshtrave te gjetura Mucit, familjaret dhe te afermit e saj zhvilluan nje ceremoni te gjere varrimi. Ata e derguan ne banesen e fundit, vajzen qe u vra mizorisht dhe u copetua ne nje pjese te fshehur mali, diku nga mesi i muajit shtator te vitit 2005, e qe pas vdekjes se saj u konsiderua si e zhdukur derisa eshtrat u zbuluan rastesisht nga disa barinj te zones. Kur nje pjese e kockave u gjeten me 22 mars te vitit te kaluar, hetimet u bene edhe me intensive.

Policia, jo vetem ajo e Komisariatit te Ersekes, por edhe Drejtoria e Krimeve te Hapura ne Ministrine e Brendshme qe jane edhe sot e kesaj dite ne hetim te ngjarjes se rende, pasi ADN-ja qe e identifikon plotesisht viktimen si 23-vjecaren Matilda Muci, vendosi te qetesoje disi familjaret me dorezimin e eshtrave te gjetura te vajzes, qe ajo te mund te varroset. Babai i vajzes, Feta Muci, duke mposhtur dhimbjen e rende per ate qe ka kaluar sidomos pas vdekjes se 23-vjecares, ish-studente ne vitin e 3-te Universitetit "Fan. S. Noli" te Korces, e konsideroi dreken e mortit si t'i bente asaj dasmen. Pas ceremonise se varrimit, ai shtroi nje dreke ne nje nga lokalet me te njohura te qytetit te Ersekes duke pritur per ngushellim mbi 170 vete.

Nderkohe, burime nga Komisariati i Ersekes, thane se me varrimin e vajzes nuk mbyllet ceshtja e vrasjes se saj, perkundrazi. Nje zyrtar i ketij komisariati tha se "hetimet per vrasjen e 23-vjecares, Matilda Muci, nuk konsiderohen te mbyllura me varrimin e saj, pasi specialiste te Drejtorise se Krimeve te Hapura nga Ministria e Brendshme do vazhdojne punen per zbardhjen e plote te kesaj ngjarjeje dhe zbulimin e autoreve te krimit makaber". Aktualisht ceshtjen e zbardhjes se kesaj vrasjeje e kane marre ne dore dy specialiste te krimeve te hapura, Agron Kuliqi dhe Tonin Vocaj. Burime lokale te policise jane shprehur me kohe, se kane rene ne gjurmet e ekzekutoreve te studentes, duke arritur te zbardhin dhe skemen e krimit, por per efekt te hetimeve teper delikate, nuk behen te njohura rezultate te hetimeve.

Studentja Matilda Muci qe frekuentonte vitin e trete ne kete Universitet, eshte deklaruar e zhdukur nga prinderit e saj me 14 shtator te vitit 2005. Rastesisht, 7 muaj me pas disa barinj zbuluan skelete kockash njeriu, ne nje pyll ne Qafen e Qarrit, vetem pak metra larg rruges nacionale Korce-Kolonje. Qe atehere, policia dyshon dhe po heton ne pisten e nje krimi te ndodhur ne vendin ku u gjend kufoma apo skeleti i copetuar i vajzes se re per motive hakmarrjeje. Dyshohet se pas vrasjes kufoma eshte varrosur me shpejtesi, dhe kafshet e pyllit apo qente e barinjve e kane nxjerre ate ne siperfaqe. Pjeset e pakta te skeletit ishin te pamjaftueshme, ndersa rindertimi i kafkes nga policia shkencore dhe sendet e gjetura ne vendin e ngjarjes cuan grupin hetimor tek emri i Matilda Mucit, banore e fshatit Selenice ne rrethin e Kolonjes.

Vajza shoqerohej me trafikantin e droges

Pas u arrit ne identitetin e vajzes, policia ka pasur si piste te saj zhdukjen e te rese per qellime prostituimi, nderkohe qe pista aktuale e hetimit eshte ajo e implikimit te drejtperdrejte te studentes ne nje rast trafiku droge. Viktima mendohet se kryente rolin e korrieres nga Maqedonia ne Shqiperi e me tej ne Greqi, e shoqeruar nga nje person qe hiqej si i fejuari i saj, i quajtur Bujar Maksuti me banim ne Korce. Ka te dhena nga Komisariati i Kolonjes se i arrestuari ne Greqi, i cili eshte i dyshuar si trafikant droge, mund te jete dhe urdheruesi i krimit makaber ndaj studentes Matilda Muci. Vete Maksuti, eshte prangosur ne shtetin fqinj, Greqi, disa muaj para ngjarjes dhe eshte denuar me 15 vjet burg nga drejtesia greke per trafik droge. Lidhjet telefonike nga burgu mes tij dhe Mucit, kane qene te shpeshta, por dyshohet se prishja e pazareve dhe presioni nga ana e studentes kane nxitur te "fejuarin" e saj te urdheroje vrasjen. Ekzekutoret e saj, sipas policise, jane te identifikuar dhe jane dy persona nga qyteti i Korces te njohur si trafikante droge.




kohajone